Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Yajceebtshiab
 
8tos8nco
 
PajTshiab
 
Ncoibsim
 
Latest topics
» Peb Hmoob Noj Peb Caug Txawv Heev
by Guest Today at 11:08 am

» NkaujNagTshia Lub Chaw Seev Lus
by Yajceebtshiab Yesterday at 6:32 pm

» Tseem Nyob Tos
by Guest Yesterday at 1:31 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Yesterday at 1:01 pm

» Hlub Koj Nyob Deb
by 8tos8nco Yesterday at 12:26 pm

» Hmoob Tuav Cos
by Guest Yesterday at 7:42 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

Keywords
Npauj neeg ntxhoo nrhiav baim txiv niam txoj hmoob lawm NkaujNyiag liab siab neej txhiaj muaj muas Npaim ntsuab vang Nyob duab bauj hmong nkauj hlub
Statistics
We have 67 registered users
The newest registered user is tubsiabzoo

Our users have posted a total of 22583 messages in 922 subjects
Who is online?
In total there are 10 users online :: 0 Registered, 0 Hidden and 10 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Post new topic   Reply to topicShare | 
 

 Hmoob Teb Chaws Kev Tu Siab

View previous topic View next topic Go down 
Go to page : Previous  1, 2, 3, 4, 5, 6, 7  Next
AuthorMessage
nrhm
Guest



PostSubject: Hmoob Teb Chaws Kev Tu Siab   Mon Sep 21, 2015 8:23 pm

First topic message reminder :





Nej cov paub zoo txog peb Hmoob Teb Chaws lub xov tooj cua es yog lawv nyob li cas lawm xwb cas lawv yuav hais tau tej lus tu siab ua luaj li os?

Xov tooj cua ces leej twg yog tus own the sky ces tus ntawm yog tus control xwb las mas es av tsij rau rau siab tuaj nthuav nej tej lus xov tooj cua rau peb Haiv Hmoob cov tseem tos tos peb Hmoob tus huab tais yuav nqes los es nej tsis txhob maj tag kev cia siab nawb mog.

Hais Txog Peb Hmoob Kev Tu Siab Nws Zoo Li Nov:

  • yog hais tias koj yog ib tug Hmong-Veteran ces koj lub neej thiab txoj sia yeej nyob hauv tus npau suav ua rog kom tag koj tiam li lawm.
  • yog hais tias koj yog ib tug neeg hav zoov los yog neeg cob fab ces koj lub neej yeej nco tej yam li koj nej hnub tham mus tag koj lub neej li lawm.
  • yog hais tias koj yog ib tug neeg tuaj yug tshiab nyob rau lub teb chaws Meskas ces koj lub neej yeej hloov thiab paub mus lawm ib theem siab tsis zoo li Hmoob lub neej lawm.
  • yog hais tias koj yog ib tus neeg laus muaj hnub nyoog thiab koj paub txij puag thaum GVP lub neej los txog rau niaj hnub no ces koj yeej yog ib tug neeg saub sab sij huam lawm.
  • yog hais tias koj yog ib tug neeg laus ces koj txawj nyob ib sab ntuj los koj yeej muaj qhov xav txog lwm sab ntuj.
  • yog hais tias koj yog ib tug neeg hluas yug nyob rooj teb no ces koj yuav tsis muaj qhov xav txog sab ntuj twg ntxiv li lawm.
  • yog koj yog ib tub rog Vaj Pov ces koj yeej paub hais tias kev ua kob tsov rog Nyab Laj thiab Secret War in Laos zoo li cas.
  • yog koj yog ib tub rog Cob Fab uas koj nej hnub khiav nkaum nyob rau hav zoo hav tsuas ces qhov koj paub yeej yog txij li koj tau ua los lawm muaj li cas ces koj tsuas paub txij li ntawm xwb.
  • yog koj yob ib tug tub kawm ntawm qib siab nyob rooj teb no ces koj yuav tsis paub lub hauv paus thiab hauv ntsis tsov rog yav ntuj qub qab zoo li cas nyob hauv koj nruab siab los ntawm koj lub qhov muag kiag.  Tab sis, koj yuav muaj lub zeem muag paub thiab pom nyob hauv koj nruab siab hais tias zaj dab neeg keeb kwm tsov rog nyob yav ntuj qub qab zoo li cas thaum koj mus nyeem luag tej dab neeg piav txog lub teb chaws ntawm ces koj yeej nkag siab zoo.

Mas yog li ntawm, nyob ntawm koj nyob rau category twg ces koj yuav paub txij yam ntawm rau koj lub neej es peb tej koom haum Hmoob tam sim nov thiaj li hais tseg lawm hais tias peb yuav tsum nco txog peb cov qub tub rog tus txiaj ntsim uas yog lawv tau muab lawv tej roj ntsha mus pua daim av Nplog thiab tuam choj rau peb Hmoob tuaj mus pib peb lub neej tshiab nyob rau cov teb chaws vam meej tag lawm ces peb Haiv Hmoob thiaj li yuav tsum tau lees paub peb tej qub nom qub tswv thiab kev nco txog tej laus kom tag lawv tiam tso mas dhau ntawm mus ces peb twb ho yuav tig los mus nco txog peb cov laus neeg uas lawv mam xeem tuaj yug nyob rau Meskas teb tiam vim lawv yog peb cov niam cov txiv tshiab uas lawv mam xeem tuaj yug nyob rau rooj teb no mus rau tiam tom ntej mus tsis tag tsis kawg.

Yog yuav tham txog kev ua kob tsov rog Nyab Laj ces luag neeg ntiaj teb tuaj ua tsov rog loj npaum li xob nroo tsis hais nruab hnub los hmo ntuj ces yog thaum luag xaus tsov rog lawm peb Hmoob ho yuav tig rov pib dua tej nyuag tsov rog hav fab uas sawv daws yuav siv niam lub zog noj mis ua xwb ces peb Hmoob thiaj li cob pob tuag tas vim peb Hmoob tsis paub txog luag tus xwm txheej ntiaj teb ces thaum peb twb nyob rau hauv luag lub xib tes lawm los peb tseem hais tias peb mas muaj yeej loj npaum ub npaum no ces thaum kawg peb thiaj li piam sij tag mas yog li ntawm peb yug los ua Hmoob peb yuav tau xyaum yoog luag tus xwm txheej ntiaj teb li teb li chaws es thaum luag hais tias lub teb chaws thaj yeeb lawm ces peb Haiv Hmoob yuav tau tig los ua neeg zoo seb puas dim txoj sia xwb zoo dua mog.
Back to top Go down

AuthorMessage
nrhm
Guest



PostSubject: Re: Hmoob Teb Chaws Kev Tu Siab   Thu Jun 23, 2016 2:26 pm

Hmoob lub neej thiab kev khwv nyob lub luaj qoob luaj loo thawm niaj thawm xyoo tau li cas noj li ntawm ces yog Hmoob txoj kev ywj pheej rau nyias tsev neeg nkaus xwb vim Hmoob tsis nyiam them se rau Hmoob nom Hmoob tswv kom Hmoob nrog luag muaj ib pob nyiaj txiag nyob tuam tshab coj los tsim zej kho zos kom Hmoob mus nyob taus rau tej lub loom tiaj ntuj nrag teb do thiab kom Hmoob mus ua vaj ua tsev txog twg los Hmoob paub mus nqus dej los rau lub zej lub zos haus thiab siv mas Hmoob lub neej thiaj li yuav peem tsheej lub neej kom zoo li luag lwm haiv neeg hos yog ua zaj twg los Hmoob tsuas lam mus ua tej nyuag tsev qeeb khaub khaub hlab zoo li zes nquab nyob puab luag ntug kev, ntug zos, thiab nyob rau toj roob hauv pes xwb ces txawm yuav tsawg tiam los Hmoob lub neej yeej tseem zoo Hmoob li qub tsis hloov ces Hmoob kev tu siab yeej muaj txhua txhua tiam li os.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sun Jul 10, 2016 10:59 pm


Nej cov uas paub txog peb Hmoob 3 lub taub hau Hmoob koom ib lub cev yog tshwm sim qhov twg los li cas tiag ho tuaj qhia peb nej tej lus thoob tsib kom peb ho nrog nej paub txog nej zaj keeb kwm thiab dab neeg Hmoob seb zoo li cas.

Raws li peb mus saib cov neeg teb chaws coj kev cai dab qhuas hauj sam txhua lub teb chaws mas lawv yeej muaj cov neeg thiab tsiaj ncej zeb qhia tias lawv muaj cov neeg thiab tsiaj 3 lub taub hau koom ib lub cev mas yeej muaj ntau heev es ua li luag cov teb chaws ntawm kev ntseeg ho yog tshwm sim los li cas thiab vim qhov nov mas peb me nyuam Hmoob tsis paub peb Hmoob tej keeb kwm txwv laus puaj tiam li es thov nej ua siab ntev mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Tue Jul 12, 2016 7:25 am

Peb Hmoob kev tu siab los lawm ntau tiam thiab txhiab niaj puag xyoo vim peb siv tus cuj pwm pw saum lub me npoo txaj tham txog kev ua teb ua chaw thiab kev coj noj coj ua xwb ces peb ua dab tsi los thiaj caum tsis cuag luag lwm haiv neeg lub zeem muag thiab ua dab tsi los thiaj li tsis sawv ces tsawg hnub tsawg hmo dhau mus lawm zuj zus los peb Haiv Hmoob tsuas paub ev kub kawm mus rau daim luaj qoob luaj loo xwb peb yeej tsis xav txog kev Hmoob hlub Hmoob, Hmoob hlub Hmoob daim av, Hmoob hlub Hmoob lub zej lub zos, thiab Hmoob hlub Hmoob tej hav zoov vim Hmoob tsuas paub hnub nyob xwb Hmoob tsis paub hnub tau zoo (nov yog tham txog yav ntuj qub qab lom zem xwb).

Piv xam li tias Hmoob muaj ib lub teb chaws los yog ib daim av mas Hmoob tsuas hlub kiag lub nyuag ncov roob Hmoob mus ua zej ua zos nyob ib ntus thiab Hmoob tsuas hlub kiag lub nyuag kaum hav uas Hmoob mus ua ib cim qoob noj tag tso tseg xwb hos tej nyuag hav khuab luab, hav iav, kwj deg, tsag zeb tsag tsuas, toj roob hauv pes, thiab av qhuav ces Hmoob tsuas tsom seb lub roob twg siab tshaj plaws ces Hmoob tsuas khwv yee tuaj ib sab roob tig ntsia thiab teev hawm lub roob ntawm los pov puag Hmoob lub neej xwb mas qhov Hmoob yuav nrog luag muaj teb chaws es Hmoob siv Hmoob zaj keeb kwm pw saum lub npoo txaj tham xwb mas tsis work li vim lub neej Hmoob tam sim no lub ntiaj teb twb pub Hmoob nrog luag muaj vaj huam sib hluas nyob ua zej ua zos xauv npo los Hmoob twb tsis paub tsim kho Hmoob lub neej kom ntsa iab li luag lwm haiv neeg es yuav thaum twg Hmoob thiaj li nrog luag muaj ib daim av nrog luag ua nroog Hmoob thiab ua zej ua zos Hmoob los ua Hmoob tug kom Hmoob tej nroog thiab zej zos ciaj tau seb taus tsua ntshe yuav tag li no lawm xwb ces kawg Hmoob tsuas lam ua puav dai taw puab luag ntug zos thiab kev tsheb lawm xwb.

Peb Hmoob lub zeem muag ua npau suav pom Hmoob hlub qhov chij nyob rau Washington DC ces tsuas yog peb cov Hmoob tseem nej hnub tos yuav nrog luag muaj teb chaws Hmoob xwb hos yuav kom Hmoob ua dab tsi es Hmoob paub nag hmo (keeb kwm Hmoob), hnub no (hnub nyob), thiab paub tag kis (hnub tshiab) ces Hmoob tseem mus tsis tau txog Hmoob lub zeem muag thiab txoj kev ntshaw vim Hmoob lub zog tsuas luaj taus li qhov Hmoob niam Hmoob txiv ua tau yav tag los xwb.

Luag lwm haiv neeg muaj teb chaws vim luag tsis siv lus tham pem, thov nyiaj, thiab keeb kwm zaum tos xwb ces luag yuav cia li muaj teb chaws vim luag siv luag lub zeem muag thiab zim txwv ua neej nyob raws txoj hmoo thiab kev sib hlub ntawm luag cov pej xeem los ua neej kom luag cov neeg muaj kev nce qib, zoo nkauj, zoo nraug, txawj ntse, thiab muaj hwj chim sib to taub ib yam nkaus ua neej nyob xwb ces luag cia li muaj teb chaws kav ces luag mam li tig rov mus ntsia seb luag zaj keeb kwm yog tshwm sim qhov twg los li cas ces luag lwm haiv neeg thiaj li muaj neej ua thiab muaj teb chaws kav mas qhov tseeb yog mus li ntawm......hahahahahahahaha.

Note:  Lub tham pem updage ua si laug hnub muaj li no xwb es thov nej cov tuaj nrog nyeem kuv tej lus ho ua siab ntev mog.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Tue Jul 12, 2016 5:44 pm


Back to top Go down
nrhm
Guest



PostSubject: Re: Hmoob Teb Chaws Kev Tu Siab   Thu Jul 28, 2016 9:26 am



Peb Hmoob teb chaws txoj hauj lwm xiam hlwb mas cas yuav nyuab siab ua luaj vim tias peb Hmoob nyob ib lub teb chaws es pheej tseem mus tham txog lwm lub teb chaws zoo li yav ntuj thaum ub uas tseem muaj tog Pathet Lao thiab tog Royal Lao lub qub neej uas tog twg los xav kom pej xeem paub hais tias yog tog ntawm muaj yeej thiab zoo xwb cas yuav txawv ua luaj vim lub neej no tsis zoo li peb Hmoob lub qub neej thaum ub lawm es thov kom Hmoob txawj ntse yuav tsum tig los kho Hmoob xwb es qhov Hmoob yuav ua tau ib yam dab tsi yuav tsum yog pib los ntawm nyias cov thawj coj, nyias lub zos, nyias lub lav, los yog nyias lub teb chaws nyias nyob rau saum luag txoj cai xwb thiaj li yog txoj ncauj ke peb Hmoob yuav taug mus rau yav neeg pem suab thiab nrog luag ua ib co neeg zoo good citizen mas peb lub npe Hmoob thiaj li yuav peem tsheej lub neej Hmoob mus rau yav neej pem suab.

Lub neej tam sim nov es Hmoob twb tsis paub tham txog Hmoob kev yuav ua neej nyob hauv lub ntiaj teb no seb Hmoob yuav cob Hmoob tej neeg kom txawj ua vaj ua tsev nyob, ua qhov dej haus, ua qhov viv, ua zej ua zos nyob vam ntws, txawj ua zaub mov ntau yam noj los cawm txoj sia, ua txhiam laj txhiam xws noj, ua qoob ua loo los puv txhab, thiab ua ib tsav neeg zoo Hmoob hlub Hmoob es kom Hmoob muaj kev nce qib li cas tau es cas sawv daws pheej mus tham txog ua teb chaws xwb mas ntshe yog Hmoob nyiam nyob qhov tws xwb los yog li cas lawm lau.

Hais txog Hmoob xov tooj cua tham pem xwb mas txawm lub xov tooj cua twg yuav hais lus mus seem twg thiab tham dab tsi los thov kom yog tham saum huab cua ua lub chaw sov siab rau Hmoob xwb es txhob yog tham xov tooj cua xwb ces Hmoob cia li yuav muaj teb chaws mas ntshe yuav tsis khws li os.
Back to top Go down
Yajceebtshiab
Moderator
Moderator


Posts : 347
Points : 396
Reputation : 0
Join date : 2014-10-03

PostSubject: Re: Hmoob Teb Chaws Kev Tu Siab   Thu Jul 28, 2016 4:19 pm

nraughmoob...Kuv nyeem koj cov lus tsis tag txhua txhua post puagtom chiv-pib tshoojlus thampem txog Hmoob Tebchaws. tabsis kuv yeej nkagsiab koj txoj kev txhawjxeeb txog ntau yam peb hmoob tau tawmsuab haistxog Haiv thiab Tebchaws rau Hmoob.

Kuv xav haistias GVP raug ntes tsis yog vim lawv Sooblwj qab tabsis yog nws txoj kev thawjcoj uas tseem hlub tshua txog Hmoob thiab khuvxim tsoom Hmoob ibtxwm lawv nws qab nyob hauv nws kev cojpug lub caij tsov-rog cobtsib uantej 1975 xwb.

1 tug thawjneeg li GVP yeej muaj txoj kev hlub nws haivneeg thiab hmov-tshua nws tsoom pejxeem uas ib txwm camhwm nws txoj kev thawjsim.  Kev raug ntes tsis yog vim Hmoob txoj kev ntshaw tebchaws losis ntshaw muaj haiv, tabsis yog teebmeem uas peb Hmoob tseem poobqab ntawm txoj kev nrog luag sib tw lub tswvyim tseejtswj thiab kev khiav lajfai kumxeeb xwb.

Yog peb tshawbfawb meejpem tiag, txhua txheej-tshoj Hmoob ntsib teebmeem tsuas yog Hmoob rau tsam-txwv ntawm yeebncuab txoj kev txhubmuj tsimtxom quabyuam tsis raws txoj cai hauv ntiajteb kev tswj-kav xwb.
Back to top Go down
View user profile
nrhm
Guest



PostSubject: Re: Hmoob Teb Chaws Kev Tu Siab   Sun Aug 07, 2016 2:18 pm



Yajceebtshiab, koj cov lus tsis poob ib los li os vim txhua yam koj tham yeej yog li koj hais lawm.  Qhov kuv pheem tham pem txog peb Hmoob teb chaws mas vim peb Hmoob tseem siv tus kas moos qub qub uas nyob lwm sab ntuj coj tuaj siv rau sab ntuj no xwb ces peb ua dab tsi los tsis nyob rau saum luag txoj cai ces peb thiaj li raug teeb meem tag li xwb.

Hais txog ntawm GVP ces nws yeej ib txwm yog tus hlub Hmoob tshaj plaws nws thiaj li txiav txim siab nrog huab tais Los Tsuas ua phooj ywg, nrog huab tais Thaib ua phooj ywg, thiab nqes tes pab Tsoom Fwv Asmeslivkas ua kob tsov rog Secret War in Laos (air war) pab qhia kev rau luag cov dav hlau ya saum nruab ntug hla lub teb chaws Nplog thiab tsim muaj nws cov tub rog SGU ua laj kab tiv thaiv daim av Los Tsuas mas lub sij hawn ntawm raws li kuv txiv qhia mas peb Hmoob cov tub rog tsawg heev ces qhov twg los peb cov tub rog thiaj li yuav kom luag pab saum nruab ntug tuag thi nees nkaum plaub xuab moos los txog ntua lub xyoo 1973 uas yog lub caij Nplog lub teb chaws muaj xam tib phaj lawm ces tsoom Fwv Asmeslivkas tiv thaiv tsis tau lub teb chaws Indochina lawm ces luag thiaj li nrauj ncua sab ntuj tim tseg rau tog koom sam es peb Hmoob thiaj li raug piam sij zuj zus los txog ntua rau lub xyoo 1975 ces peb Hmoob tus nom raug ncaws tawm teb chaws ces Hmoob thiaj li quaj ntsuag cia me nyuam tso niam txiv tseg, niam txiv tso pog yawg tseg, thiab nyias mus leej txoj ke es yog lwm tiam muaj tiag mam rov sib sau ua Hmoob dua tiam ob nyob rau Meskas teb los txog niaj hnub no vim qhov tseeb ces GVP ua hauj lwm rau luag lwm haiv neeg mas yog nws hlub Hmoob 100% raws li tau saib nws tej videos.

Hais txog qhov hais tias ua li GVP puas yog lawv Yaj Soob Lwj qab?

Yaj Soob Lwm mas nws yog niam ntawv xeem pheev xeem tawm sawv tom hav nyom los qhia ntawv Hmoob rau tej zos Hmoob twj cuab nyob rau lub sij hawm lub teb chaws Los Tsuas tseem nyob rau txoj kev kub ntxhov thiab ua tsov rog nyhav ces nws lub zeem muag yog ua li Hmoob teb chaws ua tam sim nov xwb ces nws thiaj li raug teeb meem thiab raug piam sij tag mas tsis muaj tus qhia tseeb ces kuv tsis paub zoo ces ntshe kuv yuav paub tsis txog Yaj Soob Lwj zaj keeb kwm kom meej pem li cas tau hos GVP lawv raug teeb meem los yog nws cov neeg ceev lus ruaj ntseg tsis tij lim ua hauj lwm rau GVP xwb ces luag thiaj li raug teeb meem vim lub sij hawm ntawm lub ntiaj teb tsis hais tog twg los luag yeej tsis nyiam cov neeg phem thiab cov neeg yuav mus ntxeev lwm lub teb chaws ces ntshe lawv thiaj li raug teeb meem los muaj.

Hehehehehehe......, kuv cov lus khwv yees tham pem tso ya xwb lam nyeem seb puas muaj yam zoo os.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Fri Aug 19, 2016 8:07 am

Koj tus paub tab sim soj ntsuam seb puas yog li nov?

Secret War in Laos = GVP and United States Secret Army Special Guerrilla Unit Vietnam War Lao/Hmong Veterans.

Chao Fab = Hmoob Teb Chaws.

Note:  Nov yog peb cov lus tham pem updage rau hnub no ua si laug hnub xwb thov txim ntau mog.
Back to top Go down
Yajceebtshiab
Moderator
Moderator


Posts : 347
Points : 396
Reputation : 0
Join date : 2014-10-03

PostSubject: Re: Hmoob Teb Chaws Kev Tu Siab   Fri Aug 19, 2016 7:38 pm

nrhm...


Kuv lam los tauvpem nrog koj tsham laug sijhawm txog npluavrog zaisku "scret War" yog tshwmsim licas tiag nyob hauv Lostsuas.  Thaum fabkis tseem kav Nplogteb uantej 1950 ces CIA yeej ntxig mus nrog Fabkis nyob hauv ua lagluam Yajyeeb thiab sojntsuam tus xwmtxheej kev nthuav fwjchim ntawm Soviet Unions tus txwmlij koompheej lawm. 


1950 US yeej nkag Esxias "Laos" mus pab sab zimphajpav thiab lub zog peebzeej.  Lawv pab Fabkis tawmtsam koompheej tua Hanio pib txij 1953-1954 tivthaiv kev nthuav fwjchim ntawm txwmlij koompheej. Uake ntawv hauv Nplogteb kuj muaj kev cais Nplog ua 2 pab xws li pab huabtais thiab pab koompheej Nplog nyob rau tibxyoos ntawv uas yog xyoo kev koomtxheej Geneva tso Fabkis thim rovqab thiab tsuas tseg mentsis peebzeej Fabkis "FAR" yog cov cobqhia peebzeej rau pab huabtais Nplog nkaus xwb vim Fabkis nres tsis nyob koompheej hanoi ncua qab xyoo 1953.


1954 US "CIA" thiaj xa nkojcua nqis Esxias ntxiv mus npaj tua koompheej raws cwjpwm(United States Operation Mission "USOM") yuav pib rau lub xyoo 1955

1957-1959 xwmtxheej thiab xwjxwm faitseejtswj faikumxeeb hauv Nplog qaugqeb heev, CIA thiaj tso kws kobxwb peebzeej ( the paramilitary specialist) James W."Bill" Lair ua tus khiav lub PARU Program mus rau cov Hmoob. Vaj Pov yog thawj tug uas nyob rau kev xyivxeeb rau tseemfwv USA, Bill Lair+PEO"pragram Evalution Organization thiaj coj VP mus kawm txog txoj haujlwm no nyob rau Manila tebchaws Philippines tau 6 lub hli pib thaum lub 4 hli 1957. 


1959 VP txhawjxeeb txog koompheej txoj keb txavnam tebchaws vim Hmoob muaj kev pab Fabkis los lawm, yog lino VP thiaj xav coj Hmoob nce mus nyob rau yajsab kom zoo tawm tsamtxwv cwjpwm lasthaiv koompheej vim lub caij ntawv Koosles samsim ntxeevtseev tebchaws.  Lub qab xyoo 1959 thiaj thov kom Bill Lair nrog hais tsoomhlob pab cuag rau cov Hmoob tawmtsam koompheej.  VP haistias nws muaj peevxwm nrhiav 10,000 tus peebzeej yoojyim heev.

Bill Lair thiaj nqis Vientiane mus ntsib tus thawj Gordon L Jorgensen tabsis tamsim ntawv kuj mua yawg thawj coj Desmond Fitzgerald. Gordon L Jorgensen thiaj kom Lair thiab Fitzgerald nkawv sib tham txog kev thov pab ntawm VP.  Fitzgerald thiab Lair nkawv thiaj mus noj hmo uake thiab Fitzgerald hais rau Lair tias lub PRU tabtom pab Phumi tawmtsam Kongle.  yog li kom Bill Lair tawm tsabntawv nquathov raws kev timtsum ( write a proposal ) mus tso mam tsuajkibteem "consider".

Thaum tsoomhlob ntawm CIA xyeev kujtim pomzoo pab Hmoob li kev nquathov lawm, Bill Lair thiaj rov mus ntsib VP thiab sim saib VP puas muaj peevxwm ua raws li kev xyeevlus tseg.  1961 Bill Lair thiaj kom VP nrhia 1000 tus peebzeej mus kwv phom rau Pa Dong uas thawj lwm yog 300 rab sim uantej uas yog thaum Lair thiab nws pab kws qhia peebzeej PARU mus poob nkojtshuab ze ntawm Hmoob lub yeej tubrog "hmoovzoo lawv txhua tus kuj tsis raug nob".

Lub sijhawm mus txog lawm cov kws PARU kuj tau pwvxyaum kev siv cuabyeej tuarog "phom" thiab kev mus zoojkev. Uake ntawv Lair tau kom VP xaiv 20 leej tawm ntawm 300 leej no coj mus kawm xovtooj nyob Thaib qabteb.

Lub zimtxwv ntawv Lair thiaj thov kom Air America uas yog CIA lub chaw txua nkojcua xa davhlau tuaj ntxiv tabsis lawv tsis muaj davhlau lawm thiaj xa cov nkojtshuab "STOL" tuaj coob heev nyob rau lub caij VP tshais nws lub plawv yisfai los rau Pha khao.

23-7-1962 yog kev tshajtawm raws koomtxheej geneva kom Nplog los sib sau coj nruabnrab thiab cov neeg txawv tebchaws yuav tsum tawm kom tag hauv Nplogteb. 


Tseemfwv US "president Kenedy" nrhiav kev sib tuavxam nrog Soviet Premier Nikita Khrushchev koomtes tso Nplog mus yog nruabnrab "Neutral and independent Laos", tomqab ntawv USA thiaj qibtxam 666 tus tub sablaj fab peebzeej thiab lwm cov uas yog thawj coj thim tawm hauv Nplog tsuas tseg 2 tug CIA nyob hauv Nplog sojsaib kev thim ntawm koompheej tus xwjxwm puas mus raws li kev cog lus hauv Geneva.

1962-1963 CIA thiaj txwv kev pab cov Hmoob txhua fab xws li cuabyeej, zimphajpav, zimphajtxheej thiab ua rau VP nrog rau nws cov peebzeej tuncua kev pab sab nkojcua.  Lub zimtxwv tog Ywjpheej thim raws kev cog lus, tog koompheej uas yog Cobtsib tau xa 7000 tus tub peebzeej nyob thoob qaumteb Nplog thiab tseem xa peebzeej ntxiv qujqees rau hauv Nplog tuaj mus tsim kev kubntxhov tua txheeb tebchaws tsis raws li kev coglus nyob Geneva.

CIA tus thawjcoj saib sab Esxias thiaj cejluag txog kev Cobtsib rhuavtshem kev coglus cheemrog no mus txog rau tsoomfwv USA.  President Kenedy thiaj qibtxam nkojcua, peebzeej thiab tub tsav nkojcua nrog kev pabcuag lwm yam thiab kom tshoom zuab peebzeej Hmoob coob ntxiv, lub caij no 20,000leej peebzeej Hmoob cuabyeej txhiv tag nyob Loojceeb.

1964 Cobtsib qaumteb nchuav peebzeej tuaj txheeb Nplogteb nyhav heev, Nplogliab thiab cobtsibliab tua thoob tebchaws Nplog sab qaumteb lawm.  USOM 1965 thiaj xuas nkojtua rog tua Cobtsib qaumteb nyhav rau ncua ntawv.

1965 pib tsamtxwv rog loj hauv Nplogteb lawm li, yog li txij 1969-1970 no ces zais tsis tau rog hauv Nplogteb rau neeg pejxeem USA lawm.

Nov yog keebkwm livxwm rog zaisku nyob Lostsuas...
Muaj caij mam tuaj tham txog Cobfab rau peb nyeem laug hnub.


Last edited by Yajceebtshiab on Sat Aug 20, 2016 8:40 pm; edited 4 times in total
Back to top Go down
View user profile
nrhm
Guest



PostSubject: Re: Hmoob Teb Chaws Kev Tu Siab   Fri Aug 19, 2016 8:44 pm

Yajceebtshiab, ua tsaug ntau rau koj tus paub tab ho tuaj nrog piav txog tsov rog Indochina War rau peb ib tsoom Hmoob cov tseem xav paub txog kob tsov rog ntawm tau nyeem os hos ntawm kuv tus kheej ces paub txij tej yam muaj duab, muaj videos, movies, thiab hnov tej laus tham xwb ces kuv thiaj li muaj cuab kav mus tshawb fawb tau los rau peb saib laug hnub xwb hos dhau li ntawm ces ntshe kuv yuav tsis paub keeb kwm Hmoob thiab tus xwm txheej tsov rog yav ntuj thaum ub nyob Los Tsuas teb los txog rau lub xyoo 1975 uas GVP raug tawm teb chaws kom meej pem li cas tau es yog koj xyeej sij hawm ces ho tuaj nthuav koj tej dab neeg mus rau seem Hmoob teb chaws kev tu siab rau sawv daws tau nyeem vim tej niag dab neeg tsov rog ntawm ces tsuas yog dab neeg qub qub lawm xwb hos txheej hluas nim nov ces lawv twb tsis khes txog tej keeb kwm Hmoob yav ntuj qub qab lawm vim nyob rooj teb no ces sawv daws khwv khwv rau nyias lub neej ces thaum yau los me nyuam yau yuav tau peem tiag thiaj li kawm tag high school, thaum kawm tag high school lawm los tseem tshuav nyias daim degree yuav tau mus kawm college kom tag mas thiaj nrog luag nyob theem higher degree thiab thiaj li mus nrhiav tau zoo hauj lwm ua ces lub neej thiaj li peem tsheej ib tug nce neeg los tsim nyias lub neej kom nrog luag muaj cuab muaj yig ces nyob roob teb no tej hluas thiaj li nrauj ncua txoj niag kev hnov lub suab riam, suab phom, thiab mos txwv ya quaj cuag xob nroo saum tau hau lawm ces xam tau lub neej hais tias peb Hmoob lub neej mus caum cuag luag lwm haiv neeg lub neej lawm ces thaum tsis muaj tej laus lawm los sawv daws tej me xeeb leej xeeb ntxwv thiaj li nrog luag lwm haiv neeg ua lub neej kaj siab lug nyob rooj teb no mus tsis tag tsis kawg.

Hais txog kuv kab post saum ces tsuas yog dib koj me nplooj siab seb koj thiab lwm cov phooj ywg puas muaj cov neeg paub tab txog tej xwm txheej qub qub coj tuaj sau rau peb nyeem xwb es zoo siab kawg li os.
Back to top Go down
 
Hmoob Teb Chaws Kev Tu Siab
View previous topic View next topic Back to top 
Page 5 of 7Go to page : Previous  1, 2, 3, 4, 5, 6, 7  Next

Permissions in this forum:You can reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Welcome Guests Zoo Siab Txais Tos Qhua-
Post new topic   Reply to topicJump to: