Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Yajceebtshiab
 
8tos8nco
 
PajTshiab
 
Ncoibsim
 
Latest topics
» Peb Hmoob Noj Peb Caug Txawv Heev
by Guest Today at 11:08 am

» NkaujNagTshia Lub Chaw Seev Lus
by Yajceebtshiab Yesterday at 6:32 pm

» Tseem Nyob Tos
by Guest Yesterday at 1:31 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Yesterday at 1:01 pm

» Hlub Koj Nyob Deb
by 8tos8nco Yesterday at 12:26 pm

» Hmoob Tuav Cos
by Guest Yesterday at 7:42 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

Keywords
niam hlub vang bauj Nyob nrhiav Npauj ntsuab txhiaj nkauj siab lawm txoj muaj ntxhoo neej Npaim txiv hmoob liab hmong NkaujNyiag duab baim muas neeg
Statistics
We have 67 registered users
The newest registered user is tubsiabzoo

Our users have posted a total of 22583 messages in 922 subjects
Who is online?
In total there are 10 users online :: 0 Registered, 1 Hidden and 9 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 Koj nyiam tus neeg coj tus cwj pwm zoo li cas

View previous topic View next topic Go down 
Go to page : Previous  1, 2, 3, 4, 5, 6, 7, 8  Next
AuthorMessage
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Koj nyiam tus neeg coj tus cwj pwm zoo li cas   Fri Sep 14, 2012 3:35 am

First topic message reminder :

Koj nyiam tus neeg coj tus cwj pwm zoo li cas?
tuaj sau qhia kuv thiab seb
Back to top Go down
View user profile

AuthorMessage
xeebtsheej
Professional Level III
Professional Level III


Posts : 199
Points : 213
Reputation : 0
Join date : 2013-01-14

PostSubject: Nuj Sis Loob Thiab Muam Nkauj Ntsum   Fri Jan 18, 2013 12:03 pm

NUJ SIS LOOB THIAB MUAM NKAUJ NTSUM

Puag thaum ub ov, muaj ob niam txiv yug tau ib tug me nyuam tub, nkawd muab tis npe hu ua Nuj Sis Loob no. Ciav Sis Loob hlob los ov, Sis Loob kawm dab tsi ]os txawj. Zaj tshoob txiv xaiv los txawj. Txawj txawj qeeg li. Nyob ntuj Sua teb torn peg, txawm muaj ib tug ntxhais hu ua muam Nkauj See. Hos Sis Loob mas nyob ntuj sua teb torn taug. Ntxawm Nkauj See nyob ntuj Sua teb torn peg. Luag txawm muaj neeg tuaj mus nqes tsev yuav nws lauj. Ces ntxawm Nkauj See niam txiv neej nus zoo siab muab tshoob tas lawm lauj! Ntxawm Nkauj See thiaj hais tias: " Aub! Ua li cas los nej yeej yuav muab kuv rau lawv no, ces cia nej mus hu kom tau Nuj Sis Loob nyob ntuj Sua teb torn taug tuaj tshuab qeej xa tshoob no, ces kuv mus kuv li ua neej. Yog nej mus hu tsis tau Nuj Sis Loob tuaj tshuab qeej xa kuv tshoob ces kuv mus los kuv yeej tsis ua neej li nawd!" Ces tog niam txiv neej nus txawm tso neeg nug Sis Loob moo tshuav tuaj ntag lauj! Tuaj tuaj txog ntuj Sua teb torn taug, tuaj nrhiav tau Sis Loob lauj! Thaum ntawd mas Sis Loob yeej muaj poj niam lawm. Nkawd muaj ib tug me tub zaum taus lawm. Ces luag tuaj nrhiav tau Sis Loob. Sis Loob txawm lees mus lawm lauj. Sis Loob tias: " Aub! Neb mus. Txog nyuj hli kaum tsib tso kuv mam li tuaj." Luag txawm rov qab lawm lauj! Luag rov mus npaj dej npaj cawv txhij lauj! txog nyuj hli tim kaum tsib, ces Sis Loob noj tshais tas nws yuav mus tiag. Tab sis tsis muaj kev, hav zoov nuj txeeg. Ces Sis Loob poj niam txawm hais rau Sis Loob tias: " Sis Loob, cas koj yuav tsis mloog kuv lus? Cuaj kaum los koj yuav mus xwb. Niag ntuj deb kev ncua ntev. Niag hav zoov nuj xiab zoo li no. Koj mus koj tsis lam taus lam haus dej nawd! Thaum twg koj yuav haus dej mas koj ce peb taus tes pov qab deg, peb taus tes pov hauv dej, koj mam li haus nawd!" Sis Loob txawm tig los plhws nws tus me tub taub hau tas, Sis Loob txawm tuag lawm lauj! Sis Loob tuaj lawm tau ib hnub ob tog tsaus, ces hnub ob Sis Loob nqhis nqhis dej lauj!
Lub hav twg los qhuav qhawv xwb. Sis Loob txawm seev tias: " Ab! Cas yuav nqhis kuv dej ua luaj! Lam muaj ib tug dej nyob qhov twg es kuv sim mus haus ib pas saib?" Ces ib niag Poj Ntxoog, mas nws yeej nyiam nyiam Sis Loob thaum ub lawm, niag Poj Ntxoog txawm hnov. Nws txawm khiav khiav mus ua ntej, mus tso zoj zis rau torn ib lub hav qhuav uas nyob ntawm ncauj ke es Sis Loob yuav mus thiab ntag. Tso zoj zis, tsuas tias me kwj nrov tiv tauv ntag. Sis Loob txawm hnov, cas dej nrov tiv tauv? Sis Loob xav tias: "Ab! Nqhis hwv ces mus haus lauj!" Sis Loob mus txog htawm ntug dej, Sis Loob txawm tsis nco nws poj niam lo lus lawm lauj! Sis Loob txawm ce zoj tau ob taus tes los haus tas nrho, ce tau ib taus tes los npuav yaug nws rab qeej tsuag tsuag tas nrho, muab nchuav nthwv pov tseg. Sis Loob nyuam qhuav mus zoj ob peb dag xwb, niag Poj Ntxoog txawm siv luag tawg nto pern qaum kev tias: "Aub yaud! Sis Loob niam heev diam! Cas haus kuv qub thiab." Sis Loob txawm cem tias: "Nyuag nkhaus taw kod! Koj tsis yeem hais ntau nawd!" Niag Poj Ntxoog cia li ploj ntais lawm lauj. Sis Loob txawm mus ntxiv thiab. Mus mus txog ntua ib lub hav zoov nuj xiab. Pob zeb pob tuas lawm xwb lauj! Txoj kev mas kawg nkaus hauv niag dawm ntawd lawm. Sib Loob txawm chaws dhau plaws lawm thiab, tsis ua cas.
Sis Loob mus txog ntua ntuj Sua teb torn peg ov. Luag mas niam ua noj ua haus pa taws ncho log lauj! Luag niam noj haus nchuav ntwv, tos Sis Loob xwb lauj! Sis Loob mas niam mus tshuab tshuab qeej xa ntxhais Ntxawm Nkauj See, tshuab tshuab ib hmo. Tag kis yuav kaj ntug, ho yuav tshuab xa ntxhais Nkauj See mus lawm torn tus vauv tsev. Ces hnub ntawd Sis Loob nyob tsis qab li lauj! ua li cas los ntxhov Sis Loob siab li lauj. Nws tshuab tsis tsheej qeej li. Ces Sis Loob txawm hais rau nws tus phooj ywg uas nrog nws tshuab qeej xa tshoob ntawd tias: "Ab! Kwv yaig kwv luag lauj! Tav no ces koj nyob koj khee wb qeej tshuab, koj khee wb nqaij noj lauj! Kuv tuaj lawm, kuv tseg tau kuv tus me tub nyuam qhuav txawj luag nrog kuv poj mam nyob torn tsev xwb tsis muaj neeg nrog zov li. Ntxhov kuv siab dhau hwv lawm. Tsis pom qab yuav ua li cas. Koj nyob tso. Koj ua ib siab khee wb qeej tshuab mog." Tiam sis twb yog niag Poj Ntxoog los yuj Sis Loob siab xwb. Ces luag cuaj cheem kaum cheem los cheem tsis tau Sis Loob li lauj! Cuaj kaum los Sis Loob yuav rov qab xwb. Luag cheem cheem tsis tau, ces Sis Loob txawm los lawm lauj! Sis Loob rov los txog ntua lub zoov nuj txeeg uas yog lub dawm ti ti, es neej dab kev los kawg ntawd. Cas Sis Loob txawm los ntsib ib tug niag Poj Ntxoog pw caws taw vos ntawm kev. Sib Loob los txog nws txawm hais tias: "Ab! Leej muam, cas koj yuav los pw ntawm kod?" Niag Poj Ntxoog txawm teb tias: "Leej yawm dab, twb yog kuv nkees nkees es kuv lam pw xwb los mas." Sis Loob hais tias: "Ab! Leej muam, koj sawv! Kuv los mus tso yuad. Nyob tsam kuv hla koj laiv mog, leej muam." Niag Poj Ntxoog txawm hais tias: "Ab! Leej yawm dab, koj los mus koj los mas! Kuv nkees nkees, kuv tsis sawv os." Sis Loob tias: "Ab! Txhob ua li. Kuv maj kev tiag laiv, leej muam." Poj Ntxoog tias: "Ab! Koj maj ces koj hla los mus tiag, leem yawm dab." Ces niag Poj Ntxoog cuaj kaum los tsis sawv li lauj! Sis Loob nrog sib cav txaus nkaus los tsis sawv li thiab. Hais li cas los tsis sawv li. Sis Loob txawm hais tias: " Ab! Leej muam yog tias cuaj kaum los koj yeej tsis sawv lis no, kuv hla koj. Koj tsis txhob tu siab laiv, leej muad." Poj Ntxoog tias: "Tsis tu los mas, leej yawm dab. Koj maj ke, ces koj los koj xwb los maj!" Sis Loob txawm hla nruam los, Poj Ntxoog txawm lawg taw rau Sis Loob. Sis Loob ntog ua yas daws rau ntawd lawm lauj! Yuav mus lawm torn ntej los mus tsis taus. Yuav rov los rov tsis taus lauj! Sawv los tsis tau li lawm thiab! Thaum ntawd Sis Loob thiaj seev hais tias: "Ab! Leej twg npab ncab tsa tau kuv ces kuv ua nws nyab. Leej twg npab ntev tsa tau kuv ces kuv ua leej twg sev lauj!" Poj Ntxoog txawm sawv tsees ntag. Nws hais tias: "Tiag los, Sis Loob? yog kuv tsa tau koj sais kuv yuav koj laiv! Yog koj tsis yuav kuv mas kuv tsis zoo siab nawb!" Sis Loob teb tias: "Aub! Tiag os, leej muam. Yog koj tsa tau ces kuv yuav tiag." Niag Poj Ntxoog txawm cev loo tes los tuav nkaus Sis Loob tes rub loo Sis Loob sawv tsees. Cas rov muaj zog li qub ntag, yuav mus twg los mus taus lawm thiab lauj! Niag Poj Ntxoog txawm coj Sis Loob mus lawm lauj! Niag Poj Ntxoog ua ntej ces Sis Loob txawm lawv niag Poj Ntxoog qab lawm thiab. Thaum ntawd, ob tug txawm tsis taug kev lawm lauj, mus hav zoov lawm xwb! Nkawd mus mus ib hnub, txawm mus txog rau pern ib lub roob. Tshaib tshaib Sis Loob plab. Kkawd mus me ntsis ntxiv, cas ntsia nram tiaj, na has cav muaj ib lub nyuag zos Hmoob. Muaj ib lub roob nyob ze ntawd Sis Loob nkawd mus nyob nyob saud tau peb hnub. Sis Loob txawm seev tias: "Ab! Cas yuav nqhis kuv taum paj ua luaj! Paub li kuv nyob kuv hauv tsev, ces ntshai kuv sev niam nkauj Ntxawm twb zom taum paj rau kuv noj lawm te!" Poj Ntxoog txawm nug tias: " Tiag los, Sis Loob?" Sis Loob tias: " Tiag! Nqhis taum paj kawg tiag hos!" Poj Ntxoog txawm hais tias: " Aub! Yog li no ces koj nyob twj ywm, es kuv mus nrhiav los rau koj noj kom koj txhob nqhis nqhis nawd!" Niag Poj Ntxoog txawm dam tau ib re nplooj rau Sib Loob tuav. Niag Poj Ntxoog txawm lawm zoj me ntsis, txawm mus nyiag tau Hmoob ib phiab taum paj taum tsuab ncho lug ttiiab ib fam tawb mov txua los rau Sis Loob noj.
Sis Loob nyob nyob tau ib hnub torn qab ntxiv. Nws txawm rov seev hais tias: "Ab! Cas yuav tsis tsim txiaj, es yuav tsis nrog yus poj niam me nyuam nyob, es yuav tuaj nyob tus niag zoo li no? Nyob li yog kuv nyob kuv hauv tsev, tej niag cooj laus qaib ntshe kuv sev niam nkauj Ntxawm twb tua rau kuv noj lawm te! Cas yuav tuaj nyob ua khab ua khuav li no?" Niag Poj Ntxoog txawm hais tias: "Tiag los, Sis Loob?" Sis Loob teb tias: "Tiag hos!" Niag Poj Ntxoog txawm hais tias: " Yog li no ces, Sis Loob, koj nyob twj ywm ntawm no, es kuv mus nrhiav los rau koj noj yuad!" Sis Loob thiaj teb tias: "Aws! Koj sim mus nrhiav saib puas tau maj!" Niag Poj Ntxoog txawm dam zoj tau ib re nplooj rau Sis Loob tuav. Ces niag Poj Ntxoog nyuam qhuav mus txog nram ntug zos xwb, txawm muaj ob tug yoov los tsaws Sis Loob qhov muag. Sis Loob tsis paub, Sis Loob txawm muab rev nplooj los nplawm yoov. Ces dev torn tsij qees lauj! Hmoob txawm tawm plaws hauv tsev tuaj. Ces neeg qw zom zaws tias: "Aub yaud! Dev torn Poj Ntxoog lawm lauj! Sis Loob tsis paub li. Nws rau rau siab muab rev nplooj nplaws yoov lauj! Hmoob txhaub dev torn ceev ceev Poj Ntxoog tuag lawm lauj! Sis Loob txawm xav xav, ab! Ntshai yog kuv tsis paub, kuv muab rev nplooj los nplawm yoov, es thiaj thaiv tsis tau niag Poj Ntxoog ntag lauj! Ab! Cas kuv yuav tsis paub? Nyem no Poj Ntxoog tuag lawm ces ntshai yuav tsis muaj neeg nrhiav rau kuv noj lawm lauj! Ab! Ntshai kuv yuav rov muab qub yeej cum tso rov mus tsev lauj! Ces Sis Loob txawm rov qab los txog ntua ntawm qhov niag Poj Ntxoog pw tav nws kev ntag. Ces Sis Loob txawm los pw tav nws kev ntag. Txog ntawm kern tsua ti ti ntawd ntag. Sis Loob txawm los pw tav kev ntawd thiab ntag. Cas ib me ntsis zoj xwb, Ntxawm Nkauj See txawm siv ib lub zam lub kaus piav yeev tuaj txog ntua ntawm qhov Sis Loob pw thiab ntag lauj! Ntxawm Nkauj See txawm nug tias: "Yawm dab, ua li cas koj yuav los pw qhov no nab yuad?" Sis Loob tias: "Ab! Yog kuv nkees nkees es kuv thiaj li los pw qhov no naj." Nkauj See tias: "Koj sawv, es kuv yuav tuaj mus lawm torn kuv niam thiab kuv txiv lawv. Nyob ntsis kuv hla koj laiv!" Sis Loob tias: "Aub! Leej muam, koj maj kev ces koj hla koj li las." Ces ob tug sib hais sib hais ntev loo lawm lauj! Sis Loob tsis sawv li ntag. Ntxawm Nkauj See thiaj hais tias: "Ab! Leej yawm dab, yog li saiv kuv hla koj. Koj tsis txhob tu siab laiv!" Sis Loob teb tias: "Aub! Kuv yeej pw kuv ntawm no ces tsis tu li ntag lauj!" Ntxawm Nkauj See hla nruam tuaj mus. Sis Loob cev taw tuaj mus ib nyuag nqe xwb, Ntxawm Nkauj See ntog ua yas daws rau ntawd lawm thiab lauj! Ntxawm Nkauj See mas yog tus uas Sis Loob tuaj mus tshuab qeej xa tshoob. Tiam sis mas Sis Loob tshuab qeej tsis kawg, ces Ntxawm Nkauj See thiaj li tsis zoo siab mus ua neej. Ob tug txawm sib tham sib tham. Sis Loob nug tias: "Aub! Ua li, koj yog leej twg nas, leej muam?" Ntxawm Nkauj See thiaj hais tias: "Aub! Kuv ces yog tus ntxhais uas lawv muab quas mus ua nyab. Kuv hais tias kom lawv mus hu Sis Loob nyob ntuj Sua teb torn taug tuaj tshuab qeej xa kuv no. Lawv mus hu nws tuaj. Tuaj txog nws tshuab qeej xa kuv tsis kawg. Ces nyem no kuv mus, kuv thiaj tsis zoo siab mus ua neej. Kuv thiaj khiav tuaj mus lawm tim kuv niam thiab kuv txiv lawv." Nuj Sis Loob thiaj hais tias: "Sis Loob, ces yog kuv ntag los mas! Nyem no, kuv tuaj mus tshuab qeej ces kuv tshuab txog tog xwb, kho kuv siab hwv lawm. Kuv nyob tsis taus li. Ces kuv thiaj li khiav los lawm. kuv los, ces kuv los tau dab tau tsov, kuv thiaj los khuam txog tav no, mus tsis txog tsev li tiag." Ntxawm Nkauj See thiaj hais tias: "Aub! Sis Loob lauj! Yog li mas tim koj, es kuv thiaj tsis zoo siab mus ua neej. Kuv yeej hais rau kuv cov dab laug hais tias yog tsis tau Sis Loob tuaj mus tshuab qeej mas kuv yeej tsis zoo siab mus ua neej. Tiam sis koj tshuab qeej tsis kawg rau kuv, ces niam no kuv thiaj tuaj lawm tim kuv niam lawv tso thim luag tsiaj puv luag nkuaj, thim luag txiaj puv luag nas tso, kuv yuav rov los ua kuv niam kuv txiv tus ntxhais no tiag. Sis Loob lauj! Yog vim wb ntawv tiam pern ntuj los sib raug tiag lauj! Cia wb mus lawm torn kuv niam lawv tso, mus thim luag tsiaj rau luag thiab thim luag nyiaj puv luag nas tas tso. Koj yuav kuv kuv yuav koj. Wb mam li mus ua neej lauj!" Sis Loob thiaj li nrog Ntxawm Nkauj See mus torn nws niam tais thiab yawm txiv tsev. Nkawd mus txog, niam tais yawm txiv thiaj li thim luag tsiaj puv luag nkuaj, thim luag txiaj puv luag nas tas.
Ces Sis Loob txawm mus yuav Ntxawm Nkauj See lawm lauj! Nkawd mus nrog niam tais thiab yawm txiv, nyob nyob tau peb xyoo. Ntxawm Nkauj See thiab Nuj Sis Loob nkawd niaj hnub mus nthua taum pauv. Sis Loob nco nco nws poj niam nyob ntuj Sua teb torn taug thiab nws tus me nyuam. Sis Loob niaj hnub nee mus lawm pern roob toj siab, nws niaj hnub mus seev txog nws tus poj niam thiab nws tus me nyuam. Mus seev mus quaj mus qw ov, mus tshuab nplooj, tshuab raj lauj! Ntxawm Nkauj See nkawd mus ua tau peb hnub teb, Sis Loob mus seev tau peb hnub. Ces Sis. Loob txawm hais rau nws poj niam Ntxawm Nkauj see tias: " Ab! Ntxawm Nkauj See lauj! Kuv tso kuv sev muam nkauj Ntsum rau ntuj Sua teb torn taug lawm thiab kuv ib tug tub txawj luag ntxhawv ntxhi lawm mas. Kuv nco hwv! Koj mus hais rau niam thiab txiv tias yog niam thiab txiv kam no,
ces kom nrhiav nus tij nus kwv, niam ntxawm txiv ntxawm thiab tso coj koj thiab. Peb mus phim. Hos yog tias niam hlob zoo nkauj dua no, ces thim peb lub kauj toog nyiaj peb lub kauj toog kub rau koj tso, xa koj rov qab, es kuv nrog kuv sev muam Nkauj Ntsum nyob. Hos yog coj koj mus phim, yog koj zoo nkauj dua no, ces kuv ua ib siab nrog koj ua neej tso, xa niam hlob rov mus nrog niam hlob neej nus nyob lauj yuad!" Ces Muam Nkauj See thiaj los hais rau nws niam nws txiv. Yawm txiv txawm hais tias: "Aub! Yog li ces ntshai tus vauv muaj niam hlob nyob torn tsev lawm tiag, es tus vauv thiaj li tsis zoo siab ua neej. Ces yuav xa los sis cia nej xa kuv Ntxawm Nkauj See mus phim saib lauj. Hais niam ntxawm txiv ntxawm tso. Tag kis, nej ua tshais noj ntxov ntxov es nej mus lauj!" Ces thiaj mus hu niam ntxawm txiv ntxawm niam hlob txiv hlob tuaj. Hais rau niam ntxawm txiv ntxawm tas, ces tag kis ua tshais noj ntxov ntxov. Niam ntxawm txiv ntxawm lawv txawm xa Muam Nkauj See tuaj ntag lauj! Tuaj tuaj ib hnub ob tog tsaus txawm tuaj txog ntag lauj! Tuaj txog mas Nuj Sis Loob sev Muam Nkauj Ntsum niam quaj quaj, ncig me qab vag tsib taug mas du lug xwb lauj! Niaj hnub nqa rab niag nrua zov zov Nuj Sis Loob pab npua. Sis Loob mus yuav txog ces nws txawm khiav khiav ua ntej lawm. Mus mus txog ntua, Muam Nkauj Ntsum mam hais tias: "Nim yai, Sis Loob! Kuv xav tias ntshai koj ua tsov qub tsov quav tas lawm no, es tav no koj mam los txog ntawm kod os Sis Loob?" Ces ob tug mas niam sib qawg quaj sib qawg quaj. Quaj quaj tas. Sis Loob mam piav tsuag tsuag rau nws poj niam tias: "Muam Nkauj Ntsum, kav tsij mus tu vaj tsev, cheb vaj cheb tsev ov. Luag yuav coj luag Ntxawm Nkauj See tuaj phim koj laiv mog!" Muam Nkauj Ntsum mas niam zoo zoo siab mus cheb vaj cheb tsev tsuag tsuag, ua hmo tos. Cas ib ntsis yuav luag tsaus ntuj xwb, cov niam ntxawm txiv ntxawm luag coj Muam Nkauj See tuaj txog ntua lawm tiag lauj! Tuaj txog, Muam Nkauj Ntsum txawm hais tias: "Aub! Nej cov ua niam ua txiv, nej tuaj txog lawm los zoo kawg nkaus li thiab. Tiam sis mas Sis Loob nws ua txiv nws yuav tau wb ob leeg lawm los ob leeg nyob li ntag. Txawm tias phim kuv zoo dua los ob leeg nyob. Ntxawm Nkauj See ho zoo dua los ob leeg nyob li ntag! Ob leeg yuav Sis Loob, peb nyob ua ke li ntag!" Ces cov niam ntxawm txiv ntxawm lawv txawm hais tias: "Aub! Yog koj ua niam hlob, koj ho zoo siab npaum li koj hais, ces tsis phim los tau lawm. Tsuav nej ua neej sib hlub xwb." Tus nus tij txawm hais tias: "Tsis tau nawv! Kuv txiv yeej hais tias kom peb tuaj phim. Yog tias leej twg zoo dua los peb mus thiaj yuav pom qab piav rau kuv txiv. Yog peb ua li no, ces peb mus txog, yuav ua cas piav qhia kuv txiv nad?" Muam Nkauj Ntsum teb tias: "Aws! Yog li ces yuav phim los phim." Ces hmo ntawd ov, hnav zam ib hmo, tag kis tav tshais ces phim lauj! Sev Muam Nkauj Ntsum ib ce paj nyiag paj kub tawg paj rhib ov! Sev Muam Nkauj See ib ce niag paj toog qauj les xwb lauj! Twb tsis phim Sev Muam Nkauj Ntsum ib qho li lauj! Ces cov niam ntxawm txiv ntxawm uas xa ntawd, lawv txawm hais zom zaws tias: "Aub! Niam hlob zoo dua, ces cia peb coj Ntxawm Nkauj See rov xwb lauj." Muam Nkauj Ntsum txawm hais tias:" "Tsis laiv! Kuv yeej hais tias, txawm niam hlob zoo dua los ob leeg nyob, niam yau zoo dua los ob leeg nyob. Sis Loob nws ua txiv, nws txawm ua tau li ntawd los ob leeg nyob no laiv!" Ces niam ntxawm txiv ntxawm uas tuaj ntawd lawv hais tias: "Aub! Yog koj ua niam hlob, koj hais li ntawd los tsuav phim tas, es peb ho pom qab mus piav rau Ntxawm Nkauj See txiv xwb. Nej nyob nawd! Peb rov qab mus lawm." Txij li ntawd ios niam hlob thiab niam yau lawv txawm ua neej lawm lauj! Ua neej, nyob nyob muaj ib hnub niam hlob thiab niam yau nkawd ob leeg nyuam qhuav leeg lub thoob tawm plaws nram qhov rooj tag yuav mus ris dej, cas nkawd txawm pom ob tug npauj npaim tis ob txoj xov ntsuab ntsuab nqis puag nruab ntug los rau nram qab vag lawm, txawm pom tawm plaws ob tug hluas nqas ib hwj cawv, niam hlob thiab niam yau nkawd txawm hais tias: "Vuad! Ntshai yog Hmoob yuav tuaj thov Sis Loob mus tshuab qeej ntag pob! Wb khiav khiav mus ris dej los tso, wb tsis txhob pub Sis Loob mus yuad!" Ob tug niam hlob niam yau txawm khiav khiav mus ris dej los txog ntua tsev xwb, ciav tsis pom ob tug hluas Hmoob lawm.
Nkawd txawm nug tias: "Sis Loob, ua cas tsis pom ob tug Hmoob lawm os?" Sis Loob teb tias: "Aub! Yog Ntxwg Nyoog tus ntxhais nyob qaum ntuj nws yuav txiv, es nws kom nkawd tuaj hu kuv mus tshuab qeej xwb os,
ces nkawd twb mus lawm." Ob tug poj niam tias: "Ua li, koj twb lees luag cawv haus lawm ntag los?" Sis Loob teb tias: "Kuv twb lees luag lus thiab lees luag cawv haus tas lawm." Ob niag poj niam txawm cem tias: "Sis Loob lauj! Koj tsis tsim txiaj lauj! Cas koj yuav mus lees ua tus dab tsi?" Sis Loob txawm cem tias: "Aub yauj! Poj niam dab tsi niam yuav hais ua luaj ne? Luag mus luag niam tsis los lawm los ua cas nas? Luag mus luag sis yuav rov los thiab los mas niam yuav cem ua luaj!" Sis Loob tau hais rau luag tias, nyuj hli tim kaum tsib Sis Loob mam li mus no. Txog nyuj hli tim kaum tsib ces Sis Loob txawm muab tau ib daim lev los pua ntawm tag. Sis Loob muab qeej los dai, muab ncas los dai rau ntawm nws ib sab. Sis Loob txawm pw ntawd tuag lawm lauj! Tuag Iwj Iwj ua ib niag pag dub nciab lawm xwb. Ob tug niam hlob niam yau nkawd zov zov ciav puv nkaus ib tsug kaum peb hnub, cas rab ncas cia li nrov ntseeg nkaws, rab qeej cia li nrov ziag lauj! Sis Loob txawm sib xab xeeb xab xaws, ciaj kiag nti nti lawm, Sis Loob txawm sawv rov los. Sis Loob xeev los txog, nws txawm los hais rau nws ob tug poj niam hais tias: "Niam hlob thiab niam yau lauj! Luag qaum ntuj mas cas hluas nkauj yuav coob ua luaj li tiag lauj! Luag mas ua npoj ntws ua npaim ua npog xwb. Kuv twb tsis xav los tas nrho. Tiam sis yog kuv hlub neb hwv, kuv thiaj li lam los lawm xwb." Sis Loob txawm rov los nyob nyob tau ib xyoo. Niam hlob thiab niam yau leeg twb muaj tug tub lawm. Ob niag poj niam txawm rov leeg lub thoob mus ris dej no. Cas tawm txog nram qab tsib taug , txawm pom ob tug npauj npaim tis ob txog xov ntsuab ntsuab los puag saum qaum ntuj los. Cas los poob kiag rau ntawm qab vaj, txawm tawm plaws ob tug hluas Hmoob zoo nraug ntxiag los. Ob tug poj niam txawm hais tias: "Ab! Wb khiav khiav mus ris dej los tso, ntshe yog luag yuav tuaj thov Sis Loob mus tshuab qeej qhov twg ntag lauj! Wb mus kwv dej tsuag tsuag los tso, wb tsis txhob pub Sis Loob mus lauj!" Ob tug niam hlob niam yau txawm khiav khiav mus ris dej los txog ntua hauv tsev, ob tug hluas Hmoob twb rov lawm thiab. Sis Loob twb txais luag cawv haus tas. Nws twb lees tias cia txog hnub ntawd nws mam tuaj.
Ob tug poj niam cem cem Sis Loob. Ces txog hnub hli xiab kaum tsib, Sis Loob txawm pua tsuag tsuag tau ib lub chaw rau ntawm tag, muab nws rab qeej los khuam rau ntawm ib sab, muab nws rab ncas los khuam rau ntawm ib sab thiab hais kiag ib lauj kaub dej los txawb rau nram ko taw. Ces Sis Loob txawm pw ntawd. Cas Sis Loob tuag, ntsej muag daj tseem lawm thiab lauj! Ob niam hlob niam yau zov rawv os. Sis Loob tuag lawm ho tsis Iwj. Nws tuag tau ib tsug kaum peb hnub, cas Sis Loob lauj kaub dej nram ko taw cia li nchuav nthwv lauj! Rab qeej ntiv hlauv kiag. Rab ncas dam daws lawm thiab lauj! Ob tug poj niam mas niam quaj quaj ncig qab vag tsib taug los Sis Loob tsis los lawm tiag lauj! Ob tug poj niam thiaj li mus nrhiav txiv qeej txiv nruas tuaj muab Sis Loob pam. Pam tag coj Sis Loob mus los tag. Ua cas nyob nyob tuaj ib tug niag poj qhev saum ntuj tuaj. Niag poj qhev ntawd tuaj yawm tshauv. Nws txawm los thov ob niag niam hlob niam yau nkawd tias: "Ob tug nyab, kuv yawm neb cov tshauv, es neb pua kam os?" Ob tug niam hlob niam yau ntawd txawm hais tias: "Aub! Ntshai wb tsis kam lauj! Wb tsis muaj txiv los txiav taws rau wb rauv. Ntshai wb yuav tsis kam os, niam pog." Niag poj qhev ntawd txawm nug tias: "Neb tsis muaj txiv. Ua li neb tus txiv dua qhov twg lawm?" Ob niam hlob niam yau tias: "Wb txiv ces yog Sis Loob. Nws mus tshuab qeej dua qaum ntuj es nws tsis los lawm ne." Poj qhev thiaj hais tias: "Aub! Yog Sis Loob ntag los! Sis Loob ces nyob ntawm kuv tog tsev ntag los mas." Ob tug poj niam tias: "Tiag los niam pog! Pog li no, wb nrog koj mus puas tau?" Poj qhev hais tias: "Aub! Yog neb xav mus mas tau xwb. Saib neb puas mus?" Ob tug poj niam hais tias: "Mus xwb lauj! Niam pog lauj. Koj yuav yuav tshauv npaum li cas los koj yawm tsuag tsuag tso, koj coj wb mus." Ces poj qhev yawm tsuag tsuag tas. Sis Loob ob tug poj niam txawm tso nkawd ob tug me nyuam uas nyuam qhuav zaum taus tsaws tseg. Nkawd txawm nrog poj qhev mus lawm ntag lauj! Poj qhev txawm hais tias: "Ob tug nyab ov! Kuv tsuj twg mas neb tsuj twg xwb. Txhob tsuj torn tej. Nyob ntsis neb mus tsis taus nawd!" Ces poj qhev tsuj twg ob niag poj niam tsuj twg. Lawv txawm mus mus nto plaws rau puag saum qaum ntuj lawm lauj! Poj qhev hais tias: "Ob tug nyab, Sis Loob thiab Ntxwg Nyoog lawv lub tsev ces yog lub tod ntag. Neb nrog kuv pw qhov no. Tag kis neb yeej yuav pom Sis Loob xwb ntag los mas." Ces ob tug txawm nrog poj qhev pw ib hmo ntawd. Tag kis kaj ntug ov, tsuas tias niag Ntxwg Nyoog mas ib tug nees ua ntej, Sis Loob niam rab qeej tsuas tias tawg lawv qab. Mas niam muaj ib co npauj npaim, mas niam ya ib ntshuas rau tod ib ntshua rau tod. Ces Sis Loob ob niag poj niam, ib tug nyob qab ke ib tug nyob qaum kev, mas niam leeg rab nplawm. Nplawm nplawm cov niag npauj npaim mas tuag los muaj, tu tis tu tw los muaj lauj. Sis Loob thiaj li tsa loo qhov muag los ntsia, nws hais tias: "Aub! Cas niam hlob thiab niam yau neb yuav tuaj ua dab tsi?" Ob tug poj niam tias: "Sis Loob lauj! Koj ciaj los wb nrog koj ciaj, koj tuag los wb nrog koj tuag. Tim koj wb thiaj li los nyob khuam ntab khuam ntuv li no. Wb yeej tsis ntshai li ntag nawv!" Sis Loob thiaj hais tias: "Neb yeej tsis ntshai li ntag los?" Ces Sis Loob xob zog luaj hauv toj, Sis Loob nug tias: "Neb puas ntshai?" Nkawd hais tias: "Hwb! Nyuag nyob li ntawd xwb wb yeej tsis ntshai." Sis Loob rov luag nyav. Sis Loob xob luaj hauv pes, nug tias: "Neb puas ntshai?" Ob tug poj niam teb hais tias: "Hwb! Nyuag nyob li ntawd xwb, wb niam yuav ntshai hwv." Sis Loob rov luag nyav. Ob tug poj niam nyob nyob. Sis Loob niaj hnub txhob kom ob tug poj niam rov qab lauj! Sis Loob txhob npaum li cas los ob tug poj niam tsis rov li lawmlauj. Sis Loob thiaj hais tias: "Aub! Yog tias li cas los neb yeej tsis rov mus tsev li lawm no, ces cia peb rov mus tu neb hlab chaub nyob ntiaj teb tso, peb mam li los ua ib siab nyob qaum ntuj lauj!" Ces Sis Loob coj nws ob tug poj niam mus torn tw tsua mus dawj ib lub pob zeb xauj xyuas ntiaj teb. Cas zoo ua luaj! Sis Loob lub tsev mas qaib npua quaj zig qees. Niam hlob thiab niam yau nkawd ob tug tub mas zaum lo tshauv li ntawm ntug cub xwb. Ob tug poj niam nkawd tshua tshua nkawd ob tug tub ua lauj! Nkawd kuj tshua Sis Loob thiab. Ces ob tug poj niam ib leeg quaj ib pluag tas, Sis Loob thiaj xais niam hlob thiab niam yau nkawd hlab chaub. Ces ob tug poj niam nkawd thiaj li tau los nrog Sis Loob ua neej nyob qaum ntuj lawm lauj.


Last edited by xeebtsheejtiav on Sat Jan 26, 2013 8:31 pm; edited 2 times in total
Back to top Go down
View user profile
NkaujNag
Guest



PostSubject: mloogdab neeg   Fri Jan 18, 2013 12:25 pm

Vuag.................xeevtsheejtiav koj mas nquag sau ntawv tiag tiag li os
sau tau dab neeg zoo ua luaj,Ua koj tsaug uas tseem coj tej dab neeg zoozoo li no tuaj pub peb saib thiajkoj mas tshaj lij heev li sav ,ziag no niam laus nkaujhnubqub peb yuav tsis qaug zog lawm vim muaj tej tug txawj txawj hais dab neeg tuaj nrog peb nyog sov sov 2 tsev li ,Kav tsij tuaj sau kom ntau dab neeg pub peb saib mog hehe
kuv nkees nkees login ces tuaj guest xwb

NkaujNagTshia............
Back to top Go down
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Re: Koj nyiam tus neeg coj tus cwj pwm zoo li cas   Fri Jan 18, 2013 1:00 pm

kuv nyeem nyuam qhuav tas ob zaj ua ntej xwb tshua zam tom qab no kuv tseem yuav nyeem na nyob zoo rau koj os niam hluas thiab xeebtsheejtiav, koj mas txawj piav dab neeg kawg li na... Ua tsaug nawb
Back to top Go down
View user profile
8tos8nco
Moderator
Moderator


Posts : 2422
Points : 4584
Reputation : 17
Join date : 2009-02-08

PostSubject: Re: Koj nyiam tus neeg coj tus cwj pwm zoo li cas   Fri Jan 18, 2013 2:16 pm

Wow......Xeebtsheejtiav zaj dab neeg zoo tiag tiag li thiab nws thiaj li yog cim xeeb zoo heev es thiaj li piav tau zaj dab neeg rau peb nyeem.

Kuv tseem tsis tau muaj sij hawm los nyeem kom tag seb zaj dab neeg mus li cas tiag cia kuv khoom tso mam tuaj nyeem ntxiv.

Kuv xav tias yog leej twg xav kawm lus Hmoob ces kawg yuav tau tuaj nyeem Xeebtsheejtiav cov lus sau mas thiaj li paub lub Hmoob nawb.
Back to top Go down
View user profile
xeebtsheej
Professional Level III
Professional Level III


Posts : 199
Points : 213
Reputation : 0
Join date : 2013-01-14

PostSubject: Thoob Yej Thiab Ntxawm Qaum Ntuj   Fri Jan 18, 2013 2:21 pm

THOOB YEJ THIAB NTXAWM QAUM NTUJ

Puag thaum ub ov, muaj ib pab niag qaib qus coob coob xij tuaj da dej hauv lub niag pas hawv lauj! Thoob Yej mus plob pom. Nws los txog tsev ov. Nws los xav xav. Ab! Sim mus cuab hlua kais rau saib. Thoob Yej txawm los ua tau rau rooj hlua kais, nws coj mus cuab tas nrho ncig lub niag pas hawv ntawd.
Ces Thoob Yej los tau ib hnub. Hnub torn qab, Thoob Yej txawm mus xyuas. Ciav mag tau ib tug qaib qus zoo zoo nkauj li lauj! Ces Thoob Yej txawm mus daws tau tus qaib qus los. Ua ciav, tsis yog qaib qus lawm las. Yog ib tug hluas nkauj zoo zoo nkauj li lauj! Tus hluas nkauj muab tis tw hie tas, ces yog ib tug hluas nkauj zoo zoo nkauj lawm tiag. Thoob Yej txawm hais rau tus hluas nkauj tias: "Ab! Leej muad, koj yuav txia ua ib tug hluas nkauj zoo ua luaj tuaj da lub niag pas hawv no ua tus dab tsi?" Tus hluas nkauj txawm teb tias: "Aub! Leej yawm dab lauj! Ntshai yuav yog kuv no ntuj yeej tiam los ua koj poj niam ho! Vim tias peb tuaj coob ua luaj, luag ho tsis mag koj rooj hlua kais. Kuv twb ho tsis pom es kuv yuav los mag koj rooj hlua kais. Leej yawm dab, peb mas tuaj qaum ntuj tuaj ov. Koj mas koj hais tias lub no yog pas hawv no, tiam sis tsis yog. Yog dej yog cawv ov. Es peb niaj hnub tuaj haus dej haus cawv. Haus pov khawv lawm peb mam ho ya rov qab mus rau saum qaum Ntuj." Ces Thoob Yej thiaj hais tias: "Aub! Yog li mas, leej muam lauj, koj ho tuaj mag kuv rooj hlua lawm thiab, ces koj los ua kuv niam yau. Tso cia niam hlob ua niam hlob yuad? "Tus hluas nkauj teb hais tias: "Ua li tiag, Thoob Yej. Vim Ntuj yeej tiam kuv los rau koj, kuv thiaj los mag koj rooj hlua, ces cia kuv ua koj niam yau nawd." Ces Thoob Yej thiaj li coj tus hluas nkauj los ua nws niam yau. Thoob Yej thiaj los hais rau luag zej luag zos. Ces tas sawv daws thiaj li mus ce lub niag pas hawv ntawd coj los ua poov xab ua cawv.
Txij thaum ntawd los rau txheej niam no, sawv daws thiaj tau poov xab poov cawv coj los ua dej ua cawv haus. Thoob Yej los nyob nyob ces teb chaws txawm ua tsov ua rog lauj! Huab Tais txawm tseev kom Thoob Yej mus ntaus rog xwb. Thoob Yej txawm hais tias: "Aub! Kuv nyuam qhuav yuav tau niam yau los, mas kuv tseem niaj hnub npaj dej cawv, tso kuv yuav mus haus dej haus caw." Huab Tais txawm teb tias: "Tsis txhob hais li kod. Nyiam no teb chaws ua tsov ua rog lawm, mas koj no raug mus tua rog. Koj raug mus ua ib tug thawj coj, mas koj yuav tsum mus. Kev haus dej haus cawv thaum twg kuj tau. Qhov ntawd tsis kub npaum li kev ntaus tsov ntaus rog nawd." Ces Huab Tais txawm tsis tseev li lauj! Thoob Yej txawm raug mus tua rog lawm lauj. Thoob Yej yuav mus ov. Nws txawm hie hlo nws ob ntiv nplhaib kub los ntxig rau ntawm nws niam yau ob tug ntiv tes ntag. Thoob Yej hais tias: "Niam yau! Kuv muab ob nti nplhaib no rau koj. Mas kuv mus ntaus rog lawm ov. Luag txawm hais tias kuv tuag lawd, los tsuav yog kuv ob nti nplhaib no tsis hie hlo ntawm koj ntiv tes, mas koj tsis txhob ntseeg luag nawd! Yog thaum twg kuv siav tu nrho lawm, mas ob nti nplhaib yeej hie hlo ntawm koj ob tug ntiv tes ntag ov, mas thiaj yog kuv tuag lawm nawd." Ces Thoob Yej yuav mus. Nws txawm muab niam yau cov tis tw zais rau puag hauv qab txhab nplej lauj! Ib niag txhab nplej puv nkaus rau saud lawm, muab cov tis tw rau hauv qab kiag. Thoob Yej mus tua rog tau peb xyoos tsis los li lauj. Thoob Yej txiv yawg laus txawm niaj hnub ntaus txheeb, niaj hnub ua tsawv saib Thoob Yej mus nyob li cas lawm. Niaj hnub niaj hnub ntaus txheeb. Thoob Yej txiv txawm vwm lawm lauj. Yawg laus niaj hnub saib nws txawm hais tias: "Aub! Yuav tau muab niam Thoob Yej yau tua los txi dab teb dab chaw, mas Thoob Yej thiaj li yuav yeej tsov yeej rog. Yog tsis muab nyab yau los tua txi dab teb chaws mas, Thoob Yej yeej yuav tsis yeej tsov rog li lauj." Thaum Thoob Yej yuav mus ua rog nws muab niam yau cov tis tw zais rau hauv qab txhab nplej lawm lauj. Mas tshuav peb hnub xwb, niag yawg yuav muab nyab yau coj los txi dab teb chaws tso, Thoob Yej thiaj li yuav yeej tsov rog no lauj.
Niam hlob los hlub niam yau hwv thiab. Ces ob niam hlob niam yau txawm mus nrhiav tawv, nrhiav lev los pua. Ob tug txawm muab txhab niag nplej daus daus puv tsev nkaus, thiaj li daus txog hauv qab txhab. Na has niam yau cov tis tw nyob hauv, thiaj li muab rau niam yau. Ces niam yau txawm seev tias: "Ab! Thaum Thoob Yej yuav mus, nws twb hais rau kuv tias, yog thaum twg ob nti nplhaib tsis tau hie hlo ntawm kuv tus ntiv tes mas nws yeej tseem muaj txoj sia nyob xwb. Yog hie lawm mas nws thiaj yuav tsis muaj txoj sia nyob. Ob nti nplhaib kub tsis tau hie, mas cuaj xyoos kaum xyoo los yeej tsis ntshai kiag no. Ua li cas nyem no txiv xij niaj hnub ntaus txheeb ntaus kuam, tso yuav muab kuv los tua txi dab teb dab chaw, kom Thoob Yej thiaj li yeej tsov yeej rog. Tab sis niam hlob wb muab tau kuv cov tis tw lawm. Kuv yuav rov qab mus kuv niam kuv txiv lawv. Yog kuv muab ob nti nplhai no rau niam hlob cia mas Thoob Yej los txog nws yuav tsis zoo siab. Ces cia kuv muab coj mus faus rau pern niag poj ntsuam, pern hauv zos ped." Thoob Yej niam yau txawm coj ob nti nplhaib kub mus faus rau pern niag pob ntsaum. Nws hais rau niag pob ntsaum hais tias: "Tshuav peb hnub xwb, txiv yawg yuav muab kuv tua txi dab teb dab chaw, Thoob Yej thiaj yuav yeej tsov yeej rog no. Nyiam no kuv niam hlob wb daus tas txhab niag nplej, muab tau kuv tej tis tw lawm, ces kuv yuav rov mus kuv niam kuv txiv lawv puag saum qaum ntuj. Kuv muab Thoob Yej ob nti nplhaib kub no faus tseg rau koj. Yog Thoob Yej los no ces koj muab rau nws..Koj hais rau nws tias, kom nws tsis txhob nco kuv no. Thiab kom nws tsis txhob lawv kuv qab tuaj. Deb deb li, nws yeej yuav tuaj tsis txog kuv li no ov! Nyiam no kuv mas kuv mus qaum ntuj mus hos nws tuaj mas nws kawg yuav tuaj ntiaj teb tuaj xwb. Nws yeej yuav tuaj tsis txog ib zaug li. Kom nws ua ib siab zov nws niam
hlob xwb no ov!" Niam yau mus hais rau niag pob ntsaum tas. Nws txawm rov los muab tej tis tej tw coj los rhais rau tej caj npab, tej caj hlaub tas. Ces nws txawm tuaj ib niag cev plaub lawm xwb lauj. Niam yau txawm ya tshoom ntuj vos dua qaum ntuj lawm. Ces mam yau ya lawm tau peb hnub. Ces Thoob Yeej los txog ntua, Thoob Yeej nug tias: "Niam hlob, ua li niam yau ne?" Niam hlob teb tias: "Niam yau, ces nws ya rov qab mus nws niam thiab nws txiv puag saum qaum ntuj lawm. Nws twb mus tau peb hnub lawm." Thoob Yeej hais tias: "Ua li cas nws ya lawm? Thaum kuv yuav mus kuv twb hais rau koj hais tias kom koj nyob koj hlub nws no ne! Nyiam no kuv niam yau mus lawm, es kuv yuav ua li cas ua neeg no?" Niam hlob txawm teb tias: "Kuv yeej hlub nws kawg los mas. Tiam sis yog koj txiv nev! Nws niaj hnub ntaus txheeb, niaj hnub khom kuam. Es nws hais tias, yuav muab niam yau los tua txi dab teb dab chaw, koj thiaj yuav yeej tsov yeej rog. Yog tsis muaj niam yau los tua txi dab teb dab chaw mas koj yeej yuav tsis yeej tsov yeej rog no. Ces niam yau ntshai. Nws thiaj khiav mus rau qaum ntuj lawm ntag! Yog tias koj xav paub mas koj mus nug pern niag pob ntsaum pern hauv zos ped naj! Thaum koj niam yau yuav mus, mas nws yeej hais txhij hais txhua rau niag pob ntsaum ped lawm. Nws hais tias yog koj los no ces kom kuv hais rau koj mus nug niag pob ntsaum ped nws mam hais rau koj no." Ces Thoob yej quaj quaj. Nws thiaj mus txog pern hauv zos. Nws nug niag pob ntsaum. Niag pob ntsaum thiaj hais tias: "Thoob Yej, thaum koj niam yau yuav sawv kev mus, nws hais tias nws muab koj ob ntiv nplhaib kub rau kuv cia. Thaum koj yuav mus mas koj hais rau nws tias yog thaum twg koj ob ntiv nplhaib kub hie hlo ntawm nws ob tug ntiv tes lawm mas koj thiaj li tsis muaj txoj sia nyob lawm. Yog hais tias koj ob ntiv nplhaib kub ntawm nws ntiv tes tsis hie mas kom nws yeej meem nyob tos. Cuaj xyoos kaum xyoo los koj yeej tseem nyob li qub. Nyiam no nws twb ua ib siab nyob lawm. Tab sis vim koj txiv. Koj txiv niaj hnub ntaus txheeb. niaj hnub khom kuam. Ces yuav muab koj nyab yau los tua txi dab teb dab chaw tso koj thiaj 11 yeej tsov yeej rog no. Koj nyab yau thiaj li ya rov mus dua qaum ntuj lawm. Mas nws hais rau kuv 'tias yog koj los no ces kom kuv hais rau
koj tias kom koj tsis txhob lawv nws qab mus kiag li. Nws mas nws mus qaum ntuj mus. Yog tias koj lawv nws qab mas koj yuav mus ntiaj teb mus xwb, koj yeej yuav mus tsis txog ib zaug li. Koj kav tsij ua ib siab nrog koj niam hlob nyob xwb no nawd! Hos koj ob ntiv nplhaib kub nyob no, kuv mam muab rau koj." Ces pob ntsaum muab tau ob ntiv nplhaib kub rau Thoob Yej, ces Thoob Yej quaj quaj nws hais tias: "Aubl Kuv mas yeej yuav lawv kuv niam yau qab mus xwb xwb li. Yog kuv tsis tau kuv niam yau mas kuv yeej tsis ua neeg li." Ua li cas los Thoob Yej yuav mus raws nws niam yau qab xwb xwb lauj. Niag pob ntsaum ua tsis tau tes, nws thiaj nug tias: "Ua li, koj yuav mus tiag tiag los, Thoob Yej?" Thoob Yej teb hais tias: "Aub! Kuv yuav mus tiag tiag li nawd! Kuv yeej tsis nyob li." Niag pob ntsaum thiaj hais tias: "Yog koj yuav mus xwb no ces kuv tsis muaj dab tsi rau koj, ces kuv muab ob lub niag txiv Iws zoov no rau koj xwb. Koj nqa mus raws koj niam yau qab, mas koj niam yau mus qaum ntuj lawm, koj yuav mus ntiaj teb. Yog koj mus mus muaj ob lub niag hauv roob nyo ntshis los thaiv koj kev lawm no ces koj muab ib lub txiv Iws zoov no los pov rhees rau hauv nruab nrab, ces ib lub nyo ntshis rov tod, hos ib lub nyo ntshis rau tod lawm thiab. Ces koj thiaj tau kev mus nawd." Niag pob ntsaum txawm muab tau ob lub niag txiv Iws zoov rau Thoob Yej kom Thoob Yej nqa mus xwb xwb no. Ces Thoob Yej txawm sawv kev mus lawm lauj! Mus mus txog puag ib nta ntuj ov, txawm muaj kiag ob lub niag hauv roob nyo ntshis los thaiv Thoob Yej kev lawm tiag lauj! Ces Thoob Yej saib qhov twg los tsis tau kev. Mus qhov twg los tsis tau kev lawm tiag lauj! Thoob Yej thiaj li muab kiag ib lub niag txiv lws zoov los pov rhees rau hauv nruab nrab ob lub niag roob. Ob lub niag roob thiaj tu nrho nruab nrab, nyias lem nyias lawm thiab. Thoob Yej ho mus mus txog ntua rau ob lub niag pob tsuas, mas niam nyo ntshis los thaiv nkaus kev. Ho tu nrho rov lawm. Rov nyo zoj los thaiv nkaus kev dua. Pheej ua li ntawd. Ces Thoob Yej tsis tau kev mus thiab lauj. Thoob Yej thiaj li muab kiag ib lub txiv Iws zoov pov kiag rau nruab nrab. Ob lub niag tsua thiaj tu nrho, ib lub nyo ntshis rau ib qho lawm. Thoob Yej thiaj li tau kev mus ntxiv lawm thiab. Nws ho mus mus ces mus txog rau ncauj zag tsov lo lauj! Zaj rua ncauj u, dhos daws dhos daws txoj kev tsis tau kev mus li thiab lauj! Thoob Yej quaj quaj. Nws thiaj li muab kiag ib lub txiv Iws zoov ntsaws kiag rau hauv ncauj zag tsov lo. Cas nyias fee nyias tag lawm, ho tau kev mus lawm thiab lauj! Nws mus mus, txawm mus txog rau ib tug dej kub kub li thiab lauj! tsuas tias cev pas rau hauv mas pas tu nrho, cev khaub hlab rau hauv mas khaub hlab tu nrho thiab xwb lauj. Ces Thoob Yej quaj rau ped quaj rau nrad tsis tau kev mus lawm lauj! Txoj kev los tws rau ntawd lawm. Thoob Yej quaj quaj. Cas txawm los zoj ob tug tib neeg. Nkawd los nug tias: "Koj yuav mus dab tsi, tus npawg?" Thoob Yej teb hais tias: "Aub! Kuv mas yog kuv niam yau nws tuaj mus dua qaum ntuj lawm. Kuv yuav tuaj mus raws nws no naj, ob tug npawg. Ua li neb yuav los mus lawm qhov twg thiab, ob tug npawg?" Ob tug npawg ntawd txawm teb tias: "Aub! Wb mas yog los ntiaj teb los. Wb kuj yuav los lawm qaum ntuj thiab. Tiam sis wb mas wb yuav mus taus, vim wb hle wb lub tsho cia lawm. Hos koj mas koj yuav mus tsis taus, vim koj tsis tau hie koj lub tsho cia rau ntiaj teb nav. Yog ua li cas los koj yuav mus xwb no, mas cia wb ib tug mus sab ped ib tug mus sab nrad, tso koj mus nruab nrab, mas koj thiaj yuav mus taus. Tsis ua 11 ntawd koj mus tsis taus nawd." Ob tug ntawd mas yog dab tuag xwb. Nkawd txawm mus sab ped thiab sab nrad, Thoob Yej txawm mus nruab nrab. Ciav dej tsis kub li, dej txias txias xwb. Lawv mus dhau tus dej ntawd rau tid ces muaj ob txog kev lawm lauj! Ob tug dab tuag ntawd txawm hais tias: "Txog qhov no mas kev ncaim lawm nawd! Koj tseem tsis tau hie koj lub tsho. Koj yuav mus qaum ntuj, mas koj yuav nee lub niag roob no lawm ped, ces koj yuav mus txog rau qaum ntuj. Hos wb mas wb yuav mus txoj niag tav zas no lawm nrad. Wb yuav mus lawm nram nroog nawd." Ces Thoob Yej tsoo tsoo hav zoov mus, tsis muaj tus dab tsi yuav los pab 11 lauj! Kev los tsis muaj kev. Niag hav zoov nuj xiab xwb lauj. Thoob Yej txawm quaj quaj. Thoob Yej mus mus, txawm muaj ib tug mos ntsuab hais tias: "Les les, yog koj pub hmoov rau kuv noj no, kuv coj koj kev." Thoob Yej hais tias: "Aub! Yog koj coj kuv kev no, kuv pub tiag." Ces Thoob Yej txawm muab tau ib nyuag qhov mov rau mos ntsuab noj tag.
Mos ntsuab txawm ya les les ua ntej, Thoob Yej txawm lawv mos ntsuab qab lauj. Mos ntsuab mus qhov twg Thoob Yej mus qhov twg. Pheej mus pheej mus ces nkawd mus mus tsaus ntuj lauj. Niag mos ntsuab txawm hais tias: "Thoob Yej, wb yuav mus pw lawm pern niag hauv paus ntoo ped. Mas ib ntsis hnub ncoo hauv roob tsis muaj tshaj ntuj lawm, yuav muaj peb tug niag noog roov ya los pw saum niag ntoo saud. Cov niag noog roov yuav los sib tham nyob saud." Ces Thoob Yej nkawd txawm mus pw pern niag hauv paus ntoo lauj. Ib me ntsis zoj xwb, txawm muaj peb tug niag noog roov loj loj ya los pw saud tiag lauj. Cov niag noog roov txawm sib tham zom zaws. Muaj ib tug txawm hais tias: "Aub! Ua li tag kis peb yuav mus ntxov los mus lig ne yuad?" Muaj ib tug txawm teb hais tias: "Peb mas yuav mus ntxov nawd. Thaum ub, nyob qaum ntuj no, muaj ib tug ntxhais tuaj mus haus dej haus cawv rau ntiaj teb. Muaj ib tug Hmoob hu ua Thoob Yej no, nws txawm tuaj cuab hlua mag tau tus ntxhais ntawd. Thoob Yej txawm coj mus ua niam yau. Ces tsis ntev Thoob Yej txawm mus ua rog lawm. Niag yawg uas yog lawv txiv txawm yuav muab tus ntxhais ntawd tua txi dab teb dab chaw es Thoob Yej thiaj yuav yeej tsov yeej rog no. Mas tus ntxhais ntshai, nws thiaj khiav los rau pern nws niam thiab nws txiv nyob saum qaum ntuj no lawm. Mas nyiam no twb muaj ib tug vauv tshiab twb yuav yuav. Tag kis lawv yuav tua nyuj tua twm haus tshoob. Tag kis peb yuav tau mus ntxov ntxov xyov kaj ntug txoog peb puas tseem yuav txog los tsis txog thiab. Mas peb yuav tsum mus ntxov ntxov peb thiaj yuav tau hnyuv nyuj hnyuv twm noj
laiv." Cov niag noog roov los tham 11 ntawd tas. Ces niag mos ntsuab txawm los hais rau Thoob Yej hais tlas: "Aub! Zaum no mas kuv coj koj wb maj mam nee tus ntoo no lawm puag saud. Wb yuav mus nkaum hauv tus noog roov loj tshaj plaws cov plaub, wb thiaj yuav mus txog koj niam yau nawd. Koj niam yau twb yuav mus yuav txiv. Tsam wb mus tsis ncav nws, nws ho mus lawm laiv." Thoob Yej hais tias: "Aub! Kuv niag loj ua luaj no, wb nkag mus hauv nws cov plauj ces nws kuj paub xwb los pov?" Mos ntsuab thiaj hais tias: "Tsis ntshai! Kuv ya ncig koj peb Iwm xwb, ces koj me me li kuv lawm thiab. Wb mus, nws nyaj yuav tsis hnov lawm." Ces mos ntsuab txawm los ya ncig Thoob Yej peb Iwm tas nrho, Thoob Yej txawm me me li tus mos ntsuab lawm tiag. Ces ob tug txawm maj mam nkag mus lauj. Nkag nkag mus txog, niag mos ntsuab nkag mus xyuas ob tug nram
hav no tas, mos ntsuab txawm hais rau Thoob Yej hais tias: "Aub! Ob tug nram hav no, ntshai yuav ris tsis taus wb." Mos ntsuab ho rov nkag mus xyuas ib niag lau loj loj nyob pern toj me ntsis. Mos ntsuab hais tias: "Awb! Tus no mas ris taus wb ntag lov. Wb yuav nkag mus nyob rau hauv nws qab txia. Koj mas tsis txhob nti nawd! Yog koj nti mas ib ntsis khaus nws, nws yuav muab kaus ncauj los luam, sais wb mus tsis txog koj poj niam laiv." Ces Thoob Yej nkawd mus nkaum hauv niag lau laus qab txia. Tag kis os, qaib qua thawj tsig xwb, cov niag noog roov ya mus lauj. Ces peb tug niag txawm ya vig vag lawm lauj. Muaj ob tug niag, mas niam ya rwg ntxiaj rau ub rau no. Niag laus laus uas nkawd nyob hauv qab txia mas niam ya tsis taus li lauj. Ya tug niag yuav poob tsis poob, yuav poob tsis poob. Ya tib tug niag tuag vias lawv qab xwb. Lawv mus mus txog puag pern Huab Tais qaum ntuj ces niag hnub twb yuav ntseg lauj. Luag twb tseev hnyuv nyuj hnyuv twm tas lawm ntxov. Ces niag noog roov ya ya mus tsaws rau saum niag ntoo qhuav loj loj nram Xeev Laus qab zog thiab ntag lauj. Mos ntsuab txawm hais rau Thoob Yej hais tias: "Tus dej no ces yog tus lawv tseev hnyuv nyuj hnyuv twm pem hauv ntag. Cov noog roov no lawv yuav nyob qhov no tos. Muaj tej yav hnyuv nyuj hnyuv twm uas lawv tseev lawv tsis yuav, lawv muab tso rau dej tshoob los, lawv mam li khaws noj xwb. Ces wb nqes ntawm no." Ces Thoob Yej thiab mos ntsuab nkawd txawm tawm plaws hauv niag lau noog roov qab txia, tib plhaw los rau hauv av lawm lauj. Niag noog roov hais tias: "Ned! Tos li kuv ya caum tsis tau neb, niam yuav hnyav kuv ua luaj no, yog ob tug me dev ntawd nev. Nag hmo kuv twb suav oo diam, yog vim nyob hauv kuv qab txia lawm nev. Txhob ua li ntawd es kuv tuaj taus, peb tuaj txog ntxov, ces peb yeej au hnyuv nyuj hnyuv twm noj los mas. Tiam sis yog kuv ya sis taus es peb thiaj tuaj txog lig lig, peb thiaj tsis tau nyuv nyuj hnyuv twm noj. Ob tug me dev ntawd, lam txhob aws khiav, peb muab faib kiag thiab tso mas. Khuv xim hwv!" Ces cov niag noog thiaj ya mus tsaws rau hauv hav dej mus haws luag tej tog hnyuv uas luag tsis yuav lawd coj los noj.
Thoob Yej nkawd txawm mus lauj. Mus mus txog puag pem hauv dej. Luag mas niam tseev hnyuv nyuj hnyuv twm zom zaws, seev qaib tseev npua cuag tus tsi li lauj. Ces nkawd ntsia tsia. Ib ntsis niag mos ntsuab txawm hais tias: Thoob Yej, koj poj niam lawv tsev nyob tid ntag. Lawv tuaj ce dej qhov no mus haus xwb." hoob Yej txawm hais rau niag mos ntsuab hais tias: Mos ntsuab, koj yeej meem pab kuv. Koj txhob tso kuv tseg nawd, kuv tau noj tau haus li cas mas kuv yeej yuav pub kom koj tau noj tau haus ib yam nkaus li kuv thiab." Mos ntsuab teb tias: "Tiag. Yog koj pub rau kuv noj kuv haus kom kuv tsis txhob tshaib plab no, kuv yeej pab koj thiab tiag."Ces niag mos ntsuab niam zoo zoo siab. Niag mos ntsuab niam pab pab Thoob Yej thiab lauj. Mos ntsuab txawm hais tias:"Thoob Yej, koj mus nyob lawm pern hauv dej ped. Ib me ntsis koj yuav pom koj niam yau tus ntxhais qhe tuaj nqa dej mus rau koj niam yau thiab nws tus txiv tshiab haus nawd."Ces Thoob Yej txawm mus nyob pern hauv dej tos. Cas ib me ntsis xwb txawm pom ib tug ntxhais qhev nqa ib lub plhuaj taub dawb dawb zoo zoo nkauj tuaj tiag lauj. Thoob Yej txawm khiav loo mus hais rau tus ntxhais tias: "Me ntxhais, koj tuaj cug dej mus dab tsi?"Tus ntxhais ntawd teb hais tias:"Kuv tuaj cug dej mus rau Xeev Laus ntxhais nkauj Ntxawm thiab nws tus txiv tshiab nkawd haus."Thoob Yej hais tias:"Xeev Laus ntxhais nkauj Ntxawm nyob qhov twg?"Tus ntxhais hais tias:"Nws nyob torn tsev. Puag thaum ub, nws mus yuav txiv neeg ntiaj teb. Mas nws tus txiv mus ua rog lawm. Nyiam no nws mus yuav ib tug txiv tshiab lawm. Hnub no peb haus dej haus cawv, es tus vauv tshiab yuav txais nws. Ces kuv thiaj tuaj nqa dej mus rau tus vauv thiab Xeev Laus ntxhais nkauj Ntxawm nkawd haus."Ces tus ntxhais txawm cug dej ntawm tus ciav. Thoob Yej txawm muab nws ob ntiv nplhaib kub uas thaum ub nws muab rau nws niam yau coj tso plhuav rau torn tus ciav, dej muab kuav los nkag plaws rau hauv tus ntxhais lub niag plhuaj taub lawm. Yawg Thoob Yej txawm hais rau tus ntxhais hais tias:"Me ntxhais, koj nqa mus txog ntua, koj txawm hais rau Xeev Laus ntxhais nkauj Ntxawm hais tias kom nws tsis txhob rawm haus. Nws ntxuav tes tso no nawd."Thaum ntawd, Ntxawm mas niam nrog tus txiv tshiab sib qawg sib nwg xwb lauj. Tus ntxhais qhev nqa loo plhuaj taub dej los txog ntua. Tus ntxhais txawm hais tias:"Ntxawd, nyiam no, tod muaj ib tug niag Hmoob, nws hais tias kom kuv nqas plhuaj taub dej no los txog no ces, kom koj ntxuav tes tso, tsis txhob raws haus no nas."Ntxawm teb hais teb:"Aws! Ntxuav sis ntxuav los mas."Ntxawm nyuam qhuav muab dej los laub kiag ntxuav tes xwb, ciav ob ntiv nplhaib kub uas thaum ub Thoob Yej muab rau Ntxawm coj, txawm nkag nplho Ntxawm ob tug ntiv tes thiab ntag lauj! Ntxawm cia li tib thawb tus txiv tshiab cem tias: "Koj cia li khiav mus! Kuv tus txiv tuaj txog lawm. Kuv tsis yuav koj! Kuv yuav yuav kuv tus txiv qub, thiaj yog kuv tus nkauj txhav qaib nraug txhav noog. "Ces tus txiv tshiab txawm khiav lawm lauj. Ntxawm thiaj hais rau Xeev Laus hais tias: "Niam thiab txiv laiv! Nyiam no, kuv tus txiv qub tuaj txog lawm laiv. Nej saib mev! Ob ntiv nplhaib kub no yog kuv tus txiv qub li. Thaud kuv yuav los, kuv muab hie tseg rau niag pob ntsaum . Nyiam no tus ntxhais no nws mus nqa dej los rau kuv haus. Nws mus txog tod, muaj ib tug Hmoob nyob tod. Tus Hmoob ntawd tso ob ntiv nplhaib no rau pern hauv dej ntws los rau hauv tus ntxhais no lub plhuaj taub. has kuv muab los laub ntxuav kuv tes. Ob ntiv nplhaib no cia li nkag kiag rau hauv kuv ob tug qub ntiv tes. Thaum ub, kuv tus txiv yuav mus ua rog, nws muab ob ntiv nplhaib no rau kuv coj, nws hais tias nws txawm mus cuaj xyoo kaum xyoo lawm los yog ob ntiv nplhaib no tsis hie hlo ntawm kuv ob tug ntiv tes mas nws tseem muaj txoj sia nyob xwb. Li ntawd, thaum kuv los lawm, ob ntiv nplhaib no tsis tau hie ntawm kuv ntiv tes. Tiam sis yog kuv muab hie tseg rau lub pob ntsaum lawm xwb. Nyiam no mas ntshai kuv yuav yuav kuv tus txiv qub xwb, nws thiaj li yog kuv tus nkauj txhav qaib nraug txhav noog tiag tiag. Hos tus txiv tshiab no mas kuv tsis yuav lawm." Xeev Laus txawm teb hais tias: "Aub! Yog tias tus vauv qub tuaj txog, Ntxawm tsis yuav tus vauv tshiab no lawm no, ces tus vauv tshiab rooj mov cia muab tshem tseg. Tus vauv qub tus txog niam txog txiv zoo heev lawm lauj. "Ces muab tus vauv tshiab rooj mov tshem tseg. Xeev Laus npaj neeg tshuab puab, ntaus nruas luaj kwb twg tuaj tos tus vauv qub lauj. Ces tuaj tos tau Thoob Yej mus txog torn Xeev Laus tsev ov. Yawm txiv txuj ci hlob hlob lauj! Yawm txiv txawm hais rau Thoob Yej hais tias: "Tseeb tseeb koj yog kuv tus me vauv ntxawg tiag tiag los?" Thoob Yej teb hais tias: "Aub! Txiv, kuv yog koj vauv tiag tiag ntag lauj."Yawm txiv tias: "Aub! Koj yog kuv vauv ntxawg tiag no, koj sim tua niag hauv roob tid kom ua liaj ia rau kuv saib saib." Thoob Yej thiaj nta hlo phom los tlb phom rau niag hauv roob ua nwg ua kiag ib thaj liaj ci ntsa iab tiag lauj. Yawm txiv tias: "Aub! Yog kuv vauv ntxawm tiag. Koj yog kuv vauv tiag no, koj sim rov tua kom ua hauv roob Ii qub saib?" Thoob Yej nta hlo phom los tib phom rau, rov ua kiag ib lub hauv roob li qhov qub lawm thiab. Yawm txiv tias: "Aub! Me vauv, koj yog kuv vauv tiag tiag lauj! Ua li mas koj sim tua niag pob tsuas tid kom ua liaj ia teb chaws rau kuv saib saib. Yog koj tua tau, mas koj thiaj yog kuv vauv tiag." Thoob Yej nta hlo phom los tib phom rau niag pob tsuas, ua niag pob tsuas tawg tas, ua kiag liaj ia teb chaw lawm thiab. Yawm txiv rov hais tias: "Aub! Tus no mas yog kuv vauv ntxawm tiag lauj! Koj yog kuv vauv ntxawm tiag no, koj sim rov tua kom zoo li qub saib." Thoob Yej rov nta hlo phom los tib phom rau rov ua kiag tib lub pob tsuas dawb paug li qub lawm thiab lauj. Xeev Laus rov qab hais dua hais tias: "Aub! Tus no mas yog kuv tus vauv ntxawm tiag! Cov nqaij cov cawv no, yog tus vauv nws tuaj txog, txawm muaj ib tug vauv tshiab yuav yuav kuv tus ntxawm, mas thiaj li tau npaj. Tiam sis, nyiam no, txoj hmoov muaj. Tus vauv nws ho tuaj txog kuv ua niam ua txiv tsev lawm. Mas txawm yuav ntxab ntxawm tej dej cawv thiab cov nqaij hno no los rau kuv tus vauv noj mas tsis phim lawm. Tej no, cia muab rau me nyuam yau thiab zej zog noj ua si xwb. Tso rov npaj dua, mas thiaj yuav zoo." Ces txawm muab tus vauv tshiab tsum nqaij hno no los rau cov me nyuam yaus zej zog noj ua si xwb. Xeev Laus txawm hais rau Thoob Yej hais tias: "Aub! Me vauv, nyiam no, koj yog kuv vauv tiag. Koj yuav tsum mus nrhiav cuaj tug nyuj cuaj tug twm los tua rau kuv noj. Koj pom xeeb yog kuv ib tug vauv tiag, nyiam no koj tau kuv ntxhais nkauj ntxawm lawm." Thoob Yej thiaj hais rau nws txiv tias: "Aws! Cia kuv mam nrhiav los tau kawg los mas, txiv." Thoob Yej thiaj li nta hlo phom tua cuaj phom tau cuaj tug nyuj. Rov tua cuaj phom tau cuaj tug twm. Thoob Yej coj los khi tau tib niag tiaj lauj. Xeev Laus thiaj hais tias: "Aub! Tus no mas thiaj li yog kuv tus vauv tiag tiag." Ces Xeev Laus txawm hu laj mej pej xeem tuaj. Txawm tuaj pab ua tau cuaj lub tsev hawm tshav (tsev tsam phooj). Ib lub muaj cuaj dag lauj. Xeev Laus txawm hais rau Thoob Yej tias: "Aub! Nyiam no koj mas yog kuv vauv tiag lauj. Tab si skoj sim nee kuv tus ncej huab qag no, mus tuaj puag saum qhov kawg tus ncej khaub lig saud, hu qhua noj mov saib puas tau?" Ces Thoob Yej tsis pom qab yuav ua cas. Nws txawm quaj quaj xwb lauj. Mos ntsuab txawm los hais rau Thoob Yej tias: "Koj tsis txhob ntshai. Kuv mam li qhia koj tau xwb los mas." Mos ntsuab los de zoj tau ib daim me nplooj hleb kauv zoo zoo rau Thoob Yej, mos ntsuab hais tias: "Koj nqa daim no mus. Mas koj mus txog saud, koj yawm txiv yuav kom koj mus de daim niag nplooj lauj pwm saud tshuab no. Daim niag nplooj lauj pwm saud kam tuab li ib niag dos loj diam. Mas koj yeej tshuab tsis nrov ib zaug li. Kuv thiaj de daim me nplooj hleb no rau koj. Koj nee koj yawm txiv tus ncej huab qag ntawd, mas koj tsis txhob tuav qhov twg kiag. Txhob ntsia qhov twg kiag li. Koj ntsia ntsoov taw nee hlawv hlo xwb ces yeej tau kiag xwb los mas. Yog koj ntsia tim tej ntsia saud ntsia hauv, tuav ub tuav no mas koj poob nthav ntag laiv. Thaum ntawd koj yawm txiv yeej muab koj los ua ntxuag cawv xwb ntag nawd! Koj mloog mloog kuv hais, mas koj thiaj yuav yeej nawd! Thaum koj nee mus txog saud, koj muab kiag ib daim nplooj hleb los npuav nkaus ntawm koj daim di ncauj. Koj tshuab daim nplooj hleb, tshuab peb zag rau neej, peb zag rau dab. Tag nrho mas koj nqe ceev ceev los ntag laiv. Yog koj tseem nyob ntev saud, mas ib ntsis cua tshuab, koj yeej poob xwb. Thaum koj poob los txog, mas koj yawm txiv yeej muab koj ua ntxuag cawv xwb xwb nawd. Ces thaum ntawd koj yuav tsis tau koj poj niam, kuj yuav tsis tau koj niam hlob thiab." Ces Thoob Yej nee nws txawm tsis ntsia qhov twgJi lauj. Nws txawm ntsia ntsoov nws txhais taw. Nws nee hlawv hlo nce hlawv hlo mus nto plaws rau puag saum ob tug ncej khaub lig. Ciav muaj ib tsob niag nplooj lauj pwm tiag. Thoob Yej txawm de kiag tau Ib daim niag nplooj lauj pwm tuab muaj ib dos, ua txuj muab npuav nkaus ntawm qhov ncauj xwb.
Nws muab kiag daim nplooj cheb tas tshuab kiag peb zag rau neej peb zag rau dab tag nrho xwb, Thoob Yej nqes ceev ceev ti nkaus hauv pern teb. Tib pliag zoj, ntuj tsaus nciab teb tsaus nti. Mas lawg poob luaj taub twg lauj. Cua mas nplawm nplawm yawm txiv me ncej huab qag yuav vau li lauj, xa ua yawm txiv me maum kaum mas ntxhov niab rau qhov txhia chaw. Yawm txiv thiaj thov thov tias: "Aub! Tsum lauj! Me vauv lauj! Nyiam no, cuaj lub tsev hawm tshav neeg puv nkaus. Kuv me ncej huab qag qaij tas. Kuv me maum kaum tsev nqeeb ntxho tas lawm. Me vauv thov tso cia li lauj. Koj mas thiaj yog tseem tseem kuv vauv tiag lauj." Tsuas tias cuaj lub tsev hawm tshav mas qhua ntsawm nkaus hauv. Cov qhua ntawd noj tau peb hnub peb hmo.
Lawv noj tas cuaj tug nyuj cuaj tug twm. Dej cawv haus du lug. Noj noj tas rooj tshoob ntawd. Yawm txiv txawm muab tau yim tus nkauj qhev thiab Ntxawm, ces yog cuaj leeg nkaus. Nws muab lub vab tshaus hlau los kem nruab nrab, tso tas nrho cuaj leeg ntawd zaum ib leej rau hauv txaj. Kom lawv muab ib leeg ib tug ntiv tes tshwm sab nraud rau Thoob Yej twv cov ntiv tes ntawd saib Thoob Yej poj niam tus yog tus twg. Yawm txiv hais tias: "Yog nws los tuav tau nws poj niam tus ntiv tes, mas nws yog kuv vauv. Yog nws los tuav tsis tau, mas nws yog kuv ntxuag cawv xwb los mas." Ces Thoob Yej quaj quaj lauj! Niag mos ntsuab txawm los hais rau nws tias: "Koj tsis txhob ntshai. Koj yuav quaj ua tus dab tsi? Cia kuv mam li pab koj. Kuv nkag peb Iwm rau nraud, peb lwm rau hauv. Yog tias kuv tsaws ntua tus twg mas koj tuav nkaus tus ntawd. Koj thiaj yuav tau koj poj niam nawd!" Ces Xeev Laus txawm hais tias: "Kuv me vauv! Nws yog kuv vauv ntxawm tiag no, nws sim los tuav Ntxawm tus ntiv tes saib!"Thoob Yej thiaj los sawv loo saib nraud xyuas cov ntiv tes, pom mos ntsuab ya loo peb Iwm rau hauv peb Iwm rau nraud. Mos ntsuab tsaws ntua. Thoob Yej tuav nkaus tus mos ntsuab tsaws. Thoob Yej hais tias: "Ntxawm ces yog tus no ntag nawd." Xeev Laus hais tias: "Aub! Tus no mas yog kuv tus vauv tiag lauj! Kawg kuv twb muab lub vab tshaus los thaiv nruab nrab lawm, nws tseem twv tau Ntxawm lawm thiab."Ces ib ntsis tsaus ntuj. Xeev Laus los pua tau lav tsuj lav npuag rau ntawm tag. Xeev Laus hais rau cov qhev hais tias: "Ib ntsis, kom kuv me vauv ntxawm los pw ntawm kuv lub lav tsuj lav npuag no nawd!"Ces niag mos ntsuab txawm los hais rau Thoob Yej hais tias: "Thoob Yej os! Koj tsis txhob pw nawd! Luag pua lav tsuj lav npuag li no sim koj. Yog tias koj los pw mas luag yuav muab koj ua ntxuag cawv xwb xwb nawd! Nyiam no mas lawv muab Ntxawm kaw rau saum nthab lawm. Ntxawm txia ua ib tug niag has kos. Ntxawm twb kaws ib lub qhov nthab to lawm. Ntxawm yuav dauv ib txog hlab tsuj hlab npuag los rau torn tag. Koj ua txuj mus pw ntawm lub lav tsuj lav npuag ntawd ib me chim. Ces koj pom Ntxawm txoj hlab tsuj hlab npuag, mas koj sawv tsees mus tooj zog txoj hlab ntawd.
Koj mus nrog Ntxawm pw lawm saum nthab nawd. Yog koj tsis ua li kuv hais, mas koj yawm txiv yeej yuav sawv los muab koj ua ntxuag cawv nawd." Ces tsaus ntuj, Thoob Yej thiaj ua txuj los pw zoj ib me ntsis xwb. Ciav tsw hiav ntxiag. Ntsia, cas pom txoj hlab tsuj hlab npuag dauv los lawm tiag. Thoob Yej thiaj sawv tsees mus tooj zog txoj hlab tsuj ntawd mus nrog Ntxawm pw dua saum nthab lawm ntag.
Ces ib chim ib tag hmo, yawm txiv taws teeb los saib. Cas tsis pom Thoob Yej ntawm tag lawm. Tag kis yawm txiv hais tias: "Aub! Sim mus xyuas saib. Ntshai yog kuv vauv ntxawm tiag." Yawm txiv thiaj mus xyu&s. Cas pom Thoob Yej nrog Ntxawm pw saum nthab. Yawm txiv thiaj hais tias: "Aub! Zaum no mas thiaj yog tseem tseem kuv vauv ntxawm tiag lauj. Kuv txuj ci ces tas li no lawm. Ho kom nws los pe dab pe qhua, saib kuv puas tau muab nws los ntxuag cawv." Kom Thoob Yej los pe dab pe qhua. Ces Thoob Yej tsis paub 11 lauj. Thoob Yej quaj quaj. Mos ntsuab txawm los hais tias: "Koj txhob ntshai. Cia kuv mam qhia koj. Luag hais tias kom koj mus pe dab pe qhua no. Ces koj mus tsa hlo ob tug dauj nram qhov rooj tag. Thiab koj mus lawm torn tog txuas, koj nqa rab khaub rhuab tod los tso rau torn hauv plag saum lub rooj xwb, ces yog lawm los mas." Ces yawm txiv tias: "Vauv, los pe dab pe qhua saib." Thoob Yej thiaj li mus tsa hlo ob rab me dauj nram qhov rooj tag. Thiab nws mus loo rau torn tog txuas nqa hlo rab khaub rhuab tod coj los tso plhuav rau torn hauv plag saum lub rooj. Ces Xeev Laus niam qhuas qhuas nws hais tias: "Aub! Yog tseem tseem kuv vauv ntxawm tiag lauj! Kuv txuj ci tsis muaj ntxiv lawm, Ntxawm thiab me vauv nawb, neb nyob peb hnub tso, neb mam mus tsev." Ntxawm thiab Thoob Yej nkawd thiaj nyob tau peb hnub. Yawm txiv tseem rov qab hais tias: "Neb tsis txhob rawm mus nawd, me vauv! Koj los nyob deb thiab. Yog neb mus lawm, yuav tsis muaj neeg pab kuv lawm. Ua li mas, me vauv, koj mus luaj thiab ntov kom tag ib daim teb hav zoov laus rau kuv tso, Ntxawm neb mam li mus ov." Thoob Yej thiaj li nyob. Nws mus luaj tag ib thaj teb hav zoov laus. Thoob Yej rov los hais rau nws yawm txiv tias: "Aub! Txiv lauj! Kuv los tuaj lawm ntev. Tseg niam hlob thiab txiv yawg nyob xwb. Ntev lawm. Rawm rov mus xyuas vaj xyuas tsev thiab. Ces cia Ntxawm wb mus lauj." Yawm txiv teb tias: "Tsis tau! Txhob rawm mus, me vauv. Yog neb yuav mus mas hlawv teb tas tso, neb li mam mus."Aub! Nkawd rov nyob nyob tos teb qhua. Ces yuav mus hlawv teb lauj. Yawm txiv txawm hais tias: "Aub! Zaum no mas yuav mus hlawv teb nawd! Yuav cia tub mab tub qhe mus hlawv nram qab teb. Hos kuv me vauv mas nws yuav mus pua chaw pw hauv plawv teb. Yog tias hluav taws kub dhau lawm, kuv hu, vauv tseem teb hauv plawv teb tuaj thiab no, mas thiaj yog kuv vauv. Hos hluav taws kub dhau tas, kuv hu, yog tsis teb lawm no, mas yog kuv ntxuag cawv xwb." Nws yawm txiv hais )i ntawd. Ces nws quaj quaj lauj! Tsis pom qab yuav ua licas. Ntshai kawg tuag xwb. Mos ntsuab thiaj ya los hais rau Thoob Yej hais tias: "Koj tsis txhob quaj! Cia kuv mam qhia koj. Yog koj yawm txiv ua li ntawd no, ces koj mus txiav ob lub raj dej. Koj nqa mus. Koj muab ob lub raj dej ntawd mus nqa dej coj los tso ntawm koj ob sab. Thaum hluav taws kub tuaj, mas ob lub raj dej ntawd yuav ua ob lub niag pas hawv nyob ntawm koj ob sab. Hluav taws yuav tsis kub thiab twb tsis ntaiv koj. Koj nco ntsoov qhov kuv hais." Ces txog hnub hlawv ntag lauj! Xeev Laus txawm hais tias: "Kuv vauv ntxawm, koj mus pua chaw pw lawm hauv plawv teb.
Cia tub mab tub qhe mus hlawv nram qab tuaj nawd." Ces Thoob Yej txawm mus txiav tsuag tsuag tau ob lub raj dej luaj caj npab, coj mus ntim tau ob nyuam raj dej. Thoob Yej txawm mus pw hauv plawv teb lawm ntag. Nws mus txog, nws txawm muab ob lub raj dej tso rau ob sab, nws pw hauv nruab nrab ntag lauj.
Tub mab tub qhe hlawv nram qab tuaj. Tsuas tias nplaim mas sib ntswg yos tuaj lawm ntag lauj! Kub kub. Hluav taws tuaj dhau tas. Cav mas tsuas tias kub liab vog. Tsab ntoos mas vau pig poog qhov txhia chaw. Yawm txiv txawm cem hais tias: "Tus me dev ntawd, niam khav diam. Zaum no, nws tseem tsis yog kuv ntxuag cawv thiab, mas ntshe!"Yawm txiv cav hu tias: "Me vauv e!" Thoob Yej teb tias: "Hawv! Yawm txiv niam qhuas qhuas tias:
"Aub! Yog kuv tus me vauv ntxawm tiag tiag li lauj! Hluav taws twb npaum li no lawm, hu tseem teb thiab. Yog vauv ntxawm lawm lov. Me vauv aw! Yog hluav taws dhau lawm no los mog." Thoob Yej los los tim plawv teb los txog. Yawm txiv tias: "Me vauv, koj txawm maj mus tsev los, neb los nyob ob peb hnub tso, kom Ntxawm xaws ris xaws tsho rau koj tso. Neb mus qaum ntuj mus, neb mus peb hnub xwb txog lawm. Yog neb mus ntiaj teb mus mas neb yuav mus peb xyoos thiaj txog. Ces neb ua ib slab mus qaum ntuj mus, tso neb thiaj yuav txog sai me ntsis nawd!" Nkawd los nyob tau peb hnub. Ntxawm xaws tau ris tsho, rhais tis rhais tw rau nkawd tas. Nkawd thiaj ya tiaj lias los tau peb hnub. Ntxawm thiab Thoob Yej nkawd thiaj los txog rau ntiaj teb, rov los nrog niam hlob ua neej nyob rau ntiaj teb.


Last edited by xeebtsheejtiav on Sat Jan 26, 2013 8:33 pm; edited 2 times in total
Back to top Go down
View user profile
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Re: Koj nyiam tus neeg coj tus cwj pwm zoo li cas   Fri Jan 18, 2013 2:32 pm

kuv cov lus hmoob los ntawm cov dab neeg hmoob no mas, yog kawg nws txawj piav dab neeg heev li na... kuv nyeem tsis tau tas thiab na
Back to top Go down
View user profile
xeebtsheej
Professional Level III
Professional Level III


Posts : 199
Points : 213
Reputation : 0
Join date : 2013-01-14

PostSubject: Huab Tais Nplog Ntxhw Thiab Hauj Sam   Fri Jan 18, 2013 2:37 pm

HUAB TAIS NPLOG NTXHW THIAB HAUJ SAM

Puag thaum ub ov, nyob ntuj sua teb torn qab, Huab Tais Nplog muaj ib co Hauj Sam. Nws cov neeg niaj hnub nqa mov mus rau Hauj Sam noj.
Muaj ib tag kis, ib tug thawj Hauj Sam noj nws cov mov tsis tas, nws txawm muab cov mov los puab tau ib tug ntxhw peb lub taub hau. Nws txawm nqas niag ntxhw uas muab mov puab ntawd mus hawm Huab Tais Nplog lauj! Ces Huab Tais txawm cem niag thawj Hauj Sam ntawd hais tias: "Yaivl Kuv ua Huab Tais ob tiam peb tiam li no, twb tsis muaj ib tug neeg nqa ib thooj mov peb lub taub hau ntxhw li no tuaj hawm kuv. Nyiam no, koj nyuag Hauj Sam no, koj paub nyob qhov twg muaj ib tug ntxhw peb lub taub hau li no es koj yuav nqa tuaj hawm kuv. Nyiam no mas koj yeej meem mus nrhiav kom tau tus ntxhw zoo li no los rau kuv nawv! Yog koj mus nrhiav tsis tau mas kuv cia li muab koj kaw xwb ntag." Ces thaum ntawd tus thawj Hauj Sam tsis pom qab yuav ua li cas lauj! Nws txhaum lawm, ces nws lam teb hais tias: "Txiv Huab Tais, tus ntxhw peb lub taub hau no yeej muaj. "Huab Tais hais tias: "Yog muaj, koj txawm mus nrhiav kom tau rau kuv laiv! Koj yuav mus nrhiav pes tsawg hnub pes tsawg hmo?" Thawj Hauj Sam txawm teb hais tias: "Aub! Ntshe yuav mus peb xyoos, thiaj yuav nrhiav tau." Huab Tais hais tias: "Aub! Yog koj mus peb xyoos no mas cia kuv muab peb plhom nyiaj no rau koj. Koj yeej meem mus nrhiav kom tau los rau kuv nawd!" Ces tus thawj Hauj Sam ntawd txawm nqa peb plhom nyiaj ntawd muas noj mus nrhiav lauj! Nws mus thoob teb chaws daim av Nplog, tsis pom muaj tus ntxhw peb lub taub hau ntawd li lauj! Ces nws txawm mus pom ib tug nyuag poj Ntsuam nyob hauv lub nyuag qhov tsua. Nyuag poj Ntsuam ntawd txawm nug tias: "Ua li, koj tuaj mus dab tsi os, me tub?" Thawj Hauj Sam teb niag poj Ntsuam tias: "Aub! Kuv yuav tuaj mus nrhiav tus ntxhw peb lub taub hau xwb. Rau qhov Huab Tais Nplog cov neeg nqa mov tuaj rau peb noj, muaj ib hnub peb noj tsis tas cov mov, kuv txawm muab tau ib thooj mov los puab tau ib tug ntxhw peb lub taub hau. Kuv txawm nqa tus ntxhw ntawd mus hawm Huab Tais Nplog. Nyiam no Huab Tais tseev kom kuv mus nrhiav kom tau tus ntxhw ntawd los mas thiaj li tas. Yog kuv mus nrhiav tsis tau ces nws yuav muab kuv Raw xwb no, kuv thiaj tuaj." Niag pog ntawd txawm teb hais tias: "Aub! Teb chaws no mas tsis muaj li lauj! Yog koj yuav mus nrhiav tus ntxhw peb lub taub hau ntawd los hawm Huab Tais mas tsis muaj nawd! Da li mas kuv los hlub koj thiab. Cia kuv muab kuv tus pas nrig no rau koj. Kuv tus pas no, mas koj nqa mus, koj tsis txhob lam muab twb rau neeg laiv! Yog koj twb tog hauv paus, mas neeg tuag. Yog koj twb tog ntsis, mas neeg rov qab ciaj tuaj nawv, me tub." Ces tus thawj Hauj Sam ntawd txawm tau niag poj ntsuam rab pas nrig lauj. Niag poj Ntsuam txawm hais ntxiv tias: "Me tub, yuav kom koj tau tus ntxhw peb lub taub hau, mas koj ncaj qha qhov no lawm puag tim cov niag huab daj daj puag tid. Tej zaum yuav tau los tsis paub, tsis tau kuj tsis paub. Koj mus txog tid, muaj neeg, koj nug lawv, ces koj paub xwb." Ces tus thawj Hauj Sam ntawd txawm tsi ntsees mus rau puag tim qab ntug qhov huab daj daj lauj. Mus txog tid ov! Cas, tsis yog neeg ntiaj teb lawm. Nws yog nws ib yam neeg lawm. Tus Huab Tais uas nws kav thaj av ntawd tus tub tab torn tuag, lawv tseem nyiav zom zaws. Tus Hauj Sam mus txog, nws txawm nug cov neeg ntawd hais tias: "Yog vim li cas, lawv yuav quaj nyiav ntsuag qees li ntawd?" Cov neeg ntawd txawm teb tias: "Aub! Yog Huab Tais tus tub tuag lawm. Nws hlub nws tus tub heev. Ces tas ntiaj teb neeg thiaj li tuaj quaj tuaj nyiav." Hauj Sam txawm hais tias: "Aud! Yog li ntawd no. Mas nej sim lam mus hais saib Huab Tais puas kad! Yog Huab Tais kam no, kuv sim lam mus tsa nws tus tub. Saib puas yuav tau?" Muaj ib tug neeg nyob hauv lub tsev ntawd txawm khlav khiav mus hais rau Huav Tais. Ces Huab Tais thiaj hais tias:"Aub! Yog leej twg tsa tau kuv tus tub, mas nws yuav yuav dab tsi los kuv nrhiav kom tau rau nws tiag. Nej sim mus hu nws los saib. Nej hais rau nws tias yog nws tsa tau kuv tus tub, mas nws yuav dab tsi los kuv muab kom tau rau nws no ov." Lawv thiaj khiav khiav mus hu tau tus Hauj Sam ntawd tuaj txog, Huab Tais hais tias: "Me tub lauj! Yog koj pab tsa tau kuv tus tub sawv rov los, mas koj yuav dab tsi los kuv muab kom tau rau koj. Koj yuav nyiaj yuav kub, yuav nyuj yuav twm los kuv muab rau koj lauj." Hauj Sam txawm teb tias: "Aub! Me txiv Huab Tais, xyov puas yuav tsa tau los tsis tau thiab. Luag mas hais tias yuav tau ntag no. Log li mas kuv lam pab koj tsa saib puas tau xwb lauv." Ces tus Hauj Sam ntawd txawm muab tus ntsis pas los twb rau. Na has, Huab Tais tus tub txawm ciaj lawm tiag lauj.
Huab Tais mas zoo slab tas nrho. Huab Tais txawm hais tias: "Aub! Ua li, me tub, koj yuav yuav dab tsi los pauj koj tus txiaj ntsig uas koj tau pab kuv los lawd?" Hauj Sam txawm teb hais tias: "Aub! Kuv tsis yuav dab tsi. Tiam sis kuv tus Huab Tais Nplog, nws cov neeg nqa mov tuaj rau peb noj. Muaj ib zaug kuv noj tsis tas kuv cov mov, kuv txawm muab puab ua ib tug ntxhw peb lub taub hau, kuv txawm coj mus hawm Huab Tais. Nyiam no, Huab Tais tseev kom kuv nrhiav kom tau tus ntxhw peb lub taub hau no. Mas kuv thiaj tuaj nrhiav tus ntxhw ntawd xwb. Ua li, nyob ntawm no, qhov twg muaj tus ntxhw peb lub taub hau ntawd, mas koj ua txiv koj qhia rau kuv, es kuv yuav mus nrhiav tus ntxhw ntawd xwb." Huab Tais txawm hais tias: "Aub! Me tub lauj! Tus ntxhw peb lub taub hau ntawd, mas nyob ntawm no yuav tsis muaj nawd. Tsuas muaj puag Ceeb Tsheej teb xwb. Yog koj mus muab koj xwb, ntshai yuav tsis tau nawd! Koj twb tsa tau kuv tus tub sawv lawm, kuv zoo siab heev. Cia kuv mam tso kuv cov neeg mus muab los rau koj xwb. Tiam sis yuav mus ntev laiv, me tub! Ntshai yuav yog peb hlis thiaj rov los txog. Saib, koj ua tub, koj puas yuav maj kev?" Hauj Sam Tij txawm hais tias: "Aub! Ntev li cas los xij peem os, txiv, tsuav tau xwb. "Ces Hauj Sam txawm nrog Huab Tais nyob ntawd lauj. Nyob nyob, Huab Tais txawm tso nws neeg mus muab. Cov neeg uas Huab Tais tso mus ntes tus ntxhw peb lub taub hau ntawd, twb mus tau peb hlis tseem tsis tau los thiab. Ciav, twb tau rau hli mam li los txog. Ces txawm hnov xov los ua ntej hais tias: "Aub! Tus ntxhw peb lub taub hau ntawd mas ntes tau lawm tiag no lauj." Huab Tais txawm hais rau thawj Hauj Sam ntawd tias: "Aub! Me tub, xov los txog lawm, hais tias tus ntxhw peb lub taub hau mas ntes tau lawm, tseem los tsis tau txog xwb. Ua li mas kuv nrog koj zoo siab lawm. Thiab nyaj yuav tsis nkim koj lub caij lawm lov! Hais tias tshuav peb hlis saum no thiaj los txog no, es koj ua siab ntev. "Yawg Hauj Sam nyob tos tau cuaj lub hlis, thiaj li los txog. Ua ciav, los yuav txog, mas muaj ib co neeg cab ib co maum ntxhw ua ntej. Hos ib tug neeg caij rawv ib tug txiv ntxhw peb lub taub hau lawv qab. Caij los txog, mas tus txiv ntxhw zoo nkauj heev li lauj. Ob tug cov txwv tuaj ob sab, ib tug tuaj nruab nrab ntag lauj. Ces Huab Tais kav teb chaws ntawd mam li muab los hawm rau Hauj Sam. Tus thawj Hauj Sam ntawd mam li caij tus ntxhw los, thiab cab cov maum nrog. Ces Hauj Sam coj los tau peb xyoos kuj tseem los tsis tau txog. Ua ciav, txawm siv hnov xov rau Huab Tais Nplog hais tias: "Aub! Thawj Hauj Sam nrhiav tau tus ntxhw peb lub taub hau lawm no lauj. "Huab Tais nyob Moos Loob mas nim ua hmoov loj loj los tos tus Hauj Sam. Huab Tais hais tias:"Aub! Zaum no, yog tus Hauj Sam no nws tseem mus nrhiav tau tus ntxhw peb lub taub hau los rau kuv lawm thiab! Nyaj kuv yuav tsis poob teb poob chaw lawm lod!" Ces Hauj Sam caij tus ntxhw los tau peb xyoos thiab peb hlis, thiaj li los txog rau Huab Tais. Huab Tais mam li coj tus ntxhw mus hawm rau Hauj Sam. Nws txawm hais tias: "Ntshai nyiam no yuav yog lub ntuj pab, lub teb pov thiab. Kuv no, niaj hnub nqa mov tuaj rau nej noj. Cas noj tsis tas yuav muab puab ua ib tug ntxhw coj tuaj hawm kuv li no? Zaum no, koj tus thawj Hauj Sam, koj ho mus nrhiav tau tus ntxhw peb lub taub hau no los rau kuv lawm. Nyob rau kuv teb chaws Nplog no, kuv yuav foom lus zoo rau koj Hauj Sam kom muaj mus li tsis pub poob kiag. Kom txus teev Hauj Sam mas txus muaj mus ntxiv xwb. "Ces Huab Tais thiaj tau tus ntxhw ntawd los yug. Nyob nyob, Huab Tais laus laus lawm, nws yuav tuag. Huab Tais txawm hais tseg hais tias: "Nyiam no kuv yuav tuag. Ua li mas kuv tseg tus ntxhw nyob. Yog thaum kawg tus ntxhw yuav tuag, nws yeej yuav ntaus tsis tau ib tug me nyuam cia zoo li nws lawm. Nej yuav tsum muab tus ntxhw no los sau tseg rau hauv ntawv.
Nyob rau kuv teb chaws Nplog no, mas tsim txiaj tsuas yog tus ntxhw no xwb. Nyob rau ntiaj teb no yuav tsis muaj. Kawg nyob rau Ceeb Tsheej teb thiaj li muaj xwb."Ces Huab Tais hais li ntawd tas tsis ntev nws txawm tuag lawm. Huab Tais tus tub thiaj sawv los ua Huab Tais. Nws nyob nyob, tus ntxhw laus laus lawm yuav tuag, tsis muaj ib tug me nyuam yuav los hloov tus txiv li. Ces tus tub thiaj li muab thau duab kos rau hauv ntaub ntawv tseg. Ces tus ntxhw tuag lawm. Huab Tais Nplog txawm ua ib lub hmoov loj los hawm Ntuj niam Ntuj txiv tias: "Aub! Nyiam no, tus thawj Hauj Sam no nws mus muab tau tus ntxhw no puag qab ntug daj los. Huab Tais laus tseem mus txais puag sab Ceeb Tsheej los, thiab nws kuj tseem yog tus txiv. Los ntaus cov maum coob ua luaj, ho tsis tshwm ib tug noob kiag. Mas nyiam no tus ntxhw yuav tuag. Kuv txiv yeej hais tias kom thau duab los cia. Ces kuv yuav ua raws li kuv txiv tau hais tseg. "Mas nyiam no los rau ob peb tiam, thiaj li muab daim duab los thau rau hauv ntaub, ua dm cia los kav Nplog teb. Thiaj muaj tus ntxhw peb lub taub hau nyob hauv tus chij. Tus ntxhw ntawd mas thaum ub yog tus thawj Hauj Sam mus muab los. Nyiam no nyob rau Nplog teb thiaj li muaj hauj sam coob coob kawg.


Last edited by xeebtsheejtiav on Sat Jan 26, 2013 8:25 pm; edited 1 time in total
Back to top Go down
View user profile
xeebtsheej
Professional Level III
Professional Level III


Posts : 199
Points : 213
Reputation : 0
Join date : 2013-01-14

PostSubject: Yawg O Pob Thiab Huab Tais Ntxhais Nkauj Ntxawm   Fri Jan 18, 2013 3:12 pm

YAWG O POB THIAB HUAB TAIS NTXHAIS NKAUJ NTXAWM

Puag thaum ub ov, Huab Tais Moos Loob nws muaj xya leeej ntxhais. Nws cov ntxhals mas niaj hnub niaj hmo tuaj mus da dej ntsis plaub hau tom ntug hav dej os. Ces muaj ib zaug Huab Tais cov ntxhais txawm tuaj mus da dej. Txawm muaj ib niag hluas hu ua 0 Pob, nws tuaj mus pw tav kev. Ib ntsis Huab Tais cov ntxhais tuaj mus da dej los txog ntawd. Cov niam laus mas hla niag 0 Pob nraws nruam los lawm. Tshuav tus ntxhais Ntxawd los torn qab. Tus ntxhais Ntxawd, nws los txog, nws yuav hla, nws ho xa tau hais tias: "Ab! Luag yog ib tug txiv neej diam, hos yus yog ib tug poj niam. Ntshai yus tsis txhob hla aub!" Ntxawm txawm lug zoj kev mus nram ko taw. Niag 0 Pob txawm chaub laug tsuag tsuag tuaj nrad lawm thiab. Ntxawm ho lug kev tsuag tsuag tuaj ped. Niag yawg 0 pob kuj txav chaub laug tsuag tsuag tuaj ped lawm thiab. Txawm xij tav kev li ntawd ib hnub tsaus ntuj, Huab Tais ntxhais Ntxawm tsis tau kev los tsev li lauj. Tsaus ntuj noj hmo tas, niag hli tuaj twb yuav ntseg, los kuj tsis pom Huab Tais ntxhais Ntxawm los li thiab lauj. Huab Tais txawm cem hais tias: "Nej xya tus ntxhais no, nej niaj hnub niaj hmo mus da dej ntsis plaub hau torn hav dej. Ua cas nej rau leej hlob, nej twb los lawm tas. Ua li nxthais Ntxawm ne? Nws ho tseem mus tus dab tsi lawd? Ua cas niag tsaus ntuj tav li no, ho tsis pom nws los li thiab?" Cov niam laus txawm teb zom zaws hais tias: "Aub! Txiv, peb niag niam hluas Ntxawm xij tseem pheej nrog niag hluas 0 Pob tham nyob torn kev naj! Peb los txog tod ces niag 0 Pob pw tav kev, ces peb cia li hla nraws nruam los lawm. Hos Ntxawm ces, nws los txog ntawd nws pheej nrog niag 0 pob tham tsis paub tas zaj 11 tiag." Huab Tais txawm cem hais tias: "Aub! Nej cov hlob twb Ics tas lawm. Es Ntxawm xij pheej nyiam niag 0 Pob li ntawd, ces ua rau kuv poob ntsej muag hwv. Kuv tsis yuav nws los ua kuv tus ntxhais lawm. Cia mus hu tsoom Xeeb teb Xeeb chaw, tswv zej tswv- zos sawv daws tuaj tso, es yuav muab niag yawg 0 Pob thiab Ntxawm nkawd rau tshoob ceeb tshoob mus xwb lov."Ces Huab Tais txawm tso neeg mus hu tsoom Xeeb teb Xeeb chaw, tswv zej tswv zos sawv daws tuaj. Huab Tais nws kuj npaj ib rooj mov loj loj noj tas. Huab tais txawm tso nws cov tub mab tub qhe mus txua ib lub nkoj loj loj los. Nws muab mov muab nqai j txaus txaus rau hauv lub nkoj. Ces nws txawm muab Ntxawm thiab yawg 0 pob nkawd ob leeg rau tshoob ceeb tshoob raws dej Vwj Cab tshoob los lawm lauj. Tas tsoom Xeeb teb Xeeb chaw, tswv zej tswv zos sawv daws npuaj teg hais zom zaws tias: "Aub! Huab tais muab nws ntxhais nkauj Ntxawm nrog niag yawg 0 pob rau tshoob ceeb tshoob mus lawm lauj."Ces dej txawm tshoob lub nkoj los lawm. Dej Vwj Cab muab tshoob mus txog qhov twg los lub nkoj tsis khuam li. Tshoob tshoob txawm los txog rau lub pov txwv Duas Cas, ces lub nkoj txawm los khuam rau ntawd lawm. Nkawd nquam li cas los lub nkoj tsis mus li. Nkawd ho nrhiav pas los nyom los kuj tsis tau li thiab. Ces Ntxawm thiab yawg 0 pob nkawd niaj hnub muab nkawd yawm txiv cov mov los noj. Ntxawm txawm hais rau yawg 0 Pob hais tias: "Aub! Txiv 0 Pob, koj kuj txawm mus luaj teb los pov? Yog koj tsis mus luaj teb mas wb yuav tsis tau noj nawd! Wb niaj hnub noj niam tais thiab yawm txiv lawv tej zaub tej mov no tas, es ua li wb ho yuav noj tus dab tsis thiab?" 0 Pob txawm teb hais tias: "Ab! Ntxawm lauj, mas koj zoo nkauj hwv ces kuv tsis xav mus li las. Kuv xav nyob zov koj xwb." Ntxawm teb hais tias:" 0 Pob, koj tsis txhob hais li ntawd. Nyiam no, zoo thiab phem los wb niam wb txiv lawv twb muab wb rau tshoob ceeb tshoob los txog txij no lawm, ces koj ua ib siab mus luaj teb xwb! Nyiam no, me noob nplej noob kws los niam tais yawm txiv lawm yeej muab los. Muaj nyob ntawm no huv si. Ces koj mus luaj tso. Qhuav lawm no ces ho yuav muab hlawv es ho coj mus cog. Lwm xyoo koj thiab kuv wb thiaj li yuav tau noj." Ces yawg 0 Pob txawm mus luaj teb lauj. Yawg mus luaj ib hnub, ntov tas ib tog zoov. Hmo rov los lawm. Tag kis mus xyuas. Xyoob ntoo rov sawv zoov li qub. Hnub torn qab, ho rov mus luaj ib hnub tsaus ntuj, ntov tas ib tog zoov, rov los tsev. Tag kis mus xyoob ntoo sawv zoov li qub lawm thiab, zoo nkaus li tsis tau luaj tsis tau ntov, Ntxawm xij cem hais tias: "0 Pob lauj, koj mas nkees dhau hwv lawm. Ntshai wb yuav tsis tau noj li lap:j. Koj mus luaj tau ob peb hnub los no, ib tug xyoob tug ntoo tsis tu. Koj nkees dhau hwv lawm! Ces hnub no tso kuv mus luaj ua ntej nawd! Es koj ho ntov lawv kuv qab. Mas ntshai wb thiaj li yuav tau teb ua xwb lauj." Ces hnub ntawd Ntxawm txawm mus luaj ua ntej, hos 0 Pob ntov lawv qab. Ntov ntov ib hnub vau peb nyuag tug ntoo xwb. Muaj ib tug mas yog ib tug ntoo khoob loj loj. Ces tsaus ntuj lauj. Ntxawm hais tias: "0 Pob! Tsaus ntuj lawm ces wb mus tsev tso. Tag kis mam ho rov tuaj luaj dua."Yawg 0 Pob nws chim chim nws txawm hais tias: "Ntxawd, koj mus xwb os. Kuv yuav tsis mus nawd! Kuv mus los xij raug koj cem xwb, ces kuv yuav tsis mus lawm os. Kuv luaj teb, kuv kuj luaj tiag tiag tas tsim nyog kuv ib tug luaj thiab, tag kis rov tuaj xyoob ntoo nws rov sawv nws li qub lawm xwb. Koj txawm xij pheej cem kuv hais tias yog kuv tuaj laug xwb, kuv tsis luaj teb no, ces koj mus xwb, es kuv yuav zov saib yog leej twg xij pheej los tsa tej xyoob ntoo no." Ces Ntxawm thiaj li rov qab los lawm. Hos txiv yawg 0 Pob thiaj li nqa rab ciaj uas yawm txiv muab, nws txawm khiav mus nkaum hauv niag cav ntoo khoob uas nws ntov vau ntawd. Cas ib tsam uas ntxoov ntxoo los dhau hav tas nrho xwb, muaj ib pab niag liab coob coob los. Muaj ib niag txiv thais liab loj nqa ib lub nruas uas muaj cuaj lub qhov muag. Nws los los txog ntawm niag ntoo, niag txiv thais liab txawm muab lub niag nruas los ntaus, teg lub qhov muag teg lub qhov muag. Niag txiv thais liab txawm ntuas hais tias: "Sawv sawv! Nqaij txuas nqaij, tawv txuas tawv." Ua ciav tsob niag ntoo sawv zuj zus lawm. Yawg 0 Pob txawm tuaj hauv niag ntoo khoob ntawd ntsia ntsoov ntag, pom niag txiv thais liab tsa tus tas ho los tsa tus thiab, rov muab lub nruas ntaus teg lub qhov muag teg lub qhov muag hais tias: "Sawv sawv! Nqaij rov txuas nqaij tawv rov txuas tawv au!" Tsob niag ntoo cia li sawv zuj zus sawv zuj zus. Tsis pom ib tug hniav riam hniav txuas li. Du lug li qub xwb. Niag txiv thais liab txawm yws hais tias: "Ned! Leej twg nim tuaj muab tej vaj-tse no ntov vau tas? Kuv kuj sis los tsa tau rov sawv li qub thiab. Kuv kuj tseem heev dua nws lawm thiab sas!" Niag txiv thais liab ho tib plhaw los zaum ntua saum yav niag cav ntoo khoob uas yawg 0 Pob nkaud. Ces niag txiv thais liab txawm los zaum nyob saud. Niag ntoo ntawd txawm muaj ib niag kab tawg pleb. Niag txiv thais liab ob lub noob qes txawm tawm los hauv qab lauj. Yawg 0 Pob txawm muab cov ciaj uas yawg yawm txiv muab rau yawg, tais nkaus niag txiv thais liab ob lub noob qes tuav ruaj ruaj lawm . Niag txiv thais liab nti nti tsis dim li. Niag txiv thais liab txawm hais rau yawg 0 Pob haistias: "Thov koj tso kuv lauj! Koj tuaj luaj tau ob peb hnub teb, tas ob peb kab los no, los yog vim kuv los muab tsa tas thiaj li rov sawv li qub tas lawm. Yog vim kuv nqa kuv lub nruas no tuaj tsa thiaj rov sawv tas tiag. Mas hnub no koj poj niam tuaj luaj ua ntej, koj ho ntov lawv qab los kuv yeej tsa tau huv tib si lawm tiag tiag. Tiam sis yog niag ntoo khoob no kuv thiaj li tsa tsis tau xwb. Ua li ces thov koj. Koj tso kuv tso. Kuv muab kuv lub nruas cuaj lub qhov muag no rau koj lauj." Niag txiv thais liab mas thov zaj tas los thov zaj tuaj thiab lauj. Yawg 0 Pob thiaj li hais tias: "Aub! Tsis lam yuav mus tau li ntag! Yog kuv tso koj thaum twg mas koj yeej yuav torn kuv xwb. Kuv mas yeej yuav tsis lam tso li ntag lauj. Luaj teb ntov ntoo sab, yog zaub xwb ntag?" Niag txiv thais liab hais tias: "Tsis ntshai! Yog tias koj ntshai tsam kuv ho nqa kuv lub nruas no khiav, thiab koj ho ntshai tsam kuv lam torn koj no, ces kuv xub cev kuv lub nruas no los rau koj tso. Koj yuav kuv lub nruas lawm, koj mam li tso kuv. Es koj tawm los wb mam li sib tham. Koj tsis txhob ntshai kiag ntag nawd! Ces mag txiv thais liab txawm cev lub niag nruas uas muaj cuaj lub qhov muag los rau yawg 0 Pob. Thaum yawg 0 Pob txais tau txiv thais liab lub nruas lawm lauj, nws mas li tso niag txiv thais liab ob lub noob qes. Ces yawg thiaj li tawm los, ob tug sib tham. Txiv thais liab thiaj hais tias: "Ua li cas koj yuav mus o pob phem tas npaum li ko ua luaj?" 0 Pob txawm teb hais tias: "Leej npawg! Kuv niam kuv txiv yug kuv puag nruab thiab los ces kuv yeej tus niag o pob los li no tiag." Niag txiv thais liab hais tias: "Aub! Yog li no mas koj muab lub nruas los rau kuv, kuv ntaus kom koj rov zoo nraug rov tuaj saib." 0 Pob hais tias: "Aub! Tsam me ntsis koj tsis rov muab rau kuv lawm, ces kuv yuav tsis kam os." Niag txiv thais liab hais tias: "Leej npawg! Koj txhob ntshai, kuv yeej muab xwb las mas. Yog hais tias koj ntshai tsam kuv tsis rov muab rau koj lawd no, ces koj rov muab ciaj los tais kuv ob lub noob qes zoo li qub tso. Es kuv ntaus kom koj zoo nraug tas, kuv muab lub nruas rov rau koj lawm koj mam li tso kuv." Yawg 0 Pob thiaj rov muab ciaj los tais niag txiv thais liab ob lub noob qes, ces niag txiv thais liab thiaj muab lub nruas los ntaus. Nws hais tias: "Aub! Kuv ntaus lub nruas no mas tseem kom koj zoo nraug rov tuaj. Cov niag pob ntawd, mas tseev kom nti tas mus nawd!" Niag txiv thais liab ntaus lub ruas tas, nws hais tias: "Aub! Zaum no, koj los luaj teb rau lub Vees Cas no, kuv los muab tsa tas lawm, mas nkim koj lub zog los lawm ntau hnub. Mas kuv muab lub nruas no rau koj, mas kuv twb ntaus kom koj rov zoo nraug tuaj lawm. Ces koj nqa lub nruas no, koj rov mus koj tsev. Koj mus txog tsev, yog koj poj niam tsis kam yuav koj lawm no, koj coj koj poj niam neb tuaj cuag kuv nawd!" Ces yawg 0 Pob txawm nqa lub nruas los lawm. Nws mus txog tsev, hu kom Ntxawm tawm tuaj qhib qhov rooj Ntxawm txawm qhib tau qhov rooj. Ua ciav tib tug hluas mas zoo nraug ntxiag xwb lauj. Tsis yog niag yawg 0 Pob lawm. Ntxawm txawm hais tias: "Aub! Koj tsis yog kuv tus txiv lawm. Kuv tsis yuav koj. Kuv tus txiv mas tus niag o o pob tsis zoo li koj." Yawg 0 Pob txawm teb Ntxawm hais tias: "Koj hais yog lawm las mas Ntxawd! Tiam sis, koj los lawm, ces kuv zov. Ib me ntsis, txawm los ib niag pab liab coob coob, txawm los tsa cov ntoo uas kuv ntov. Mas kuv thiaj li muab wb yawm txiv rab ciaj los tais niag txiv thais liab noob qes, ces nws thiaj li muab nws lub nruas cuaj lub qhov muag no los thov kuv tiag!
Nws thiaj muab los ntaus kom kuv rov zoo nraug rov tuaj li no lawd." Ntxawm txawm teb yawg hais tias: "Koj lam dag xwb. Kuv tsis yuav koj li. Ntawm kuv tus txiv mas nws yeej o pob."Yawg 0 Pob hais li cas los Ntxawm tsis ntseeg li lauj. Yawg 0 Pob thiaj rov hais tias: "Aub! Ntxawd, niag txiv thais liab hais tias yog kuv los txog hos koj tsis zeem tias kuv yog koj tus txiv li no, kom kuv coj koj nrog kuv wb mus cuag nws no." Ntxawm thiaj li teb hais tias: "Ab! Koj nim hais ua luaj! Yuav mus los puj sis mus las mas. Saib yog koj dag los yog muaj tiag?"
Ces nkawd ob niam txiv txawm rov qab mus cuag niag txiv thais liab raws li yawg 0 Pob hais. Niag txiv thais liab txawm hais tias: "Aub! Yog kawg las mas! Twb yog kuv los tsa cov ntoo no. Ces koj tus txiv thiaj muab nws yawm txiv rab ciaj los tais kuv ob lub noob qes, ces kuv thiaj tau muab kuv lub nruas no pub rau nws lawd! Mas thaum koj tus txiv nws tawm hauv qhov ntoo los, nws tus niag phem phem o o pob. Kuv thiaj muab lub nruas no los ntaus, ces nws mam rov zoo nraug tuaj lawm xwb. Yog tias koj ho pheej yuav tsis ntseeg li no, mas cia kuv ho rov muab lub nruas no ntaus kom nws o pob li qhov qub, kom pob su tuaj pub rau koj saib saib maj."
Niag txiv thais liab thiaj muab lub nruas rov los ntaus tias: "0 Pob! Koj rov qab o pob li qub tuaj saib!" Niag txiv thais liab ntaus cuaj teg cuaj lub qhov muag, ces yawg 0 Pob thiaj rov o o pob tuaj lawm tiag lauj.
Niag txiv thais liab haistias: "Nev! Koj sim saib saib mas. Puas yog koj tus txiv lawd?" Ntxawm thiaj hais tias: "Aub! Tus no thiaj yog kuv tus txiv las mas. Kuv tus txiv mas nws yeej o pob li no tiag." Niag txiv thais liab hais tias: "Koj sim saib saib ov! Kuv yuav rov ntaus kom nws zoo nraug rov tuaj nawd!" Niag txiv thais liab ntaus cuaj teg cuaj lub qhov muag tias: "Aub! Kuv ntaus no, mas kom rov zoo nraug au!" Yawg 0 Pob rov zoo zoo nraug rov tuaj lawm tiag lauj. Txiv thais liab nug hais tias: "Zaum no koj yuav los pov ! Yog koj tus txiv lawd!" Ntxawm teb hais tias: "Aub! Kuv yuav. Zaum no, yog kuv tus txiv lawm tiag." Niag txiv thais liab thiaj hais tias: "Npawg! Kuv mus lawm. Neb nyob. Hnub twg yog neb muab kuv lub nruas no los ntaus, mas ntaus teg ib, tau liaj ia teb chaws. Ntaus teg ob, mas tau laj mej pej xeem huab hwm. Ntaus teg peb, mas tau nyuj tau twm. Ntaus teg plaub, tau qaib npua os. Ntaus teg tsib, tau yaj tau tshis. Mas neb ntaus cuaj teg no, mas neb tau tas ib puas tsav yam tsiaj." Niag txiv thais liab txawm mus lawm lauj. Ces niag yawg 0 Pob txawm muab lub nruas los ntaus raws li niag txiv thais liab tau hais rau nkawd. Nkawd thiaj li tau tsiaj tau txhuv, tau liaj ia teb chaws, tau laj mej pej xeem huab hwm, tau tub mab tub qhe coob coob ua npoj ntws lawm lauj. Ces yawg 0 Pob hais rau Ntxawm hais tias: "Ntxawd, nyiam no wb tau liaj ia teb chaws lawm, muaj tsiaj muaj txhuv tas lawm. Ntshai wb yuav tau ua ntawv mus rau yawm txiv kom yawm txiv tuaj xyuas wb los pov yuad?" Ces yawg 0 Pob thiab Ntxawm nkawd thiaj ua ntawv mus rau Huab Tais hais tias: "Aub! Txiv, nyiam no mas hais rau koj tau paub. Thaud, koj ua txiv, koj tau muab wb rau tshoob ceeb tshoob raws dej Vwj Cab nqes hav lawm. Wb thiaj tau nrog dej ntab los khuam rau Thaj Dua Cas. Mas nyiam no wb tau teb chaws los nyob lawm. Mas liab muab lub teb chaws no rau wb nyob lawm. Lub nroog uas wb nyob no yog hu ua Vees Cas. Txiv, yog koj tuaj mas koj caij ntxhw tuaj, koj muab ntaub liab los npog ntxhw ob lub qhov muag nawd!" Ces tsis ntev nkawd yawm txiv txais tau daim ntawv lawm. Nws txawm hnyos yawg 0 Pob thiab Ntxawm hais tias: "Aub yau! Yog tias tseem ho tau zoo lawm. Es kuv caij ntxhw mus los tseem yuav ntaub liab los npog ntxhw qhov muag thiab. Tsam ib me ntsis ntxhw ho mus pom teb chaws zoo hwv lawm ces ntxhw ho ceeb thiab, mas zoo dhau hwv lawm lauj?" Ces yawm txiv tsis ntseeg li. Nws txawm caij ob tug ntxhw mus, tsis muab ntaub liab los npog ntxhw qhov muag. Yawg 0 Pob thiab Ntxawm nkawd yawm txiv caij ntxhw taug tus ntug dej Vwj Cab nqes hav tuaj mus ov. Txiv yawg Huab Tais tuaj, mas nim tuaj nyo hau nywb nyes xwb. Ua ciav tuaj tuaj mus pom dheev niag tiaj nrag dav li dav lauj. Ntxhw ceeb ces ntxhw tso tuam phov ntws dhia, Yawm txiv poob ntxhw lov tav lawm lauj. Yawm txiv ces nti luj luam xwb. Ib ntsis txawm muaj ob tug niam txiv Nplog mus cuab ntses los txog ntawd. Nkawd pom, nkawd txawm los hais rau 0 Pob nkawd ob niam txiv hais tias: "Aub! Npawg, wb mus cuab ntses los txog torn kev tod. Wb pom muaj ib tug yawg laus laus caij ntxhw tuaj txog tod. Ntxhw dhia ces yawg poob, lov ib tug tav lawm, sawv tsis taus li." 0 Pob nkawd ob niam txiv thiaj hais tias: "Aub! Ntshai tsam tej zaud yuav yog wb yawm txiv laiv! Rau qhov wb twb tau ua ntawv mus kom tuaj xyuas wb. Ntshai tsam yog yawm txiv tuaj xyuas wb, nws tsis muab ntaub los npog ntxhw qhov muag. Es ntshai ntxhw pom tiaj nrag dav, ntxhw khiav rov qab, nws poob ntag." Nkawd ob niam txiv thiaj khiav ib tsaug tuaj mus xyuas. Ciav yog nkawd yawm txiv tiag lauj. 0 Pob thiaj hais tias: "Txiv! Wb sau ntawv los rau koj. Wb twb hais tias koj tuaj mas kom koj muab ntaub liab los npog ntxhw qhov muag. Nyob ntsis ntxhw tuaj pom tiaj nrag dav, ces tsam ntxhw dhia es koj poob no nev?" Nkawd yawm txiv Huab Tais hais tias: "Aub, Vauv Kuv nyeem, ntawv yeej hais li thiab las mas. Tiam sis kuv ho xav tias ntshai yog dag no nas." Ces nkawd ob niam txiv thiaj tau coj yawm txiv los kho tau ob peb hnub. Yawm txiv zoo rov los, nws thiaj Jiais tias: "Me vauv nev! Thaud, koj lam ntxov zoo li no mas kuv yeej tsis muab kuv Ntxawm neb rau tshoob ceeb tshoob tiag. Kuv yeej cia koj ua koj nom nyob lawd. Yog vim li cas es nyiam no koj ho tau ib lub zoo neej ua lawd?" Vauv 0 Pob teb yawm txiv tias: "Aub, txiv lauj! Thaud, kuv yeej tus niag o o pob tiag. Tiam sis koj muab wb rau Tshoob Ceeb tshoob raws dej Vwj Cab los khuam rau lub niag Thaj Duas Cas. Ces Ntxawm kom kuv mus luaj teb no. Kuv mus luaj ib hnub, ntov vau ib niag tog zoov. Tag kis, mus cov ntoo uas ntov tas lawd rov sawv zoo li qub. Ces kuv thiaj mus zov. Ciav yog liab los tsa. Kuv mus nkaum hauv niag qhov ntoo. Liab tsa cov ntoo sawv tas, nws ho tsis pom kuv. Liab txawm dhia los nkaum saum kuv taub hau. Niag ntoo tawg ib niag kab pleb. Nws niag noob qes hlauv vias los. Kuv thiaj muab rab ciaj uas koj muab rau wb ntawd tais liab ob lub noob qes. Liab thov thov. Nws thiaj muab nws lub nruas cuaj lub qhov muag los rau kuv. Nws kom kuv tawm nrog nws tham. Nws pom kuv tug niag o o pob. Nws thiaj nug kuv tias ua cas kuv tus niag yuav o o pob li no. Ces kuv thiaj teb nws hais tias yog puag nruab thiab los kuv yeej zoo li no. Ces nws thiaj kom kuv muab lub nruas rau nws ntaus. Kuv cia li zoo tuaj li no xwb. Niag txiv thais liab mus lawm, wb ho muab lub nruas no lo ntaus. Wb thiaj tau liaj ia teb chaws li no tiag." Yawm txiv hais tias: "Aub, me vauv lauj! Thaud, koj yeej tsis tsim txiaj las. Nyiam no Ntxawm neb ho tau zoo lawm los yog lub Ntuj pab thiab. Ua li ces kuv ua txiv, cia kuv nyob Moos Loob ua Huab Tais nyob ped. Hos kuv Ntxawm neb nyob nram no lub nroog Vees Cas ces cia neb ua Thawj Pwm Tsav.
Ces Ntxawm nkawd nyob Vees Cas. Yawg 0 Pob tau ua tus Thawj Pwm Tsav. Hos nkawd yawm txiv nyob Moos Loob. Lawv thiaj li los ua neej tsis muaj tag.


Last edited by xeebtsheejtiav on Sat Jan 26, 2013 8:27 pm; edited 1 time in total
Back to top Go down
View user profile
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Re: Koj nyiam tus neeg coj tus cwj pwm zoo li cas   Fri Jan 18, 2013 3:21 pm

KOj tso tas koj txhob tshem nawb, cia rau nov rau kuv tuaj zaum nyeem os Xeebtsheejtiav... ntau heev kuv tsis khoom nyeem tas na, ......
Back to top Go down
View user profile
xeebtsheej
Professional Level III
Professional Level III


Posts : 199
Points : 213
Reputation : 0
Join date : 2013-01-14

PostSubject: Re: Koj nyiam tus neeg coj tus cwj pwm zoo li cas   Fri Jan 18, 2013 4:24 pm

nkaujhnubqub, koj twb yog tus kom kuv muab tuaj tso rau koj nyeem ces nyob ntawm koj pom zoo xwb os.
Back to top Go down
View user profile
 
Koj nyiam tus neeg coj tus cwj pwm zoo li cas
View previous topic View next topic Back to top 
Page 5 of 8Go to page : Previous  1, 2, 3, 4, 5, 6, 7, 8  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Love & Relationship - HLub & Phooj Ywg-
Jump to: