First topic message reminder :
Kev tsa ib haiv neeg/kho ib haiv neeg,tshwjxeeb tshaj yog haiv neeg zoo li peb Hmoob uas cagku mojyoog qauv lw tau qaug mus lawm, thiab tsav/haiv neeg no hos mus ciaj cag siv cai sib txawv thiab sib cov nyom li niaj hnub no lawm yeej tsis yoojyim. Ntau haiv neeg yuav tsum muaj kev ntxeevtseev hauv cagku "social revolution" mas nws haiv neeg no thiaj yuav raws tau neeg ntxheej tiam ntawv kev vam meej/haumxeeb raws txoj kev timtsum.
Neeg lub siab "hlwb" hloov raws txheejxwm tseeb ntawm kev totaub txog xwjxwm thiab kev koobxuam (essential) tamsim ntawv lawm. Lintawv, Hmoob yuav ua tau siab loj/dav tau li lwm haiv neeg yog thaum Hmoob paub txog txiaj ntsim feemkoom "public benefits" tseemceeb npaum twg lawm. Niaj hnub no, peb Hmoob tsis hais nyob lub tebchaws twg los nyuam qhuav pib nkag siab zujzus txog kev siv tswv yim (the mind games) xwb.
Yog yuav hais qhov tseeb tiag tiag ntawm Hmoob kev ua neej yeej tsis muaj kev sib hlub tiag, thiab uake ntawv; txhua yam Hmoob ua yog xav nrov thiab xav tau ntsej muag nkaus xwb yeej tsis muaj ntau rau feem txoj kev sib hlub.
Lub neej thaum ntxov kuj xws li nim no, Hmoob tsuas pab tus neeg txawj ntse thiab muaj koob nto npe kom nws tau ntsej muag, hos ntawm cov neeg ruamm thiab neeg txom nyem tsis muaj tus xav xyijxeeb pab thiab hlub txog. Hmoob kev sib pab tsis yog hlub pab, tabsis yog pab raws li Hmoob cov nqi lus hais tias "pauv zog" thiab "pab tus uas tom ntej yuav vam tau thiab pab tau yus" no xwb nawb.
Lwm haiv neeg txoj kev sib pab hauv society mas yog pab los ntawm txoj kev hlub, thiab luag tsuas pab tus nws pab tsis tau tus kheej. Lwm haiv neeg vam meej txoj kev sib hlub sib pab, luag txoj kev sib pab yog kev tsis xam txiaj ntsig nawb, thiab thaum luag tau pab lwm tus timtsum kev pab lawm, luag tsis tos kom tus luag tau pab ho pab luag rau tom ntej.
Hauv Hmoob cov lus ua tsaug hauv lub ntees tuag, thaib cov lus ua tsaug tshoob yeej qhia tseeb kawg kiag txog Hmoob tus cwjpwm thiab xeeb ceem ntawm kev ua neej tseeb. Tsuas yog tus neeg tsis ntse tob xwb thiaj qhuas tias Hmoob coj cai zoo, tus paub tiag/ntse tiag ces yeej pom tias Hmoob tsuas yog "nyias hus nyias kwj tse".
Qhov Hmoob mus tsa ntau ntau lub koomhaum cuab xeem, thiab Hmoob koom tsis tau los noj Hmoob lub 30 caug ua ib hnub/los sis koom ib lub chaw rag qaum paj nruag los yeej yog lub hlwb ntawv. Tshwjxeeb tshaj yog cov koomhaum/koomtxoos “organizations” uas xav coj Hmoob ua politic thiab daws tso Hmoob kev raug tsim txom+txom nyem lod yeej coj tib tug cwj pwm+xeebceem+hlwb kev txawj ntse kiag thiab xwb. Tus xeebceem twmxeeb no yeej koom tsis tau ua ke thiaj ua rau Hmoob tseem tsis tau kam sib koom siab koom zog los daws Hmoob tej teeb meem ntxhov niab niaj hnub no.
Calendar
