Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
8tos8nco
 
Yajceebtshiab
 
PajTshiab
 
Ncoibsim
 
Latest topics
» Lo Lus "Qaug Zog"
by 8tos8nco Yesterday at 9:17 pm

» Hlub Koj Nyob Deb
by 8tos8nco Yesterday at 3:28 pm

» NkaujNagTshia Lub Chaw Seev Lus
by Yajceebtshiab Wed Dec 07, 2016 6:32 pm

» Tseem Nyob Tos
by Guest Wed Dec 07, 2016 1:31 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Wed Dec 07, 2016 1:01 pm

» Hmoob Tuav Cos
by Guest Wed Dec 07, 2016 7:42 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
nkauj hlub nrhiav muas niam txiv lawm bauj neeg Npauj baim NkaujNyiag neej ntsuab ntxhoo hmong liab vang muaj txoj Nyob hmoob duab Npaim txhiaj siab
Statistics
We have 67 registered users
The newest registered user is tubsiabzoo

Our users have posted a total of 22583 messages in 921 subjects
Who is online?
In total there are 7 users online :: 0 Registered, 0 Hidden and 7 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 YwjSuab thiab NagTshia

View previous topic View next topic Go down 
Go to page : Previous  1 ... 5, 6, 7 ... 10 ... 15  Next
AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: YwjSuab thiab NagTshia   Thu Apr 25, 2013 9:02 am

First topic message reminder :



Lub Ntuj Rov Pub NagTshia Thiab YwjSuab Los Sib Ntsib

Hmoobheaven ntug dej hiav txwv, toj roob hauv pes laug tau zoo nakuj, paj hmab paj ntoos tawg tau tshiab khiv, me nroj tsuag hlav tau tuaj ntsuab xwb xiab rau txhua txhia ces kaum toj, cua tuaj txias zias nplooj xyoob nplooj ntoos laim pes txias rau txhua txhia ces kaum hav, me nplooj kuj yem nrog rau me nplooj hmab phaub npog lwj luas raws tus ntug dej hiav txwv Hmoobheaven, suab zeb saib mus ib ncua muag zoo nkaus li nyob rau teb chaws suab puam. Tag kis ntawv kaj ntug txoog NagTshia sawv ntxov mus ncig raws Hmoobheaven hiav txwv. NagTshia ncig mus kev ceev nrooj ib pliag xwb zoo li NagTshia sab heev lawm ces NagTshia thiaj li maj mam mus kev lawm xwb. NagTshia thiaj li tsa qhov muag saib taug raws tus ntug dej tsis pom muaj ib tug tib neeg li, saib mus rau puag tim qab ntug pom hnub tuaj ci ntsa iab, saib mus rau dej hiav txwv pom zoo nkaus li ib lub me nyuam ntuj ntsuab xwb xiab, thaum cua tuaj ib vuag nplaim dej nphau tsheej twv, cua tuaj ib vuag thiaj li pus tau NagTshia lub siab khiav lawm tiag. NagTshia ob lub qhov muag nyob nrog dej haiv txwv, ob txhais tawv mus kev tas zog, lub siab nrog huab nrog cua hais lus tsis nco saib kev li. Tos nco xwb NagTshia cia li tsoo kiag leej twg lawm ces NagTshia cia li yuav ntog, thaum ntawv tus neeg ntawv tuav nkaus NagTshia duav dub rhe NagTshia rov qab los. Thaum NagTshia sawv tau tus zog lawm, NagTshia xav zoj hais tias ntshe nyob tsam yog neeg phem. NagTshia txawm tib thawj tus neeg ntawv thiab NagTshia khiav ib sav rov tom qab, txawm hnov ib lub suab lus hais tias thov txim no rau NagTshia. NagTshia npau taws thiab ntshai heev ua rau NagTshia lub siab dhia peg poog lawm xwb ces NagTshia thiaj li cem hais tias:

continue.....
Back to top Go down
View user profile

AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Mon Mar 24, 2014 6:37 am


YwjSuab thiaj li teb hais tias: Yog kuv los mas NkaujNagTshia. Kuv twb tau nrhiav koj mus txog rau qhov txhua txhia chaw los tsis pom koj thiab tsis ntsib koj li. NkaujNagTshia…..zaum no yuav yog tseeb los sis yog cuav, yog saum neej los sis yog hauv npau suav thiab yuav yog hauv dab teb los sis yog rau saum ntuj, wb twb tau sib ntsib lawm ces kuv yuav qhia kom tag txhua txhia yam rau koj mog….NkaujNagTshia. Kuv thov txim ntau ntau uas kuv tau muab koj rub coj los puag rau hauv kuv lub xub ntiag lawm nawb. Yog hais tias koj tus txiv tau pom ntshe koj yuav raug teeb meem loj heev li os, hos ntawv kuv ces yuav tsum kawg raug tuag xwb. Tab sis ntawm kuv xum tuag uas muab koj rub coj los puag ib pliag rau hauv kuv xub ntiag, ntshe yuav zoo dua li uas kuv nyob laus laus ib tiam neej nco koj thiab khuv xim koj mog. NkaujNagTshia…..koj sim saib seb wb nyob rau ntawm ntug dej hiav txwv hmongheave lawm tiag, lub hnub tau ci ntsa iab, cua tuaj ntxiag, nplaim dej ntws laim txias uas yog ib qhov chaw zoo nkauj heev txawm hais tias yuav nyob rau qhov twg los tsuav muaj NkaujNagTshia thiab YwjSuab xwb tiag.

YwjSuab thiaj li ua lub ntsej muag luag ntxhi thiab YwjSuab tau muab YwjSuab txhais tes coj mus so NkaujNagTshia kab kua muag zoo ib yam nkaus li yav ntuj thaum ub nyob rau lub thoj nam yeej VibNais uas YwjSuab ib txwm so los thiab YwjSuab muab NkaujNagTshia txhais tes coj los tso rau ntawm YwjSuab lub hauv siab.

YwjSuab rov hais tias: NkaujNagTshia…..kuv xav mas yeej yog tiag tiag li lawm uas wb tau sib ntsib nyob rau saum neej no lawm tias li os yom. Tab sis yuav kom koj thiab kuv paub tseeb tshaj qhov no ces kawg koj yuav tsum ntsiab de kuv kiag seb puas yuav hnov mob xwb es wb thiaj li paub tseeb hais tais wb nyob rau qhov twg lawm tiag no yom…..NkaujNagTshia. Tab sis koj yuav tau tos ib me pliag tso nawb, tos kuv muab koj puag ceev npo rau hauv kuv lub xub ntiag ib me ntsis tso nyob tsam koj ntsiab de kuv ces wb ho sib plam lawm. Txawm hais tias yuav yog tiag los sis yog dag xwb los kuv yuav tsis pub koj rov plam ntawm kuv mus ntxiv lawm os…..NkaujNagTshia. Tsam no ces koj de kuv tau lawm los mas.....NkaujNagTshia.


Continue.......
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Tue Mar 25, 2014 6:20 am


NkaujNagTshia thiaj li teb rau YwjSuab hais tias: Kuv tsis kam ntsiab thiab de koj  os…..YwjSuab, nyob tsam tsis yog tiag ces kuv ho ntsiab thiab de koj lawm ces wb ho tsim hauv tus dab ntub npau suav lawm ces kuv yuav tsis tau ntsib koj ntxiv lawm mog. Kuv tshuav lus ntau heev uas yuav xav nrog koj tham os…..YwjSuab.

YwjSuab teb rau NkaujNagTshia hais tias: NkaujNagTshia….yeej yog tiag tiag li lawm los mas. NkaujNagTshia…..yog koj tsis ntseeg kuv hais tiag no ces koj cia li ntsiab thiab de kuv kiag tam sim no xwb tiag es koj thiaj li paub qhov tseeb mog.

NkaujNagTshia thiaj li qi qhov muag thiab muab NkaujNagTshia ob txhais tes coj mus xyuas YwjSuab lub ntsej muag mus rau ntawm YwjSuab lub hauv pliaj thiab mus rau saum YwjSuab cov plaub hau ntag.

NkaujNagTshia thiaj li teb rov rau YwjSuab hais tias: Yog koj lawm tiag tiag li os yom YwjSuab, nws tsis yog dag, nws tsis yog npau suav thiab nws tsis yog nyob rau hauv nruab dab teb li lawm. YwjSuab ni YwjSuab…..zaum no kuv rov tau ntsib koj dua lawm tiag tiag li os yom. YwjSuab…..cia wb mus nrhiav chaw zaum tso wb yuav sib qhia txog koj thiab kuv lub neej 27 lub xyoo tau dhau los lawm ntawm koj thiab kuv txoj kev sib ncaim ntawm koj thiab kuv txoj kev hlub mog.

YwjSuab thiab NkaujNagTshia thiaj li tau mus zaum rau ntawm cov suab zeb nyob rau ntawm tus ntug dej hmongheave thiab muaj ib tsob ntoo maj phaub thaiv roos tus duab tshav ntuj kom tus duab tshav ntuj tsis txob kub kub YwjSuab thiab NkaujNagTshia. YwjSuab thiab NkaujNagTshia zaum xub ntiag tig rov mus rau nram tus dej hiav txwv hmongheave ces rov ua rau YwjSuab thiab NkaujNagTshia nco txog yav ntuj thaum ub uas YwjSuab thiab NkaujNagTshia tseem nyob ua ke rau lub thoj nam yeej VibNais es YwjSuab thiab NkaujNagTshia mus sawv ntawm tus choj saib lub pas npawv.


Continue.......
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Wed Mar 26, 2014 6:20 am

NkaujNagTshia hais rau YwjSuab hais tias: YwjSuab…..koj thiab kuv twb tau sib ncaim tau ntev ta npaum li no lawm es ua li cas puag tas koj ho tseem paub thiab cim tau hais tias nws yog kuv no nab!

YwjSuab teb rov rau NkaujNagTshia tias: Ua li cas kuv thiaj li yuav tsis paub hais tias yog koj no na…..NkaujNagTsha. Koj puas nco qab puag thaum i koj thiab kuv tau mus nce lub roob 10 npaj ncig ua si es kuv tau plam taw ntog kuv ua txuj tsis sawv lawm ces koj thiaj li tau khiav los tsav kuv los kuv ua txuj tsis hnov li lawm thiab ces koj thiaj li tau muab koj sab plhu coj los mloog ze ze rau ntawm kuv lub qhov ntswg thiab qhov ncauj seb koj puas hnov kuv ua pa no….hahahaha….kuv thiaj li tau nyiag hnia koj sab plhu ib pas kiag es koj thiaj li tau thawb kuv rov zaum ntua rau hauv pem teb zoo ib yam nkaus li hnub no thiab tiag, tsis tas li ntawv xwb los koj tseem tau npau taws heev es koj thiaj li tau nthe kuv ib suab nrov nrov tib yam nkaus li hnub no. Koj tseem hais ntxiv hais tias, kuv ua li ntawv rau koj lawm es kuv tsis ntshai nyob tsam muaj neeg tuaj ncaj kev ho pom ces kawg kuv yuav tau yuav koj no. Kuv thiaj li tau teb rov qab rau koj hais tias, kuv mas xav kom muaj neeg ncaj kev pom kom koj naim thiab kov txiv lawv muab koj yuam kiag los yuav kuv xwb tiag, kuv thiaj li tsis tau laj laj zij koj thiab thiaj li yuav tsis raug niam tais tus me qw yuav yuav tuaj caug koj no. Qhov no kuv thiaj li paub tau hais tias nyaj yuav yog koj no na…..NkaujNagTshia.

NkaujNagTshia hais rau YwjSuab hais tias: YwjSuab…..es koj tseem nco tau wb tej lus hais, nco txog wb tej chaw ncig thiab chaw ua si li ntawm ko thiab los! YwjSuab es koj sim piav koj lub neej uas koj tau ncaim kuv mus lawm tau ntau ntau lub xyoo pub rau kuv mloog seb yom.


Continue......
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: YwjSuab thiab NagTshia   Wed Mar 26, 2014 6:09 pm

Ntuj nis YwjSuab"Cas yuav ncaim ntev ua luaj,Ntev tag npaum li no Cas nws tseem zoo nraug npaum qub,Cas nws lub me cev ntaj ntsug tseem zoo ntxim hlub,Nim sib nrug mus ntev npaum twb tag 1 tiam,Cas tav no,Kuv me nraug YwjSuab haj tseem zoo ntxim nyiam,Ntuj nis Kuv me nraug YwjSuabTxij koj ncaim kuv mus,Nim suav hnub suav hmo ploj koj tus ntxiab zuj zus,Yam kuv tau ces Tsuas yog lub kua muag,Yam kuv nco ces tsuas khaws koj daim duab tau puag,Hnub no hmoov dab tsi,Wb thiaj rov los sib ntsib dua 1 zaug ntxiv,Cas nim zoo natshia siab ho mob nagtshia plawv yam riam kiv,Es yog zoo siab los tu siab los yog mob siab,Cas NagTshia lub kua muag poob  thiab os YwjSuab Kuv me nraug dai siab. ?




Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Thu Mar 27, 2014 6:34 am

Ntuj yuas NkaujNagTshia.....ntev ua luaj li no lawm los NkaujNagTshia pom YwjSuab es nws tseem nco tau thiab paub, YwjSuab ces lub cev ntaj ntsug twb laus tag tsis zoo nraug li tus thaum ub uas niaj hnub tuaj nrog NkaujNagTshia nyob ua si tim 04. Ntuj Yuas NkaujNagTshia.....twb tav ntuj li no lawm los NkaujNagTshia lo me lus mos lus qab zib lus npliag siab tseem ruab li qub, cas NkaujNagTshia yuav hais tau ua rau YwjSuab nplooj me siab seev lawm yuj yees rov rau ntuj thaum ub uas muaj NkaujNagTshia nrog YwjSuab nyob txhua hnub.
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Thu Mar 27, 2014 6:43 am

YwjSuab teb hais tias: Tau kawg los mas NkaujNagTshia…..xyoo 1987 thaum lub 5 hli ntuj xiab, kuv twb yuav nrog npawg 8tos8nco los coj koj nrog kuv mus no, tab sis kuv txiv kom kuv tus kwv coj kom tau kuv nrog kuv tus kwv rov mus ntsib kom tau kuv niam thiab kuv txiv xwb li no ces kuv ua tsis tau li cas kuv thiaj li tau sau ib tsab ntawv rau npawg 8tos8nco nqa los rau koj xwb. Thaum lub 5 hli xiab, kuv thiab kuv tus kwv mus txog rau pem tsev ces kuv niam thiab kuv txiv hais rau kuv hais tias, kuv yog ib tug tub kawm ntawv es kuv thiaj li paub mus nrog cov nom tsw tham kom lawv tso peb tuaj mus txawv teb chaws yooj yim thiab tsis tas li ntawv los kuv niam thiab kuv txiv kuj tau hais ntxiv tias thaum ub peb nyob rau teb chaws LosTsuas es peb txom txom nyem, tam sim no kuv niam thiab kuv txiv tsuas tso tau kuv ib leeg tub mus kawm ntawv xwb. Zaum no ces kom kuv cia li coj cov kwv yau tuaj mus kawm ntawv thiab kawm lus nyob rau txawv teb chaws kom cov kwv yau lawv ho muaj feem xyuam txog txoj kev nrhiav noj nrhiav haus. Lub sib hawm ntawd lub teb chaws amelika tuaj txais cov neeg thoj nam tuaj mus nyob rau teb chaws amelika, yog hais tias kuv tsis tuaj ces ntshe kuv cov kwv yau lawv yuav tsis kam tuaj li thiab. Yog li ntawd thiaj li ua rau kuv ua tsis tau tev, kuv thiaj li coj kuv niam kuv txiv nrog rau cov kwv yau sawv daws tuaj mus txog rau tom PhabNab lawm. Lub sib hawm ntawd kuv thiaj li muab kuv niam thiab kuv txiv lawv xav mus nyob muaj chaw tag rau tom Phab Nab Nib Khu lawm ces kuv tau rov qab nce tsheb los nrhiav koj nyob rau hauv VibNais.

Continue......
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Fri Mar 28, 2014 6:01 am

Thaum kuv mus txog rau pem nej lub zos 04, kuv vam thiab cia siab hais tias yuav tau rov ntsib koj dua. Tab sis, kuv rov los txog rau hauv nej lub zos thiab pom tau hais tias nej tej vaj tej tsev nyob tau nphoj xyuav tseg lawm xwb. Cov tsev nqeeb nyob rau saum roob raug muab rhuav tag, hos cov neeg ces tsiv los nyob rau cov tsev ntoo tag lawm. Kuv mus txog rau nram tus dej pas npawv twb nqhuab yuav ti rau tom plawv dej tsis tshua muaj neeg mus ncig tej chaw ntawd lawm, yeeb vim lub caij ntawd cov nom tswv lawv yuav muab lub yeej thoj nam VibNais kawv lawm tiag tiag thiab neeg los kuj tau sib tw tuaj mus txawv teb chaws lawm tau. Kuv xav hais tias, tej zaum ntshe nej yeej xam phaj tawm npe tuaj rau teb chaw amelika lawm ces ntshe wb sib pauv kev lawm xwb ces cia kuv lawv koj qab tuaj rau tom Phab Nab Nib Khu. Thaum kuv tuaj txog rau hauv Phab Nab lawm ces kuv tau zoo siab lawm twj ywm hais tias, yuav rov tau ntsib koj dua. Tab sis tuaj txog rau tom PhabNab los kuj tsis pom nej tuaj rau tov thiab. Kuv pom leej twg tuaj tshiab los kuv yeej nug saib lawv puas paub nej thiab lawv puas pom nej los lawv kuj tsis muaj neeg paub li. Peb tuaj nyob tau tsis ntev rau hauv PhabNab xwb ces peb ho tawm npe tuaj mus rau teb chaws amelika no lawm. Thuam kuv yuav tuaj ces kuv tau hais rau peb cov txiv ntxawm lawv hais tias, kom lawv nyob no pab nug seb puas pom nej tuaj txog rau hauv PhabNab, yog hais tias lawv pom nej tuaj txog hnub twg no ces kom lawv ho sau ntawv tuaj qhia rau kuv paub. Tab sis kuj tsis pom lawv sauv ntawv tuaj rau kuv li, kuv kuj tau sau ntawv rov qab los nug lawv los lawv kuj sau ntawv rov tuaj teb rau kuv hais tias, tsis pom nej li thiab xwb.

Continue......
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: YwjSuab thiab NagTshia   Sat Mar 29, 2014 5:34 pm



YwjSuab tus me nraug qab zib zoo lus dai siabTxhua yam wb muaj tseem rhais hauv nkaujnagtshia lub siab ntshws,Txawm yuav tuag tsawg tiam los "NagTshia tseem tos thiab yuav nrhiav ywjsuab 1 leeg xwb,Wb txoj kev hlub txawm wb yuav tsis sib tau los ,Tsis yog tim ywj suab tsis yog tim natshia,Yog tim wb txoj hmoo,Thiab daim ntawv,Twb yog wb tseem tshuav 1 txoj hmoo zoo,Hnub no thiaj rov ntsib ywjsuab hauv hmong heaven.Tsis paub tias,Puas muaj 1 zaug ntxiv uas NagTshia yuav tau nyob ywjsuab lub xub ntiag dua lawm,Txawm wb yuav tsis tau nyob ua ke rau tiam no los .NagTshia yuav nqos lub kua muag tos ywj suab kom txog hnub ntawv.Hnub uas wb sib ntsib nyob rau saum
Heaven.Mam  quaj qhia ywjsuab tias ywjsuab dai nagtshia lub siab npaum li cas,Nraug ntiaj teb muaj coob los,Tsis muaj 1 tug zoo xws ywjsuab,Lub suab lus lub ntsej lub muag Yeej zoo tsis xws YwjSuab hlo li,yog li NagTshia yuav quaj tos YwjSuab txog hnub ntawv?





NKaujNagTshia.....





Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Tue Apr 01, 2014 9:27 am

NkaujNagTshia......hais lus zoo npaum li ko nyob tsam YwjSuab tus ntsuj plig xub nyiag kev nce mus pem ceeb tsheej ua ntej lawm nawb. Tus neeg uas yus tsis tau ces yeej khuv xim os tab sis yog ho tau lawm tiag no xyov puas kav peb hnub thiab os yom nkauj hmoob Vib Nais tus me neeg lus qab zib.

Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: YwjSuab thiab NagTshia   Tue Apr 01, 2014 9:31 am

NkaujNagTshia….thaum uas kuv ncaim koj los tau li 2 lub xyoos lawm mas ua rau kuv nco koj heev li, tsuas seev ywj yees txog koj, lub hlwb xav ntsoov txog koj, tsis muaj pluaj siab mus kawm ntawv li, ntsia mus rau tej toj roob hauv pes mas ko siab zim ua rau kuv zoo nkaus li kuv txoj siav me zuj zus tuaj lawm xwb thiab ua rau kuv zoo li yuav tuag lawm tiag tiag li hos. NkaujNagTshia…..thaum ntawd mas kuv tau hnov kuv lub siab nqhi kev hlub uas yog txoj kev hlub thiab nco koj cuag npaum nkaus li ib tsob paj uas tsis muaj dej los ywg es av twb tau qhuav qhawv, nplooj tau dab zeeg tag, tus kav los kuj tau qhuav lawm zuj zus tuaj. NkaujNagTshia…..yog uas kuv tsis muab tsob paj tshem hloov chaw ces ntshe tsob paj ntawd kawg tuag mus xwb. Yog li ntawd ces kuv thiaj li tau muab tsob paj ntawd tshem hloov chaw coj mus cog rau thaj chaw tshiab lawm. Tab sis, tsuas yog muab tsob paj ntawd tshem coj mus nyob rau qhov chaw uas kom muaj dej lwg nrog ntub es thiaj li pab yug tau tsob paj kom muaj txoj sia thiaj li tsis qhuav tuag xwb. Kuv twb xav hais tias, cia kuv tuag kiag mus no los ntshe tsam kuv yuav tsis tau pom koj ib zaug ntxiv li lawm no os….NkaujNagTshia. Kuv tau ua siab ntev nyob li 5 lub xyoos tom qab ntawd ntxiv los kuv kuj taug tsis tau koj qab thiab tsis hnov koj moo li ces kuv thiaj li tau ua ib siab yuav poj niam lawm os…..NkaujNagTshia.

Continue.....
Back to top Go down
View user profile
 
YwjSuab thiab NagTshia
View previous topic View next topic Back to top 
Page 6 of 15Go to page : Previous  1 ... 5, 6, 7 ... 10 ... 15  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Love & Relationship - HLub & Phooj Ywg-
Jump to: