Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Yajceebtshiab
 
8tos8nco
 
Nkaujnagtshia
 
PajTshiab
 
tubsiabzoo
 
davdub
 
Ncoibsim
 
Latest topics
» Hmoob Tuav Cos
by PajTshiab Today at 10:40 am

» Hlub Koj Nyob Deb
by PajTshiab Today at 10:34 am

» DavDub Mus Blog Tebchaws
by 8tos8nco Yesterday at 5:47 pm

» Yuam Kev Nyob Hauv Koj Siab
by Yajceebtshiab Yesterday at 2:13 pm

» NkaujNagTshia LubChawMloogNkauj
by Yajceebtshiab Yesterday at 1:45 pm

» Tseem Nyob Tos
by Guest Fri Dec 02, 2016 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
muas hmoob neeg duab Nyob hmong Npaim txiv neej txoj nrhiav muaj baim siab niam ntxhoo txhiaj NkaujNyiag Npauj bauj liab lawm hlub ntsuab nkauj vang
Statistics
We have 67 registered users
The newest registered user is tubsiabzoo

Our users have posted a total of 22573 messages in 921 subjects
Who is online?
In total there are 9 users online :: 0 Registered, 0 Hidden and 9 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 Tus Ntuj Pub Nrog Tus Qub Hlub

View previous topic View next topic Go down 
Go to page : Previous  1, 2, 3, 4, 5, 6, 7, 8, 9  Next
AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Tus Ntuj Pub Nrog Tus Qub Hlub   Tue Oct 14, 2014 1:55 pm

First topic message reminder :



Last edited by YwjSuab on Wed Oct 15, 2014 6:01 am; edited 1 time in total
Back to top Go down
View user profile

AuthorMessage
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Fri Dec 12, 2014 8:53 am



   NkaujNagTshia sau hais tias: Nyob zoo os YwjSuab…..tus me neeg uas kuv hlub thiab nco nyob tsis muaj hnub uas yuav ploj. Kuv hais rau koj paub hais tias, koj niam thiab koj txiv nkawd twb tau rov qab tuaj hais kuv niam thiab kuv txiv nkawd dua ib zaug ntxiv lawm thiab. Tab sis, kuv niam thiab kuv txiv nkawd yeej tsis kam koj thiab kuv wb los sib yuav li mog. Tom qab ntawv los koj tus npawg 8tosnco twb tau tuaj coj kuv mus kiag rau hauv koj niam thiab koj txiv nkawd tsev li uas koj tau hais rau kuv. Tab sis, thaum lawv mus fi xov ces kuv niam kuj tau lawv qab tuaj ntaus kuv rov qab lawm thiab, txawm kuv thiab koj wb yuav hais npaum li cas los nkawd yeej tsis pub wb sib yuav li yog hais tias koj tseem nyob rau teb chaws HmongHeaven ntawm ko. Kuv niam thiab kuv txiv nkawd hais tias, yog koj hlub kuv tiag thiab no ces kom koj nrhiav txoj hauv kev mus rau lawm teb chaws HmongZa no. Yog hais tias, thaum twg koj mus txog rau tim teb chaws HmongZa lawm no ces nkawd mam li nrog koj thiab kuv wb tham no os. YwjSuab tus me neeg uas kuv hlub…..ntawm kuv los kuv kuj tsis pom qab yuav ua li cas ntxiv li lawm thiab os, yog li ntawd ces koj ho nrhiav txoj hauv kev mus rau teb chaws HmongZa es saib puas tau nawb mog YwjSuab. Yog koj nrhiav tau txoj ncauj kev mus rau teb chaws HmongZa lawm no ces koj thiab kuv wb mam li sib ntsib rau tiv nawb mog. Yog hais tias, koj ho nrhiav tsis tau txoj ncauj kev mus rau tim teb chaws HmongZa no ces koj tsis txhob tos kuv lawm nawb mog YwjSuab. Kuv yuav tsis lawv koj qab tuaj mus rau tim teb chaws HmongHeaven ko lawm nawb ces YwjSuab…..koj yeej meem mus nrhiav dua ib tug poj niam los hlub koj, los ua rau koj noj koj haus thiab los pab nrog txhawb koj lub neej mus lawm yav tom ntej es koj thiaj li tsis txom nyem nawb mog. YwjSuab…..txhua yam uas koj thiab kuv wb tau xav tseg twb mus tsis tau raws li koj thiab kuv wb lub siab xav li lawm ces kuv thov txim ntau ntau rau koj nawb mog YwjSuab. Sau npe…..NkaujNagTshia…..tus neeg uas hlub thiab tshua YwjSuab tsis muaj hnub kawg mog.

Continue.....
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Mon Dec 15, 2014 9:57 am



   Thaum YwjSuab hnov NkaujNagTshia hais tias: YwjSuab…..koj tsis txhob tos kuv lawm nawb mog es kuv yuav tsis lawv koj qab tuaj mus rau tim teb chaws HmongHeaven ko lawm os. YwjSuab hnov zoo nkaus li ib rab riam lij kiag rau ntawm Ywjsuab lub hauv siab thiab zoo nkaus li muaj dab tsi nyem nkaus YwjSuab caj pas ces ua rau YwjSuab txoj siav cia li yuav tu tiag tiag li lawm, YwjSuab cia li zaug kiag rau ntawm ntug kev, YwjSuab sam sim zoo yam nkaus li ib tug ntses nti ua luj luag rau saum npoo av uas tsis tau dej los yug txoj siav ces ib me pliag YwjSuab mam li maj mam sawv taug kev rov los mus rau hauv tsev lawm. Txij li hnub ntawd los lawm ces YwjSuab noj los noj tsis hnov qab thiab pw los pw kuj tsis tsaug zog, kuj tseem tau ua mob rau YwjSuab mus tsis taus hauj lwm li lawm thiab nyob tau tsaus ntuj nti lawm xwb. Tau ntau hnub ntau hli YwjSuab xav hais tias, cia ua li NkaujNagTshia hais es cia YwjSuab mas li nrhiav kev mus rau teb chaws HmongZa ces YwjSuab thiaj li tau mus ua ntaub ntawv tsiv mus lawm teb chaws HmongZa los luag kuj tsis txais li, YwjSuab tau lis cov ntaub ntawv tau li peb plaub lub xyoo nkaus los kuj tseem tsis tau mus li thiab. Tom qab ntawv lawm ces YwjSuab thiaj li tau ua ib siab pib dua YwjSuab lub neej tshiab nrog rau Nkauj DaLa thiab thiaj li ua raws li NkaujNagTshia cov lus uas tau hais rau YwjSuab kom YwjSuab mus nrhiav dua ib tug poj niam los nrog hlub thiab pab YwjSuab.
   Nyob rau ntawm NkaujNagTshia ces ib lub xyoo tom qab ntxiv uas YwjSuab lawv mus hais tsis tau NkaujNagTshia ntawd lawm ces NkaujNagTshia lawv tseev neeg kuj tau muaj npe tawm tuaj mus nyob rau txawv teb chaws nyob rau teb chaws HmongZa lawm li lawv tau hais tseg lawm thiab. Thaum NkaujNagTshia lawv tuaj txog rau teb chaws HmongZa lawm ces NkaujNagTshia los kuj tau mus pib dua NkaujNagTshia ib lub neej tshiab nraug rau NT lawm thiab.

Continue.....
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: Tus Ntuj Pub Nrog Tus Qub Hlub   Tue Dec 16, 2014 8:45 am

Morning os NraugYwjSuab"Ua tsaug nws zaj dab neeg sau tau kho siab heev"Wb txoj kev hlub yav dhau kuj sib hlub txaus txaus lawm"tsuas hlub npaum ywjsuab hlub nagtshia lawm xwb"NagTshia zoo siab txaus lawm"haha Nws zaj dag neeg no kuj los xaus nagtshia part lawm ua tsaug nawb yog lwm tiam muaj tiag nagtshia mam rov los hlub ywjsuab dua Tiam no ces Ywjsuab yog lwm tus tug lawm ces nagtshia yuav ua 1 siab mus ua nagtshia lub neej nyob rau hmong za lawm tiag nagtshia mam foom koob hmoov pub neb nkaujdala thiab ywjsuab yom haha ua tsaug nawb sib ntsib dua ..
Vam tias nkaujnag yuav hnov ywjsuab hais dag neeg dua pub nyeem os nawb".



Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Tue Dec 16, 2014 10:50 am

Good Afternoon rau kuv tus me neeg zoo NkaujNagTshia thiab mog. YwjSuab zaj dag neeg ces txawm yuav piav tim VibNais txog ntua rau USA los yeej kho tsis tau NkaujNagTshia nplooj me siab li os. NkaujNagTshia puas paub tseeb hais tias fab lwm tiam puas muaj tseeb li luag tej neeg hais mas los. Wb zaj dag neeg yuav tu siab uas luaj es NkaujNagTshia nco ntsoov wb zaj dag neeg hlub nawb mog...........

Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Tue Dec 16, 2014 10:54 am




   Thaum uas YwjSuab thiab NkaujNagTshia nkawd rov qab piav txog nkawd lub neej thaum hluas dhau los, thaum uas YwjSuab thiab NkaujNagTshia nkawd piav tag lawm ces YwjSuab thiaj li hais rau NkaujNagTshia hais tias: NkaujNagTshia ua li cas tau 27 lub xyoo dhau los no koj niam thiab koj txiv nkawd ho sis kam koj rau kuv thiab koj los tseem tsis kam lawv kuv qab tuaj rau teb chaws HmongHeaven no nab? NkaujNagTshia…..yog hais tias koj lawv kuv qab tuaj nrog kuv nyob no, ntshe kuv yuav ua li cas hlub koj li tiag! Tab sis, koj ho tsis tuaj raws li wb cov lus tau cog cia tseg.
   NkaujNagTshia thiaj li teb hais tias: YwjSuab…..kuv los kuj tsis paub li thiab tiag! Xyov yog vim li cas es kuv niam thiab kuv txiv nkawd yuav ua tau lub siab phem ua luaj li ntawd rau wb txoj kev sib hlub li tiag. Txawm yav tag los yuav zoo li cas los xij peem los mas YwjSuab…..yav dhau los ces twb tau dau mus lawm lub sib hawm twb tig tsis tau rov qab lawm. YwjSuab…..hnub no kuv twb tau rov tuaj ntsib koj dua nyob rau ntawm no lawm es ua li koj puas tseem hlub kuv thiab hauv koj nruab siab ne, puas tseem muaj ib tug neeg zoo li NkaujNagTshia no nyob rau hauv lawm thiab na los?
   YwjSuab thiaj li teb rov rau NkaujNagTshia hais tias: NkaujNagTshia a…..koj thiab kuv wb txoj kev sib hlub nyob rau yav thaum ub ces kuv yeej hlub koj tiag tiag li hos. Kuv ib nplooj siab uas thaum ub kuv tau muab rau koj nyob rau hauv lub yeej thoj nam tawm rog yeej thoj nam Vib Nais ntawd yeej tshem tsis tau tawm hauv kuv nruab siab mus kiag li hos…..NkaujNagTshia. Nyob rau nyiaj hnub nim no los kuv tseem muab kuv ib nplooj siab faus cia tseg nyob rau Vib Nais uas tseem tsis tau lwj os nawb.
   NkaujNagTshia rov teb rau YwjSuab hais tias: YwjSuab yog hais tias, koj tseem hlub kuv thiab no es kuv twb tuaj txog ntawm koj no lawm ces kuv yuav nrog koj nyob, koj puas kam thiab ma los?

Continue......
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Wed Dec 17, 2014 10:12 am



   YwjSuab teb hais tias: NkaujNagTshia…..wb twb sib ncaim tau ntev ntev los lawm 27 lub xyoo no lawm, koj wb muaj koj txij koj nkawm, hos ntawm kuv los kuj muaj poj niam tub se tag lawm thiab es ntshe koj thiab kuv wb yuav ua tsis tau li ntawd lawm os NkaujNagTshia.
   NkaujNagTshia thiaj li rov teb hais tias: YwjSuab…..nyob rau ntawm kuv lub neej thiab tus txiv ces nws twb mus yuav dua poj niam tshiab tim los tsuas teb lawm es nws thiab kuv wb twb sib nrauj lawm los yog, tsuas tshuav tus cim ntawv tes kos lawm xwb ces tsis muaj dab tsi lawm os YwjSuab.
   YwjSuab rov teb hais tias: NkaujNagTshia…..Koj thiab kuv wb yuav ua li qhov uas koj hais ntawm ko tsis tau li lawm os. Yeeb yog vim koj tsuas tau paub tus YwjSuab thaum uas nws muaj li 20 xyoo xwb es koj twb tsis paub tus YwjSuab uas thaum nws muaj li 40 tawm xyoo no lawm. Nyob li ntawm kuv tus kheej los kuv tsuas paub tus NkaujNagTshia thaum uas nws muaj li 17 xyoo xwb, hos kuv twb tsis paub tus NkaujNagTshia uas thaum nws ho muaj 40 tawm xyoo no. Hnub no, muab koj thiab kuv wb txoj kev hlub yav tag los coj rov los xav zoo zoo ces nws tsis yog tim koj thiab nws kuj ho tsis yog tim kuv, ntshe yog tim wb txoj hmoov los tsis sib raug es koj zoo yam nkaus li lub paj tawg nyob rau lub chaw siab uas kuv ncav tsis txog xwb. Thaum muaj koj nyob nrog nraim ntawm kuv los kuv ho tsis muaj nyiaj txiag coj los yuav kom tau koj, hos thaum kuv ho muaj me ntsis nyiaj txiag lawm es yuav yuav koj los koj niam thiab koj txiv nkawd ho tsis kam koj rau kuv yuav lawm thiab, nws tim lawm koj thiab kuv wb txoj hmoov lawm tiag tiag os NkaujNagTshia. Uas thaum ub kuv muaj ib qhov chaw nyob nraim rau hauv kuv nruab siab rau koj tuaj nyob. Tab sis, koj ho tsis tuaj ces zaum no qhov chaw ntawd nws twb ho muaj neeg los nyob lawm. Tus neeg ntawd ces nws twb tsis yog ib tug poj niam xwb, nws kuj tseem yog ib tug neeg cawm seej rau kuv thiab. Yog hais tias, hnub no tsis muaj nws nrog kuv nyob lawm ces ntshe kuv yuav ua tsis nyog neeg mus ntxiv lawm mog. Yog tsis muaj tus neeg ntawd cawm saib xyuas kuv txoj siav, ntshe hnub no koj twb tsis tau pom kuv ncig tuaj txog ntawm HmongHeaven tus ncej huab qag no lawm thiab. NkaujNagTshia……tus neeg ntawd ces nws yog kuv tus poj niam tam sim no uas nws muaj lub npe hu ua Nkauj DaLa no os.


Continue.....
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Thu Dec 18, 2014 6:13 am



   YwjSuab rov hais ntxiv hais tias: NkaujNagTshia…..koj rov qab mus es koj ua twb zoo mus hais rau koj tus txiv thiab nrog nws tham kom zoo, txawm nws ho mus yuav niam yau lawm los luag tej laus ib txwm piv txoj lus hais tias, nplij niam nplij txiv thiaj li tau ntuj ntoo, nplij tub nplij roog thiaj li tau zoo thiab lag luam ces zoo lawm thawj ntsug, txij nkawm ces zoo thawj tug. Yog hais tias, thaum nws pom koj ua zoo lawm ces tej zaum nws kuj yuav rov qab los hlub koj dua xwb, vim hais tias neb twb tau pib neb ib lub neej los lawm ntev, neb twb muaj me tub me ntxhais los nyob puv vaj puv tsev lawm, nws mus los tej zaum nws tsuas yog mus ib nyuag ntus xwb ces nws yeej yuav rov qab los ntawm koj lawm ces koj yuav tau rub koj lub siab kom ntev thiab ua koj lub siab kom loj nawb mog….NkaujNagTshia.
   NkaujNagTshia tiaj li hais tias: YwjSuab…..tej zaum koj kuj hais yog lawm thiab tiag ntshe yog vim koj thiab kuv wb txoj hmoov tsis raug los ua txij nkawm nyob ua ke es zaum twg los wb thiaj li muaj qhov los cuag tshuam wb mus li xwb. Ntawm kuv lub neej ces  teb zaum yog uas kuv nco nco koj heev es ntshe kuv muab kuv nplooj siab tsis tag coj los tuav kuv lub neej es NT thiaj li tau txav tawm nrug mus yuav niam yau lawm xwb. Zaum no kuv twb tau tuaj ntsib pom koj lawm tiag thiab thaum uas koj hais txog koj tus Nkauj_DaLa ces koj lub ntsiab muag twb qhia tau rau rau kuv lawm hais tias, nyob rau hauv koj nruab siab yeej tsis muaj kuv nyob rau hauv lawm tiag. Zaum no kuv rov qab mus txog tsev es kuv mam li mus ua tib zoo hais rau NT seb nws ho xav li cas. YwjSuab…..es koj tsis txhob txhawj txog kuv nawb mog. Hos nyob li ntawm koj tus Nkauj_DaLa cas nws yuav muaj hmoov ua luaj li os yom, nws tseem los txeeb tau koj nplooj siab tawm ntawm kuv mus lawm thiab. Kuv yeej paub zoo lawm hais tias, nws yeej txeeb tau koj tawm ntawm kuv mus lawm ntshe nws yuav yog ib tug neeg uas zoo nkauj heev li xwb es nws thiaj li txeeb tau koj lawm tiag. Zaum no koj tau los mus ua nws tus lawm tiag tiag, kuv nrog neb zoo siab heev thiab kuv thov lub ntuj lub teb nrog rau yawm saub pov hwm nej lub neej nrog rau neb txoj kev sib hlub kom nyob ruaj khov mus ib txhis nawb mog. YwjSuab…..kuv zoo siab uas tau ntsib koj nyob rau hnub no rau ntawm thaj chaw HmongHeaven tus ncej huab qag no thiab kuv zoo siab heev uas tau los hlub nrog koj 27 lub xyoo yav dhau los. Zaum no ces ntshe kuv yuav tau ncaim koj mus tag lawm ib txhis nawb mog…..YwjSuab. Kuv zoo siab uas tau ntsib koj nyob rau hnub no, ntawm no thiab thaj chaw no mog tus nus hmoob.


Continue.....
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Fri Dec 19, 2014 6:22 am



   NkaujNagTshia thiaj li tau sawv tsees thiab rhais ruam mus lawm ces YwjSuab txawm cheem hais tias: NkaujNagTshia a…..koj tos me ntsis tso ma los! Thaum twg koj mam li rov qab mus rau teb chaws HmongZa os? NkaujNagTshia txawm tsis teb thiab tsis tig rov qab tuaj ntsia YwjSuab li lawm, YwjSuab yim hu NkaujNagTshia los NkaujNagTshia yim mus deb lawm zwj zus xwb, YwjSuab tsuas pom NkaujNagTshia muab txhais tes yoj yoj ua hais tias sib ntsib dua lawm xwb. YwjSuab txawm sawv ntsia NkaujNagTshia mus ploj rau ntawm cov neeg coob coob lawm xwb. YwjSuab muab qhov muag mus saib rau saum ntuj, YwjSuab txawm npo ib pas loj loj vim zoo nkaus li hnub no YwjSuab sam sim los txo tau ib kawm nra uas nhyav nyhav heev nrawm YwjSuab nraub qaum rau hauv av lawm, YwjSuab hnov zoo nkaus li YwjSuab ib ce sib kha tuaj lawm xwb ces YwjSuab tawm su ib suab. Ua cas YwjSuab hnov leej twg khawm nkaus YwjSuab lub duav ces YwjSuab txawm xav zoj hais tias ntshe yog NkaujNagTshia rov los khawm YwjSuab xwb. Thaum YwjSuab muab qhov muag mus saib kiag no na hos tsis yog NkaujNagTshia lawm. Ua ciav yog Nkauj_DaLa ua lub ntsej muag luag ntxhi rau YwjSuab xwb ces ua rau YwjSuab zoo siab heev. YwjSuab txawm muab kiag Nkauj_DaLa nqa hlo ntawm Nkauj_DaLa lub duav tig kiag ob peb ncig thiab qw nrov nrov hais tias, kuv hlub koj os…..kuv hlub koj os….Nkauj_DaLa aw…..koj hlub koj os.

Continue.....
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Mon Dec 22, 2014 5:57 am



   Thaum YwjSuab muab Nkauj_DaLa tso rau hauv pem teb lawm ces Nkauj_DaLa thiaj li hais rau YwjSuab hais tias: Koj txiv…..yog ua li cas rau koj lawm na? Nws yog thawj thawj zaug uas kuv tau pom koj coj tau txawv zoo li no nab…..koj txiv! Los yog muaj dab tsi tshwm sim rau koj lawm es ho hais qhia rau kuv paub puas tau os?
   YwjSuab thiaj li teb hais tias: Koj niam a…..kuv tsis ua li cas os! Koj niam…..kuv thov txim ntau ntau uas kuv tau ua rau koj txhawj kuv lawm nawb. Koj niam…..kuv puas ua tau ib tug zoo txiv rau koj nab los uas txij li thaum wb sib sau ua neej los txog ntua rau tav li no, kuv puas tau hais rau koj hais tias, kuv hlub koj thiab kuv nyiam koj no nab…..koj niam?
   Nkauj_DaLa rov teb hais tias: Koj txiv..…txawm koj tsis hais kiag rau kuv los kuv yeej paub zoo lawm hais tias, koj yeej hlub kuv no los mas thiab koj yeej nyiam kuv no los mas…..koj txiv. Yog vim li cas koj ho lam nug kuv zoo li ko nab yom…..koj txiv?
   YwbSuab thiaj li teb hais tias: Koj niam…..koj yeej zoo nkauj tiag tiag li hos. Tab sis, kuv thov txim ntau ntau uas kuv muaj hauj lwm ntau heev es kuv thiaj li tsis muaj caij nyoog los hais qhia rau koj paub hais tias, kuv hlub koj thiab kuv nyiam koj no xwb, kom tsim nyog uas koj txoj kev zoo os….koj niam. Kuv cog lus rau koj hais tias, txij hnub no mus kuv yuav nco ntsoov hais ua hnub ua hmo rau koj hais tias, kuv hlub thiab kuv nyiam koj no kom tsim nyog koj txoj kev zoo thiab koj txoj kev uas koj tau hlub kuv nyob rau tiam neej no mog…..koj niam. Tab sis ses koj niam…...koj tsis txhob dhuav kuv nawb mog.
   Nkauj_DaLa teb rov qab hais tias: Koj txiv…..cas hnub no kuv nyuam qhuav tso koj tuaj mus ncig ua si ib nyuag pliag no xwb, twb tsis tau ntev koj twb coj tau txawv ua luaj li no lawm! Yog koj xav hais rau kuv hais tias, koj hlub kuv no los, kuv tsuas muaj txoj kev zoo siab xwb thiab kuv yeej yuav tsis dhuav koj ib zaum li los mas…..koj txiv.


Continue.....
Back to top Go down
View user profile
YwjSuab
Moderator
Moderator


Posts : 922
Points : 942
Reputation : 0
Join date : 2010-09-24

PostSubject: Re: Tus Ntuj Pub Nrog Tus Qub Hlub   Tue Dec 23, 2014 6:10 am



   YwjSuab teb hais tias: Koj niam……hnub no kuv tsis muaj dab tsi thiab tsis ua li cas rau kuv li os? Koj tsis txhob txhawj txog kuv nawb mog, twb yog hnub no kuv tuaj mus ncig ua si ib leeg xwb es kuv thiaj li tau zoo li no lawm xwb los mas…..koj niam. Txij li hnub no mus ces koj yuav tsum rog lus rau kuv hais tias, koj yuav tsum tsis pub kuv mus qhov twg ib leeg kiag li lawm no nawb mog. Koj yuav tsum nrog nraim kuv mus tas li lawm xwb es kuv thiaj li tsis tau ua neeg vwm ntsuav zoo li no na…..koj niam.
   Nkauj_DaLa teb hais tias: Koj txiv…..yog li ntawd ces txhais tau hais tias, kuv kuj muaj hmoov kawg nkaus li uas kuv cia li muab kuv hauj lwm tso pov tseg rau tom tsev lawm es kuv tau lawv koj qab tuaj rau ntawm thaj chaw HmongHeaven ncej huab qag no es ho tuaj pab tau koj thiab tseem tuaj tau zoo sib hawm kawg thiab laiv yom puas yog nab? Koj txiv a…..kuv mam li cog lus rau koj thiab hais tias, uas kuv mam li tsis pub koj mus rau qhov twg ib leeg li lawm mog es cia koj thiab kuv wb nyob zoo li no mus tag ib ntxhis, los yog txhua txhua tiam os yom…..koj txiv.
   Nkauj_DaLa txawm tuav kiag YwjSuab tes thiab hais tias: Koj txiv…...zaum no kuv tuav koj tev lawm ces wb mus ncig ua si lau yom.
   Hnub ntawd YwjSuab thiab Nkauj_Dala nkawd ob tug niam txiv kuj tau mus ncig ua si ib hnub lom zem xauv npo. Txij li hnub uas YwjSuab hais tim ntsej tim muag rau NkaujNagTshia hais tias, YwjSuab yuav tsis hlub NkaujNagTshia mus ntxiv lawm ces ua rau YwjSuab tus mob nyob rau hauv YwjSuab nruab siab tau paim yaj ntshis mus lawm tag thiaj li ua rau YwjSuab thiab Nkauj_DaLa nkawd ua lub neej nyob tau kaj siab lug tuaj lawm.

The End..............


Last edited by YwjSuab on Tue Dec 23, 2014 6:20 am; edited 2 times in total
Back to top Go down
View user profile
 
Tus Ntuj Pub Nrog Tus Qub Hlub
View previous topic View next topic Back to top 
Page 8 of 9Go to page : Previous  1, 2, 3, 4, 5, 6, 7, 8, 9  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Love & Relationship - HLub & Phooj Ywg-
Jump to: