Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
8tos8nco
 
Latest topics
» Hmoob 18 Xeem Yog 18 Ces Neej Tsa
by 8tos8nco Today at 10:13 am

» Peb Hmoob Lub Xyoo Tshiab Yog Ntseeg Dab Tsi Xwb?
by Guest Yesterday at 10:06 pm

» Hmoob Tuav Cos
by Guest Sun Dec 04, 2016 10:12 pm

» Hlub Koj Nyob Deb
by PajTshiab Sun Dec 04, 2016 10:34 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» Tseem Nyob Tos
by Guest Fri Dec 02, 2016 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

Keywords
ntsuab NkaujNyiag hmoob hlub muaj niam vang neeg nkauj txhiaj Nyob neej lawm ntxhoo muas hmong siab bauj nrhiav txiv Npaim Npauj txoj liab duab baim
Statistics
We have 67 registered users
The newest registered user is tubsiabzoo

Our users have posted a total of 22576 messages in 922 subjects
Who is online?
In total there are 9 users online :: 0 Registered, 0 Hidden and 9 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Post new topic   Reply to topicShare | 
 

 Hmoob Teb Chaws Kev Tu Siab

View previous topic View next topic Go down 
Go to page : Previous  1, 2, 3, 4, 5, 6, 7  Next
AuthorMessage
nrhm
Guest



PostSubject: Hmoob Teb Chaws Kev Tu Siab   Mon Sep 21, 2015 8:23 pm

First topic message reminder :





Nej cov paub zoo txog peb Hmoob Teb Chaws lub xov tooj cua es yog lawv nyob li cas lawm xwb cas lawv yuav hais tau tej lus tu siab ua luaj li os?

Xov tooj cua ces leej twg yog tus own the sky ces tus ntawm yog tus control xwb las mas es av tsij rau rau siab tuaj nthuav nej tej lus xov tooj cua rau peb Haiv Hmoob cov tseem tos tos peb Hmoob tus huab tais yuav nqes los es nej tsis txhob maj tag kev cia siab nawb mog.

Hais Txog Peb Hmoob Kev Tu Siab Nws Zoo Li Nov:

  • yog hais tias koj yog ib tug Hmong-Veteran ces koj lub neej thiab txoj sia yeej nyob hauv tus npau suav ua rog kom tag koj tiam li lawm.
  • yog hais tias koj yog ib tug neeg hav zoov los yog neeg cob fab ces koj lub neej yeej nco tej yam li koj nej hnub tham mus tag koj lub neej li lawm.
  • yog hais tias koj yog ib tug neeg tuaj yug tshiab nyob rau lub teb chaws Meskas ces koj lub neej yeej hloov thiab paub mus lawm ib theem siab tsis zoo li Hmoob lub neej lawm.
  • yog hais tias koj yog ib tus neeg laus muaj hnub nyoog thiab koj paub txij puag thaum GVP lub neej los txog rau niaj hnub no ces koj yeej yog ib tug neeg saub sab sij huam lawm.
  • yog hais tias koj yog ib tug neeg laus ces koj txawj nyob ib sab ntuj los koj yeej muaj qhov xav txog lwm sab ntuj.
  • yog hais tias koj yog ib tug neeg hluas yug nyob rooj teb no ces koj yuav tsis muaj qhov xav txog sab ntuj twg ntxiv li lawm.
  • yog koj yog ib tub rog Vaj Pov ces koj yeej paub hais tias kev ua kob tsov rog Nyab Laj thiab Secret War in Laos zoo li cas.
  • yog koj yog ib tub rog Cob Fab uas koj nej hnub khiav nkaum nyob rau hav zoo hav tsuas ces qhov koj paub yeej yog txij li koj tau ua los lawm muaj li cas ces koj tsuas paub txij li ntawm xwb.
  • yog koj yob ib tug tub kawm ntawm qib siab nyob rooj teb no ces koj yuav tsis paub lub hauv paus thiab hauv ntsis tsov rog yav ntuj qub qab zoo li cas nyob hauv koj nruab siab los ntawm koj lub qhov muag kiag.  Tab sis, koj yuav muaj lub zeem muag paub thiab pom nyob hauv koj nruab siab hais tias zaj dab neeg keeb kwm tsov rog nyob yav ntuj qub qab zoo li cas thaum koj mus nyeem luag tej dab neeg piav txog lub teb chaws ntawm ces koj yeej nkag siab zoo.

Mas yog li ntawm, nyob ntawm koj nyob rau category twg ces koj yuav paub txij yam ntawm rau koj lub neej es peb tej koom haum Hmoob tam sim nov thiaj li hais tseg lawm hais tias peb yuav tsum nco txog peb cov qub tub rog tus txiaj ntsim uas yog lawv tau muab lawv tej roj ntsha mus pua daim av Nplog thiab tuam choj rau peb Hmoob tuaj mus pib peb lub neej tshiab nyob rau cov teb chaws vam meej tag lawm ces peb Haiv Hmoob thiaj li yuav tsum tau lees paub peb tej qub nom qub tswv thiab kev nco txog tej laus kom tag lawv tiam tso mas dhau ntawm mus ces peb twb ho yuav tig los mus nco txog peb cov laus neeg uas lawv mam xeem tuaj yug nyob rau Meskas teb tiam vim lawv yog peb cov niam cov txiv tshiab uas lawv mam xeem tuaj yug nyob rau rooj teb no mus rau tiam tom ntej mus tsis tag tsis kawg.

Yog yuav tham txog kev ua kob tsov rog Nyab Laj ces luag neeg ntiaj teb tuaj ua tsov rog loj npaum li xob nroo tsis hais nruab hnub los hmo ntuj ces yog thaum luag xaus tsov rog lawm peb Hmoob ho yuav tig rov pib dua tej nyuag tsov rog hav fab uas sawv daws yuav siv niam lub zog noj mis ua xwb ces peb Hmoob thiaj li cob pob tuag tas vim peb Hmoob tsis paub txog luag tus xwm txheej ntiaj teb ces thaum peb twb nyob rau hauv luag lub xib tes lawm los peb tseem hais tias peb mas muaj yeej loj npaum ub npaum no ces thaum kawg peb thiaj li piam sij tag mas yog li ntawm peb yug los ua Hmoob peb yuav tau xyaum yoog luag tus xwm txheej ntiaj teb li teb li chaws es thaum luag hais tias lub teb chaws thaj yeeb lawm ces peb Haiv Hmoob yuav tau tig los ua neeg zoo seb puas dim txoj sia xwb zoo dua mog.
Back to top Go down

AuthorMessage
nrhm
Guest



PostSubject: Re: Hmoob Teb Chaws Kev Tu Siab   Tue Apr 05, 2016 9:16 am



Cov yawg, thaum lub xyoo 1989 luag cov tub kawm ntawv Suav qib siab ob puas tawm leej tuaj kawm ntawv nyob Meskas teb twb sim mus tso Suav lub teb chaws seb Suav lub teb chaws puas sawv ciaj tau ua democracy.  Tab sis, lawv twb ua tsis tau hauj lwm dab tsi hlo li es peb Hmoob cov thaub laus thiab qee leej neeg kawm ntawv qib siab ho yuav mus ua teb chaws Hmoob puas yuav sawv taus mas lov.......hahahahahahaha.

Peb cov Hmoob uas yuav mus ua teb chaws Hmoob theem qab rooj, lawv lub teb chaws yuav tsum muaj cov xwm txheej tshwm sim nyob rau saum qaum rooj rau neeg ntiaj teb paub mas lawv lub teb chaws thiaj li nrog luag sawv kom muaj teb chaws Hmoob taus hos yog peb Hmoob siv koos xiv koos xos nyob ib sab ntuj mus ua npau suav rau lwm sab ntuj xwb mas kuv xav kom nej yuav tsum tig log nrog peb Hmoob CA, MN, WI, thiab NC sib tuav tes ntau kev phooj ywg sib cog txhawb peb Hmoob tej koom haum Hmoob nyob Meskas teb kom muaj koob nto npe thiab vam meej lug ces yog nej mus nrog lawv nrhiav nyiaj txiag los pab koom haum kom sawv daws ua dab (xav muaj ib thaj av) tsi los muaj kev sib hlub thiab sib txhawb zog xwb ntshe yuav yog qhov tseeb dua pob vim peb cov Hmoob yuav muaj teb chaws los lawv kuj tham txog Vaj Tswv thiab huab tais ntuj ib yam li cov pawg ntseeg thiab ne cas lawv ho tsis tham txog kev cai dab qhuas li cov coj dab qhuas es yog li ntawm peb Hmoob cov lus pov thawj tsis pub leej twg paub yog dab tsi tiag vim qhov tseeb tseeb lub neej no ces GVP twb tsim tau rau Haiv Hmoob sawv daws tuaj nyob huaj vam lawm ces nej txawm yuav ntxias Hmoob rov qab mus vaj mus tsev los tsis tau lawm vim thaum ub ntsuas nrog Nplog zoo zoo Nplog siab tso Hmoob tawm teb chaws ces tsam no lawv ho yuav ntxias Hmoob kom Hmoob rov qab mus lawm puag qub teb qub chaws es twg lig dhau lawm ces tsam nov Hmoob tsis tu noob lawm ces Hmoob thiaj li tuaj tau zoo tag tus lawm ces Hmoob yuav tsis rov qab lawm mog.

Nej cov thaum ub tsis tau mus nrog GVP ua laj kab tiv thaiv daim av Nplog rau kob tsov rog Nyab Laj ho xav rov mus tsim kom muaj Hmoob teb chaws los nej mus lau vim tsam nov peb cov niag thaub laus qub tub rog cov me nyuam Hmoob-Meskas tsis hais lus Nplog lawm ces lawv ua ib siab nrauj ncua lub me teb chaws Nplog tseg cia rau kab noog raub ib yam li Hmoob tso Looj Ceeb rau Pub Thawj saib ua zaum kawg lawm es yog peb Hmoob cov neeg yug los rau tiam tshiab leej twg tseem nco nco lub teb chaws Nplog thiab nco nco leeg twg pog leej twg yawg tej qub zej qub zos los cia nyias mam li lauj num zias tseg vacation rov mus saib peb Hmoob cov me niam nkauj mog ua lub chaw nco lawm xwb hos hais txog ua teb chaws ces yog nej thib lawm ces cia nej yeej meem ua npau suav toog rau ntag nawb.

Thaum ub tej laus piav hais tias tsov rog GVP ces luag ua rog mas tub rog Hmoob ya saum nruab nrug mus tsaws rau tsav rog sib ntaus thiab sib tua phom loj nrov doog diaj hos nyob hoom ya nruab hnub thiab hmo ntuj mas cuag xob laim thiab xob nroo xwb los peb Hmoob tsawg tsawg ces yeej kum tsis yeej tog koom sam li vim peb tog ywj pheej ces ib ntus xwb poob lawm ib lub roob ib ntus poob lawm ib lub ha mas peb cov tub rog Hmoob tsis tau zoo tsaug zog hmo ntuj li ces lawv tsuas tau pw thaum kaj ntug qho pliag xwb thiab lawv yeej tsis pom poj niam me nyuam rov tom qab li mas peb cov qub tub rog mas kho siab tag ib sim neej los yuav tau mus tiv thaiv lub teb chaws rau pej xeem nyob kom cov nyob tom qab txhob muaj kev poob plig thiab quaj ntsuag mas lawv khwv tiag tiag.   Tab sis, los rau peb Hmoob cov tub rog Cob Fab ces yog cov neeg sawv ntawm ntug cub los tiv thaiv nyias tus kheej nrog pej xeem ib yam li thaum ub tog koom sam nyob rau hav zoov hav tsuag xwb ces tog Cob fab thiaj li ua lub neej tsaus ntuj nti thiab twb muaj ib nrab neeg tuaj txog teb chaws vam meej lawm los lawv tseem nyob ib yam li tog koom sam thaum ub thiab tog cob fab thaum ub tseem nkaum rau hav zoov hav tsuag xwb vim lawv tseem muaj qhov yuav mus ua teb chaws Hmoob mas yeej tsis muaj ib tug nom tswv Hmoob nyob qhov twg yuav hais tau lawv li vim lawv hais tias lawv twb yog cov tswv Hmoob thiab yog noob huab tais Hmoob lawm ces tsam no peb cov tub hluas thiab ntxhais hluas yug los txheej tshiab tom qab 40 xyoo twb dhau mus lawm lawv yeej hais tsis tau peb cov neeg hav zoov li ces peb Hmoob thiaj li tseem muaj ntau pab Hmoob ib pab muaj ib lub roob siab thiab ib pab muaj ib lub zeem muag rau nyias pawg neeg rau cov ruam tua tsov caum ntsiaj qus xwb hos luag cov neeg Hmoob uas luag ib txwm paub tus tswv cawj seej ces nej hnub nim no luag twb nrog luag neeg ntiaj teb muaj cov tsev teev ntuj church nyob rau txhua lub zos muaj Hmoob nyob coob coob lawm ces luag cov XF yuav nthuav Vaj Lug Kub ib lub lim tiam ib yam rau luag cov pawg ntseeg mloog los luag ua tau mus raws luag lub zeem muag ces luag mam li mus vaj mus tsev es luag tsis nco txob thiab tsis nco txhawj txog Hmoob tej niag kev ua teb ua chaw ib zaug ntxiv lawm thiab luag cov pawg ntseeg yeej muaj txoj cai mus pab Hmoob thoob lub ntiaj teb los tau yog hnub twg luag muaj coj cai mus qhuab qhia thiab nthuav Vaj Lug Kub rau pej xeem Hmoob cov tseem tos tos tus cawm seem mas zoo tshaj li mog ib tsoom Hmoob.

Lub neej tam sim nov es Hmoob twb siv tus latin sau tau ntawv Hmoob sib noog moo lawm es cas Hmoob tseem ho yuav mus kawm dua ib tug ntawv Hmoob Phab Hauj tshiab thiab cas nej yuav pib Hmoob tus ntawv lig ua luaj li es yuav thaum twg Hmoob mam li txawj sau tus nawv Hmoob Phab Hauj sib noog moos tau os.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Tue Apr 05, 2016 10:30 pm

Peb Hmoob tus kas moos yog ua teb chaws ces yog thov pej xeem nyiaj, yog tsis tau teb chaws los tsuav tau cov nyiaj, thiab yog tau nyiaj lawm cas pheej raug teeb meem tag li xwb mas zoo li peb Hmoob ua dab tsi tsis qoos xwm kiag li cov yawg.

Peb Hmoob tus kas moos yog nyias muaj nyias ib lub roob vim peb ua dab tsi los peb tsis nyiam kom muaj ib tug thawj coj qib siab tshaj lwm tus nom tswv koom haum Hmoob los coj peb Haiv Hmoob ces zoo li peb Hmoob nim poob qab kev tsa nom tsa tswv los koom haiv mus lawm deb zuj zus ib tiam dhau mus lawm ib tiam los peb tseem nyob peb li qub tsis muaj ib zaj keeb kwm yuav sawv li thaum ub tseem muaj Lauj Kiab Toom, Yawg Phas Nyas Npis Tub Lis Foom, thiab yawg hlob Vaj Pov lawv lawm vim li cas peb thiaj hais tau li ntawm vim hais tias nej sim saib peb Hmoob cov koob tsheej nrov nrov mas nyias tsuas caw txij nyias cov nom tswv Hmoob xwb hos muaj qeem cov nom tswv Hmoob ces lawv yeej tsis raug caw mus txiav hlua ribbon thaum lub xyoo tshiab nqes los txog li ces tus tej nom tswv Hmoob zoo li ntawm ces kawg nyob ntsia qhov muag dawb lias xwb ces kawg yeej tsis muaj sij hawm (chance) yuav raug caw mus txiav hlua ribbon li es nej hais tias peb Hmoob coj ncaj ncees no lov..........hahahahahahahaha.

Hmoob tus kas moos ncaj ncees mas yog thaum twg Hmoob muaj cov neeg los npaj txoj cai kom Hmoob tsim tsa tau Hmoob tus nom qib siab lawm mas Hmoob tus nom ua dab tsi los nws tsuas ua hauj lwm nyob rau saum luag txoj cai xwb thiab nws hais dab tsi rau pej xeem Hmoob los Hmoob yuav tsum hwm nws vim nws txoj hauj lwm yeej muaj cov neeg los npaj txoj kev cai li choj rau tus nom tswv Hmoob taug thiab txawm pab Hmoob twg tsis nyiam tus nom tswv Hmoob kiag los yog thaum muaj ib lub koob tsheej nrov nrov noj lawm Hmoob tus nom tswv ntawm yuav tsum raug caw mus txiav hlua ribbon ua keeb kwm Hmoob nyob rau lub zos Hmoob ntawm tseg cia ua dab neeg Hmoob es tsis yog nyias caw txij nyias tus nom tswv Hmoob hauv nruab siab, nyias tus nom tswv Hmoob neej Hmoob tsav, nyias tus nom tswv Hmoob kwv Hmoob tij, nyias tus nom tswv Hmoob dab laug, nyias tus nom tswv Hmoob yawm yim yawm dab, nyias tus nom tswv Hmoob ntxhais thiab vauv, thiab nyias tus nom tswv Hmoob tub nom tub tswv xwb mas tsis yog Hmoob hlub Hmoob tiag tiag li ces nej yeej nyeem tau Hmoob lub hlwb thiab tus cuj pwm kev sib raug zoo txog Hmoob txoj kev sib hlub seb Hmoob mus txog twg lawm.

Muab soj ntsuam mus soj ntsuam los peb Hmoob tus kas moos tsis yog tim peb cov nom tswv Hmoob tej zaum yuav yog tim peb cov pej xeem Hmoob tsis mloog lus li luag lwm haiv neeg tej pej xeem los muaj vim hais tias peb Hmoob mas yog tus neeg Hmoob twg muaj hwj chim siab, nrog luag ua tus loj ib zaug, kawm ntawv qib siab theem doctor degree, thiab yog tus neeg nrov nrov nrov lawm ces txawm tus neeg ntawm tsis raug pej xeem xaiv tsa los saib Hmoob los Hmoob yeej nyiam tus neeg ntawm dua Hmoob tus nom tswv Hmoob xaiv tsa tau ces qhov ntawm thiaj qhia tau hais tias tej zaum yog Hmoob cov pej xeem tsis noj lus...........hahahahahahaha.

Thov kom Hmoob txhob mus nyob rau tus kas moos es saum los yog ntaj hauv los yog hmuv es kom Hmoob tej neeg tseem yuav tau rov mus ua neeg ntiaj teb tus laj kab khiav nkag kaws tsis mus tiv thaiv lub teb chaws los yuav raug tua ho mus tiv thaiv lub teb chaws los yuav raug tuag ces Hmoob thiaj li raug luag tsim txom Hmoob lub neej los lawm ntev xyoov mas tej hauj lwm tsis koob cev li ntawm peb Hmoob yuav tsum tsis txhob mus ua ib zaug ntxiv lawm es thov kom peb cov tub txawj thiab ntxhais ntse yug los tiam tshiab yuav tsum nrog nrhiav kev vam meej mus thov luag neeg ntiaj teb kom cia Hmoob rov mus sib pab tsim kho Hmoob lub neej nyob toj roob hauv pes kom Hmoob nyob lub teb chaws twg los paub hwm lub teb chaws ntawm yog hwm luag txoj cai thiab paub nrog luag ua tswv cuab nyob lub nyias lub teb chaws kom peb Hmoob thiaj li nrog luag muaj neej ua xwb thiaj li yog txoj kev peb Hmoob yuav tau ua ke nyob ncig lub ntiaj teb nrog luag lwm haiv neeg ua neej mus tsis tsis kawg.

Pe Hmoob tus kas moos yog sawv daws yeej nyiam tham lus ncaj ncees xwb, tab sis peb qhia tsis tau qhov tseeb rau peb xeem Hmoob vim peb xav cia pej xeem Hmoob ua dev xav quav xwb ces yog peb ci pob zeb rau pej xeem zov vim qhov peb xav tau yog ntsuam xyuas seb peb tus leb nyiaj txiag puas nce qib xwb mas tsis yog peb yuav ua kas moos kom Hmoob muaj tau Hmoob teb chaws li cas tiag es puas yog lub zeem muag peb Hmoob-Meskas taug mas kwv tij.

Peb Hmoob tus Kas moos mus tsis taus vim peb hais tias tus twg yog tus leg hauj lwm rau Hmoob ces tus ntawm txawm yog Hmoob tus thawj coj ntag, tab sis thaum tus neeg ntawm raug teeb meem lawm ces Hmoob txoj kev ntshaw cia li ncej ntug tseg zoo li Hmoob cov nom tswv lub tswv yim mas cas yuav ntiav ua luaj es Hmoob tus kas moos puas yuav kav tau Hmoob lub meej mom os cov yawg.

Luag ua nom ua tswv luag yuav tsum muaj xaiv tsa thiab luag yuav tsum muaj cov neeg los npaj txoj kev cai lij choj democracy ncaj ncees nyob rau saum luag txoj cai rau luag cov nom tswv Hmoob taug es tsis yog tus nom tswv Hmoob los npaj txoj cai (dictator) rau nws tus kheej taug ces thaum tus nom tswv Hmoob ua tsis ncaj ncees ces yog nws raug teeb meem ces kawg ncej ntug tseg ces yog Hmoob ua neej paim quav ntag las mas.

Peb Hmoob tus kas moos, yog hais tias Hmoob teb chaws yeej khov txaus thiab lawv yeej yuav ua kom muaj teb chaws es lawv tsuas thov hais tias yog hnub twg lawv tuaj thov txog Hmoob-Meskas kom nrog pab lawv cev ncauj cev lus rau UN xwb mas tej zaum yuav okay thiab las mav.  Tab sis, yog tias Hmoob tus kas moos es yog Hmoob teb chaws yuav kom Hmoob Vaj Pov yog cov nqes tes ces yog Hmoob teb chaws xav kom Hmoob-Meskas nkag qhov tws xwb mas tej hauj lwm txia dej li ntawm tsim nyog peb Hmoob-Meskas yuav tsum nrog Hmoob txawj Hmoob ntse sib tham es txhua lub koom haum Hmoob yuav tsum noj lus es txhob cia nyias tej neeg mus tsim teeb meem rau luag lwm lub teb chaws ces peb Hmoob-Meskas yeej muaj yeej txhua yam kev cia siab nyob rau hauv peb lub neej las mas cov yawg.

Hmoob tus kas moo, yog hais tias Hmoob teb chaws muaj green light rov mus vaj mus tsev rov mus ua Hmoob teb chaws tiag ne koj puas teb tau cov nqe lus nram nov:

Q:  Yog hais tias Hmoob-Nplog muaj txog li ntawm 450 txhiab tus pej xeem Hmoob nyob hauv Nplog teb es muaj 50 txhiab tus pej xeem Hmoob-Nplog pom zoo yuav pab Hmoob teb chaws kom Hmoob nrog luag muaj teb chaws ntag, tab sis ho muaj 400 txhiab tus pej xeem Hmoob-Nplog luag hais tias luag yog neeg Hmoob-Nplog lawm luag tsis kam ntxeev siab thiab luag yuav xub tuag nthi tiv thaiv daim av Nplog kom leej twg nti tsis tau hlo li vim luag tsis lees Hmoob teb chaws txoj kev ua teb chaw es koj ho xav li cas rau nqe lus no xwb?

A:  yog muaj li ntawm tiag ces Kawg qiv kauv txhais xwb lau.

Q:  Hmoob teb chaws yuav tsum yog leej twg tiag?

A:  Hmoob teb chaws yuav tsum yog cov neeg Hmoob uas lawv yug nyob rau hauv Hmoob teb chaws daim av yog cov Hmoob uas lawv xav nrog lub ntiaj teb muaj teb chaws ua lawv tug ces lawv thiaj li nrhiav kev tawm tsam lawv tej nom tej tswv kom muab ciam dej ciam av rau lawv nyob ua Hmoob teb chaws.

Q:  Hmoob-Meskas yog leej twg?

A:  Hmoob-Meskas yog cov neeg Hmoob uas lawv niam thiab txiv raug swb tsov rog Nyab Laj es lawv niam thiab txiv tau tsiv teb tsaws chaw coj lawv tej me nyuam mus yug nyob rau Meskas teb ces lawv cov me nyuam cia li yog neeg Hmoob-Meskas lawm.


Notes:  peb tej lus tham pem tsuas yog peb tuaj sau lus hnub xwb es yog yam twg peb sau tau tsis yog lus lawm los thov nej cov tuaj nrog nyeem peb tej lus ho ua siab ntev mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Apr 06, 2016 8:18 am



Cas kuv tsis nkag siab peb Hmoob tej lus tham txog tus R & F li ne?

Kuv xav hais tias luag cov teb chaws vam meej luag siv tus D = Democracy, C = contstitution, F= Freedom, J = Justice, cas es peb Hmoob ho txhais luag tus ntawm latin mus lawm ib yam ne?

Yog luag yuav txhais Hmoob ob tug ntawvm latin saum ua lus military ces luag tsuas txhais li nov:



Hais txog yuav ua Hmoob teb chaws mas Hmoob yuav tsum tau nrog Suav lub teb chaws tham yog luag pom zoo, nrog Nyab Laj lub teb chaws tham yog luag pom zoo, nrog Nplog lub teb chaws tham yog luag pom zoo, nrog Thaib lub teb chaws tham yog luag pom zoo, thiab nrog luag cov teb chaws super powers tham yog luag pom zoo lawm mas Hmoob thiaj li yuav muaj lub zeem muag hais tau tias luag yuav kom Hmoob siv roj ntsha txog pes tsawg phav tus neeg mus tsim Hmoob zaj dab neeg ua li Hmoob puas muaj cov pej xeem txaus mus tsim Hmoob zaj dab neeg ua Hmoob lub teb chaws li cas mas Hmoob txoj hauj lwm thiaj li yuav mus taus.  Tsis tag li ntawm xwb Hmoob teb chaws yuav tsis yog pib hauv lub teb chaws Meskas mus hos Hmoob lub teb chaws yuav tsum yog pib ntawm cov tseem tseem Hmoob lub teb chaws uas yog Hmoob nyob tuaj kom nrov tswm rau lub ntiaj teb mas Hmoob-Meska thiaj li yuav nrog Hmoob teb chaws keb qhaim npas ham nawb kwv tij.  Piv xam li nov, luag hais tias Hmoob yuav tsum muaj population coob npaum li cas nyob rau hauv Hmoob teb chaws, Hmoob yuav tsum muaj cov neeg mus tuag tam Hmoob teb chaws li ntawm 50 txhiab tus neeg rov saum, Hmoob yuav tsum muaj cov neeg quaj ntsuag kua muag ntws si laim nyob ntsej muag ntshaus ntshov thiab hnav hauv paus ris, Hmoob yuav tsum muaj txog li ntawm 150 txhiab tus pej xeem Hmoob yog cov neeg yoo tshaib yoo nqis tshuav pob txha lawm xwb mas ua li Hmoob puas muaj cov neeg Hmoob ntawm los ris Hmoob lub nra mas thaum kawg Hmoob cov neeg yug los tiam tshiab yuav tsum muaj ib co neeg zoo nkauj zoo nraug cuag li nkauj ntsuab thiab nraug nab thiab txawj ntse npaum li luag neeg ntiaj teb tuaj tsim kev cai li choj rau Hmoob lub teb chaws taug kom Hmoob nrog luag cov teb chaws ntsuab ze Hmoob lub teb chaws nyob sib puag xub pws es kom Hmoob tsis txhob nej hnub muab ib pab Hmoob hu ua cov ntsuab, ib pab Hmoob hu ua cov dawb, thiab ib pab hua ua cov liab lawm mas Hmoob lub siab lub ntsws yuav tsum nyob ua tib tug Hmoob lawm xwb mas Hmoob thiaj li yuav nrog luag muaj taus teb chaws hos yog Hmoob yuav cia li mus ua Hmoob teb chaws li luag cov neeg mus twv txiaj xwb mas Hmoob puas yuav nrog luag muaj teb chaws taus.  Thaum zoo li ntawm lawm, Hmoob ib tug yuav tsum ntsia ib tug ntsej muag kom zoo zoo thiab cim tseg hais tias leej twg yog tus yuav mus nyob rau cov lus saum ntag mas thiaj li muaj chaw mus nawb hos yog sawv daws tseem koj los hais tias kuv los hais tias nyias mas nim tsawg kwv tsawg tij li thiab tsawg neej tsawg tsav mas tseem muaj kev tus siab heev li vim tham txog kev hlub xwb lub kua muag yuav poob ces tsis kam mus ua teb chaws li ces kawg nyob twb ywm es cia li nqa sawv daws tej nyiaj tuaj mus txhawb peb cov nom tswv Hmoob nyob rau cov lav xws li lub lav CA, MN, WI, thiab NC yog plaub lub lav uas muaj pej xeem Hmoob nyob ncee iab thiab lom zem tshaj plaws hauv lub teb chaws Meskas lawm xwb ces sawv daws tej nyiaj txiag yeej ua tau ib yam dab tsi (yuav av thiab puab ncej zeb) tseg rau me nyuam Hmoob cov tseem tsis tau yug los kom lawv nrog luag muaj dab neeg tseg mus txhua txhua tiam xwb ces peb Hmoob yeej nrog luag muaj neej ua las mas es peb Hmoob tseem tshuav dab tsis peb xav tau ntxiv thiab vim peb twb nrog Vaj Tswv Haiv Neeg twb cawm peb Haiv Hmoob tawm hauv lub qhov tuag tawm tuaj txog rooj teb no lawm ces qhov peb yuav rov mus pab pej tej qub neeg nyob yav ntuj qub qab xwb ces yog mus hlub mus plhws lawv lawm xwb os.

Piv xam li nov:
  Thaum ub GVP tau pab tsoom Fwv Fabkis thiab Tsoom Fwv Americans kob tsov rog Nyab Laj 15 xyoo yav dhau mus lawm ua rau GVP cov tub rog tuag lawm 35 txhiab tus thiab cov pej xeem huab hwm uas raug  tuag rau kev puas ntsoog lawm suav tsis txheeb mas yog li ntawm nws lub zeem muag thiaj li qhia tau hais tias number ib nws yog tus rub Hmoob tes kom nrog luag muaj teb chaws ces yog ua txhua yam rau Hmoob lub neej kom tsheej neeg thiab number ob nws yog tus rub Hmoob tes thaum ntuj kawg teb kaws es Hmoob tsis nrog luag muaj teb chaws los nws yog tus ris lub npe cawm Hmoob kom luag neeg ntiaj teb txais tos Hmoob mus txav teb chaws es mam li mus tsim dua Hmoob lub neej tshiab ces peb Haiv Hmoob thiaj li tseem nrog luag muaj nhnub no rau sawv daws tej me nyuam nyob qhov muag ntsuab xwb xiab zoo nkauj zoo nraug thiab cuag tau kev vam meej lawm tiag tiag.



Hmoob lub zeem muag xav nrog luag muaj teb chaws mas yuav tsum zoo li nov:

  • ua npau suav tos seb hnub twg Nyab Laj lub teb chaws puas tig los nrog lub ntiaj teb muaj democracy thiab yog luag lub teb chaws tso cai rau Hmoob kom Hmoob nrog luag muaj teb chaws mas Nplog thiaj li yuav kam lees paub kom Hmoob nrog Nplog muaj teb chaws.
  • ua npau suav tos seb hnub twg Suav lub teb chaws puas tig los nrog lub ntiaj teb muaj democracy thiab yog luag tso cai rau Hmoob kom Hmoob nrog luag muaj teb chaws mas Nplog thiaj li yuav kam lees paub Kom Hmoob nrog Nplog muaj teb chaws.
  • Hmoob lub teb chaws tsis yog nyob rau qab hiav txwv, tsis yog nyob rau qaum haiv txwv, los yog tsis yog nyob rau saum ntuj ntsuab vim Hmoob lub teb chaws yeej ib txwm zwm nyob rau cov toj roob hauv pes nyob rau Los Tsuas teb mas yog li ntawm Nplog lub teb chaws zwm rau Suav thiab Nyab Laj lawm mas yuav tsum yog ob lub teb chaws ntawm pom zoo mas Nplog thiaj li yuav kam Hmoob lub teb chaws rau Hmoob vim Hmoob lub teb chaws tsis yog super powers tuav es kom peb Hmoob sawv daws yuav tsum paub txog txhua txoj plaub hau nyob saum peb lub taub hau kom peb ua dab tsi los xav kom thoob thoob rau hauv peb lub hlwb peb haiv Hmoob thiaj tsis raug luag tsim txom thiab paim quav.

Yog peb Hmoob yuav pib peb lub teb chaws es peb yuav siv Hmoob-Meskas mus pib Hmoob lub teb chaws ces ua siab tso tseg vim peb tsis yog Hmoob teb chaws lawm na es nej ho hais tias peb yog Hmoob teb chaws no mas txhaum luag txoj cai hauv peb lub teb chaws Meskas lawm vim peb yog neeg Hmoob-Meskas lawm peb tsis yog Hmoob teb chaws lawm mas peb txoj cai tsuas yog pab Hmoob daws Hmoob teeb meem xwb hos yog peb yuav mus ua Hmoob teb chaws mas sawv daws yuav tsum mus noog Hmoob cov nom cov tswv seb Hmoob-Meskas puas yuav pab tau Hmoob teb chaws li cas mas peb thiaj li yuav ua tau nawb.

Q:  Koj hais tias yog peb Hmoob tsis muaj teb chaws ces the year 2046 rov saum peb puas ua Hmoob lawm?

A:  Tsawg tiam los peb tseem xav ua Hmoob, xav puag Hmoob, xav nrog Hmoob nyob ua ib ke, thiab hlub Hmoob xwb.  Tab sis, txij thaum ntawm mus ces peb ib nrab niam tais yawm thiab neej tsa tsis yog Hmoob lawm vim peb Haiv Hmoob ib nrab neeg yuav rais mus ciaj ua Hmoob-Meskas tag lawm ces peb tsis los ua Hmoob noj zaub tsuag, haus kua taub, thiab kib zaub noj lawm.

Yog UN kom peb Hmoob ib tug neeg Hmoob twg hauv lub teb chaws Meskas mus nres hauj lwm rau UN txoj kev ua teb chaws tsim txom lwm lub teb chaws mas thaum twg peb tus neeg ntawm raug teeb meem mas peb cov nom tswv Meskas yuav tsum muaj txoj cai mus nrog UN sib hais kom lawv tseg txoj kev ntxias peb Hmoob mus ua hauj lwm qab rooj tsis ncaj ncees rau peb Hmoob-Meskas lub neej nyob rooj teb no vim nyob rau hauv peb lub teb chaws Meskas mas nom tswv kav txoj cai rau pej xeem tsuas yog kev txhim kho pej xeem tej kev cai dab qhuas, tsev teev ntuj, thiab kev ntseeg tus tswv xwb hos lwm yam kev cai tswj fwm mas yuav tsum yog nom tswv kav thiab nom tswv ua xwb mas thiaj li yog nyob rau saum luag txoj cai mas kom peb Hmoob yuav tsum nkag siab mus li ntawm es peb thiaj li tsis raug teeb meem.

Notes:  Yog ua li cas es kuv nim yuav nquag nquag tuaj sau kuv tej niag lus tsis muaj qab hau rau Hmoob tuaj nyeem xwb los cas kuv nkees nkees sau li ces nej lam nyem kuv tej niag lus saub xwb es yog yam twg hais tsis yog lus lawm los thov nej cov tuaj nrog nyeem kuv cov lus ho ua siab ntev mog vim qhov kuv nrog nej tawm tswv yim tau ces muaj li tej lus kuv sau xwb es yog yam twg siv tau los ho coj mus siv hos yam twg siv tsis tau los tso tseeg mog.

Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Apr 06, 2016 6:13 pm








Nyob rau hauv lub zos Stockton California tim lub March 30, 2016 yawg Hlob Vaj Pov tus nce zeb twb puab tau sawv nres nroo lawm thiab nws tau hais nws tej lus nyiaj lus kub tseg tias Nws lub neej thiab lub zog yog muab tag nrho 100% rau Hmoob thiab qhia tau hais tias nws tus nce zej yuav ua lub chaw nco thiab cim tseg rau peb cov me nyuam Hmoob tseem yuav yug los tshiab kom paub hais tias Hmoob yog leej twg thiab Hmoob los qhov twg los mus tsis tag tsis kawg.



Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Apr 06, 2016 10:16 pm

Back to top Go down
nrhm
Guest



PostSubject: Re: Hmoob Teb Chaws Kev Tu Siab   Thu Apr 07, 2016 1:07 pm



Yog hais tias hnub twg Nplog rov ntxias tau peb Hmoob rov qab mus vaj mus tsev tiag ces Nploj yeej kam ib koog av rau Hmoob teb chaws rov mus nyob vim los lus, "Rov Mus Vaj Mus Tsev" zoo li ntxim yuav muaj kev yooj yim rau Hmoob-Meskas rov mus vaj mus tsev dua thaum lawv yuav tuaj cia ua neeg Hmoob-Meskas.  Tab sis, tsam no ces me nyuam Hmoob-Meskas twb laus taws thiab lawv twb tig los ua niam thiab txiv rau lawv tej me nyuam lawm ces ntshe Hmoob teb chaws txoj hauj lwm yuav qeeb siab rau Hmoob-Meskas lawm los muaj hos yog Hmoob-Meskas xav rov mus saib lub teb chaws Nplog xwb mas neeg yeej nej xyoo mus dhau dhev lawm ces tau lawm.

Yog Hmoob-Meskas rov qab mus vaj mus tsev ib xyoo twg lawv cov pej xeem yuav khwv tau nyiaj txiag zero zero los pab rau lub cuab lub yig hos yog Hmoob-Meskas nyob twb ywm lawv lub teb chaws Meskas xwb, ib xyoo twg Hmoob-Meskas cov neeg yuav khwv tau nyiaj txiag ib xyoo twg tshaj ntau million rov saum es seb Hmoob-Meskas yuav yeem nyob ua neeg Hmoob-Meskas los Hmoob-Meskas yuav yeem rov mus ua Hmoob-Nplog vim lub neej no tej laus tsuas kam muab lawv tej roj tsha tuam choj rau Haiv Hmoob tuaj mus ciaj ua ib zaug neeg tshiab nyob rooj teb no xwb yuav tsis muaj zaum ob ntxiv lawm.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Fri Apr 08, 2016 7:11 am



Kwv tij Hmoob, teeb meem = issues, solution = daws tej yam teeb meem uas nyuab nyuab siab, teeb tsheem = process, kev ua neej nyob hauv lub ntiaj teb no yog vim li cas Hmoob-Meskas pheej ua tsis taus neeg kiag li es qhov twg los pheej hais tias yuav rov mus vaj mus tsev xwb cas yuav ntxim xu siab tag npaum li ntawm es ua li Hmoob-Nplog puas yuav txais tos nej rov qab mus vaj mus tsev tiag los yog nej xav tau cov suav suav xwb es nej thiaj li siv tus kas moos hmoob teb chaws los khwv nyiaj txiag los txhawb koom haum ntxiv xwb mas cov yawg vim nej tej agenda mas pheej hais tias yog Hmoob tsis hlub Hmoob, Hmoob tsis lus zoo ib tug qhuas ib tug, hmoob ib tug thuam ib tug xwb hos cov yuav mus ua Hmoob teb chaws mas lawv thiaj li yog cov neeg tseeb tseeb thiab hais lus ncaj ncees rau Hmoob lub neej xwb xwb no es yog ua li cas nej ho tsis tawm tswv yim es cia peb cov nom tswv Hmoob, cov tub Hmoob politics, cov XF, thiab Hmoob teb chaws cov neeg tseem ceeb directors tuaj sib debate kiag saum lub rooj sab laj rau saum huab cua es tus yuav hais li cas los cia nyias hais nyias zaj ywj siab hlo rau saum lub rooj sab laj kiag es pej xeem Hmoob-Meskas mam li txiav txim siab rau lawv nyias tus kheej thiab nyias txoj kev ntseeg hais tias lawv hnov Hmoob cov thawj coj, neeg txawj ntse, thiab neeg tseem ceeb sib cav tswv yim lawm tiag tiag es kom tus yuav rov qab mus vaj mus tsev los nyias zoo siab hlov rov mus dawb mus huv tsis muaj ib yam dab tsi looj koov peb lub teb chaws Meskas ntxiv lawm hos tu ho xum nrog GVP cov pej xeem Hmoob-Meskas nyob rooj teb no los kom sawv daws rau siab tsim nyias lub neej kom nyob laus nkoos mus txog hnub retire es ho nrog luag tau nyiaj laus noj kom tsim nyog nyias lub neej thaum hluas es khwv khwv mus ua laj ua kam them se tu nyias tej me nyuam rau peb lub teb chaws txoj kev ywj pheej thiab vaj meem tus npau suav es kom peb Hmoob thiaj li muaj lub suab thiab vaj huam sib luag rau sawv daws tuaj sib cav tswv yim kom peb sau siab sib hlub tiag tiag es txhob nej hnub hais tias yog ib tug thuam ib tug ces sawv daws thiaj li hais tias ib pab hais yog lus hos ib pab hais tsis yog lus mas niam tim tus ub tus no tag li xwb vim luag cov neeg Hmoob-Nplog luag nyob luag zoo zoo es luag twb tsis muaj ib tsab xov xwm ntxhov quav niab hais tias luag cov nom tswv Hmoob-Nplog xav nrog lub ntiaj teb muaj teb chaws es kom Hmoob-Meskas pab mas peb thiaj li xav pab nej thiab txawm nej tsis hais los peb yeej yuav pab nej li nawb mog.  Tab sis, yog hais tias luag cov neeg nom tswv Hmoob-Nplog twb tsis hnov nroo li es tsua hnov peb Hmoob-Meskas pheej vwm vwm xwb ces tsis yog peb yuav ua teb chaws hos yog peb yuav ua cov suav suav los txhawb koom haum xwb los yog li cas tiag thiab txawm yog li nej ua cov suav suav xwb los tsuav yog nej txawj ua thiab nej coj cov suav suav ntawm mus yuav kom tau ib koog av nyob rau teb chaws no es nej mus tsim kom tau ib lub zos Hmoob teb chaws ua piv txwv lawm ces thaum ntawm nej yuav coj Hmoob-Meskas rov mus vaj mus tsev los ntshe Hmoob-Meskas yuav caum nej thiab nrog nej rov mus vaj mus tsev  li nawb vim nej ua yog lawm.

hehehehehehe......lom zem kawg kiag li os vim lub neej tam sim nov mas tsis yog nom tswv yuav mus ua teb chaws rau Hmoob nyob hos yog cov neeg txawj txawj thiab microsoft technology ua es kom peb Hmoob cov txawj hais lus saum xov tooj cua yog cov yuav coj pej xeem Hmoob mus ua teb chaws rau Hmoob nyob lawm mas kuj yog lawv tshaj lij kawg li lawm lau.

Hais ncaj qha hais tias yog peb Hmoob teb chaws paub phau Vaj Lug Kub cov lus moo zoo los ntxiv rau peb Hmoob cov lus Hmoob lawm thiab ces peb Hmoob teb chaws yeej tsa tau huab tais Hmoob kom sawv rov qab los ib hnub xwb xwb li vim peb Hmoob teb chaws hais tias peb Hmoob daim paj ntaub qab qwb mas yog poj niam lub tsev me nyuam lawm ces txhais tau hais tias peb Hmoob teb chaws twb tig los nrog peb cov pawg ntseeg Mary thiab Yexus qhia Vaj Lug Kub rau fab kev ntseeg ntuj lawm ces peb Hmoob teb chaws yeej hais yog lus tag nrho lawm.

Notes:  Nov yog kuv cov lus update page thiab lus tham tswv yim xwb es yog yam twg kuv hais tsis yog lus lawm los thov nej cov tuaj nrog nyeem kuv cov lus ho ua siab ntev mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Fri Apr 08, 2016 8:49 am



Qhov hais tias peb Hmoob teb chaws cov lus muaj zog zis thiab qhov tseeb tseeb qhia tsis tau rau leej twg puas yog li nov?

  • Hmoob teb chaws twb nrog Suav, Nyab Laj, thiab Nplog sib cog lus tau tag lawm vim luag tseem tos Hmoob-Meskas nrog UN cog lus lawm xwb.
  • Hmoob teb chaws yuav qhia tsis tau qhov tseeb tseeb rau pej xeem Hmoob-Meskas thiab 50 lab tus Hmoob nyob thoob plaws lub ntiaj teb vim tseem tsis tau txog lub caij lub nyoog yuav qhia tau rau leej twg hnub ntawm los yog hmo hmo ntawm li cas.
  • Hmoob teb chaws muaj lub zeem muag yuav coj Haiv Hmoob rov qab mus vaj mus tsev mas yeeb vim yog Nplog paub hais tias Hmoob yog ib cov neeg zoo thiab Hmoob vam meej mus lawm deb zuj zus ces luag xav kom Hmoob rov qab mus vaj mus tsev es kom cov Hmoob nplua nuj ho tig rov mus nrog Nplog sib pab txhim kho lub teb chaws Nplog yog nrog hlub tsav neeg Hmoob-Nplog kom nrog luag muaj teb chaws yog kom Hmoob nrog luag muaj zej muaj zos nyob ncee iab ib yam li thaum ub tseem muaj GVP yog tus coj Hmoob nyob rau daim av Nplog kom lub teb chaws Nplog caum cuag luag neeg ntiaj teb txoj kev vam meej vim Nplog thiab Hmoob txoj kev phooj ywg 40 tawm lub xyoo twb mob txaus thiab thim xav lawm.

Yog hais tias 3 nqe lus los lawm saum nov muaj tseeb tseeb lawm ces peb Hmoob-Meskas tsis txhob sib sib cav tswv yim lawm es nej cia li mloog Hmoob teb chaws hais lawm xwb vim lawv tes dej num tseem sam sim nrog UN thiab tsoom fwv Meskas sib tham seb luag puas yuav tso cai rau Hmoob teb chaws rov mus vaj mus tsev ib hnub.  Tab sis, qhia rau nej paub hais tias peb cov Hmoob Vaj Pov uas yog Hmoob cov qub tub rog Hmong Veteran uas lawv tau ua ib yam dab tsi cawm peb Haiv Hmoob cov niam thiab cov txiv seem tau coj lawv tej me nyuam tuaj yug tshiab nyob rau rooj teb no lawm ces peb yuav tsis rov qub qab lawm hos qhov peb Hmoob-Meskas yuav txaus siab pab tau Hmoob teb chaws ces yog hnub twg nej muaj Hmoob teb chaws lawm tiag thiab nej thov txog peb Hmoob-Meskas los peb yuav txaus siab pab nej li pab tau nyob rau saum luag txoj cai xwb es mus zoo nej txhua tus nawb mog.


Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sat Apr 09, 2016 8:33 am



Lus Sib Cav Tswv Yim Hais Kom Chim Taus thiab Hlub Txaus Thiaj Li Yog Hmoob Hlub Hmoob:  Peb cov Hmoob uas nej yeej ib txwm tsis tau ua ib yam dab tsi pab GVP ces nej yeej txaj muag nyob rau hauv lub teb chaws Meskas ces nej yeej xav qhov yuav rov qab mus vaj mus tsev thiab mus nrhiav nej tus huab tais Hmoob lawm puag Los Tsuas teb xwb vim nej tsuas hnov luag hais tias thaum ub GVP tau muab nws txoj sia thiab lub zog 100% rau Hmoob xyov yog zoo li cas ces nej tsis paub txog GVP tej keeb kwm li es nej tsis ntseeg GVP cov lus hais tias GVP yog tau tuam choj rau nej hla ntuj tuaj txog rau rooj teb no vim Hmoob cov thawj coj hauv lub teb chaws Meskas kiag yeej tsis muaj ib lub koom haum siab twg yuav muaj cuab kav los zaum hais tau nej lawm ces nej thiaj li xav rov mus ua teb chaws Hmoob zaum ob seb 50 lab tus Hmoob puag yuav nrog luag muaj teb chaws dua ib zaug ntxiv.  Tab sis, nej txoj kev xav yog pom txij lub roob nej nyob xwb hos yuav kom nej paub ntag nrho txhua lub roob, txhua lub hav, thiab txhua lub dawm uas nej tsis tau mus txuj txog ces nej tus npau suav rau Haiv Hmoob tseem nyob deb heev vim lub teb chaws Nplog tseem muaj Hmoob nyob coob khwv yees li ntawm 450 txhiab tus pej xeem Hmoob-Nplog uas lawv teem nyob rau hauv daim av Nplog es ua li cas ho tsis hnov Nplog lub teb chaws cov tub xov xwm los yog Hmoob-Nplog nroo ib los hais txog qhov Nplog tsis hlub Hmoob, Nplog tsis muab kev ywj pheej rau Hmoob, thiab Nplog tsis kam Hmoob ua tswv teb chaws nrog Nplog li cas es yog vim li cas nej thiaj li mus ua tej yam yuav kev deb ua luaj kom peb cov neeg Hmoob tsis paub qab hau muaj siab cia sau tag npaum li ntawm txog qhov yuav rov qab mus vaj mus tsev rov mus nrog kab noob nyob thiab nej hais tias peb cov lus sib cav tswv yim mas yog ib co lus tsis paub qab hau thiab siab tsis zoo rau nej los nyob ntawm nej xav vim peb cov lus tawm tswv yim rau Hmoob teb chaws hauv peb nruab siab tawm tuaj tsuas yog ib co lus peb hlub txog Hmoob txoj kev quaj ntsuag xwb hos qhov true or false cia pej xeem Hmoob mam li txiav txim siab rau nyias tus kheej vim Hmoob lub neej no GVP twb ua tau txhua yam tiav tag rau Hmoob lawm ces qhov Hmoob yuav ua mus ntxiv ces tsuas yog nyias lub neej yuav tau them se rau peb lub teb chaws Meskas kom txog rau hnub nyias ua lub neej nyob laus nkaus 65 xyoo rov saum lawm ces xam tau cov laus lub neej rau nyias tej me nyuam yug los rau tiam tshiab lawm hais tias cov laus tus npau suav tsuas los xaus li ntawmm lawm xwb ces lub neej pem suab yuav yog cov hluas thib los coj Hmoob, deev Hmoob siab kom Hmoob paub qab paub hau thiaj li yuav nrog luag muaj neej ua, qhia Hmoob kom Hmoob txawj sib hlub haus sib cev kom koj qaib pw kuv coob kuv os pw koj coob ces yog kev neej kev tsav kom loj hlob mus txhua txhua tiam, ib lub caij summer nqes los txog tej niam tej txiv yuav coj lawv tej me nyuam mus pinic kom lawv pom tej nroj tshuag thiab hav nyom hlav ntsuab xwb siab, ua koom txheej Hmoob txhua xyoo nco txoov caw peb cov qub tub rog thiab cov niam cov txiv laus neeg tuaj mus nrog sawv daws saib txheej hluas lub neej ntsa iab nyob dhia rhees zoo nkauj zoo nraug ua ntej cov laus yuav ncaim sawv daws mus zaum kawg, cob qhia kom peb me nyuam Hmoob rau siab mus nrog luag sib tw kawm txuj kawm ci lub neeg thiaj li pom kev deb thiab pab tau nyias tus kheej ces yog pab tau lub teb chaws Meskas luag thiaj li qhuas hais tias Hmoob yob ib haiv neeg zoo.


Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sat Apr 09, 2016 9:49 pm

cov me pawg ntseeg Hmoob teb chaws, nej cov lus speech nej hais yuav tsum qhia kom meej meej hais tiag Hmoob teb chaws nyob qhov twg thiab lub zeem muag hauv Hmoob teb chaws yog dab tsi kom tseeb tseeb es txhob yog nej tuaj ntuas Hmoob ua neej xwb mas nej ua dab tsis thiaj li tsis raug teeb meem hauv peb lub teb chaws Meskas txoj cai tswm hwm teb chaws thiab txoj cai ceev lus ruaj ntseg rau peb lub teb chaws Meskas es nej thiaj li tsis raug teeb meem.

Piv xam li tias yog UN ntxias peb Hmoob pawg ntseeg Hmoob teb chaws nce nthab lauj taw ntaiv los nej yuav tsum hais tias yog UN tus agenda rau Hmoob teb chaws yeej muaj tseeb tseeb li ntawm rau Hmoob teb chaws tus kas moos mus thov khawv nyiaj txiag ntawm pej xeem Hmoob los siv ntag ces yog nej ua txhaum cai peb lub teb chaws Meskas txoj kev tswj hwm teb chaws thiab ceev lus ruaj ntseg rau pej xeem Meskas lawm los luag thiaj li yuav tsis muab lub txim loj rau nej ris.

Peb nrog nej Saib peb Hmoob pawg ntseeg Hmoob teb chaws cov videos mas cas zoo li yuav dias taub hau ho tsis yog dias tau hau thiab ntsia nej cov videos ntev ces ib pliag xwb peb cia li ua neeg xem xab nkab li cov niag neeg qaug quav thiab vwm vwm lawm vim nej cov videos ua rau peb cov hlwb kiv kiv thiab qauj qauj hais tias xyov nej tham nej cov lus Hmoob teb chaws yog tham nyob rau tiam twg los lawm thiab txheej twg los lawm vim peb Hmoob twb raug swb teb chaws tau 40 tawm lub xyoo lawm ces peb cov neeg yug los tom qab xyoo 1975 tsis paub tsis txog nej tej kas moos koos xiv koos xos Hmoob teb chaws ib qho li cas lawm ces yog nej tseem ntse tshaj Hmoob-Suav, Hmoob-Nyab Laj, thiab Hmoob-Nplog lawm ces cia nej mam li mus nrog UN thiab peb haiv neeg Hmoob nyob sab SE-ASIA sib do hlwb seb nej puas yog cov yuav rov mus nrog nas ntsooj khiav mag cooj, nas ncuav khiav mag duav, los yog nej yuav cia li ya kiag saum cov huab dawb mus kav Hmoob teb chaws es coj Hmoob ua kev zawv li cov me noog qej qa yaj saum nruab ntug rov mus vaj mus tsev os kwv tij Hmoob vim peb hlub hlub nej los peb tsuas tshuav kiag GVP cov nyuag qub tub rog thiab lawv tej nyuag monument ncej zeb nyob Meskas teb lawm xwb ces peb lam zov peb tej nyuag qub teej qub tug thiab lam zov peb tej nyuag koom haum Hmoob los ua lub chaws sov siav rau peb Haiv Hmoob kom peb tej neeg Hmoo-Meskas nrog luag muaj neej ua thiab ciaj tau ua ib tsav neeg zoo nyob rooj teb no mus txhua txhua tiam lawm ces mus zoo nej mog peb cov me pawg ntseeg Hmoob teb chaws es cia fab lwm tiam yog muaj tseeb tseeb li nej zaj keeb lawm tiag ces cia peb Haiv Hmoob cov tseem tsis tau yug los tshiab mam li teev tiam nej cov ntsuj plig mog.



Hmoob cov teb chaws thiab pej xeem nyob rau hauv lub ntiaj teb daim encyclopedia zoo li nov:

  • Hmoob Teb Chaws Suav muaj Hmoob 3,000,000 peb lab tus neeg.
  • Hmoob Teb Chaws Nyab Laj muaj Hmoob 1,070,000 ib lab xya caum txhiab tus neeg.
  • Hmoob Teb Chaws Nplog muaj Hmoob 460,000 plaub puas rau caum txhiab tus neeg.
  • Hmoob Teb Chaws Meskas muaj Hmoob 260,000 ob puas rau caum txhiab tus neeg.
  • Hmoob Teb Chaws Thaib muaj Hmoob 151,000 ib puas tsib caug ib txhiab tus neeg.
  • Hmoob Teb Chaws Fabkis muaj Hmoob 15,000 kaum tsib txhiab tus neeg.
  • Hmoob Teb Chaws Australia muaj Hmoob 2,200 ob txhiab ob puas tus neeg.
  • Hmoob Teb Chaws Guiana muaj Hmoob 2,000 ob txhiab tus neeg.
  • Hmoob Teb Chaws Canada muaj Hmoob 830 yim puas peb caug tus neeg.
  • Hmoob Teb Chaws Agentina muaj Hmoob 600 rau puas tus neeg.
  • Hmoob Teb Chaws Germany muaj Hmoob 500 tsib puas tus neeg.

Cov Hmoob teb chaws saum nov peb tsuas tso li qhov luag teev muaj nyob rau luag daim encyclopedia qhia yav tag los xwb.
Back to top Go down
 
Hmoob Teb Chaws Kev Tu Siab
View previous topic View next topic Back to top 
Page 2 of 7Go to page : Previous  1, 2, 3, 4, 5, 6, 7  Next

Permissions in this forum:You can reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Welcome Guests Zoo Siab Txais Tos Qhua-
Post new topic   Reply to topicJump to: