Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
8tos8nco
 
Yajceebtshiab
 
Nkaujnagtshia
 
tubsiabzoo
 
davdub
 
Ncoibsim
 
PajTshiab
 
Latest topics
» DavDub Mus Blog Tebchaws
by davdub Yesterday at 10:03 pm

» Tseem Nyob Tos
by Guest Yesterday at 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» NkaujNagTshia LubChawMloogNkauj
by Nkaujnagtshia Tue Nov 29, 2016 11:13 pm

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Yuam Kev Nyob Hauv Koj Siab
by Yajceebtshiab Tue Nov 29, 2016 9:59 am

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Hlub Koj Nyob Deb
by PajTshiab Wed Nov 23, 2016 2:45 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Hmoob Tuav Cos
by Guest Wed Nov 09, 2016 10:36 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
Npauj hmong hlub lawm ntsuab Npaim neej txhiaj muaj niam ntxhoo bauj muas NkaujNyiag duab Nyob siab neeg vang hmoob txiv txoj nkauj liab baim nrhiav
Statistics
We have 67 registered users
The newest registered user is tubsiabzoo

Our users have posted a total of 22568 messages in 921 subjects
Who is online?
In total there are 13 users online :: 0 Registered, 0 Hidden and 13 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Post new topic   Reply to topicShare | 
 

 Hmoob Teb Chaws Kev Tu Siab

View previous topic View next topic Go down 
Go to page : 1, 2, 3, 4, 5, 6, 7  Next
AuthorMessage
nrhm
Guest



PostSubject: Hmoob Teb Chaws Kev Tu Siab   Mon Sep 21, 2015 8:23 pm





Nej cov paub zoo txog peb Hmoob Teb Chaws lub xov tooj cua es yog lawv nyob li cas lawm xwb cas lawv yuav hais tau tej lus tu siab ua luaj li os?

Xov tooj cua ces leej twg yog tus own the sky ces tus ntawm yog tus control xwb las mas es av tsij rau rau siab tuaj nthuav nej tej lus xov tooj cua rau peb Haiv Hmoob cov tseem tos tos peb Hmoob tus huab tais yuav nqes los es nej tsis txhob maj tag kev cia siab nawb mog.

Hais Txog Peb Hmoob Kev Tu Siab Nws Zoo Li Nov:

  • yog hais tias koj yog ib tug Hmong-Veteran ces koj lub neej thiab txoj sia yeej nyob hauv tus npau suav ua rog kom tag koj tiam li lawm.
  • yog hais tias koj yog ib tug neeg hav zoov los yog neeg cob fab ces koj lub neej yeej nco tej yam li koj nej hnub tham mus tag koj lub neej li lawm.
  • yog hais tias koj yog ib tug neeg tuaj yug tshiab nyob rau lub teb chaws Meskas ces koj lub neej yeej hloov thiab paub mus lawm ib theem siab tsis zoo li Hmoob lub neej lawm.
  • yog hais tias koj yog ib tus neeg laus muaj hnub nyoog thiab koj paub txij puag thaum GVP lub neej los txog rau niaj hnub no ces koj yeej yog ib tug neeg saub sab sij huam lawm.
  • yog hais tias koj yog ib tug neeg laus ces koj txawj nyob ib sab ntuj los koj yeej muaj qhov xav txog lwm sab ntuj.
  • yog hais tias koj yog ib tug neeg hluas yug nyob rooj teb no ces koj yuav tsis muaj qhov xav txog sab ntuj twg ntxiv li lawm.
  • yog koj yog ib tub rog Vaj Pov ces koj yeej paub hais tias kev ua kob tsov rog Nyab Laj thiab Secret War in Laos zoo li cas.
  • yog koj yog ib tub rog Cob Fab uas koj nej hnub khiav nkaum nyob rau hav zoo hav tsuas ces qhov koj paub yeej yog txij li koj tau ua los lawm muaj li cas ces koj tsuas paub txij li ntawm xwb.
  • yog koj yob ib tug tub kawm ntawm qib siab nyob rooj teb no ces koj yuav tsis paub lub hauv paus thiab hauv ntsis tsov rog yav ntuj qub qab zoo li cas nyob hauv koj nruab siab los ntawm koj lub qhov muag kiag.  Tab sis, koj yuav muaj lub zeem muag paub thiab pom nyob hauv koj nruab siab hais tias zaj dab neeg keeb kwm tsov rog nyob yav ntuj qub qab zoo li cas thaum koj mus nyeem luag tej dab neeg piav txog lub teb chaws ntawm ces koj yeej nkag siab zoo.

Mas yog li ntawm, nyob ntawm koj nyob rau category twg ces koj yuav paub txij yam ntawm rau koj lub neej es peb tej koom haum Hmoob tam sim nov thiaj li hais tseg lawm hais tias peb yuav tsum nco txog peb cov qub tub rog tus txiaj ntsim uas yog lawv tau muab lawv tej roj ntsha mus pua daim av Nplog thiab tuam choj rau peb Hmoob tuaj mus pib peb lub neej tshiab nyob rau cov teb chaws vam meej tag lawm ces peb Haiv Hmoob thiaj li yuav tsum tau lees paub peb tej qub nom qub tswv thiab kev nco txog tej laus kom tag lawv tiam tso mas dhau ntawm mus ces peb twb ho yuav tig los mus nco txog peb cov laus neeg uas lawv mam xeem tuaj yug nyob rau Meskas teb tiam vim lawv yog peb cov niam cov txiv tshiab uas lawv mam xeem tuaj yug nyob rau rooj teb no mus rau tiam tom ntej mus tsis tag tsis kawg.

Yog yuav tham txog kev ua kob tsov rog Nyab Laj ces luag neeg ntiaj teb tuaj ua tsov rog loj npaum li xob nroo tsis hais nruab hnub los hmo ntuj ces yog thaum luag xaus tsov rog lawm peb Hmoob ho yuav tig rov pib dua tej nyuag tsov rog hav fab uas sawv daws yuav siv niam lub zog noj mis ua xwb ces peb Hmoob thiaj li cob pob tuag tas vim peb Hmoob tsis paub txog luag tus xwm txheej ntiaj teb ces thaum peb twb nyob rau hauv luag lub xib tes lawm los peb tseem hais tias peb mas muaj yeej loj npaum ub npaum no ces thaum kawg peb thiaj li piam sij tag mas yog li ntawm peb yug los ua Hmoob peb yuav tau xyaum yoog luag tus xwm txheej ntiaj teb li teb li chaws es thaum luag hais tias lub teb chaws thaj yeeb lawm ces peb Haiv Hmoob yuav tau tig los ua neeg zoo seb puas dim txoj sia xwb zoo dua mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Sep 23, 2015 7:21 am





Yog vim li cas GVP thiaj tseem hlub Hmoob ua luaj vim nws twb laus laus lawm los nws pheej yuav tau mus ua hauj lwm rau Hmoob tas zaj tas zog kom txog hnub kawg mam tsum?

  • GVP yog Hmoob ib tug zoo thawj coj uas nws lub meej mom thiab hwj chim yeej ncha thiab siab npaum li nws yog Hmoob tus huab tais txij thaum nws tau los ua Nplog ib tug thawj coj tub rog nqe II nyob yav qaum teb Los Tsuas lawm mas txhua tsav neeg nyob hauv daim av Nplog thiab luag neej ntiaj teb thiaj li hwm nws thiab saib nws rau nqi vim nws ua dab tsi yog dab tsi thiab nws lub hwj chim los txhawb neeg ntiaj teb kob tsov rog Nyab Laj uas yog nws tau lees pab tsoom fwv Fabkis thiab Meskas los tiv thaiv lub teb chaws Nplog ua ntej xyoo 1975.
  • Tom qab tsov rog Indochina xaus, GVP thiaj li tau raug tawm teb chaws vim luag neeg ntiaj teb kev ua rog tawm tsam tog koom sam tsis muaj ntxiv lawm mas yog li ntawm GVP thiaj li tau coj nws 3500 tus Hmoob nrog nws ya tawm saum Looj Ceeb hla ntuj mus rau sab Thaib teb es nws cov tub rog thiab pej xeem Hmoob uas tseem nyob tom qab hauv lub teb chaws Nplog nyias mam li ntxeem nyias txoj sia seb tus sab tham nab kas yuav mus li cas tso sawv daws mam rov sib ntsib dua vim qhov zoo tshaj plaws yog Hmoob tus thawj coj yuav tsum muaj kev kaj siab ua ntej luag yuav tig rov pab Hmoob tau.  Tab sis, nyob rau npluav tsov rog Secret War in Laos zaum ntawm yuav xaus mus tsis zoo li yav tag los es pej xeem Hmoob yuav khiav ib lub zos mus nyob rau ib lub zos li qub lawm vim zaum no lub ntiaj teb yuav xaus tsov rog Indochina ua zaum kawg ces tub yuav khiav mus tso niam tso txiv tseg rov tuaj tom qab, txiv yuav khiav mus tso poj niam me nyuam tseg rov tuaj tom qab, niam yuav khiav mus tso pog yawg tseg rov tuaj tom qab, pog yawg yuav khiav mus tso nyias tej me xeeb leej xeeb ntxwv tseg rov tuaj tom qab, thiab yog tseem muaj hnub ntawm sawv daws mam li tuaj mus sib ntsib nyob rau ceeb tsheej teb chaws Asmeskas dua ib zaug ntxiv ces nyias yuav tau phoom nyias txoj sia hla tus niam dej Nab Khoom mus rau sab Thaib teb seb lub ntuj puas tseem pub leej twg muaj txoj siab nrog luag ua neeg nyob ces sawv daws mam ntxeem nyias txoj sia (yoo tshiab yoo nqhis) nyob seb puas yuav muaj hnub rov sib ntsib zaum ob lawm hos yog sawv daws tsis sib ntsib lawm ces nyias mam li mus tsim nyias ib lub neej tshiab seb nyias lub neej pem suab (tiam tshiab) yuav zoo li cas raws nyias txoj hmoo lawm xwb.
  • GVP tuaj txog rau Asmeskas teb nws yeej tuaj nyob nrog luag muaj liaj ia ua nyob thaj yeeb lug, tab sis peb Haiv Hmoob tseem txom nyem heev Hmoob tseem xav kom tsawg zaus los nws rov los ua Hmoob tus thawj coj li qub vim Hmoob yeej tsis muaj ib tug zoo thawj coj Hmoob nyob qhov twg yuav los nres tau GVP lub nra li mas yog li ntawm thaum Hmoob Cob Fab nej hnub qhuaj thov hu ntuj qaws nws thiaj li los nrhiav nyiaj txiag mus pab Hmoob thiab nrog luag neeg ntiaj teb sib hais seb Hmoob puas dim txoj sia ib zaug ntxiv.
  • GVP tuaj nyob rau lub teb chaws vam meej ntev xyoo thiab nws twb laus laus lawm los Hmoob hais tias nws tseem yog Hmoob tus thawj coj li qub thiab nws xav tau dab tsi, ua dab tsi, thiab thov dab tsi los Hmoob yeej txaus siab hlo pab nws dawb paug tsis tag yuav muaj ib tug account los mus tswj manage Hmoob tej nyiaj txiag vim Hmoob yeej sib hlub tiag tiag li.
  • Tom qab GVP tau tso Hmoob tseg lawm Hmoob lub suab yuav los leg GVP txoj hauj lwm thiab kev nyob noj haus hauv lub teb chaws Meskas thiab lwm teb chaws cia li tu ncua nyob txiag txiaj vim GVP cov tub txib thiab tub leg dej num tsis muaj lub peev xwm yuav los hais kom Hmoob mloog lus li qub thaum GVP tseem nrog sawv daws nyob es nws hais ib lo lus tias, "Yes, Yog" ces sawv daws yuav hais tias, "Yes, Yog" li lawm vim kev yuav los xaiv nom xaiv tswv thiab tsim tsa koom haum Hmoob kom Hmoob rov nrog muaj ib tug thawj coj tshiab los saib Hmoob los Hmoob tsis muaj lub vision ntawm los kho Hmoob li lawm mas yog li ntawm niaj hnub nim no Hmoob thiaj li lam sawv daws nyob ua ke taub hau sib txig txhis zos xwb ces lub koom haum twg txawj khwv nyiaj txiag ces lub koom haum ntawm thiaj nrog luag npluaj nuj thiab ua nyias tswv kheej zoo ib yam li Hmoob pheej nej hnub sib ceg hais tias lwm pab Hmoob xav ua liaj nraum Haiv Hmoob nrob qaum noj xwb.  Tab sis, qhov tseeb tiag tiag vim tus txawj pib nyias tej koom tsheej rau Haiv Hmoob taug ces Hmoob thiaj li nqa nyiaj tuaj pub rau tus ntawm lub koob tsheej xwb los kom cov niag koom haum toob nkeeg uas tsis muaj tswv yim los khwv nyiaj txiag ho txob tu tu siab vim nyob lub teb chaws vam meej no luag ua dab tsis muaj limit rau leej twg txoj kev ntshaw thiab Hmoob txhua tus tsis yog neeg pluag li yav ntuj thaum ub es yuav zoo li ib yim neeg tsis muaj tus txiv lawm ces Hmoob lub cuab yig yuav nyob ua tsuag ciaj vim lub neej no Hmoob poj niam txiv neej txhua tus yeej nrog luag muaj vaj huam sib luag lawm ces peb Hmoob yuav tau nrhiav kev ncaj ncees los hlub los plhws Hmoob es peb Hmoob thiaj li yuav pab tau peb Haiv Hmoob cov tseem ua lub neej poob qab nyob hauv lub ntiaj teb no kom lub neej Hmoob nyob sab ntuj twg los nrog luag sawv ncee iab thiab huam vaj li tej laus ib txhis coj.



The Americans and the Hmong are our heroes to remember our past Cov Americans thiab Hmoob yog peb cov heroes yuav tsum nco ntsoov peb yav tag los ຊາວ ອາເມຣິກັນ ແລະ ຊົນເຜົ່າ ລາວ ສູງ ແມ່ນ ວິລະຊົນ ຂອງ ພວກ ເຮົາ ທີ່ ຈະຈື່ຈໍາ ໄລຍະ ຜ່ານມາ ຂອງ ພວກ ເຮົາ.

Listen to Hmong sad song for 1960 and see full page of Secret War in Laos click mus saib nws daim video thiab nyeem nws cov lus sau tseg rau tiam dhau mus lawm tau.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Sep 30, 2015 7:52 pm

Qhov hais tias yus hnov luag lwm teb chaws sib ntaus sib tua yus pheej xav hais tias ntshe ib hnub twg yus Haiv Hmoob yuav cia li nrog luag muaj teb chaws ces tsis txhob tos zoo dua vim thaum ub Kham Meej pib ua Kham Meej lub teb chaws es luag tus huab tais yuav rov mus vaj mus tsev mas Hmoob thiab Nplog nim nrog luag nqus ceg dev hlo txij tog txij peg.  Tab sis, tom qab luag cov neeg Kham Meej tau luag lub teb chaws rov qab lawm Hmoob thiab Nplog zaum caws pob vos ua tsis tau dab tsi kom peb Hmoob nco tau li ntawm es sawv daws thiaj li mob siab tsim peb lub neej tshiab nyob rooj teb no mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sat Oct 03, 2015 8:48 am



Tsis nkag siab hais tias peb Hmoob nyob ib sab ntuj es cas lub hlwb ho yuav mus nrog luag lwm haiv neeg nyob rau lwm sab ntuj mas ntshe peb Hmoob txawv teb chaws yog neeg vwm tseeb tseeb li lawm los muaj vim li cas es peb Hmoob twb tuaj nyob lub teb chaws vam meej es peb haiv neeg twb pom kev deb thoob nplaws lub ntiaj teb es peb tseem nej hnub tham cov lus li peb Hmoob tseem yog neeg yug nyob rau hav zoo hav tsuag xwb mas tsis paub hais tias peb Hmoob cov tub txawj thiab ntxhais ntse lub zeem muag ho mus caum cuag luag lwm haiv neeg lub neej txog twg lawm.

Piv xam li nov, yog hais tias koj yog ib tug me nyuam Hmoob es koj yug nyob txij Meskas teb xwb ua li cas koj lub hlwb ho yuav mus nyob rau puag Suav teb nej hnub xav txog huab tais Hmoob xwb mas tsis paub hais tias tus neeg ntawm niam thiab txiv ho noj dab tsi yug tau nws es nws lub hlwb thiaj li tseem mus nyob rau lwm sab ntuj.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sun Oct 04, 2015 8:29 am

Peb Hmoob-Miliskas mas tseem tseem yog ib co niag neeg yeeb ncuab hauv lub ntiaj teb es peb thiaj li tau ris lub npe cov niag moj zeej cas kas phav Asmesliskas Vang Pao los ntawm Nplog liab vim peb twb raug pab tsoom fwv Asmesliskas kob tsov rog Nyab Laj tuag lawm ci tub los peb yeej tsis zeem li, tom qab peb twb raug laij tawm teb chaws mus nyob thoob plaws lub ntiaj teb lawm los peb yeej tsis zeem li, tom qab peb twb mus nrog luag neeg ntiaj teb sib tw ua peb lub neej vam meej lug tau 40 xyoo lawm los peb yeej tsis zeem li, tom qab peb twb mus nrog luag neeg ntiaj teb paub txog tus xwm txheej ntiaj teb hais tias lub ntiaj teb zoo li cas thiab tib neeg ua neej li cas lawm los peb yeej tsis zeem li, thiab tom qab peb twb mus yug dua ib co neeg tshiab ciaj ua lua lwm haiv neeg thiab hais luag lus tag tus lawm los peb yeej tsis zeem li vim tib qho peb pheej nrhiav kev rov mus tsim txom Hmoob yav ntuj qub qab kom mus ua neeg qus, neeg hav zoov, thiab neeg cob fab rau Nplog Liab sim phom, sim mos txwv, thiab sim hoob pob xwb es peb Haiv Hmoob tseem yuav tsim peb Hmoob mus kom txog tsawg tiam ntxiv peb mam li txaus siab los yog sawv daws xav tau nyiaj siv rau nyias tej koom haum xwb ces kuj ua zoo thov xwb los pob.

Hehehehehehe....nov yog kuv cov lus tham pem funny rau sawv daws tuaj kho hlwb yog update page xwb es yog yam twg kuv sau tsis yog lus lawm los thov nej cov tuaj nrog nyeem kuv cov lus ho ua siab ntev mog.
Back to top Go down
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: Hmoob Teb Chaws Kev Tu Siab   Sun Oct 04, 2015 11:39 am

kav tsij tham kom ntau ntau mas vim kuv yeej nyiam los twm koj cov lus kawg thiab, tab sis cas kuv tsis paub tej kev kub ntxhov koj tham pes tsawg li ne vim kuv tsis pom thaum ub lawv sib ntaus sib tua li qhov kuv paub ces twb yog hnov zej zog tham zom zaws es kuv mus qaij taub hau tig pob ntseg mloog xwb. Tab sis cas kuv me me thaum ntawm ces kuv mloog tsis paub lawv hais dab neeg xyov yog lawv hais dab tsis hehe cas tos nco xwb kuv tsuas pom vinai los kuv niam lawv kib pas thus rau kuv noj mov ntxuag dej xwb ces tsis paub li ces twb yog tom qab ntau xyoo mus uas kuv paub haus haus mis nyuj ces mam paub hais tias peb yog neeg tawg rog xwb os nrhm guest...a haha.
Back to top Go down
View user profile
nrhm
Guest



PostSubject: Re: Hmoob Teb Chaws Kev Tu Siab   Tue Oct 06, 2015 5:37 pm






Nkaujnagtshia,  zoo siab tias koj tseem los nrog kuv tham pem nyob rau chav tos qhuas nov kom sov zos thiab os.

Hais txog kev ua tsov rog yav ntuj thaum ub ces peb cov neeg thoj nam tawg rog ib lub zos dhau ib lub zos thiaj li paub xwb hos hais txog kev tub rog mus sib ntaus sib tua ces pej xeem Hmoob tsis paub thiab tsis pom li vim GVP cov tub rog mus ua rog mas lawv cia poj niam me nyuam nyob puag tom qab ces lawv mus tiv thaiv lub teb chaws Nplog yog ua tsov rog deb deb puag tsheej 4-5 hnub ke mam li mus txog chaw sib ntaus sib tua ces neeg tsis paub li.  Tab sis, cov poj niam Hmoob mus nyob ntawm tshav dav hlau Looj Ceeb tos nyob hoom thauj lawv cov txiv tuag los los tom tshav rog los tsev mas lawv thiaj li paub hais tias tub rog mus ua tsov rog xwb mas yeej txaus ntshai kawg li raws li tej laus piav es kuv hnov thiab xwb.

Hais txog cov duab hauv qab nov zoo li yog CIA cov duab thaum lub sij hawm Nyab Laj tuaj qhwv Looj Ceeb ces lawv cov tanks tuaj nce yuav dhau lub roob Phu Mauj saum lub dawm roob raws txoj kev yuav mus rau sab Sam Thong thiab yuav nqes los rau hauv Looj Ceeb mas yog hais tias ob lub tanks ntawm tsis raug kub nyhiab thiab puas ntsoog ces thaum ob lub tanks ntawm hla dhau plaw lub dawm roob thiab tig kiag phom loj rau nram lub nroog Looj Ceeb ntsia ntsoov rau tim tsev huab tais xwb ces peb cov tug rog Hmoob yeej kawg pos tau haus yuav lawm xwb mas txaus ntshai kawg kawg li vim muaj lub ntuj pab es Nyab Laj cov tanks thiaj li hla tsis dhau lub dawm roob phu mauj xwb raws li muaj tus hais tseg es kuv mus tshawb tau los rau sawv tau saib tauv Hmoob lub kuag muag xwb thiab thov qhuas CIA txoj kev hlub Hmoob npaum Vaj Tswv nyob saum ntuj ceeb tsheej saib Hmoob ntag nawb.































Hos hais txog peb cov Hmoob Looj Ceeb ces Nyab Laj nej xyoo tua cas luaj tuaj rau GVP lub tsev ces Hmoob yeej ntshai ntshai tsam lam muaj lub puav cas luaj ya tuaj ncaj taub hau ces kawg tiav kam li los muaj.  Tab sis, cov laus hais tias Nyab Laj tuaj cas luaj tuaj rau GVP lub tsev xwb los lawv tua twb tsis raug GVP lub tsev li vim toj roob hauv pes siab heev li ces Nyab Laj tua lub mos txwv siab ces yaw lawm hos tua lub mos txwv qis ces ho tuaj tuaj tsis dhau cov roob siab siab ces GVP lub tsev nyob puag hauv kwj ha ntawm lub ntug tshav dav hlauj Looj Ceeb xwb mas khoos cuag li pov hauv zaj li vim nws lub tsev nyob txawm zoo chaw.  Tsis tag li ntawm xwb, Nyab Laj cov tsheb hlau T34 los quaj nrov vuj vws tsoo roob hav tuaj yuav txog Looj Ceeb lawm tiag tiag li lau vim nyob hoom los nrhiav tsis pom cov tsheb hlau ces GVP cov tub rog thiab tub rog Thaib mas ntshee yuav lawm xwb cas ho muaj hmoo cov niag tsheb hlau ho tuaj dawm mee puas tag thiab lawv mam li tua tau cov ntshe hlau puas tag xwb raws li muaj tus hais tseg li ntawm.


Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Oct 21, 2015 6:43 am

Qhia koj tus tau nrog luag muaj kev vam meej nyob rau lub teb chaws vam meej paub hais tias thaum peb yug los ua ib tug tib neeg vam meej nyob rau lub teb chaws vam meej lawm, peb yuav los ua tswv saib pej xeem, tswv saib tsev, tswv saib lag luam, tswv saib liaj teb, tswv saib nroog, tswv saib lav, thiab tswv saib peb lub teb chaws mas yog li ntawm thaum leej twg muaj ib yam dab tsi ua nyias tug los yog koom haum tug lawm koj/kuv/peb yuav tsum muaj cov nyiaj txiag peb xav tau los back up peb lub neej thiab txawm hais tias yam peb them nuj nqis tag lawm los tseem yuav tau them se rau nom tswv teb chaws thiab yuav cov nyiaj ceev siav los pab peb teej peb tug es thaum yam twg qub lawm peb thiaj li muaj cov nyiaj los txhim kho peb lub neej mus tsis tag tsis kawg.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sat Dec 12, 2015 9:34 pm



Suab Hmong News tau nthuav tawm txog Kou Qav Kaws Vang uas nws yog peb Hmoob ib tug tub seev yas suab neeg nyiam heev thiab thaum GVP tau tag sim neej lawm ces Kou Qav Kaws Vang tau sau ib zaj nkauj, "Khuv Xim Hlob Vaj Pov" tseg rau Haiv Hmoob mas yog li ntawm Kou Qav Kaws Vaj kuj muaj ib lub zoo sij hawm tuaj hu nkauj txog lub teb chaws Meskas ces nws thiaj li raug caw mus hu nws zaj nkauj ntawm rau GVP lub hnub yug rau lub tim December 08, 2015 nyob rau hauv lub zos Chico, CA ua lub chaw nco.

Tsis tag li ntawm xwb, Nkauj I Nis Yaj los kuj tau tuaj hu nkauj rau GVP tus statue nyob rau thaj chaw ntawm tib yam nkaus mas yog li ntawm peb Hmoob li keeb kwm cov tub ntxhais tau tuaj hu nkauj rau GVP tus ncej zeb thawj zaug ces yog muaj Kou Qav Kaws Vang thiab I Nis Yaj nkawv yog peb Hmoob ob tug tub thiab ntxhais hu nkauj uas yuav nyob rau hauv peb Hmoob zaj keeb kwm hauv lub xyoo 2015 mus tsis tag tsis kawg.


Back to top Go down
nrhm
Guest



PostSubject: Re: Hmoob Teb Chaws Kev Tu Siab   Mon Apr 04, 2016 8:32 am



Kas Moos Hmoob:  Cov yawg thaum ub Yaj Soob Lwj Niam Ntawm ua hauj lwm qab rooj twb txhaum peb cov nom tswv Hmong-Nplog es nws lub tsev kheej thiaj li rau Nplog cov T-28 mus tso hoob pob rau ua av liab pes vog raws li muaj tus hais tseg.  Tab sis, lub zim txwv ntawm Hmoob tseem tsis tau muaj kev cai li choj hais tias leej twg yog tus txhaum vim lub zim txwv ntawm GVP tseem yog Hmoob tus coj tub rog nqe ob ua hauj lwm pab rau tsoom fwv Nplog thiab tsoom fwv Americans nyob rau sab qaum teb Los Tsuas.

Tom qab peb Hmoob tuaj nyob rau lub teb chaws vam meej lawm cas peb Hmoob ua dab tsi los tsis mloog qab mloog hauv raws li luag tus xwm txheej political ntiaj ces GVP tseem rov mus mloog nws cov tub txib xyaum taug Yaj Soob Lwj tus hneev taw es nws thiaj li raug ntes ib zaug ua rau pej xeem Hmoob-Meskas tseem tau mus tawm tsam kom tsoom fwv Americans tso nws tawm rov los nyob dawb huv es peb Hmoob-Meskas thiaj li nrog luag qab siab ua neej thiab hlub peb Haiv Hmoob nyob rooj teb no mus tsis tag tsis kawg.

Zaum no cas ho yog Hmoob Teb Chaws xyaum taug GVP txoj lw mus ua tej yam zoo li cov me nyuam yaus tseem nyuam qhuav txawj kov hmoov av kom lawv raug ntes dua thiab es yog peb Hmoob lub neej thiab txoj kev xav hauv peb lub neej Hmoob mus dua twg tag lawm los yog peb Hmoob poob nom poob tswv tag thiab peb ib tug tsis hwm ib tug li lawm ces peb nyias thiaj li ua me noog qe qag lawm xwb los yog li cas tiag es tus yuav nrhiav kev txhaum los rau nyias kheej taug los tsis muaj ib tug nom tswv Hmoob yuav nrog hais tau leej twg li cas lawm mas tsis tsim nyog peb Haiv Hmoob tuaj nyob rau lub teb chaws vam meej thiab coj peb cov tshav Hmoob tuaj yug dua ib co neeg tshiab ua neeg pej xeem Hmoob-Meskas li os.

Yog leej twg xav ua Hmoob nom Hmoob tswv xav ua Hmoob tus thawj coj ces yuav tsum nrhiav kev los sib kho thiab tsim tsa kom Hmoob muaj ntau lub khoom haum sib pab ciaj vaj tsis hais cov pawg ntseeg thiab cov tseem coj kev cai dab qhuas es thaum lawv muaj ib lub koob tsheej ua ces lawv thiaj li caw kom Hmoob tus thawj coj mus txiav hlua ribbon rau Hmoob tej rooj vag teem yuav mus nkag rau hauv Hmoob tej koob tsheej thiab Hmoob yeej muaj ib tug niam nkauj ntsuab tuaj sawv kiag ntawm lub rooj vag nrog pej xeem ncee iab txais tos Hmoob tus thawj coj ces Hmoob tus nom yuav tsum zoo siab hlo ua nyog neeg lawm es tsis txhob pheej xav qhov yuav rov mus coj koos xiv koos xos nkaum puag tim tej taw roob hav zoov nuj ntxeeg ntxias pej xeem Hmoob cov tsis paub qab hau tog twg mus noj qos hmab qos ntoo cob pob tuag tu noob thiab tseem ua rau luag cov nom tswv Nplog nyob lub teb chaws ntawm xa tub rog mus nrhiav Hmoob tua kom tu noob mas tsheem phem tshaj qhov Hmoob yuav tsum hlub Hmoob vim luag cov teb chaws ywj pheej twb hlub hlub Hmoob es luag neeg superpower li tsoom fwm Americans twb lees txais tos Hmoob tuaj ua lub neej tshiab rau Hmoob cov neeg yus los tshiab tag tus kom nrog luag muaj neej ua ntej peb cov laus neeg qub tub rog yuav ncaim sawv daws mus tag es tseem tshuav dab tsi Hmoob xav tau nyob rau hauv lub ntiaj teb no rau Hmoob cov pej xeem thiab mas lov.  Yog hais tias Hmoob xav rov mus pab peb Haiv Hmoob nyob yav ntuj qub qab ces yuav tsum thov lub ntiaj teb kom luag tso cai rau Hmoob rov mus qhia Hmoob tsim zej kho zos, khawb qhov dej haus, ua vaj ua tsev nyob, hua hoob nab, ua chaw daj dej, ua liaj ua teb, tu qaib tu npua, cog txiv hmab txiv ntoo, ua lag luam, tsim tsev kawm ntawv qhia me nyuam Hmoob, thiab qhia kom Hmoob paub sib hlub ces luag cov nom tswv Nplog thiaj li paub hais tias Hmoob txawj sib hlub lawm tiag ces luag thiaj li tsis ntshai ntshai Hmoob ces luag thiaj li muab av rau Hmoob saib ua Hmoob tug, ua Hmoob npe teb chaws npe, ua Hmoob zej zog npe, ua Hmoob kev tsheb npe, ua Hmoob toj roob hauv pes npe, ua Hmoob dej ntws nto npe, thiab ua liaj teb npe nyob rau hauv luag lub teb chaws ces Hmoob tsis xav nrog luag ciaj vaj los Hmoob yeej yuav ciaj vaj li thaum ub GVP tseem nyob es nws coj Hmoob los txog rau Leej Ceeb ua ntej nws yuav coj Hmoob tuaj mus nyob thoob lub ntiaj teb las mas.

Cov yawg, luag keeb kwm dab neeg Thaib thiab dab neeg Nplog tsis hais kob tsov rog ntiaj teb twg los luag yeej tsis swb luag cov teb chaws rau leej twg hlo li vim luag neeg thaib thiab neeg Nplog muaj lub zoo tswv yim qhia rau luag cov neeg pej xeem hais tias yog thaum lub ntiaj teb tuaj caij tsuj luag cov teb chaws lawm yog tog twg muaj zog ces luag yeej nyoog tog ntawm thiab cia li hloov mus tuaj tog ntawm xwb es luag thiaj li tsis poob luag daim av uas yog luag pog koob thiab yawg koob ceev tseg rau luag haiv neeg nyob mus txhua txhua tiam ces luag tsuas thov kom cov teb chaws super powers yuav tsum cia luag cov neeg thiab luab lub teb chaws nyob dawb huv li luag ib txwm nyob mas yog li ntawm txawm tog twg yuav tuaj ua tsov ua rog loj npaum li cas nyob rau luag cov teb chaws los luag tsis khes li ces thaum kawg luag thiaj li tseem muaj teb chaws nyob ua luag tug li qub mus ib sim es luag tsis zoo li peb Hmoob es yuav tuaj tog dawb ces dawb xwb cov liab los tsis hlub cov dawb li ces thaum peb raug ua laj kab ciav qhev tiv thaiv lub teb chaws Nplog rau Nplog nyob kom Nplog tsis txhob nrog leej twg hnov ib lub suab phom nrov doog diaj thiab mos txwv ya saum Nplog tau hau li ces thaum kawg peb Haiv Hmoob tog dawb thiaj li yuav tsum tau tawm teb chaws vim luag yuav ua kom peb tu noob mus hauv daim av Nplog thiab peb tsis yog cov neeg nyoo tuaj nruab nrab los yog npuab tog twg li ces peb yuav tsum tuaj tog twg mas tog ntawm tus nrho hauv peb lub neej Hmoob xwb ces peb thiaj li tuaj txog rau rooj teb no xwb las mas cas nej tseem tsis paub thiab os.

Puag thaum ub Daniels Jerrry tseem nyob es nws puas tau hais rau Hmoob tias, "Lub teb chaws Indochina yuav ua rog ntev npaum li cas los peb tsis yeej Suav lawm vim peb cov mos txwv tsis txaus ua rog nrog Suav ces kawg yuav tau nrhiav kev sib haum xeeb (peace) es xaus tsov rog Indochina lawm xwb."



Raws li tej laus lub neej thaum ub uas peb tau saib peb Hmoob tej videos nyob online mas tos Hmoob tsis muaj teb chaws los twb yog Hmoob yog ib co neeg nyiam tshuv zoo vim tshuv zoo mas Hmoob ua thawj cim qoob ces tsis tau dob nroj thiab Hmoob mus tawm rooj los yooj yim heev ces Hmoob tsis tag txhawj txog tej niag yam uas qias qias neeg es thaum lub caij ntuj los nag xya hnub xya hmo es av nkos nyam txij pob taws os tsis qias Hmoob ces zoo li lawm thiab tsis tag li ntawm xwb Hmoob lub neej Hmoob nyiam nyob rau toj siab nkaus xwb vim nyob toj siab mas thaum los nag tuam kob tuam tsam tag ces tej quav qaib quav npua yuav ntws sib laub sib lug nqes hav tag lawm ces thaum lub hnub tawm tuaj txhua qhov txhia chaw rov qhuav qhawv thiab nyob tau huv siab hlo rau tej kab npis thiab kab civ liv kawb qhov ntawm tej tsag kev liab pes vog xwb hos tej quav nyuj quav twm mas thiaj li muaj cov kab nyuj ya los khawb av npoog tej tsiaj ntawm tej quav kom txhob qias qias Hmoob ces Hmoob lub neej mas yog Hmoob nyiam nyob li ntawm ces Hmoob nyob puag saum roob xwb Hmoob yeej pom lub ntiaj teb dav li dav mus kom kawg ntsua muag puag tim qab ntug ces Hmoob lub teb chaws luaj li ntawm ntag.  Tab sis, Hmoob tsis muaj qhov paub hais tias luag lwm haiv neeg ntse tshaj Hmoob los yog Hmoob ntsej tshaj luag lwm haiv neeg vim Hmoob tsis muaj daim ntawv qhia map hais tias lub ntiaj teb loj thiab dav npaum li cas thiab Hmoob yuav ua ib tsav neeg kom  nrog luag muaj teb chaws ne Hmoo yuav tsum tsim Hmoob lub nroog loj rau thaj chaw twg ua ntej Hmoob yuav muaj cov zos mus nyob thoob plaws txhua lub roob siab ces Hmoob tsis muaj qhov ntawm nyob rau hauv Hmoob lub siab vim Hmoob tsuas xav nyob ib lub zos ob peb xyoos xwb tsiv mus nyob rau lwm lub zos tshiab mas zoo txhaj nyob lub zos qub kom av ciaj hav nyom tau mas ntev dhau lawm Hmoob ua tsis tau li ntawm ces Hmoob mus nyob rau lwm thaj chaw lawm ces Hmoob yeej plam Hmoob thaj qub chaw cia ciaj quav poj rau kab noog raub ib yam li Hmoob ncaim Looj Ceeb tuaj lawm es Hmoob cia Looj Ceeb rau Pub Thawj zov lawm xwb.  Tab sis, tom qab 40 tawm lub xyoo tau dhau mus lawm seb peb tsav neeg Hmoob cov tseem muaj lub neej ua nyob rau daim av nplog ho hloov mus deb lawm npaum li cas mas yuav tsum yog peb muaj cov neeg qhia tau mas peb thiaj li yuav paub txog Hmoob lub neej txheej tam sim no seb mus li cas lawm.

Notes:  nov yog kuv cov lus tham pem ua si laug hnub kom peb Hmoob sib tawm tswv yim seb yuav ua li cas luag thiaj li yuav tso peb Hmoob tej neeg raug txim tus kas moos Hmoob kom rov los nyob dawb huv li qub xwb es yog yam twg sau tsis yog lus lawm los thov nej cov tuaj nrog nyeem kuv cov lus ho ua siab ntev mog.
Back to top Go down
 
Hmoob Teb Chaws Kev Tu Siab
View previous topic View next topic Back to top 
Page 1 of 7Go to page : 1, 2, 3, 4, 5, 6, 7  Next

Permissions in this forum:You can reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Welcome Guests Zoo Siab Txais Tos Qhua-
Post new topic   Reply to topicJump to: