Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
April 2018
SunMonTueWedThuFriSat
1234567
891011121314
15161718192021
22232425262728
2930     
CalendarCalendar
Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Latest topics
» Xyaum Nrog Luag Ua Ib Tug Zoo Tub Xov Xwm
by Guest Yesterday at 11:45 am

» Peb Hmoob Tseem Nrog Luag Muaj Ntau Yam Neej Ua Nyob Ntiaj Teb
by Guest Yesterday at 9:23 am

» Txiv Nai Phoo Duab Rau Koj Khaws Tseg Ua Dab Neeg Hmoob
by Guest Yesterday at 7:47 am

» DavDub Mus Blog Tebchaws Part Two
by 8tos8nco Sun Apr 22, 2018 10:32 pm

» GVP Cov Qub Tub Rog High Ranking Colonel Thiab LAO HMONG RECOGNITION DAY 1995, 1996, and 2004 Nyob Lub Lav Colorado Ntu Thaum Ub Thiab Ntu Thaum I
by Guest Fri Apr 20, 2018 10:48 pm

» Hmong China Hmoob Suav
by Guest Thu Apr 19, 2018 8:35 am

» Tuamxeem Thaum Tseem Me
by 8tos8nco Wed Apr 18, 2018 9:40 am

» Lub Caij Twg Koj Thiaj Li Nqhis Qaub Taub Ntoos
by 8tos8nco Mon Apr 16, 2018 9:19 pm

» Nco Nco Koj
by Guest Mon Apr 16, 2018 7:07 pm

» Nyiam Nagtshia Heev
by davdub Sun Apr 15, 2018 11:06 pm

» Tos koj txog hnub twg
by davdub Sun Apr 15, 2018 2:36 pm

» Nco txhua tiam hlub mus li
by davdub Sun Apr 15, 2018 2:20 pm

» Nco Tus Hlub
by davdub Sun Apr 15, 2018 2:13 pm

» Tus Xyw Hlub
by nkaujxis Sun Apr 15, 2018 12:17 am

» LOS KUV TSHUAB NCAS KOJ MLOOG
by nkaujxis Sun Apr 15, 2018 12:07 am

» Nraug Ntses Duab Teb Chaws Toj Siab
by nkaujxis Sun Apr 15, 2018 12:00 am

» Hlub Kuv Haiv Hmoob
by Guest Wed Apr 11, 2018 1:49 pm

» Lub Me Pajhavzoov
by nkaujhnubqub Tue Apr 10, 2018 12:40 pm

» Hmoob Kev Nrhiav Txij Nrhiav Nkawm Nyob Yav Ntuj Qub Qab Thiab Nyob Rooj Teb No Zoo Li Cas
by Guest Mon Apr 09, 2018 11:30 am

» SUAB HMONG NEWS: Kong Family's Press Conference on United Hmong Family terminated Richard Kong
by Guest Sat Apr 07, 2018 2:14 pm

» Saib Koj Ib Phav Zaus
by 8tos8nco Fri Apr 06, 2018 7:25 pm

» Zaub Mov Hmoob Txhua Hnub
by 8tos8nco Tue Apr 03, 2018 9:43 pm

» SUAB HMONG NEWS: Mee Yang Press Conference Responding to 03/18/2018 Meeting
by Guest Mon Apr 02, 2018 9:30 pm

» Hmong Central Valley TV xov xwm hmoob culture new year qhia txog cov nyiaj lawv tau rau xyoo 2018
by Guest Sun Apr 01, 2018 11:00 pm

» SUAB HMONG NEWS (4K): 2017-18 Hmong New Year in Phongsavan, Laos
by Guest Sun Apr 01, 2018 3:47 pm

» Dr Yang Dao (Hmong LaoTian National Congress Before 1975)
by 8tos8nco Wed Mar 28, 2018 5:47 pm

» Hmong TV Live Major Vang Ying
by Guest Fri Mar 23, 2018 9:02 pm

» We will Promote Hmong New Year Under a Hmong Name, Not Lao Family Foundation, Dr. Shoua Yang
by Guest Thu Mar 22, 2018 12:41 pm

» LEEJ TWG ZAJ DAB NEEG NE?
by 8tos8nco Fri Mar 16, 2018 1:27 pm

» Update Forum lawm puas yog
by 8tos8nco Wed Mar 14, 2018 8:31 pm

Keywords
tsis tshiab vang tshaj hlub sacramento oklahoma darling poob ntuj 2017 puav haiv tsag hmoob xyaum lawm chaw tuamxeem yuav year tshais hmong neej pheej tuaj
Statistics
We have 80 registered users
The newest registered user is lken18

Our users have posted a total of 22722 messages in 855 subjects
Who is online?
In total there are 5 users online :: 0 Registered, 0 Hidden and 5 Guests

None

Most users ever online was 95 on Thu Apr 20, 2017 10:10 am
Chaw Nchuav Kub

Share | 
 

 Seev Kwv Txhiaj

Go down 
Go to page : Previous  1, 2, 3, 4, 5, 6 ... 10 ... 15  Next
AuthorMessage
YwjSuab
Moderator
Moderator
avatar

Posts : 921
Points : 941
Reputation : 0
Join date : 2010-09-24

PostSubject: Seev Kwv Txhiaj   Mon Oct 22, 2012 10:36 am

First topic message reminder :

Kwv txhiaj qhib rooj rau ib tsoom phooj ywg nkauj muam nraug nus s/d tuaj laug sib hawm ua si...........


Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txawm, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus thuav ntawv.
Niam yais ib tsoom me phooj ywg nkauj muam nraug nus ua cas hmo no yuav zoo niaj mus zoo hmo ntshai yuav yog tau lawm hmoob ceeb tsheej kev phooj kev ywg txog kev nkauj kev nus txais, Ywjsuab yuav qhib rooj qas lug rau ib zej tsoom nkauj muam nraug nus laus hluas tuaj mus sib hais.

Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis nroj, kuv xav nrog koj hais tuj tiag ces kuv cev zoj lawm niaj ib sob lus tuaj rau koj.
Peb ib tsoom phooj ywg nkauj muam nraug nus ces yuav zoo tam lis ntua tus niaj coob tom niaj ncuas yuav dhia li rhees tsaws lis ntua tus ntsis suv, koj xav nrog kuv hais tuj tiag ces koj cev zoj lawm niaj ib sob lus tuaj rau koj.



Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab rwb txiv nraug txawg txawj txawg ces yuav txawg lis zoj tuaj rau nruab paig, tus me paj ntsha lus taum ces tsis yog niam nkauj txawg yuav hais kom txiv nraug txawg tais.
Peb ib tsoom phooj ywg nkauj muam nraug nus niam nkauj txawg txawj txawg ces yuav txawg lis zoj tuaj rau nruab paig txiv nraug txawg txawj txawg ces yuav txawg lis zoj tuaj rau nruab rwb, tus me paj ntsha lus taum ces tsis yog txiv nraug txawg yuav hais kom niam nkauj txawg swb.

Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ntsuas, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib cuag.
Peb ib tsoom phooj ywg nkauj muam nraug nus ces yuav zoo tam lis ntua rev paj tawg lis zees tuaj rau saum nqaj txi txiv lis zoj tuaj mus sib ib, peb tsuas hais tus paj ntsha lus taum tas li peb kev phooj ywg nkauj muam nraug nus nyob tuaj mus sib ntsib.

Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav twm, peb ib tsoom me plees nkauj nraum hais tus paj ntsha lus taus ces yuav hais raws li kev sib swm.
Peb ib tsoom phooj ywg nkauj muam nraug nus cas nkauj hnub tuaj ces hnub ziab nraug hli tuaj ces hli ci yuav ci vuj vus tuaj tim hav zaub, peb ib tsoom me plees nkauj nraum hais tus paj ntsha lus taus ces yuav hais raws li kev sib paub.

Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib niab, peb yuav hais tus paj ntsha lus taum raws li peb txoj kev mus kaj siab.
Peb ib tsoom phooj ywg nkauj muam nraug nus hmo no yuav tsis yog lawm hmoob ceeb tsheej ib cim mus paj tsiab ntshai peb ib tsoom phooj ywg nkauj muam nraug nus yuav tsis tau hais tus paj ntsha lus taum tuav tes ruj rawv lawm tej mus sib zawv, peb yuav hais tus paj ntsha lus taum raws li peb txoj kev mus kaj plawv.

Yuav zoo lub laj xeeb tis ua xais, ntaus ntiag peb tsoom phooj ywg nkauj muam nraug nus no lub suab hais.


Last edited by YwjSuab on Tue Oct 23, 2012 1:12 pm; edited 3 times in total
Back to top Go down
View user profile

AuthorMessage
YwjSuab
Moderator
Moderator
avatar

Posts : 921
Points : 941
Reputation : 0
Join date : 2010-09-24

PostSubject: Re: Seev Kwv Txhiaj   Thu Oct 25, 2012 5:59 am

8tos8nco wrote:
Ywjsuab thiab Nkaujhnubqub,

Zoo siab muaj neb tuaj ua txhua yam kev lom zem kom sov zos thiab os. Kuv ces tuaj los tseem xav seb neeg seev kwv txhiaj yog mus fab twg tiag es thiaj li yuav seev tau hais tau. Raws li kuv nyeem Ywjsuab cov kwv txhiaj mas Ywjsuab yeej sau tau yog kiag li seev suab lawm mas zoo kawg li thiab kuv xav koj Nkaujhnubqub seev kwv txhiaj sib lwv thiab seb ntshe yuav lom zem heev li os.

Tos kuv khoom tso mam li tuaj sau tus pog nov zaj kwv txhiaj rau peb nyeem os.

Ua cas xyoo nov..........om ntuj yuas luag leej tub cas ntshe yuav tshav lawm ntuj es cim paj mus yeej lawm yum es ntshe yuav los nag cim paj mus yeeb nthuav..........om vim cas ntshe yuav nthuav lawm vum mus lawm luaj li qab ntis es wb nim daj dee hais zoo lawm luaj no es nim kheev lub ntuj txawj txoog los mi tej lam txawj qaws es nim muab wb plees nkaum nraum qaws zog lawm lom ua ib yig yuas luag leej tub om vim cas ntshe yuav tshav lawm ntuj es cim paj mus yeeb lawm yum es ntshe yuav los nag cim paj mus yeeb nthuav.........om vim cas ntshe yuav nthuav lawm vum vus lawm luaj li qab kho es wb nim daj dee hais zoo nyog lawm luaj no es nim kheev lub ntuj txawj txoog los mi teb lam txawj qaws es nim muab tau kuv Hmoob muam nkauj sees qaws zog nrog lawm koj nyob yuas luag leej tub om.

(mam tuaj sau kab ob mus ntxiv...coming soon)


8tos8nco,

Kuv los twb tsis txawj kwv txhiaj thiab os tsuas yog lam tuaj qw qw kom sov chaw xwb zoo li Nkaujhnubqub tshaj li kawg rau phab hais kwv txhiaj os. Zoo siab uas koj tseem coj kwv txhiaj thiab tuaj sau kwv txhiaj rau peb mloog thiab peb nyeem nawb. Muaj caij no rov tuaj sau ntxiv rau peb nyeem koj sov tsev mog.
Back to top Go down
View user profile
nkaujhnubqub
Moderator
Moderator
avatar

Posts : 3177
Points : 3461
Reputation : 15
Join date : 2010-10-08

PostSubject: Re: Seev Kwv Txhiaj   Thu Oct 25, 2012 6:06 am

YwjSuab wrote:

Ywjsuab yeej pom tau tiaj Nkaujhnubqub tseem tuav tiab cuaj heev li no mas tsuas yog zoo li Nkaujhnubqub hnaav tab paiv paiv lawm sub....hahaha...j/k.
koj es ntxeev sab twg los yeej txawj li ces kuv ciali nyob twj ywm koj hais kwv txhiaj rau kuv tuaj nyeem xwb mas yom... lol!
Back to top Go down
View user profile
nkaujhnubqub
Moderator
Moderator
avatar

Posts : 3177
Points : 3461
Reputation : 15
Join date : 2010-10-08

PostSubject: Re: Seev Kwv Txhiaj   Thu Oct 25, 2012 11:04 am

Zaj kwv txhiaj zoo kawg thiab ntev kawg li hehehehe
Kuv tsis txawj kwv txhiaj kiag li na neb mas... kuv tsuas lam xev ua si me me xwb es
Yog lwb ma Kuv yeej swb ua ntej ywjsuab lawm laiv... tijlaug 8tos8nco
Back to top Go down
View user profile
nkaujhnubqub
Moderator
Moderator
avatar

Posts : 3177
Points : 3461
Reputation : 15
Join date : 2010-10-08

PostSubject: Re: Seev Kwv Txhiaj   Thu Oct 25, 2012 1:16 pm

cia tag kis mam teb os
YwjSuab wrote:


Nkaujhnubqub.....koj tsis dog dig kiag nawb hais txog kwv txhiaj na cheerscheerscheers



Ntuj ni nkaujhnubqub.....cas xyoo no nim yog lawm hmoob ceeb tsheej xyoo es nkaujhnubqub thiaj li sawv los nroo yuav nroo li laws tuaj rau tim ub, niam leej ntxhai li koj hais paj ntsha lus taum tuaj ua rau hmoob ceeb tsheej ci ntsa iab tshiab khiv pom tus duab hnub.

Ntuj ni nkaujhnubqub.....cas xyoo no nim yog lawm hmoob ceeb tsheej xyoo es nkaujhnubqub thiaj li sawv los nroo yuav nroo li laws tuaj rau tim i, niam leej ntxhai li koj hais paj ntsha lus taum tuaj ua rau hmoob ceeb tsheej ci ntsa iab tshiab khiv pom tus duab hli.



Nkaujhnubqub yuas Nkaujhnubqub.....koj niam koj txiv noj dab tsi yug tau koj es koj loj hlub los thiaj li txhawj txhawj hais lus seev, koj yuav seev yuj yees tuaj ua rau peb ib tsoom phooj ywg nyob hmoob ceeb tsheej teb yuav dhais roj los nplooj siab twb tsis kheev.

Nkaujhnubqub yuas Nkaujhnubqub.....koj niam koj txiv noj dab tsi yug tau koj es koj loj hlub los thiaj li txhawj txhawj kheev hais, koj yuav hais yuj yees tuaj ua rau peb ib tsoom phooj ywg nyob hmoob ceeb tsheej teb yuav dhais roj los nplooj siab twb tsis kam pais.



Ntuj yuas nkaujhnubqub hmoob tej ntxhais zoo lus.....kheev lam hmoob ceeb tsheej no khi tau koj ces yuav muab niam leej ntxhais li koj khi zoj zeeg tuaj rau tim toj, ntshe peb ib tsoom phooj ywg nyob hmoob ceeb tsheej yuav zoo siab ho tuaj zaum zov saib koj tsis nco noj.

Ntuj yuas nkaujhnubqub hmoob tej ntxhais zoo lus.....kheev lam hmoob ceeb tsheej no khi tau koj ces yuav muab niam leej ntxhais li koj khi zoj zeeg tuaj rau tim hav, ntshe peb ib tsoom phooj ywg nyob hmoob ceeb tsheej yuav zoo siab ho tuaj zaum zov saib koj tiv tshav.



Nkaujhnubqub tus zoo hlub.....cas es koj lub zam yuav zoo teeb tim phim lawm koj lub ncauj, niam leej ntxhais li koj tsis paub os ib tsoom phooj ywg txhua tus hnyob hauv hmoob ceeb tsheej twb sib txeeb koj tus me neeg zoo nkauj.

Nkaujhnubqub tus zoo hlub....cas es koj lub zam yuav zoo teeb tim phim lawm koj lub suab, niam leej ntxhais li koj tsis paub os ib tsoom phooj ywg txhua tus hnyob hauv hmoob ceeb tsheej twb sib txeeb koj tus me neeg zoo li niam nkauj ntsuab.



Zoo siab ua luaj li no xaus xi rau Nkaujhnubqub, leej twg los twb xav tau lawm koj txoj kev hlub
Back to top Go down
View user profile
8tos8nco
Moderator
Moderator
avatar

Posts : 2422
Points : 4646
Reputation : 17
Join date : 2009-02-08

PostSubject: Re: Seev Kwv Txhiaj   Thu Oct 25, 2012 1:37 pm

Ywjsuab,

Zoo siab rau koj sau tau kwv txiaj zoo heev rau peb lom zem es kuv xav kom lam muaj cov neeg seev kwv txhiaj coj mus ua Youtube rau lawv lub suab rau peb mloog mas ntshe yuav zoo heev li os. Cia kuv kawm sau me ntsis kwv txhiaj kom kuv lub hlwb khiav zoo zog tso mam tuaj sau tej zaj kwv txhiaj luv luv rau peb nyeem. Qhov kuv tsis txawj sau kwv txhiaj mas vim kuv tseem taug tsis tau txoj kev sau kwv txhiaj dua ces kuv thiaj li tsis paub tias yuav pib seev mus seem twg thiab yuav xaus mus seem twg thiaj li seev tau ib zaj kwv txhiaj kom tsim nyog.......hahahahahahahahahaha.
Back to top Go down
View user profile
Sponsored content




PostSubject: Re: Seev Kwv Txhiaj   

Back to top Go down
 
Seev Kwv Txhiaj
Back to top 
Page 5 of 15Go to page : Previous  1, 2, 3, 4, 5, 6 ... 10 ... 15  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Poem - Paj Huam-
Jump to: