Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Yajceebtshiab
 
8tos8nco
 
Nkaujnagtshia
 
PajTshiab
 
tubsiabzoo
 
davdub
 
Ncoibsim
 
Latest topics
» Hmoob Tuav Cos
by PajTshiab Today at 10:40 am

» Hlub Koj Nyob Deb
by PajTshiab Today at 10:34 am

» DavDub Mus Blog Tebchaws
by 8tos8nco Yesterday at 5:47 pm

» Yuam Kev Nyob Hauv Koj Siab
by Yajceebtshiab Yesterday at 2:13 pm

» NkaujNagTshia LubChawMloogNkauj
by Yajceebtshiab Yesterday at 1:45 pm

» Tseem Nyob Tos
by Guest Fri Dec 02, 2016 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
siab Npaim neeg bauj txiv txhiaj Nyob ntxhoo hlub nrhiav vang lawm duab NkaujNyiag nkauj baim niam muas neej muaj liab Npauj txoj ntsuab hmoob hmong
Statistics
We have 67 registered users
The newest registered user is tubsiabzoo

Our users have posted a total of 22573 messages in 921 subjects
Who is online?
In total there are 9 users online :: 0 Registered, 0 Hidden and 9 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 Seev Kwv Txhiaj

View previous topic View next topic Go down 
Go to page : Previous  1, 2, 3, 4, 5, 6, 7, 8  Next
AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Seev Kwv Txhiaj   Mon Oct 22, 2012 10:36 am

First topic message reminder :

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........


Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.



Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.


Last edited by YwjSuab on Tue Oct 23, 2012 1:12 pm; edited 3 times in total
Back to top Go down
View user profile

AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Tue Oct 23, 2012 1:09 pm

nkaujhnubqub wrote:
Cia kuv sim hais seb nawb

Nij ye .........;Peb ib me tsoom nkauj muam nraug nus nyob hmoob ceeb tsheej teb, Cas xyoo no yuav yog niam dab tsi xyoo thiaj muaj tau Ywjsuab tuaj qhib topic kwv txhiaj pab qhia rau peb.
Nij ye .........;Peb ib me tsoom nkauj muam nraug nus nyob hmoob ceeb tsheej chaw, Cas xyoo no yuav yog niam dab tsi xyoo thiaj muaj tau Ywjsuab tuaj qhib topic kwv txhiaj pab qhia rau peb sawv daws om.

Peb ib tsoom me phooj ywg hmoob, cas mab teb ces luag yuav kawm muaj zoo txuj mus nrog ci, hmoob ceeb tsheej teb ces peb tsis muaj txawj tsis muaj ntse ces lam tuaj sau lus dho nyob ua si.
Peb ib tsoom me phooj ywg hmoob, cas mab teb ces luag yuav kawm muaj zoo tci mus nrog txuj, hmoob ceeb tsheej teb ces peb tsis muaj txawj tsis muaj ntse ces lam tuaj sau lus dho nyob ua muj.

Niaj ye..... peb me nkauj muam nraug nus zoo e... cas qab tsua twb txawm tas me zaub hlav mos nyuj nyoos zoo de hau, qaum tsua ces ntshe muaj tas niam liab miv cuam kau. Cas xyoo no ntshe nim yuav yog xyoo zoo, peb thiaj ntauj siab tuaj sau paj huam tuaj nyob sib nroo.
Niaj ye..... peb me nkauj muam nraug nus zoo e... cas qab tsua twb txawm tas me zaub hlav mos nyuj nyoos zoo de noj, qaum tsua ces ntshe muaj tas niam liab miv cuam dhia sib coj. Cas xyoo no ntshe nim yuav yog xyoo zoo lawm tej sib tiag, peb thiaj ntauj siab tuaj sau paj huam tuaj nyob sib nroo lawm sib npliag.

Cas xyoo no yog lawm xyoo muaj hmoo nkaujhnubqub tsis txawj paj ntsha lus taum los lam tuaj hais luj luas kom tshav ntuj, seb puas yuav tau lawm ib tus me nraug hmoob ceeb tsheej no tuav tes ua ib zaug muj.
Cas xyoo no yog lawm xyoo muaj hmoo nkaujhnubqub tsis txawj paj ntsha lus taum los lam tuaj hais luj luas kom tshav kub, seb puas yuav tau lawm ib tus me nraug hmoob ceeb tsheej no tuav tes ua ib zaug hlub.

Ces niam zoo laj xeeb xaus li xis lub me ntsis thuv, Kheev lam muaj zoo ib leej me nraug hmoob tuaj nyob tos kuv om..

lol! lol! lol! lol! lol! seb puas yog sau li no nawb Ywjsuab a thiab cov viv ncaus aw... Nej tsis tuaj nrog kuv hais kwv txhiaj ces kuv kawm lawm laiv... tsis yog no mas qhia ntxiv kom kuv txawj nawb.

Nkaujhnubqub.....koj tsis dog dig kiag nawb hais txog kwv txhiaj na cheerscheerscheers



Ntuj ni nkaujhnubqub.....cas xyoo no nim yog lawm hmoob ceeb tsheej xyoo es nkaujhnubqub thiaj li sawv los nroo yuav nroo li laws tuaj rau tim ub, niam leej ntxhai li koj hais paj ntsha lus taum tuaj ua rau hmoob ceeb tsheej ci ntsa iab tshiab khiv pom tus duab hnub.

Ntuj ni nkaujhnubqub.....cas xyoo no nim yog lawm hmoob ceeb tsheej xyoo es nkaujhnubqub thiaj li sawv los nroo yuav nroo li laws tuaj rau tim i, niam leej ntxhai li koj hais paj ntsha lus taum tuaj ua rau hmoob ceeb tsheej ci ntsa iab tshiab khiv pom tus duab hli.



Nkaujhnubqub yuas Nkaujhnubqub.....koj niam koj txiv noj dab tsi yug tau koj es koj loj hlub los thiaj li txhawj txhawj hais lus seev, koj yuav seev yuj yees tuaj ua rau peb ib tsoom phooj ywg nyob hmoob ceeb tsheej teb yuav dhais roj los nplooj siab twb tsis kheev.

Nkaujhnubqub yuas Nkaujhnubqub.....koj niam koj txiv noj dab tsi yug tau koj es koj loj hlub los thiaj li txhawj txhawj kheev hais, koj yuav hais yuj yees tuaj ua rau peb ib tsoom phooj ywg nyob hmoob ceeb tsheej teb yuav dhais roj los nplooj siab twb tsis kam pais.



Ntuj yuas nkaujhnubqub hmoob tej ntxhais zoo lus.....kheev lam hmoob ceeb tsheej no khi tau koj ces yuav muab niam leej ntxhais li koj khi zoj zeeg tuaj rau tim toj, ntshe peb ib tsoom phooj ywg nyob hmoob ceeb tsheej yuav zoo siab ho tuaj zaum zov saib koj tsis nco noj.

Ntuj yuas nkaujhnubqub hmoob tej ntxhais zoo lus.....kheev lam hmoob ceeb tsheej no khi tau koj ces yuav muab niam leej ntxhais li koj khi zoj zeeg tuaj rau tim hav, ntshe peb ib tsoom phooj ywg nyob hmoob ceeb tsheej yuav zoo siab ho tuaj zaum zov saib koj tiv tshav.



Nkaujhnubqub tus zoo hlub.....cas es koj lub zam yuav zoo teeb tim phim lawm koj lub ncauj, niam leej ntxhais li koj tsis paub os ib tsoom phooj ywg txhua tus hnyob hauv hmoob ceeb tsheej twb sib txeeb koj tus me neeg zoo nkauj.

Nkaujhnubqub tus zoo hlub....cas es koj lub zam yuav zoo teeb tim phim lawm koj lub suab, niam leej ntxhais li koj tsis paub os ib tsoom phooj ywg txhua tus hnyob hauv hmoob ceeb tsheej twb sib txeeb koj tus me neeg zoo li niam nkauj ntsuab.



Zoo siab ua luaj li no xaus xi rau Nkaujhnubqub, leej twg los twb xav tau lawm koj txoj kev hlub
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Tue Oct 23, 2012 1:31 pm

Mi Noog wrote:



Tos lawv hais tias "life is not fair" no os Very Happy thaum i wb pov pob es cas koj ho tsis kam hais rau kuv mloog no? tso dag xwb os Very Happy Cool

ntu no koj nyob li cas lawm xwb?


Plees nkauj nraum zoo luaj no tsis tau, muaj ib hnub niam leej ntxhais li kuv no cev ntaj ntsug tuag tas nrho, yuav nce zoj txog li ntua nyuj kab yig teem ib lub roob xyoob dag, niam leej txhais mam txia ntsis ua dab poj ntxoog rov los txo koj txoj pa....hehehehe.

Wb nim plees nkauj nraum hais zoo luaj no tsis tau, muaj ib hnub twg niam leej ntxhais li kuv no cev ntaj ntsug tuag tas nrho, yuav nce zoj txog li ntua nyuj kab yig teem ib lub roob txhia, niam leej ntxhais mam txia ntsis ua dab poj ntxoog rov los txo koj txoj sia.... lol!


Mi Noog......zoo li thaum i wb pov pob ntawv kuv hais hais ua rau koj twb tsis xav mloog tag lawm sub sav....hahaha



Mi Noog.....wb ntaus plees nkauj ntaum zoo lawm luaj no txawm wb dab deev tsis sib tau los koj txhob tos txog hnub lub cev ntaj ntsug qaug yog niam leej ntxhais li koj muaj siab tiag ces muaj wb txoj kev hlub khaws cia nruab siab faus, txawm kuv txiv leej tub tsis tau koj los mam li nco ntsoov koj sau nra tuaj tos koj mus nrog kuv nyob rau tim tsev laus.

Mi Noog.....wb ntaus plees nkauj ntaum zoo lawm luaj no txawm wb dab deev tsis sib tau los koj txhob tos txog hnub lub cev ntaj ntsug qaug yog niam leej ntxhais li koj muaj siab tiag ces muaj wb txoj kev hlub khaws cia txhob pub swb, txawm kuv txiv leej tub tsis tau koj los mam li nco ntsoov koj sau nra tuaj tos koj mus nrog kuv nyob rau tim tsev xiam hlwb.



Ces nim zoo siab ua luaj li no xaus xi rau nruab vab, yuav zoo dua cev ntaj tsug qaug tag mas li ciaj ua dab rov los cab.
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Tue Oct 23, 2012 1:33 pm

8tos8nco wrote:


Kuv tsis txawj kwv txhiaj ces cia kuv mam li sau luag tej khwv txhiaj rau peb nyeem xwb es saib mus seb kuv sau tau zoo li cas los lam nyeem nawb.

Kwv Txhiaj Tus Nco Yuav Ncaim Mus Kev Deb

Niam yai aib...luag leej tub om cas niag dej ntws tau cia lawm dej ntws e niag av mus tuaj ntws tsis tau nim cia lom tus av teev e Hmoob luag leej tub nej mus tau cia lawm nej mus e mi ntxhais nkauj Hmoob mus tsis tau ces cia ntxhais nkauj Hmoob lug lub toj roob mus tuaj hauv pes seev o luag leej tub o cas niag dej ntws tau cia lawm dej ntws e niag av mus tuaj ntws tsis tau e nim cia tus av ruaj cas nej mus tau cia lawm nej mus e mi ntxhais nkauj Hmoob mus tsis tau cia mi ntxhais nkauj Hmoob no lug lub toj roob mus tuaj hauv pes quaj o luag leej tub om.

Niam yai aib...luag leej tub om cas mi ntxhais nkauj Hmoob xav zoj los kho siab ua lawm luaj no e mi ntxhais nkauj Hmoob tias txiv leej tub nej mus rab niag tej tuaj rooj los ntug ub e mi ntxhais nkauj Hmoob nyob nco koj ces cuaj npuag mus tuaj siab tsis tuag e tus plaub hau ntxoov luj la nrog zoov laj teem lom sawv sib luag o luag leej tub om cas mi ntxhais nkauj Hmoob tias koj mus rab niag teb tuaj rooj los ntug ub e mi ntxhais nkauj Hmoob nyob nco koj ces cuaj nrig mus tuaj siab tsis nqig e tus plaub haus ntxoov luj la nrog zoov laj teem los sawv sib txig o luag leej tub om.

Niam yai aib...luag leej tub om cas mi ntxhais nkauj Hmoob ha nim yuav tias txiv leej tub e xav zom los chim siab nyog luaj no tav no nej yuav mus rab niag teb tuaj rooj los ntug ub e nej mus mi ntxhais nkauj Hmoob nyob e cia suav meem nom hmoob lawm meem tsw e ho phoom tau lub ntuj tiag mus tuaj lub teb tus e nej tsis tuag lom peb tsis tuag e nej mus lub tom tuam lub cuab e yog nej tsis tuag lom peb tsis tuag ces mam li txia ntshi ua nraj yig lauv tsaws rheeb kab khuj khuav lug lub toj rooj hauv pes tuaj los sib cuag o luag leej tub om cas mi ntxhais nkauj Hmoob es nim tias xav zoj los kho siab nyog lawm luaj no e tav no nej yuav mus rab niag tej tuaj room los ntug ub e yuav mus lub toj tuam lub tib e nej mus mi ntxhais Nkauj Hmoob nyob e cia suav meem nom Hmoob lawm meem tsw e ho koom tau lub ntuj tiag mus tuaj lub teb tus los mi ntxhais nkauj Hmoob tias koj tsis tuag tuaj kuv tsis tuag es wb mam txia ntshi ua nraj yig lauv tsaws rheeb kab khuj khuav lug lub toj roob hauv pes tuaj mus sib ntsib os luag leej tub om.

Niam yaiv...aib luag leej tug om cas mi ntxhais nkauj Hmoob tias koj mus koj nco mi ntxhais nkauj Hmoob ces ntshe yuav nco luaj lub qab koob e mi ntxhais nkauj Hmoob nyob nco koj ces ntshe yuav nco tus txiaj ntxim lom kua muag poob o luag leej tub om cas mi ntxhais nkauj Hmoob tias koj mus koj nco mi ntxhais nkauj Hmoob ces ntshe yuav nco luaj lub qab xo es mi ntxhais nkauj Hmoob nyob nco koj ces ntshe yuav nco tus txiaj ntxim lom kua muag nrog o luag leej tub om cas mi ntxhais nkauj Hmoob tias txiv leej tub e wb niag plees lawm nkauj nraum e nim hais zoo lawm luaj no e koj yuav mus rab niag teb mus tuaj rooj los ntug ub e ntshe koj nco mi ntxhais nkauj Hmoob ces muab tsuj tuag nthi tuaj rau ntawm taw e mi ntxhais nkauj Hmoob nyob nco koj ces ntshe yuav nco tus nplooj siab nthuav ntsws yuj plaws lom tsis poob chaw os luag leej tub om cas koj mus koj nco ntxhais nkauj Hmoob e koj yuav muab tsuj tuag nthi tuaj rau saum zeb e mi ntxhais nkauj Hmoob nyob nco koj ces ntshe nim yuav nco tus nplooj siab nthuav ntsws yum plaws lom tsis poob teb cas nim yuav chim nyog lub lam xeeb xaus xis txoj siav mus tuaj lub ntsis tsuag e sim neej no mi ntxhais nkauj Hmoob yuam roj sua hneev raws tsis cuag koj ces ntshe mi ntxhais nkauj Hmoob cev ntaj tuag tas lawm tej me sib nrho los tsuav tau lub me cev yaj ceeb no tuaj mus tsis qi muag om.

End




Wow.....zoo kawg li laiv zaj kwv txhiaj nov os.

8tos8nco.....koj zaj kwv txhiaj zoo kawg li os koj yuav tau tuaj nrog kuv hais thiab lawv thiaj li xav tuaj nrog wb tauv pem nawb.
Back to top Go down
View user profile
8tos8nco
Moderator
Moderator


Posts : 2420
Points : 4582
Reputation : 17
Join date : 2009-02-08

PostSubject: Re: Seev Kwv Txhiaj   Tue Oct 23, 2012 2:08 pm

Ywjsuab, koj hais yog kawg li tiag vim tias peb lub zos nov ces txiv neeg Hmoob tsawg kawg li os.

Kuv ces tseem tsis tau paub kwv txhiaj zoo es cia kuv tuaj xyaum sau luag tej kwv txhiaj kom kuv lub siab paub txog kwv txhiaj tso mam li tuaj xyaum sau tej zaj kwv txhiaj luv luv rau sawv daws tau nyeem ntsis ntev no mus.








Back to top Go down
View user profile
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Re: Seev Kwv Txhiaj   Wed Oct 24, 2012 3:46 am

cia kuv muaj caij mam li teb nej nawb cov phooj ywg sawv daws bye
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Wed Oct 24, 2012 6:39 am

8tos8nco wrote:
Ywjsuab, koj hais yog kawg li tiag vim tias peb lub zos nov ces txiv neeg Hmoob tsawg kawg li os.

Kuv ces tseem tsis tau paub kwv txhiaj zoo es cia kuv tuaj xyaum sau luag tej kwv txhiaj kom kuv lub siab paub txog kwv txhiaj tso mam li tuaj xyaum sau tej zaj kwv txhiaj luv luv rau sawv daws tau nyeem ntsis ntev no mus.




8tos8nco....hauv no ces tsuas muaj koj thiab kuv xwb koj tsis tuaj nrog kuv teb lawv ces Nkaujhnubqub twb yuav khiav mus lawm tiag. Kwv txhiaj kuv los yeej tsis paub li koj thiab os tsuas lam qw qw kom peb lub chaw sov xwb os.
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Wed Oct 24, 2012 6:40 am

nkaujhnubqub wrote:
cia kuv muaj caij mam li teb nej nawb cov phooj ywg sawv daws bye

Nkaujhnubqub aw.....cas nyuam qhuav pib xwb sawm siv yuav ua qaib dawb lawm thiab os....hahahah....j/k
Back to top Go down
View user profile
nkaujhnubqub
Moderator
Moderator


Posts : 3303
Points : 3585
Reputation : 15
Join date : 2010-10-08

PostSubject: Re: Seev Kwv Txhiaj   Wed Oct 24, 2012 11:42 pm

YwjSuab wrote:


Nkaujhnubqub aw.....cas nyuam qhuav pib xwb sawm siv yuav ua qaib dawb lawm thiab os....hahahah....j/k
koj mas...me nraug hmoob aw nkaujhnubqub yeej tsis lam hle nws daim tiabyooj yooj yim li os rhias ruaj heev li mas Smile
Back to top Go down
View user profile
8tos8nco
Moderator
Moderator


Posts : 2420
Points : 4582
Reputation : 17
Join date : 2009-02-08

PostSubject: Re: Seev Kwv Txhiaj   Thu Oct 25, 2012 3:08 am

Ywjsuab thiab Nkaujhnubqub,

Zoo siab muaj neb tuaj ua txhua yam kev lom zem kom sov zos thiab os. Kuv ces tuaj los tseem xav seb neeg seev kwv txhiaj yog mus fab twg tiag es thiaj li yuav seev tau hais tau. Raws li kuv nyeem Ywjsuab cov kwv txhiaj mas Ywjsuab yeej sau tau yog kiag li seev suab lawm mas zoo kawg li thiab kuv xav koj Nkaujhnubqub seev kwv txhiaj sib lwv thiab seb ntshe yuav lom zem heev li os.

Tos kuv khoom tso mam li tuaj sau tus pog nov zaj kwv txhiaj rau peb nyeem os.

Ua cas xyoo nov..........om ntuj yuas luag leej tub cas ntshe yuav tshav lawm ntuj es cim paj mus yeej lawm yum es ntshe yuav los nag cim paj mus yeeb nthuav..........om vim cas ntshe yuav nthuav lawm vum mus lawm luaj li qab ntis es wb nim daj dee hais zoo lawm luaj no es nim kheev lub ntuj txawj txoog los mi tej lam txawj qaws es nim muab wb plees nkaum nraum qaws zog lawm lom ua ib yig yuas luag leej tub om vim cas ntshe yuav tshav lawm ntuj es cim paj mus yeeb lawm yum es ntshe yuav los nag cim paj mus yeeb nthuav.........om vim cas ntshe yuav nthuav lawm vum vus lawm luaj li qab kho es wb nim daj dee hais zoo nyog lawm luaj no es nim kheev lub ntuj txawj txoog los mi teb lam txawj qaws es nim muab tau kuv Hmoob muam nkauj sees qaws zog nrog lawm koj nyob yuas luag leej tub om.

(mam tuaj sau kab ob mus ntxiv...coming soon)


Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Seev Kwv Txhiaj   Thu Oct 25, 2012 5:55 am

nkaujhnubqub wrote:
koj mas...me nraug hmoob aw nkaujhnubqub yeej tsis lam hle nws daim tiabyooj yooj yim li os rhias ruaj heev li mas Smile
Ywjsuab yeej pom tau tiaj Nkaujhnubqub tseem tuav tiab cuaj heev li no mas tsuas yog zoo li Nkaujhnubqub hnaav tab paiv paiv lawm sub....hahaha...j/k.
Back to top Go down
View user profile
 
Seev Kwv Txhiaj
View previous topic View next topic Back to top 
Page 2 of 8Go to page : Previous  1, 2, 3, 4, 5, 6, 7, 8  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Poem - Paj Huam-
Jump to: