Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
February 2018
SunMonTueWedThuFriSat
    123
45678910
11121314151617
18192021222324
25262728   
CalendarCalendar
Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Nrhiav Cov Videos Tawm Tshiab:
  1. sau koj cov lus rau hauv qhov blank search mus nrhiav koj cov videos.
  2. nias rau filter.
  3. nias rau qhov upload date.
Switch Page - Hloov Chaw
Nrhiav Topics & Posts
Ncaim Ntev Lawm Yog Koj Xav Rov Tuaj Nrhhiav Seb Koj Cov Topics Thiab Posts Puas Tseem Nyob Ces Ua Li Nov:
  1. nias rau koj lub npe.
  2. nias rau "Find all topics Started by Username" ces yog mus saib koj cov topics.
  3. nias rau, "topics" ces yog mus saib cov topics koj teb posts.
  4. nias rau, "posts" ces yog mus saib koj cov posts.
Latest topics
» Tuaj Share Duab Paj Zoo Nkauj & Chaw Ua Si
by 8tos8nco Today at 8:55 pm

» Dej Ntws Lug Nqes Hav
by Guest Today at 6:56 pm

» Lub Caij Twg Koj Thiaj Li Nqhis Qaub Taub Ntoos
by Guest Today at 3:41 pm

» Saib Ntses Tshoom Dej Nce Dej
by Guest Today at 2:27 pm

» VALENTINE
by 8tos8nco Today at 8:32 am

» ~KOJ PUAS NOJ TSHAIS~
by 8tos8nco Today at 6:53 am

» Txiv Nai Phoo Duab Rau Koj Khaws Tseg Ua Dab Neeg Hmoob
by Guest Sat Feb 17, 2018 4:38 pm

» Ncoibsim Tus Qub Mob
by Ncoibsim Sat Feb 17, 2018 12:55 pm

» Nyob Zoo Me Darling
by 8tos8nco Tue Feb 13, 2018 10:44 am

» Xyaum Nrog Luag Ua Ib Tug Zoo Tub Xov Xwm
by Guest Tue Feb 13, 2018 10:09 am

» DavDub Mus Blog Tebchaws Part Two
by 8tos8nco Sun Feb 11, 2018 5:52 pm

» Nkauj Hmong Lucy
by Guest Sun Feb 11, 2018 12:47 pm

» Ntuj No Tuaj Lawm
by Nkaujnagtshia Sun Feb 11, 2018 12:04 am

» Ib Puas Tus Ntiv Tes Khwv Rau Kaum Leej Noj
by Guest Sat Feb 10, 2018 6:16 pm

» Lub Me Pajhavzoov
by Nraug Ntses Thu Feb 08, 2018 4:41 am

» Rau Tus Neeg Zoo Nraug & Zoo Nkauj
by Nkaujnagtshia Tue Feb 06, 2018 10:04 am

» Lub Suab Music Nco Koj Thaum Lub Caij Paj Ntoos Tawg
by Guest Mon Feb 05, 2018 1:39 pm

» Haus Coffee Thaum Sawv Ntxov Tsees
by Guest Mon Feb 05, 2018 7:22 am

» Nyiam Koj Lub Ntsej Muag Luag Li Ntxhi
by Guest Sat Feb 03, 2018 2:33 pm

» Nco Tus Hlub
by davdub Fri Feb 02, 2018 10:46 pm

» KUV XAV MUAB KOJ NYIAV IB ZAUG
by Nraug Ntses Fri Feb 02, 2018 10:40 pm

» Koj Tsis Tuaj Ces Lub Chaw Yuav Nphob Mus
by Nraug Ntses Fri Feb 02, 2018 10:24 pm

» Muab rau Nkauj Nag Tshia
by Nraug Ntses Mon Jan 29, 2018 12:46 am

» Nej Dua Twg Tas Lawm??
by Nraug Ntses Mon Jan 29, 2018 12:27 am

» Poj Niam & Txiv Neej Leej Twg Nco Leej Twg Tshaj?
by Nraug Ntses Sun Jan 28, 2018 9:06 pm

» KUV COV PAJ HUAM
by Ntsuj_Plig Sun Jan 28, 2018 7:57 am

» Cas Mus Tsis Rov Tuaj Lawm
by Nraug Ntses Sat Jan 27, 2018 12:48 am

» Nyiam Nagtshia Heev
by davdub Fri Jan 26, 2018 10:55 pm

» Qheb Tos NraugHmoobFaceBook
by Ntsuj_Plig Fri Jan 26, 2018 10:30 am

» Hmoob Lub Neej
by Ntsuj_Plig Sun Jan 21, 2018 8:08 pm

Keywords
year fabkis tuaj hmoob yuav oklahoma chaw pheej hlub poob nkauj ntuj ntws tsag haiv tshiab tshaj 2017 tshais tsis puav dance sacramento lawm hmong stockton
Statistics
We have 78 registered users
The newest registered user is Vibxwb Yaj

Our users have posted a total of 22744 messages in 843 subjects
Who is online?
In total there are 5 users online :: 0 Registered, 0 Hidden and 5 Guests

None

Most users ever online was 95 on Thu Apr 20, 2017 10:10 am
Chaw Nchuav Kub

Share | 
 

 Koj nyiam tus neeg coj tus cwj pwm zoo li cas

Go down 
Go to page : Previous  1 ... 6, 7, 8 ... 11 ... 15  Next
AuthorMessage
nkaujhnubqub
Moderator
Moderator
avatar

Posts : 3191
Points : 3475
Reputation : 15
Join date : 2010-10-08

PostSubject: Koj nyiam tus neeg coj tus cwj pwm zoo li cas   Fri Sep 14, 2012 3:35 am

First topic message reminder :



(right click daim duab koj yuav muaj ntau options ntxiv thiab koj yuav saib duab nrog lub suab music 24hrs los tau)

Koj nyiam tus neeg coj tus cwj pwm zoo li cas?

Tuaj sau qhia kuv thiab seb...
Back to top Go down
View user profile

AuthorMessage
xeebtsheej
Professional Level III
Professional Level III
avatar

Posts : 198
Points : 214
Reputation : 0
Join date : 2013-01-14

PostSubject: Tshwm Sim Tshiab Nag Hmo Xwb    Thu Jan 17, 2013 1:31 pm

Zaj no Tshwm Sim Tshiab Nag Hmo Xwb ( 1/16/2013 )


Kuv tau ua ib zaj npau suav uas nws zoo ntxim li yuav muaj tshwm sim sai sai rau tom ntej no mus :
Nws muaj ntau tab sis kuv muab piav me me tsawg tsawg xwb nawb, nws tau tshwm sim muaj ib yam xwm txheej los mus raug rau kuv tus kheej ces peb thiaj li tau khiav tawm nyias huas nyias txoj sia ces dej nplhau nthwv los mus nyab vaj tse teb chaws ua rau dej los mus nyab txij li sawv daws lub qhov tsos mus rau caj dab li lawm.
Thaum ntawd dej los mus muab peb sawv daws kuav tawm mus ces nyias taus nyias sib huas txoj sia ces dej muab peb kiv ncig mus los, ntawm kuv tus kheej ces kuv tau pom muaj yog , kuv txiv ntxawm , txiv num khais yaj, xaiv looj yaj, thiab kuv peb 3 leeg raug dej muab kuav los mus sib sau ua ke ces peb tau sib vuag los mus sib tuav tes ua ke ces peb thiaj li dim tawm tau rau tim nqhuab lawm !
Zaj npau suav nov nws zoo ntxim li yuav tshwm sim muaj rau tom ntej no mus los kuj tsis paub thiab nawb, caw sawv daws soj qab saib mus seb nws yuav tshwm sim muaj zoo li cas os nawb.
Back to top Go down
View user profile
nkaujhnubqub
Moderator
Moderator
avatar

Posts : 3191
Points : 3475
Reputation : 15
Join date : 2010-10-08

PostSubject: Re: Koj nyiam tus neeg coj tus cwj pwm zoo li cas   Thu Jan 17, 2013 1:49 pm

koj ua npau suav li kuj yuav yog ib zaj zoo rau nej txoj kev sib hlub yuav tsum sib koom siab thiaj tsis muaj kev ntxhov siab mas mog
Back to top Go down
View user profile
Nkaujnagtshia
Moderator
Moderator
avatar

Posts : 1488
Points : 1493
Reputation : 1
Join date : 2012-10-19

PostSubject: Re: Koj nyiam tus neeg coj tus cwj pwm zoo li cas   Thu Jan 17, 2013 5:27 pm

sis nkaujhnubqub kuv nyiam tus neeg uas txawj txawj tso dag kom kuv txhob nkees mloog thiab hais lus luag ntxhi ...thiab tus uas siab dawb thov txog es kam pab yus
ab yog tau tus txawj 2 tham tso dag ma kuv tsis nkees li yim mloog yim xav mloog xwb
tiag sisnkaujhnub Very Happy Laughing
Back to top Go down
View user profile
nkaujhnubqub
Moderator
Moderator
avatar

Posts : 3191
Points : 3475
Reputation : 15
Join date : 2010-10-08

PostSubject: Re: Koj nyiam tus neeg coj tus cwj pwm zoo li cas   Thu Jan 17, 2013 10:46 pm

wow, kuv nyiam koj zaj dab neeg kawg li os xeebtsheejtiav, tab sis "tauv txwv" nws ho zoo li cas yg dab tsi nab?
Ua tsaug ntau ntau os, koj rov tuaj sau dua nawb kuv twb nyeem tas lawm os.
Back to top Go down
View user profile
xeebtsheej
Professional Level III
Professional Level III
avatar

Posts : 198
Points : 214
Reputation : 0
Join date : 2013-01-14

PostSubject: Huab Tais Tsab Thiab Huab Tais Twm   Fri Jan 18, 2013 8:23 am

HUAB TAIS TSAB THIAB HUAB TAIS TWM

Thaum ub, Huab Tais Tsab nyob qaum ntuj. Hos Huab Tais ntiaj teb, nws yog neeg. Nws lub npe hu ua Twm. Ntiaj teb no, luag tsuas cav Twm muaj zog tshaj plaws. Huab Tais Tsab nws txawm tuaj mus ncig ntuj. Hos Huab Tais Twm los nws kuj tuaj mus ncig ntuj thiab. Huab Tais Tsab tuaj ncig rau ntiaj teb no. Ntiaj teb no, mas yog Twm teb chaws. Ces nkawd tuaj mus ncig ntuj, ncig teb. Nkawd txawm tuaj mus sib ntsib rau torn ib lub hav zoov loj loj. Ces Twm txawm hais rau Tsab tias: "Luag tsuas cav qaum ntuj tias Huab Tais Tsab muaj zog tshaj, no puas yog ?" Tsab txawm teb hais tias: "Tej zaum nyaj yuav yog thiab." Tsab hos nug Twm tias: "Ntlaj teb no, luag tsuas cav tias Twm muaj zog tshaj. Ua li puas yog koj ?" Twm teb tias: "Tej zaum nyaj yuav yog kuv thiab." Ces hmo ntawd nkawd txawm sib hais tseg tias: "Tsaus ntuj lawm, ces wb pw. Tag kis tso wb mam li mus sim tes taw." Yog hais tias Twm yeej Tsab, ces Tsab ev Twm cov nra thiab Tsab ev Tsab cov nra, es nkawd mus ncig ntuj. Hos yog Tsab yeej Twm, ces Twm ev Tsab cov nra thiab Twm ev Twm cov nra, es nkawd mus ncig ntuj. Ces nkawd txawm pw ntawm lub plawv zoov ntawd ib hmo. Tag kis, nkawd txawm mus txog torn ib lub tiaj nras. Twm hais rau Tsab tias: "Tsab, ua li koj xub sim kuv, los kuv xub sim koj ?" Tsab txawm teb tias: "Twm, yog koj teb koj chaw, ces koj xub sim ua ntej." Ces Twm txawm hais rau Tsab tias: "Tsab, yog 11 no mas koj nyob twj ywm ntawm no nawb!" Ces Twm txawm mus rau puag torn ub lawm lauj ! Tsab nyob nyob ntawd Ib me ntsls. Ua cas ntuj dub nciab, nag kom sis cua nplawm ntws. Ces Tsam ntsia na has, Twm mas khiav ceev tsis ceev puag torn ub los mus. Ces Tsab cuab nres nroos tos. Twm txawm los tib pam thawj rau Tsab, ua cas Tsam thaub ncho xwb. Twm twb ntog ob peb nrig nphau lawm. Ces Twm pw ntev li peb caug flab, Twm mam li sawv tau rov qab los. Tsab nyuam qhuav pw tsib flab xwb, Tsab twb sawv lawm. Ces Tsab nug Twm hais tias: "Twm, koj tes taw tas li kod lawm lov ?" Twm teb tias:"Aub! Tseem tshuav thtab hos." Ces Twm rov qab lawm thiab lauj! Tsab nyob ib me ntsis tos. Ua cas nrov cuag xob nroo ib tog los. Ces Tsab ntsia na has ua cas Twm tseem khiav ceev ceev los thiab. Ces Tsab cuab nres nroos khov kho tos. Twm khiav ceev ceev los txog ntua. Twm xuas tib pam thawj rau Tsab. Ces xa ua Tsab ntog ib nrig nphau. Hos Twm ntog plaub nrig nphau rov qab, ces Twm pw ntev li peb teev, Twm mam li sawv los. Hos Tsab pw tau peb caug feeb xwb Tsab twb sawv los lawm thiab. Ces Tsab nug Twm tias: "Koj sim tas li no lawm los Twm ?" Twm teb hais tias: "Aub ! Kuv ces tas li no lawm lauj!" Ces Twm ho hais rau Tsab tias: "Tsab, yog li no koj ho sim rau kuv saib seb!" Tsab txawm teb Twm Hais tias: "Yuav sim los sim tiag! Cia ib ntsis tso." Ces Tsab tos tos Twm tsis nco qab lawm. Tsab xuas ncaws taw plawv plo rau Twm. Ces Twm ntog nrig nphau ntsos rau qhov txhia qhov chaw lauj! Ces Twm thiaj li thov Tsab tias: "Thov lauj ! Tsab lauj ! Txij no mus cia kuv hu koj ua tij, tso cia kuv ua kwv. Tso kuv ris koj cov nra thiab kuv ris kuv cov, tso wb mus ncig teb chaws lauj! Koj zog loj dua kuv lawm." Ces Tsab tias: "Yog no, kav tsij ris wb mus ncig teb chaws." Ces Twm ev Tsab cov nra thiab Twm cov, nkawd thiaj li mus. Nkawd txawm mus txog ib lub teb chaws, muaj ib tub zos. Yog lub caij uas nplej siav siav. Ua cas tsis muaj ib tug neeg li. Nyuj twm khiav nroo ntws. Nyuj twm mas noj nplej qhov txhia chaw. Hos qhaib npua quaj zom zaws, tsis muaj neeg pub li. Tsab nkees nkees Tsab txawm pw ua si. Twm txawm mus laij lawm. Twm mus laij txog puag pern plawv zos. Txawm muaj ib lub niag tsev, yog tsev peb tshooj. Txawm muaj ib lub niag nruas loj loj dai hauv.
Twm txawm muab rab niag qws nruas ntaus ib qws. Ua cas txawm hais lus hauv tuaj tias: "Poj Dab es ! Poj Dab ! Ua cas muaj kuv niam thiab kuv txiv lawv noj tas, es niam thiab txiv lawv twb muab kuv kaw rau hauv lub niag nruas no. Salb puas yuav muaj neeg cawm tau kuv ? Ua cas tseem yuav nrhiav tau kuv lawm thiab ? Yog koj yuav noj no ces ua zoo noj los mas." Ces Twm txawm khiav khiav rov los hais rau Tsab tias: "Tsab, kuv mus txog torn lub niag tsev peb tshooj tod, ua cas muaj ib lub niag nruas loj loj dai hauv tsev, ces kuv mus niag qws nruas ntaus ib teg. Cia li hais lus hauv lub niag nruas tuaj tiag. Hais lus hauv tuaj tias Poj Dab nis poj Dab ! Twb muaj kuv niam thiab kuv txiv lawv noj tas lawm, es kuv niam thiab kuv txiv lawv twb muab kuv zals rau hauv lub niag nruas no, saib puas yuav muaj neej tuaj cawm tau kuv. Ua cas koj tseem tuaj nrhiav tau kuv lawm thiab. Yog koj yuav noj no ces ua tib zoo noj los mas! Hais li ntawd hauv tuaj tiag." Tsab teb tias: "Ua li, nyob qhov twg tiag ?" Twm hais tias: "Nyob tim lub niag tsev tid tiag." Tsab txawm hais tias: "Yog li no, koj coj kuv mus saib seb !" Ces Twm txawm coj Tsab mus. Nkawd mus txog, Tsab kom Twm rov ntaus. Twm muab kiag rab niag qws, ntaus ib qws rau. Ua cas rov hais li qhov qub thiab. Ces Tsab thiaj nug tias: "Koj yog neej los yog dab ? Ua cas koj ho nyob hauv kod ?" Ces tus ntxhals nyob hauv lub nruas thiaj li teb tias: "Kuv yog neej hos. Ua li koj yog neej los yog dab ?" Ces Tsab thiaj teb tias: "Nraum no, wb yog neej hos." Tsab thiaj hais rau Twm hais tias: Twm, muab txo los tho xyuas saib." Twm thiaj li muab lub nruas txo los. Twm thiaj li muab tho, na has ua cas tawm plaws ib tug hluas nkauj mas zoo nkauj tas kev li lauj! Ces Tsab thiab Twm nkawd txawm nug tus hluas nkauj tias: "Nej lub zos no ua cas yuav tsis muaj Ib tug neeg nyob li ?
Nplej twb Siav tas npaum no, ua cas tsis muaj neeg hlals li ? Nyuj twm noj nplej tas tej niag tog teb, yog vim li cas ?" Tus hluas nkauj ntawd txawm piav hats tias: "Ob tug leej yawm dab, twb yog muaj ib tug Poj Dab tuaj muab peb lub zos no noj noj tau ob peb xyoos no. Mas nws muab peb cov neeg noj tas lawm. Ces kuv niam thlab kuv txiv nkawd thiaj li muab kuv zais rau hauv lub niag nruas no, saib puas yuav muaj neeg tuaj cawm tau kuv. Kuv txiv mas yog ib tug txiv zos, kuv txiv yeej tua kawg tswv yim lawm nws tua tsis tau li. Niag Poj Dab ntawd thiaj li muab peb cov neeg noj tas." Tsab txawm nug tus hluas nkauj ntawd tias: "Ua li, tus Poj Dab ntawd yuav tuaj tav li cas ?" Tus hluas nkauj teb tias: "Yog tias koj zom zeb tuav cos, mas tag kis tshav ntuj tuaj puv nras xwb, ces nws yeej ya puag tim qab ntug tuaj tiag. Nws ya tuaj tsaws nram txoj kev mus nram hav dej, nws mam li taug kev nrad los." Ces Tsab txawm hals rau Twm thlab tus hluas nkauj tias: "Tshaib plab hwv lawm, Twm neb mus tuav cos coj los ua mov rau peb noj." Tus hluas nkauj teb hais tias: "Kuv ntshai ntshai li. Thov tsis txhob ua li ntawd." Tsab hais rau tias: "Tsis txhob ntshai ! Kav tsij mus tuav los ua mov rau peb noj. Yog tias Poj Dab tuaj no kuv mam li tua." Ces Twm nkawd mus tuav txhuv los ua mov noj tag, twb yuav kaj ntug. Ces tus hluas nkauj ntshai ntshai lauj! Tsab hais Twm tias: "Twm, koj mus khawb ib lub qhov taub." Tsab thiaj li coj tus hluas nkauj nkawd mus nyob hauv. Tsab kom Twm mus zov nram kev hav dej. Tshav ntuj tuaj puv nras. Tsuas tias qab ntug liab ploog, ces niag Poj Dab ya tawm plaws tim qab ntug tuaj, txawm tuaj tsaws ntua nram kev hav dej. Poj Dab txawm los txog ntua ntawm Twm. Ces Twm cia 11 xuas tib ncaws taw rau Poj Dab, ces Poj Dab pov rhees deb li xya hnub xya hmo kev. Ua cas tib pi lag xwb, Poj Dab txawm siv rov los txog ntawd lawm thiab. Twm rov qab tib ncaws taw Poj Dab, Poj Dab pov rhees deb li tsib hnub tsib hmos kev. Tib pliag xwb Poj Dab txawm siv rov los txog lawm thiab. Twm Twm rov tib ncaws taw rau thiab, Poj Dab pov rhees lawm peb hnub peb hmos kev. Tib pliag Poj Dab kuj rov los txog thiab. Twm zog tas lawm lauj! Poj Dab txawm hais rau Twm tias: "Twm, wb sib ntsuas zog, kuv lim lim lawm. Cia tag kis kuv rov tuaj, wb mam sib ntsuas zog dua." Ces Poj Dab cia li rov qab lawm.
Twm thiaj rov los. Tsab nug Twm tias: "Twm, ua cas lawm ?" Twm teb Tsab tias: "Tij laug Tsab lauj ! Ntshal kuv yuav tsis yeej lawm. Ua ua txog thaum kawg, nws saib kuv tsis yeej ces nws cia li rov qab lawm. Nws hais tias tag kis nws mam rov qab tuaj no. Kuv ntshai hwv, vim kuv tsis yeej nws lawm. Tij Laug Tsab, tag kis koj ho mus zov nawb !" Tsab teb tias: "Aws ! Yog koj tsis yeej lawm no, tag kis kuv mam mus zov." Tag kis, ces Twm thiab niag hluas nkauj nkawd ho nyob hauv qhov taub. Nkawd muab ib daig niag txiag los npog. Tsab thiaj li ho mus zov nram kev. Tshav ntuj tuaj puv nras, Poj Dab rov ya ntxiag tuaj tsaws ntua rau nram kev hav dej. Poj Dab ev tub niag pob tawb, nqa rab niag Hag, thiab nws nqa tub niag nruas. Nws tuaj txog ces Tsab hais rau tias: "Niam tais, koj yuav tuaj mus deb tsi ?" Poj Dab teb tias: "Kuv yuav tuaj mus ev Twm nqaij." Tsab hais rau Poj Dab tias: "Twm ces yog kuv ntag." Tsab thiaj li thov thov Poj Dab tias: "Thov lauj ! Niam tais ! Cia kuv tsim noob neej rau ntiaj teb, rau zej rau zos kom coob coob, kom mam li tuaj, koj thiaj tau noj. Nyem no tshuav kuv lawm xwb las as. Yog koj tseem noj kuv lawm thiab ces tsis tshuav noob lawm yuav ua li cas ?" Poj Dab teb tias: "Niam tshuav koj lawm xwb os ! Twb tseem tshuav ob tug nyob pern qhov taub nev !" Tsab thov li cas los nlam tais Poj Dab tsis yib li. Ua li cas los nlam tais Poj Dab yuav muab Tsab tua xwb xwb li. Tsab thiaj li rho hlo yaj phom los tib yaj phom rau Poj Dab. Ces hlua maj hlua ntuag cia 11 muab Poj Dab caws cuag li tus las npua. Tsab txawm hu Twm tias: "Twm, tuaj ev nlam tais Poj Dab mus ua peb noj saib." Twm teb tias: "Koj twb muab khl tau lawm lov ?" Tsab hais tias: "Aws ! Kuv twb muab khi tau lawm, kav tslj tuaj ev mus." Twm thiaj li khiav khiav tuaj txog, Twm muab Poj Dab kwv hlo. Los txog, muab kiag ob ya cav taws coj los rauv kiag. Mus muab kiag lub niag yias thawj tsheb los rau kiag ib yias dej. Yias dej npau npau lawm lauj! Tsab txawm hais rau Twm tias: "Twm kav tsij muab tua los mas." Ces Poj Dab thov thov lauj ! Poj Dab thov hais tias: "Thov tso kuv, cia kuv muab kuv lub nruas thiab kuv tus pas no rau koj tso. Thov koj tso kuv lauj!" Tsab teb tias: "Tsis tau, kav tsij muab tua xwb." Ces Poj Dab hais tias: "Yog li no cia kuv tsa koj cov neeg." Ces Tsab thiaj li teb tias: "Yog li no, koj slm tsa rau saib." Niag Poj Dab thiaj li muab lub niag nruas coj los ntaus. Poj Dab hais tias: "Phoo, phoo, txwm vag txwm loog sawv qawm coog, pha, pha, txwm vag txwm loog sawv." Ces aub ! Zej zos mas ncho pa lug qhov txhia chaw. Hos sawv tau tej tus niag neeg daj daj, lawv mas ntshai Poj Dab kawg. Tsab rov hais rau Poj Dab tias: "Koj sim ua kom rov qab ploj kom tas saib!" Poj Dab muab Poj Dab niag pas tib nkaug hauv. Poj Dab tias: "Ploj kom txwm vag txwm loog, ploj kom tas." Ces rov qab ploj tas lawm. Tsab hais tias: "Koj rov tsa dua." Poj Dab muab lub nruas coj los ntaus li qub thiab hais li qub. Ces rov sawv tas lawm thiab lauj! Tsab hais rau Twm tias: "Twm tua las Twm." Twm nkaus hlo riam yuav tua. Poj Dab thov thov, Poj Dab hais tias: "Thov lauj! Thov koj tso kuv. Zaum no kuv yuav tsis tuaj noj koj teb koj chaw lawm. Hu ua koj lub teb chaws no, mas kuv tsis tuaj li lawm. Thiab kuv muab kuv tus pas rau koj, kuv qhia txuj ci rau koj. Koj muab tus pas no lub hauv paus txhos hauv av, koj tuav yav ntsis, koj hla kiag, koj yuav ya mus rau ib lub teb chaws lawm." Ces Tsab thiaj li hais tias: "Ua li tiag ?" Poj Dab teb tias: "Ua If ntawd tiag tiag li hos !" Tsab thiaj li hais tias: "Yog koj tsis tuaj noj kuv teb kuv chaw lawm no, saib koj yuav kam kuv cim koj qhov twg ?" Poj Dab teb tias: "Saib koj yuav cim kuv qhov twg los nyob ntawm koj li lauj!" Tsab thiaj li rho hlo riam los hlais kiag Poj Dab sab niag pob ntseg. Poj Dab ob sab niag pob ntseg mas ntev ntev li. Tsab txawm muab ib sab hlais pov tseg lawm. Tsab thiaj hais tias: "Kuv cim koj sab pob ntseg no nawb ! Lwm hnub, koj tseem tuaj noj kuv teb kuv chaw qhov twg, yog kuv pom koj, kuv tsis cia koj nyob ntxiv ! Kuv kawg tua koj xwb." Poj Dab thiaj li lees tias: "Ua li los mas ! Yog tias thaum twg kuv tseem tuaj noj koj teb koj chaw, yog koj pom kuv thaum twg, koj muab kuv tua pov tseg kiag." Nkawd cog lus li ntawd. Tsab thiaj li muab niag Poj Dab tso. Poj Dab thiaj ya rov qab rau puag tim qab ntug lawm lauj! Tus hluas nkauj ntawd niam thiab txiv thiaj hals tias: "Ab ! Ob tug me tub neb pab tau peb pej xeem huab hwm lawm, ces cia peb muab nyiaj rau neb." Nkawd teb hais tias: "Wb tsis yuav nyiaj lis, wb pab nej xwb." Niam thiab txiv hais tias: "Yog li mas muab peb tus ntxhais rau neb yuav, neb coj mus ua poj niam." Ces Twm los yuav kom Tsab yuav. Hos Tsab los pheej yuav kom kom Twm yuav thiab.
Tsab thiaj li hais rau Twm tias: "Twm, wb tuaj txog thawj lub teb chaws no, koj twb tsis yeej luag lawm. Wb tseem yuav mus rau lub teb chaws ob thiab peb. Mas ntshal koj yuav tsis yeej luag ib zaug. Cia koj yuav tso, koj ua lawv tus Huab Tais kav lawv lub teb chaws no." Ces Twm quaj quaj. Twm hais tias: "Koj ua tij hais li ntawd, ces yuav los yuav thiab." Twm txawm yuav lawm lauj! Hnub ntawd Tsab yuav mus, Twm thiab niam Twm nkawd tua qaib ntim Tsab su. Nkawd xa Tsab mus txog torn kev, nkawd txawm rov los lawm. Tsab thiaj muab kiag niag pas txheem rau hauv av. Tsab hla kiag, Tsab ya plaws lawm lauj, Tsab txawm ya mus poob rau Fab Kis lub teb chaws. Me txiv xyoob txiv ntoo ntau tas nrho. Tsab txawm mus hauv ib yig niam tub poj ntsuam, nyob puag torn ntug zos. Ua cas ob niam tub ntawd quaj quaj kawg li. Tsab nug los ob niam tub ntawd yeej tsis teb li. Tsab thiaj hais tias: "Niam pog, ntshai koj xav tias khaub hlab li kuv no, tsam tuaj so hauv koj, noj koj es koj pluag, koj thiaj li quaj, puas yog ? Ua cas kuv hais lus, koj tsis teb kuv li ?" Tus niam pog ntawd mam li teb tias: "Tsis yog li koj hais Twb yog Nyav yuav tuaj sau se ! Nws yuav tuaj noj teb noj chaw. Peb tus txlv Huab Tais teb chaws no, nws yeej tua kawg tswv yim lawm, nws tua tsis yeej li Nyav tuaj ib zaug, sau ib tug neeg. Peb tej txiv, Nyav yeej muab sau mus noj tas li lawm. Zaum no, Nyav yuav tuaj sau txiv Huab Tais tsev neeg ib tug no. Mas txiv Huab Tais muaj ib tug ntxhals hu ua Nas Hoom, yuav muab tus ntxhais ntawd rau Nyav noj. Peb hlub hlub nws es peb thiaj li quaj xwb." Tsab txawm teb tias: "Ua li, lawv yuav muab xa mus rau Nyav noj qhov twg ?" Tus niam pog ntawd teb tias: "Lawv yuav muab xa mus rau puag tim lub tsev loj loj slab siab, puag tid. Nyob puag tim lub tsev peb tshooj, nyob kawg nkaus tshooj saum ub. Tag kis qaib qua mas Nyav tuaj noj ntag." Tsam txawm hais tias: "Niam pog lauj ! Koj kav tsij ua hmo rau peb noj, kuv khaub khaub hlab, kuv yuav mus nrhiav zog ua. Tsam tsis muaj neeg yuav kuv ua hauj lwm. Kuv yuav mus ntxov ntxov, saib puas tau hauj Iwm." Niag niam pog ntawd thiaj ua hmo rau Tsab lawv noj tsuag tsuag tas. Tsab thiaj li khiav khiav mus txog tim qab lawj Ua cas dej mas nrov tsij tsuag rau hauv qab lawj. Cov dej ntawd mas yog Nas Hoom cov kua muag xwb. Tsab thiaj li nee kiag mus xyuas. Tsab mus txog theem ib, muaj ib lub niag hub dej. Hub dej ntawd yog Nyav hub dej ntxuav taw. Tsab tib roob riag rau hub niag dej tawg tas. Tsab ho nee mus txog theem ob, muaj ib lub hub dej thlab. Yog Nyav hub dej da. Tsab kuj muab tsoo tawg tas thiab. Tsab nee mus txog theem peb, kuj muaj ib lub thoob dej huv huv. Thoob dej ntawd yog Nyav thoob dej yaug ncauj. Tsab kuj roob riag ua tawg tas nrho lawm thiab. Tsab thiaj li mus txog, Tsab pom Nas Hoom quaj tib tug pos muag nti xwb lauj ! Tsab mus hais hais lus rau los tsis teb. Tsab thiaj hais tias: "Nas Hoom, ua cas kuv hais lus rau koj, koj yuav tsis teb kuv ? Koj xav tias tsam kuv tuaj noj koj, koj ntshai tsam koj tuag, koj thiaj tsis teb kuv, puas yog ?" Nas Hoom thiaj hais rau Tsab tias: "Koj kav tsij khiav. Nyob tsam ib me ntsis koj ntshai." Tsab hais tias: "Yog vim li cas koj hais li kod ?" Nas Hoom teb tias: "Yog kuv niam thiab kuv txiv lawv muab kuv xa tuaj rau Nyav noj. Koj kav tsij khiav tsam koj ntshai." Tsab thiaj nug hais tias: "Nyav yuav tuaj thaum tav li cas ?" Nas Hoom teb tias: "Tag kis thaum qaib qua thawj tsig, ces Nyav tuaj ntag." Tsab hais tias: "Yog li no tsis ntshai! Kav tsij so kua muag, es los kho chaw rau wb pw. Yog hais tias tag kis kuv pab tsis tau, koj yuav quaj mam quaj. Cia li so kua muag los kho chaw pw." Ces Nas Hoom thiaj li so kua muag kiag los kho chaw rau nkawd pw lawm.
Tag kis qaib qua thawj tsig, Tsab sawv ntxov ntxov los. Tsab nug .Nas Hoom tias: "Yuav tuaj los tsis tau ?" Nas Hoom teb tias: "Qaib twb qua thawj tsig lawm, ib me ntsis yuav tuaj ntag laiv!"
Ua cas Nyav twb tuaj txog pern qaum tsev lawm tiag lauj ! Cuag nkaus li xob daj zaj nroo xwb lauj ! Nyav mas nim luag cuag nkaus li txiv nees hee. Nyav nkag kiag los rau theem ib, pom lub hub ntxuav taw tawg lawm. Nyav cem cem tias: "Tus me txiv Huab Tais no, cas yuav heev tas npaud? Tseem muab kuv lub hub ntxuav taw no tsoo tawg tas lawm ne !" Nce mus txog theem ob, cas pom lub hub dej da tawg tas lawm thiab. Nyav ho nce mus txog theem peb, uas muaj lub hub yaug ncauj. Ua cas kuj tawg tas lawm thiab. Ces Nyav npau npau taws, Nyav hais tias: "Txiv Huab Tais no, cas yuav heev ua luaj! Kuv sim mus xyuas nws saib." Nyav nyuam qhuav muab tau hau thiab ib sab taw nkag kiag los hauv tsev xwb. Tsab cia li tib ntag rau, ua nqaj tsuag tu nrho, mus txiav kiag Nyav caj dab tu nrho. Rab riam plam plaws mus tib teg tus taw fab tu nrho. Rab riam mus ntsia kiag rau hauv av, mus tob li ib dag thiab. Nyav thiaj li poob los huab cheej rau hauv qab lawj, ua lub roob ntawd mas deeg daws cuag li xob tua. Tsab rab ntaj ntais kiag ib qho luaj li ib nti. Tsab thiaj dawj kiag los txog ntua, Tsab muab kiag qhov ntaj ntais ntawd rau Nas Hoom. Tsab rho hlo nws daim ntaub thav ntxwv los hlai kiag ib qho rau Nas Hoom thiab. Tsab thlaj hals rau Nas Hoom tias: "Nas Hoom, koj nyob twj ywm nawb ! Kuv mus nclg ntuj peb xyoos kuv mam los yuav koj. Koj tsis txhob yuav leej twg nawb ! Yog muaj neeg nqa cov puav pheej no tuaj piv tsis haum, mas koj txhob yuav nawb!" Tsab thiaj li khiav khiav los lawm lauj ! Tsab los hais rau ob niam tub tias: "Ab ! Kuv nrhiav 1b hmo zog ua tsis tau li, kuv txom nyem dhau hwv lawm, ces koj ua tshals rau peb noj tso kuv yuav rawm mus. Tsam pom kev ces kuv txaj muag." Niag niam pog ua tshais tsuag tsuag rau Tsab lawv noj tas. Tsab mus txog ntua ntawm ntug zos. Ces Tsab ya plaws lawm. Tag kis kaj ntug, txiv Huav Ta1s tso tub mab tub qhe tuaj mus xyuas. Ua cas yawg Nyav taub hau tu lawm. Hos yav cev nyob tib ya ntxeev kws pern qab lawj xwb lauj ! Tub mab tub qhe cav qhua qhua hais tias yog tub mab tub qhe tuaj no. Hos Nas Hoom mas zoo slab kawg li lauj ! Txiv Huab Tais qhov ntaub thiab rab ntaj uas Tsab muab ntawd tas. Txiv Huab Tais thlaj li hu tas txiv Huab Tais yim meem teb ntawd tuaj. Kom nqa ntaj tuaj piv tag, los tsis muaj leej twg li phlm rau qhov ntais ntawd li. Nqa ntaub tuaj piv los tsis muaj leej twg muaj daim ntaub txaij li ntawd li thiab.
Tsab thiaj li ya mus poob rau Yij Poos teb chaws. Tsab tseem mus pom ib tug niam pog quaj quaj thiab. Tsab hais lus rau los tsis teb li thiab. Tsab hais ib yam li uas Tsab hais rau tus niam pog Fab Kis los tsis teb li thiab lauj! Tsab nug nug ces niam pog ntawd thiaj li teb hals tias: "Kuv quaj no mas twb yog muaj ib tug niag niam Poj Dab nqws ib sab pob ntseg tuaj muab peb teb chaws noj. Zaum no nws noj txog txiv Huab Tais lawm. Txiv Huab Tais yuav muab nws tus ntxhais hu ua Nas Vab rau Poj Dab noj. Peb hlub hlub nws, peb thiaj quaj. Niag Poj Dab ntawd nws tuaj mas tej hnub nws noj kaum tus, muaj tej hnub nws tsis noj kuj muaj." Tsab txawm hais tias: "Txiv Huab Tais nws twb yog ib tug Huab Tais diam ! Ua cas nws tsis tua kom yeej." Niag niam pog ntawd teb tias: "Txiv Huab Tais mas tua kawg txuj ci lawm." Tsab hais tias. "Yog txiv Huab Tais tua tiag mas yeej yeej xwb. Nws tsis ua tiag ces nws kuj tsis yeej xwb." Niag niam pog ntawd txawm ua hmo rau lawv noj tag. Niag Niam poj ntsuam ntawd txawm khiav khiav mus taug xaiv rau txiv Huab Tais tias: "Muaj ib tug me nyuam hlua, nws ntsej muag liab ploog, nws hais tias koj twb yog Huab Tais koj tseem tua tsis yeej Poj Dab thiab. Nws hais li ntawd tej zaum nws muaj txuj ci yuav pab tau koj laiv, txiv Huab Tais." Txiv Huab Tais xav xav, txiv Huab Tais ua tau plaub txwm tswm ciab. Muab tsheb mus tos Tsab los Tsab tsis kam li. Txib Huab Tais ho ua rau txwm tswm ciab. Los Tsab tsis kam tuaj li thiab. Txiv Huab Tais xav xav, hos ua kaum ob txwm tswm ciab mas tos Tsab. Tsab xav xav, Tsab hais tias: "Ab ! Txiv Huab Tais, pom xeeb ua npaud, kuv lam mus, ntshai yuav pab tsis tau txiv Huab Tais." Tsab thiaj li mus txog, mas txiv Huab Tais lawv nim quaj quaj. Tsab thiaj hais tias: "Tij laug txiv Huab Tais, ua cas koj tseem tua tsfs yeej thiab. Huab tua pov tseg las as ! Yuav tseg nws ua dab tsi ? Niag nyob noj yus teb chaws xwb, tseem tsis tua." Txiv Huab Tais teb tias: "Kuv twb tua kawg kev lawm, tua tsis yeej li. Koj twb tuaj txog ntawm kod lawm, thov koj pab tua." Tsab hais tias: "Txiv Huab Tais lauj ! Kuv txawm tuaj txog lawm los kuv yuav pab tsis tau koj thiab. Tab sis kav tsij so kua muag. Yog tias tag kis, pab tau no ho pab, pab tsis tau no nej mam ho quaj dua." Huab Tais lawv thiaj li so kua muag tas. Lawv pw ib hmo kaj ntuj. Tav li noj tshais tas, tshav ntuj tuaj puv nras. Ces Poj Dab ya tuaj tsaws nkaus nram hav dej. Tsab thiaj li khiav nkaum zoj. Poj Dab los txog ntua, Poj Dab ua tawv tawv rau txiv Huab Tais Tsab mam li tawm plaws los ntsiab nkaus Poj Dab plaub hau. Tsab hais rau poj Dab tias: "Nyuag tsov torn no ! Koj tsis paub hais tias kuv twb hlais koj ib sab pob ntseg cim lawm no los ua cas ! Kuv twb hais rau koj tias kom koj txhob tuaj noj kuv teb kuv chaw lawm no nev ! Zaum no, mas kuv yuav muab koj tua pov tseg kiag xwb." Ces txiv Huab Tais lawv mas nim zoo zoo siab li lauj ! Tsab thiaj li muab niag Poj Dab pav kiag, caws tib pob. Tsab yuav muab tua. Niag Poj Dab thov thov tias: "Tsab, yog koj yuav tua kuv no, cia kuv hu cov noj teb noj chaw ib yam li kuv tuaj tso. Kom lawv pom thiab lawv paub, lawv thiaj li tsis tuaj noj teb noj chaw." Tsab thiaj li hais tias: "Yuav hu los hu." Niam tais Poj Dab thiaj hu tuaj sawv tsheej phiaj ntsia lauj! Tsab thiaj li muab niag Poj Dab tua kiag pov tseg. Niag Poj Dab thiaj li tuag kiag zaum ntawd lawm. Txiv Huab Tais lawv zoo siab kawg.
Huab Tais thiaj li muab kiag Tsab tsa ua Huab Tais. Huab Tais thiaj muab kiag Mas Vab rau Tsab yuav ua Tsab poj niam. Txiv Huab Tais lawv txo dej txo cawv haus. Noj nqaij haus cawv tau peb hnub peb hmo. Txiv Huab Tais thiaj muab kiag Huab Tais rau Tsab ua. Tsab tsis kam ua, Tsab hais tias: "Txiv Huab Tais, kuv tsis ua Huab Tais. Yog koj teb koj chaw. Kuv tsuas pab koj xwb. Qhov kawg kiag, kuv tsuas yuav koj tus ntxhais xwb. Ntawm Huab Tais, mas cia koj ua koj li qub. Zaum no yuav tsis muaj tus tuaj noj teb noj chaw qhov twg li lawm. Kuv tuaj pab tau koj teb koj chaw. Kuv yuav koj tus ntxhais lawm, kuv yeej yuav hlub xwb. Kuv yuav rov qab nawb ! Txiv, koj lub teb chaws no, tsuas muaj zoo mus lawm yav tom ntej xwb nawb." Tsab thiaj li coj nws tus poj niam los txog torn ntug zos. Ob tug ya plaws lawm lauj! Ob tug ya plaws los tsaws ntua rau Fab Kis lub teb chaws. Tsab rov qab los nyob hauv niag niam poj ntsuam tsev. Niag niam poj ntsuam ntawd txawm mus taug xaiv rau Huab Tais Fab Kis tias: "Hmo uas tuaj tua tus Nyav ntawd, muaj ib tug me nyuam hluas me me, nws tuaj nyob hauv kuv tsev. Hmo ntawd tsis pom nws lawm, tag kis nws los ntxov ntxov, nws los noj mov tag ces nws txawm mus lawv. Nyav cia li tuag lawm xwb. Ntshai yuav yog nws tua xwb." Txiv Huab Tais nug tias: "Nyem no, tus ntawd nyob qhov twg ?" Niam poj ntsuam teb tias: "Nws los nyob nram kuv tsev nrad." Txiv Huab Tais hais rau nws cov tub mab tub qhe tias: "Tub mab tub qhe mus hu nws los saib!" Tub mab tub qhe mus hu nws los txog, ua cas ris rawv rab nyuag ntaj. Txiv Huab tais kom nws thau nws rau ntaj los xyuas, na has ua ciav nws rab ntaj ntals tlag. Ces Txiv Huab Tais muab qhov nyuag ntais coj los piv, ua cas dhos daws tiag lauj! Txiv Huab Tais hais tias: "Yog tus no ntag lauj!" Txiv Huab Tais hos xam tsis pom daim nyuag ntaub li. Nas Hoom thiaj hais tias: "Txiv, tshawb hauv nws hnab tshos naj." Ces Txiv Huab Tais thiaj tshawb hauv Tsab hnab tshos tau ib lub nyuag txws xwb. Txiv Huab Tais txawm muab lub nyuag txws ntawd qhib, ua cas tau ib daim ntaub tiag lauj! Nas Hoom hais rau nws txiv tias: "Tus tua Nyav yog tus no tiag, txiv." Muab kiag qhov ntaub los piv, ua cas yog tiag lauj! Huab Tais thiaj li tshaj rau mam txiv zej tsoom paub tias: "Tus tua yawg Nyav yog tus no nawb !" Nyuam qhuav hais li no xwb, xob cia li tua tib rhe nrov nrov lauj! Tsab tsis, yog tus nyuam yau puag ta lawm. Ua cas yog tib tug yawg loj loj siab slab. Hos ua cas Tsab hnav tib ce ris tsho zoo zoo nkauj li lawm.
Txiv Huab Tais thiaj li hais tias: "Tsab, koj tua yeej kuv teb kuv chaw lawm. Cia kuv muab kuv tus ntxhais rau koj. Muab kuv tus ntxhais rau koj yuav tso koj nrog kuv nyob." Tsab yuav Huab Tais tus ntxhais Fab Kis ntawd los ua niam yau. Tsab thiaj los nyob rau hauv Fab Kis teb. Tsab los ua Huab Tais Fab Kis. Tsab thiaj xa xov rau Twm, thiab rau cov pej xeem Hmoob nyob rau sab ntuj nraum no paub. Tsab hais rau Twm tias: "Twm, koj hais rau koj cov Hmoob paub tias kuv tuaj no, kuv tuaj ua Huab Tais Fab Kis lawm. Yog thaum twg nej muaj xwv txheej dab tsi no hais tuaj rau kuv paub. Kuv tuaj pab nej nawb." Ces thaum ua rog Fab Kis mas yog li ntawd. Yog muaj tsov muaj rog los Fab Kis thiaj 11 tuaj pab Hmoob. Huab Tais Tsab mas yog Hmoob, nws mus ua Huab Tais rau Fab Kis teb lawm xwb. Nws mus ua Huab Tais rau sab ntuj nraum ub lawm. Hos Twm ua Huab Tais rau sab ntuj nraum no.


Last edited by xeebtsheejtiav on Sat Jan 26, 2013 8:36 pm; edited 2 times in total
Back to top Go down
View user profile
Sponsored content




PostSubject: Re: Koj nyiam tus neeg coj tus cwj pwm zoo li cas   

Back to top Go down
 
Koj nyiam tus neeg coj tus cwj pwm zoo li cas
Back to top 
Page 7 of 15Go to page : Previous  1 ... 6, 7, 8 ... 11 ... 15  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Love & Relationship - HLub & Phooj Ywg-
Jump to: