Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
8tos8nco
 
Yajceebtshiab
 
PajTshiab
 
Nkaujnagtshia
 
Ncoibsim
 
Latest topics
» NkaujNagTshia Lub Chaw Seev Lus
by Yajceebtshiab Today at 6:21 pm

» Hlub Koj Nyob Deb
by Nkaujnagtshia Today at 4:56 pm

» Lo Lus "Qaug Zog"
by 8tos8nco Yesterday at 9:17 pm

» Tseem Nyob Tos
by Guest Wed Dec 07, 2016 1:31 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Wed Dec 07, 2016 1:01 pm

» Hmoob Tuav Cos
by Guest Wed Dec 07, 2016 7:42 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
txiv hlub neeg baim neej muas duab ntxhoo muaj Npaim niam txoj nrhiav lawm NkaujNyiag hmoob Nyob vang nkauj siab txhiaj liab Npauj hmong ntsuab bauj
Statistics
We have 67 registered users
The newest registered user is tubsiabzoo

Our users have posted a total of 22584 messages in 921 subjects
Who is online?
In total there are 6 users online :: 0 Registered, 0 Hidden and 6 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Post new topic   Reply to topicShare | 
 

 Hmoob Teb Chaws Kev Tu Siab

View previous topic View next topic Go down 
Go to page : Previous  1, 2, 3, 4, 5, 6, 7  Next
AuthorMessage
nrhm
Guest



PostSubject: Hmoob Teb Chaws Kev Tu Siab   Mon Sep 21, 2015 8:23 pm

First topic message reminder :





Nej cov paub zoo txog peb Hmoob Teb Chaws lub xov tooj cua es yog lawv nyob li cas lawm xwb cas lawv yuav hais tau tej lus tu siab ua luaj li os?

Xov tooj cua ces leej twg yog tus own the sky ces tus ntawm yog tus control xwb las mas es av tsij rau rau siab tuaj nthuav nej tej lus xov tooj cua rau peb Haiv Hmoob cov tseem tos tos peb Hmoob tus huab tais yuav nqes los es nej tsis txhob maj tag kev cia siab nawb mog.

Hais Txog Peb Hmoob Kev Tu Siab Nws Zoo Li Nov:

  • yog hais tias koj yog ib tug Hmong-Veteran ces koj lub neej thiab txoj sia yeej nyob hauv tus npau suav ua rog kom tag koj tiam li lawm.
  • yog hais tias koj yog ib tug neeg hav zoov los yog neeg cob fab ces koj lub neej yeej nco tej yam li koj nej hnub tham mus tag koj lub neej li lawm.
  • yog hais tias koj yog ib tug neeg tuaj yug tshiab nyob rau lub teb chaws Meskas ces koj lub neej yeej hloov thiab paub mus lawm ib theem siab tsis zoo li Hmoob lub neej lawm.
  • yog hais tias koj yog ib tus neeg laus muaj hnub nyoog thiab koj paub txij puag thaum GVP lub neej los txog rau niaj hnub no ces koj yeej yog ib tug neeg saub sab sij huam lawm.
  • yog hais tias koj yog ib tug neeg laus ces koj txawj nyob ib sab ntuj los koj yeej muaj qhov xav txog lwm sab ntuj.
  • yog hais tias koj yog ib tug neeg hluas yug nyob rooj teb no ces koj yuav tsis muaj qhov xav txog sab ntuj twg ntxiv li lawm.
  • yog koj yog ib tub rog Vaj Pov ces koj yeej paub hais tias kev ua kob tsov rog Nyab Laj thiab Secret War in Laos zoo li cas.
  • yog koj yog ib tub rog Cob Fab uas koj nej hnub khiav nkaum nyob rau hav zoo hav tsuas ces qhov koj paub yeej yog txij li koj tau ua los lawm muaj li cas ces koj tsuas paub txij li ntawm xwb.
  • yog koj yob ib tug tub kawm ntawm qib siab nyob rooj teb no ces koj yuav tsis paub lub hauv paus thiab hauv ntsis tsov rog yav ntuj qub qab zoo li cas nyob hauv koj nruab siab los ntawm koj lub qhov muag kiag.  Tab sis, koj yuav muaj lub zeem muag paub thiab pom nyob hauv koj nruab siab hais tias zaj dab neeg keeb kwm tsov rog nyob yav ntuj qub qab zoo li cas thaum koj mus nyeem luag tej dab neeg piav txog lub teb chaws ntawm ces koj yeej nkag siab zoo.

Mas yog li ntawm, nyob ntawm koj nyob rau category twg ces koj yuav paub txij yam ntawm rau koj lub neej es peb tej koom haum Hmoob tam sim nov thiaj li hais tseg lawm hais tias peb yuav tsum nco txog peb cov qub tub rog tus txiaj ntsim uas yog lawv tau muab lawv tej roj ntsha mus pua daim av Nplog thiab tuam choj rau peb Hmoob tuaj mus pib peb lub neej tshiab nyob rau cov teb chaws vam meej tag lawm ces peb Haiv Hmoob thiaj li yuav tsum tau lees paub peb tej qub nom qub tswv thiab kev nco txog tej laus kom tag lawv tiam tso mas dhau ntawm mus ces peb twb ho yuav tig los mus nco txog peb cov laus neeg uas lawv mam xeem tuaj yug nyob rau Meskas teb tiam vim lawv yog peb cov niam cov txiv tshiab uas lawv mam xeem tuaj yug nyob rau rooj teb no mus rau tiam tom ntej mus tsis tag tsis kawg.

Yog yuav tham txog kev ua kob tsov rog Nyab Laj ces luag neeg ntiaj teb tuaj ua tsov rog loj npaum li xob nroo tsis hais nruab hnub los hmo ntuj ces yog thaum luag xaus tsov rog lawm peb Hmoob ho yuav tig rov pib dua tej nyuag tsov rog hav fab uas sawv daws yuav siv niam lub zog noj mis ua xwb ces peb Hmoob thiaj li cob pob tuag tas vim peb Hmoob tsis paub txog luag tus xwm txheej ntiaj teb ces thaum peb twb nyob rau hauv luag lub xib tes lawm los peb tseem hais tias peb mas muaj yeej loj npaum ub npaum no ces thaum kawg peb thiaj li piam sij tag mas yog li ntawm peb yug los ua Hmoob peb yuav tau xyaum yoog luag tus xwm txheej ntiaj teb li teb li chaws es thaum luag hais tias lub teb chaws thaj yeeb lawm ces peb Haiv Hmoob yuav tau tig los ua neeg zoo seb puas dim txoj sia xwb zoo dua mog.
Back to top Go down

AuthorMessage
Yajceebtshiab
Moderator
Moderator


Posts : 347
Points : 396
Reputation : 0
Join date : 2014-10-03

PostSubject: Re: Hmoob Teb Chaws Kev Tu Siab   Sat Aug 20, 2016 7:54 pm

Caofa/Cobfab=ntswvntuj

Lub npe Caofa thiab kev siv lolus Caofa yog lus Nplog txhais haistias Tswvntuj.

Nyob hauv kev tswjkav Nplogtebchaws txij li muaj vajntxwv "fuabtais" tsev neeg vaj cov tub-ki thiaj hu tau lub npe Caofa xwb.

Hauv Nplogteb Hmoob muaj 2 tiam Caofa uas tsis yog tsev neeg Vajntxwv Nplog cajces.

1 Caofa Pajcai vwj"puascai Vwj" nrog rau nws cov meejthawj npojyaim timxyoob. Caofa Pajcai Vwj keebkwm ntxaws yog nyob hauv tseemfwv Nplogliab mojkabsim kwbteem tseg vim Nplogliab siv Pajcai txojcai livxwm khiav fai kumxeeb tawmtsam Fabkis thiab USA tau txais kev muajyeej saum txojcai dawstso tau Nplogtebchaws tawm ntawm kev zwm nce rau cov tebchaws ywjpheej los mus zwm rau cov tebchaws koompheej xyoo 1975 rov hauv. 


Caofa Pajcai sawv tawmtsam Fabkis vim kev nce se nyhav tsub nqi pejxeem thiab quabyuam saws nqi se kaujnyem pejxeem txhua nywjkeeb tau txais kev kub ntxhov hauv txoj kev ua neej txhua hnub.  Pajcai Vwj lubzeemuag thiab txheebmeemmooj yog daws tso pejxeem kom dim ntawm lwm haivneeg txawv tebchaws txojkev kaujnyem quabyuam...


Caofa Hmoob 1975 tshwmsim tau licas?

Tomqab 1975 ntawm ntswjrog nthuav fwjchim ntawm txojcai txwmlij koompheej nyob sab Esxias, nws yog kobrog sib tawmtsam tw tswvyim thiab fwjchim ntawm USA+cov tebhcaws ywjpheej thiab Soviet+cov tebchaws koompheej nyob Yajsab Esxias sab hnub tuaj ramqab uas yog Nplogteb, Cobtsibteb, kasphuxasteb yog samthiaj rau npluavrog txwmlij xaus.

Nyob Nplogteb uantej 1975 tau muaj kev coglug koom haiv ntawm 2 tog Nplog koompheej thiab ywjpheej zoosiab koomtes cheem tswmrog tus, thiab haivneeg Nplog txhua pab yuavtsum sib pab sib txhawb los txhim kho haivneeg Nplog kom tsim tsa muaj kev thajyeeb los rau pejxeem txhua nywjkeeb haiv kujcuab Nplog ua neej tsimthaij lub tebchaws caum kev vammeej ntiajteb.


Thaum kev coglus ruaj ntseg lawm tsoom neeg txawv tebchaws pab tog ywjpheej kuj ceebkoobxeej thiab tawm hauv Nplog mus, lawv cia Nplog mam tig sib kho kom haumxeeb, tabsis ntawm tog koompheej ces suav thiab soviet kuj tawm raws kev coglus-hos cov Cobtsib koompheej tsis kam tawm.  Cobtsib tau haistias kev coglus tsuas yog kom Fabkis-USA/suav thiab Soviet tawm xwb tsis tau haistxog Cobtsib.

Thaum kev covnyom muaj raws li hais, haiv neeg Nplog thiaj sib kho tsis muaj kev haumxeeb vim Cobtsib tseem tswj Nplog koompheej thiaj ua txha nqajqaum txheem kom ntiab cov Nplog ywjpheej tawm tebchaws. 1975 thiaj ntiab GVP thiab cov tuamthawj peebzeej Nplog ywjpheej tawm tebchaws, thiab ntxias cov tuam meejthawj lwm meejthawj nrog rau tsevneeg Vaj Nplog ti nkaus rau cov kws kobxwb fai lajtxheej tsoomfwv nplog ywjpheej txhua qib mus kawm kevcai koompheej thiab muab lawv txo thivmeem los mus teemtxim raws nyias lub txim loj-yau raws nyias thivmeem hauv lajfai tseejtswj.

Lub sijhawm ntawv kiag GVP tau ya tawm tebchaws tiamsis nyob hauv cej 2 peebzeej thiab pejxeem Hmoob nyob GVP qab tswjfwm kuj tseem nyob ua noj ua haus raws nyias zejzos lomzem xauv npo, tiamsis kuj muaj ib feem yog nomtswv fab peebzeej uas yog GVP+CIA tsa los txhawb lub zog ntawm Cej 2 thiab ib txhia cov txheebze GVP kuj nrhiav kev khiav lawv GVP qab vim Cobtsib thiab Nplog koompheej rhuav kev coglus hauv tuamceeb haistxog tsim kev haumxeeb thajyeeb tsa haivneeg Nplog kom koom tau cagleejkeebkum thiab txheebmeemmooj ib tug kom koom tau ua ib haiv.

Nplogliab Nplog koompheej muaj qibtxam kom tuaj mus ntxias coj cov peebzeej, thawj peebzeej, tswv zos, tswv nroog txhua tus uas tuav thivmeem lajtxheej fai uas yog GVP+CIA tsa nyob coj 2 mus kawm koompheej cai thiab mus txais kev qhuab-qhias ntawm Nplogliab thiab cobtsibliab ntawm lub qab xyoo 1975-1976 raws ib cheebtsam Loojceeb, Pha-khao, xamthong thiab cov zejzos me nyob hauv cej 2 xeev Xiengkhuang tebchaws Nplog.

Peebzeej Nplogliab thiab cov meejthawj lajfai kumxeeb hauv plawv yisfai Nplog koompheej tuaj txeem cov zejzos no thiab tsim kev kub ntxhov tos kev tua/caws hoobpob rau pejxeem tej kev mus ua noj thiaj ua rau pejxeem tuag thiab ntshai, thaum muaj xwjxwm thiab xwmtxheej li hais, lawv kuj muab cov teebmeem no rov liam rau GVP thiab CIA hais tias yog lawv rov los tua thiab caws hoobpob rau s/d kev ua noj ua hnav. 


Tiamsis Hmoob ywjpheej pwjcheeb no paub txog xwmtxheej zoo haistias teebmeem yog tshwmsim licas tiag vim lawv twb pom kiag peebzeej Nplogliab yog cov tsim tej teebmeem no ntag, yog lino tsoom pejxeem thiaj ywjfab ywjfwj tsis nyabxeeb uaneej+uanoj uahnav ces lawv thiaj sib sau sablaj nrhiav kev cawmsiav tsoom pejxeem Hmoob nyob thajtam ntawv.  Lub sijhawm ntawv kiag tseem tsis tau muaj Caofa lub npe vim haistias pejxeem nyuamqhuav pib sawv tawmtsam Nplogliab tus cwjpwm phem limhiam no me ntswb mentsis uas tsis kam ceebkoobxeej Nplogliab tus lajtxheej fai rhuav tshem pejxeem Hmoob ywjpheej.

Muaj sijhawm mam rov tuaj tham txuas ntxiv...


Last edited by Yajceebtshiab on Sat Aug 20, 2016 8:51 pm; edited 2 times in total
Back to top Go down
View user profile
nrhm
Guest



PostSubject: Re: Hmoob Teb Chaws Kev Tu Siab   Sat Aug 20, 2016 8:20 pm

Yajceebtshiab, koj txawj piav txog tus xwm txheej tsov rog nyob hauv Los Tsuas teb thiab tus xwm txheej tsov rog tuag tshaib cob fab kawg li os.  Koj av tsij tuaj piav kom ntau rau sawv daws tau nyeem vim koj cov lus yeej tham tau muaj kuab kawg li.

Nyeem Hauv Nov Seb Muaj Dab Tsi mas yog li ntawm kuv tus kheej ces tsis paub hais tias huab tais Los Tsuas tus tub Princess Vong Savang thiab peb Hmoob cov neeg cob fab lawv lub code name puas yog siv tib lub npe xwb los li cas hos raws li kuv xav xwb mas peb cov neeg Hmoob ua cob fab mas lawv tsis yog neeg nrog luag ua tsov rog Secret War in Laos uas yog kob tsov rog Air War hauv Nplog teb vim lawv yog cov neeg tom qab lub teb chaws Los Tsuas, Khaj Meej teb, thiab Nyab Laj Qab teb raug swb tsov rog mus ciaj ua tog koos sam tag lawm ces cov neeg Hmoob cob fab ntawm tsuas yog peb ib co neeg Hmoob uas seem poob rau hav zoo hav tsuag es lawv tawm tsis tau mus rau qhov twg li lawm ces lawv mam xeem pheev xeem tawm tuav tswv yim seb lawv puag yuav nrog luag muaj teb chaws xwb vim lawv tseem nco nco lawv tej qub teb qub chaw ces lawv khiav tsis taus mus rau txawv teb chaws mas lo lus, "Cob Fab" ntshe yuav yog cov neeg nkaum hav zoo hav tsuag es lawv ntsia pom lub ntuj ntsuab nkaus nkaus xwb ces lawv thiaj li siv lawv tus code name yog cob fab xwb ces Cob Fab = Jungle people or people over the cloud uas yog lawv tus code name nyob toj roob hauv pes xwb los muaj.

Yog koj muaj sij hawm Ho Mus Nyeem Qhov Nov Seb Yog Li Cas

Tej lus kuv tham pem nov mas tsuas yog lus khwv yees tham xwb tsis yog ib co lus tshawb fawb tau qhov twg los li cas es qhov kuv paub ces tsuas yog li ntawm nkaus xwb......hahahahahaha.
Back to top Go down
Yajceebtshiab
Moderator
Moderator


Posts : 347
Points : 396
Reputation : 0
Join date : 2014-10-03

PostSubject: Re: Hmoob Teb Chaws Kev Tu Siab   Mon Aug 22, 2016 10:10 pm

Muaj sijhawm mam tuaj teb ntxiv koj cov lus tham txog rog vietnam thiab rog Caofa nws txawv li cas...

thiab li mam tuaj sau txuas mus tshab txhais txog cov koom tsis haum Caofa uas tsis raug cai nyob USA ntau ntau lub hajhajhaj.
Back to top Go down
View user profile
nrhm
Guest



PostSubject: Re: Hmoob Teb Chaws Kev Tu Siab   Wed Aug 24, 2016 7:10 pm

Yajceebtshiab, ua li ntawm mas.

Thaum twg koj nrhiav tau zoo keeb kwm los yog koj tshawb fawb tau koj tej keeb kwm tag ces koj mam coj tuaj sau rau peb tau nyeem laug hnub hos kuv ces raws li tej laus hais tseg mas thaum GVP lawv tseem tuav tsoom tub rog nqe 2 nyob sab qaum teb Los Tsuas ces yeej tseem tsis tau muaj cob fab li cas vim cob fab los yeej tseem yog tog ywj pheej cov neeg xwb ces lawv yeej tsis muaj ib lub suab los yog ib yam dab tsi uas yuav coj los qhia rau nom tswv neeg Los Tsuas hais tias yog lawv teej tug thiab lawv xav tau dab tsi li cas ces thaum Yaj Soob Lwj sawv los tsim tsa kom muaj lub npe niam ntawv ces Yaj Soob Lwj lub zos tseem ho nyob rau tham tsam ntawm taw roob Phu Npiab uas yog CIA cov nyob hoom txoj ncauj ke ya tuaj mus rau Looj Ceeb thiab ces yog Yaj Soob Lwj ua tsev kheej thiab tsa khaub hlab liab thiab khaub hlab ntsuab ces GVP lawv thiaj li tso nyob hoom mus ntxuav Yaj Soob Lwj lub tsev kheej ua me qhov npoos liab pes vog raws li hnov muaj tus tham li ntawm ces tsis ntev xwb Nplog lub teb chaws twb muaj xam tib phaj lawm ces kawg GVP los yeej nti tsis tau lawm vim Tsoom Fwv Americans cov nyob hoom rov qab mus rau Udom Thaib teb tag lawm ces GVP yuav tau mus ua Nplog lub noob ces txij thaum ntawm los mus peb cov tub nrog Hmoob SGU thiaj li nraug ntxhuav hlwb (suav ib tug zuj zus) thiab peb cov niam cov ntxiv uas muaj feem cuam tshuam txog kev ua kob tsov rog Secret War in Laos pab tsoom Fwv Americans thiaj li raug ncaws tawm teb chaws los yog poob hwj chim mas raws li muaj tus hais tseg li ntawm es seb puas yog li ntawm xwb lau vim txij thaum lub xyoo 1973-75 ces Hmoob yeej pib txom nyem zuj zus lawm los yog hos lug tog koos sam ces yeej npaj ua tsov rog zaum kawg lawm xwb ces peb cov niag pej xeem thiaj li raug mus ua Hmoob cob fab noj kaus xyoob kaus ntoo cob pob tug tag los muaj.

Hais txog Cob Fab mas peb yuav tsis paub lawv zoo vim peb tsis yog cov neeg nyob sab ntuj tim ub thiab lawv lub zeem muag tsis yog peb txoj kev xav vim peb tsuas paub txij GVP cov qub tub rog Hmoob SGU xwb hos cov neeg mam xeem loj tuaj thiab mam khwv tswv yim hais tias lawv xav nrog luag neeg ntiaj teb muaj teb chaws mas peb lub hlwb tseem khiav tsis tau nrog lawv lub zeem muag tau vim peb tsis muaj txoj cai nyob ib lub teb chaws yuav ntshaw txog lwm lub Hmoob teb chaws txoj kev ntshaw mas peb ua tsis tau li ntawm raws li kuv tus kheej xav xwb.

Peb cov nom tswv Hmoob thiab txov tub txawj ntxhais ntse nyob rooj teb no twb nej hnub hais tias peb Hmoob nyob lub teb chaws twg yuav tsum hwm lub teb chaws ntawm peb thiaj li nrog luag muaj neej ua ces qhov peb txaus siab ces yog li peb cov thawj coj hais xwb peb thiaj li yog neeg zoo hos yog peb cov Hmoob nyob yav ntuj qub qab ho cia li nrog luag muaj province saib es hnub twg lawv lub teb chaws quaj ntsuag tuaj thov txog peb Hmoob-Meskas mas peb thiaj li muaj cai mus pab lawv raws li peb lub teb chaws Meskas pom zoo xwb hos dhau ntawm ces peb yeej ua tsis tau ib yam dab tsi kom zoo leej twg siab li vim peb Hmoob-Meskas kiag peb twb pab tsis tau peb lawm ces peb tsis tag hais qhov yuav mus pab Hmoob lwm lub teb chaws txoj kev ua neej li os vim peb twb tsis tau muaj cov neeg tub lag luam txog lab nyiaj txiag rov saum es peb yuav ua li cas thiaj li thov tau nyiaj mus pab leej twg nyob lwm lub teb chaws li cas.  Kuv xav ces, "No" xwb os.



Thaum ub kuv pom Hmoob muag Paj Kaub lawv daim movie nov ces kuv yeej nrog Hmoob tu siab hais tias Hmoob twb nrog luag neeg mab ham as naj (superpower) ua kob tsov rog Nyab Laj loj npaum li ntawm es Hmoob ho yuav rov tig mus ua tej nyuag tsov rog cauj puam kom Hmoob tuag tu noob mas cas yuav mob hlwb ua luaj li vim Hmoob tsis paub txo hwj chim nrog luag neeg ntiaj teb ua neej es kom Hmoob ciaj neeg es mam li nrog luag sib tw ua nom ua tswv hauv zej hauv zos xwb zoo tshaj qhov Hmoob muab cov ruam siav mus nkaum hav zoo hav tsuag  es cia li raug luag tua tuag tu noob dawb dawb xwb mas tsis tsim nyog yug los ua Hmoob ib zaug li os.

Lub neej thaum GVP muaj cai siv nyob hoom saum nruab ntug mas vim yog luag lwm haiv neeg tuaj mos GVP cov tub rog nruab hnub thiab hmo ntuj yuav ua kom Hmoob thiab Nplog piaj sij mus ces Hmoob thiab Nplog tog nyob rau hauv vaj ntxwv huab tais Los Tsuas thiaj li muaj cai ya saum nruag tug xwb hos cov cob fab nim nov mas lawv yog cov neeg nyob qhov tws thiab lawv tsis muaj cai tsim kev kub ntxhov ces yog lawv tsis tawm los ua neeg zoo ces kawg raug luag caum li caum kauv xwb ces kawg tuag tag li los muaj mas yog li ntawm.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sat Aug 27, 2016 11:23 pm





Koj tus paub tab na... GVP thiab President Nixon nkawv sib saum daim duab nov yog puag thaum twg los lawm los yog nkawv nyuam qhuav tuaj sib ntsib tom qab lub xyoo 1975 xwb?

http://imgur.com/gallery/zucNF2x

http://blogs.egusd.net/tor/interviews/vietnam-war/joe-scheimer/#jp-carousel-1342



Lub Sij Hawm Ntawm Tseem Nco Tau
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Aug 31, 2016 11:35 am



Thaum ub mas GVP lub code name ya saum nyob hoom mas yog hnub qub dawb thiab liaj dawb thiab Hmoob cov T-28 lub code name mas yog Chao Pha hos tam sim nov huab tais Hmoob thiab Hmoob teb chaws lub code name ho yog zaj dawb lawm mas tsis paub hais tias ua li nyias lub code name puas muaj hwj huaj thiab peev xwm pab tau nyias zaj keeb kwm npaum li cas.......hahahahahahahaha.

http://www.tojsiabduab.com/duab-955029

Yog tham txog zaj dawb mas ntshe yuav yog huab tais Nplog lawm los muaj vim thaum ub yawg Phas Nyas Tub Npis Lis Foom thiaj li tau nrog Vaj Ntxwv Huab Tais Los Tsuas nyob noj sib hlub haus ua ke thiab Fabkis thiaj li yog cov tswv ntuj uas muab teb chaws rau Nplog nrog luag muaj tug xwb hos yog tham txog txiv yawg mas ho yog Hmoob Suav nyob puag pem Suav teb lawm ces qhov ntawm yuav tsum yog Suav muaj feem cuam tshuam pab tau Hmoob-Nplog mas luag thiaj li pab hos yog Nplog thiab Hmoob sib hlub lawm ces ncej ntug tseg.

Piv xam li nov, yog Nplog rov muaj huab tais zaum ob thiab yog Hmoob tig rov pab huab tais Nplog ces Huab Tais Nplog yuav tsum lees muab ib ob lub teb chaws Hmoob ua Hmoob provinces rau Hmoob nyob kom nrog luag muaj vaj huam sib luag los yeej tsim nyog okay kawg li lawm tiag vim nyob lub teb chaws Los Tsuas mas Nplog tsis zoo li luag lwm haiv neeg es lawv yuav ua ntuj liab teb ntsuab kom teb chaws ntxhov nyho li luag lwm teb chaws ces neeg yeej sib haum xeeb tau hos yog tsis muaj li ntawm ces kawg peb cov Hmoob-Nplog yuav tsum tau nrog Nplog sib tw ua neej es seb hnub twg peb Hmoob-Nplog puas yuav nrog muaj taus cov ntsev ntsa iab thiab lag luam ua kom Hmoob-Nplog nrog luag muaj neeg ua xws luag ces Hmoob txawv teb chaws yeej muaj kev zoo siab kawg li lawm tias peb Hmoob muaj lub chaw rov mus vacation tim ub rau tim no hla hiav txwv ces yeej muaj chaw mus vim peb Hmoob txawv teb chaws lub neej tsis zoo li cov neeg hav zoov xav vim peb mus ciaj ua dua ib cov neeg Hmoob tshiab nyob lwm lub ntiaj teb lawm ces peb muaj peb kev ywj pheej, peb nom peb tswv, thiab peb teb chaws lawm ces qhov peb yuav tig rov mus ua dev xav quav kom dev sib tog ces tsis muaj ntxiv lawm mog.

Yog hais tias koj yug los ua ib tug Hmoob zoo neeg nyob rau lub teb chaws vam meej mas koj yuav tsum paub hlub koj cov neeg ib yam li cov pawg ntseeg kom koj nrog luag muaj feem cuam tshuam thiab nti taus mas koj thiaj li yuav muaj txoj caij thiab hau kev tig rov mus txhim kho Hmoob yav ntuj qub qab lub neej kom caum cuag luag neeg ntiaj teb txoj kev vam meej thiab nrog luag muaj vaj huam sib luag ces yog Hmoob Nplog muaj txoj cai nyob thoob plaws lub teb chaws Los Tsuas yav qaum teb mus ti nkaus qab teb thiab sab hnub tuaj mus tis nkaus sab hnub poob los Hmoob muaj cai ib yam li ib co zoo neeg (tsis raug label ua neeg phem ) lawm ces thaum ntawm txawm Hmoob yuav tsis nrog leej twg muaj ib daim av hu ua Hmoob teb chaws los Hmoob yeej nrog luag muaj noj muaj haus, muaj vaj muaj tsev, thiab muaj nom muaj tswv nyob thoob plaws lub teb chaws Los Tsuas lawm ces lub teb chaws Nplog thiaj li yog Hmoob nrog Nplog muaj tug hos zoo li niaj hnub nim nov es Hmoob nyob txog twg los cov tsev ntsa iab yog luag tug thiab luag lwm haiv neeg tug xwb ces Hmoob kawg ua puav dai taw puab luag ntug zos xwb ces kawg sawv daws yuav tau nej hnub saib peb Hmoob cov videos mus yos hav zoov tua tsiaj thiab txhom ntses lawm xwb los muaj.

Txoj kev koj yuav tig rov mus hlub Hmoob tsis yog koj yuav kom neeg sau nyiaj ntsaws hnab tsho tag li xwb ces Hmoob txawm muaj teb chaws yuav tsum yog cov neeg nres hauj lwm rau Haiv Hmoob muaj kev tshawb fawb txog Hmoob kev ua neej nyob yav ntuj qub qab seb lawv nyob li cas lawm thiab qhov lawv ntshaw tshaj plaws thiab xav tau kev pab nyob hauv lawv tej neej yog dab tsis ces thaum lub ntiaj teb thiab luag tej nom tej tswv sib haum xeeb es luag tso cai rau koj tus nres hauj lwm rau Hmoob yav ntuj qub ua tau dab tsi es luag tso muaj cov Hmoob sawv cev rov mus saib Hmoob yav ntuj qub qab lawm ces koj thiaj li tig rov mus pab tau Hmoob kom peem tsheej (yug los loj dhia dhees, muaj liaj teb ua noj ua haus, muaj txiv hmab txiv ntoo ua tug, muaj dej haus nyob rau tog vaj tog tsev, thiab cov hoob tawm rooj rau neeg siv) xwb hos qhov ib cov neeg yuav ntxias Hmoob txawv teb chaws rov mus ua dev xav quav kom Hmoob raug nyob qhov tws xwb ces Hmoob tsis ruam li npua lawm kom sawv daws yuav tsum nkag siab li ntawm.

Vim li cas luag cov pawg ntseeg thiaj li muaj feem cuam tshuam rov mus pab Hmoob nyob thoob plaws lub ntiaj teb?

Vim luag txoj cai pab tib neeg lub neej kom muaj kev ntseeg siab rau nyias tus kheej thiab tsev neeg vim yog muaj tswv ntuj yog tus tsim lub ntiaj teb thiab muab txoj sia rau tib neeg yug los ua neej tiam dhau tiam ces luag txoj cai yog mus nthuav lub moo zoo thiab pab tej neeg txom nyem uas tseem muaj cov neeg quaj tsa tes thov ntuj kom muaj txoj kev cia siab rau tus cawm seej kom muaj nyob muaj pab ua pawg es luag cov neeg pawg ntseeg thiaj li muaj txoj cai tig rov mus hlub Hmoob vim qhov luag cov pawg ntseeg mus hlub neeg mas luag tsis yog mus nrog lub teb chaws twg sib tseeb nom tswv kav ua thiab luag tsis yog mus tawm tsam ib lub teb chaws twg txoj kev cai lij choj ces luag cov pawg ntseeg thiaj li mus tau dawb huv.

Koj tus paub zoo txog lub neej vam meej thiab lub neej poob qab yog zoo sib txawv li cas tiag?

Lub neej vam meej ces ib lub qhov ncauj ob txhais tes taw khwv xwb los yeej txaus ib tse neeg noj thiiab haus lawm hos yog ob niam txiv khwv tib si ces me nyuam yeej tsis nrog luag leej twg muaj kev txom nyem lub neej li lawm thiab yav thaum laus los luag cov laus neeg xam pom lub neej pem suab hais tias luag cov laus neeg lub neej mus txog twg xam tau luag txoj kev khwv tiam dhau tiam ces luag yeej muaj kev txaus siab rau luag lub neej mus tsis tag tsis kawg.

Lub neej poob qab ces yog kaum lub qhov ncauj mas yuav tsum yog muaj nees nkaum txhais tes taw mus sib pab khwv saum lub luaj qoob luaj loo mas thiaj li nrog luag muaj pluas noj pluas haus thiab yav thaum laus ces kawg cov neeg laus ua yoov ntxuav muag lawm xwb.









Back to top Go down
nrhm
Guest



PostSubject: Re: Hmoob Teb Chaws Kev Tu Siab   Sun Sep 04, 2016 11:01 am

Lus noog Koj tus thawj coj Hmoob nyob lub nroog no li nov:

Q.  Koj lub nroog muaj Hmoob nyhob coob txog caum txhiab thiab muaj txog caum lub koom haum Hmoob ua li koj lub nroog ua ib lub koob tsheej tseem ceeb nrov thiab ncha mus thoob plaws lub ntiaj teb ua li nej muaj tsawg lub koom haum nyob koj lub nroog thiaj li tau nrog koj ua tswv noj thiab tau peev?

A.  Kuv lub nroog txawm yuav muaj Hmoob nyob coob txog caum txhiab tus thiab txawm yuav muaj txog caum lub koom haum los yog leej twg yog tus tswj thiab tus tswv tuav lub koob tsheej lawm ces lub koom haum ntawm thiaj li yog lub ua muaj feem ua tswv thiab nrog luag tau peev xwb.

B.  Kuv lub nroog muaj Hmoob txog caum txhiab tus thiab muaj txog caum lub koom haum los thaum muaj ib lub koob tsheej tseem ceeb ua lawm kuv yeej kom txhua lub koom haum tuaj nrog koom siab ua tswv thiab tuaj txhawb lub dab zog rau lub koob tsheej txais tau hais tias tau peev los sawv daws tau hos poob peev los sawv daws poob vim kuv muaj cov section rau txhua lub koom haum tuaj nrog saib xyuas thiab thaum tau peev lawm cov nyiaj txiag yuav faib kom sib npaug rau sawv daws nyias tes dej num.

C.  Kuv lub nroog txawm yuav muaj Hmoob nyob coob txog caum txhiab tus thiab txawm yuav muaj txog caum lub koom haum los yog lawv tsis yees sib pab tuaj ua tswv ua ke ces kawg kuv ua tau ces yog kuv lub koom haum tuav tag nrho cov peev xwb.

D.  Kuv lub nroog txawm yuav muaj Hmoob nyob coob txog caum txhiab tus thiab txawm yuav muaj txog caum lub koom haum los sawv daws tsis sib koom siab tuaj nrog ua tswv vim nyias khav nyias txiv ces cia tsov yeem noj nqai hos npua yeem noj xuas vim txhua lub koom haum tsis muaj kev ncaj ncees yuav koom siab tuaj siab pab ua tswv ua ke lawm ces cov tsis txawj khwv nyiaj los yuav tau ua yoov ntxuav muag xwb es thaum pom leej twg lub koom haum khwv tau tau nyiaj txiag los tsis txhob nroo hlob nroo yau hais tias yog sawv daws tsis koom siab.

E.  Txhua nqe lus li hais los lawm saum nov tsis muaj ib yam dab tsi tseeb hlo ces siv tsis taug cov lus tag nrho li cas.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Wed Sep 07, 2016 8:04 am



Peb Hmoob yuav ua li cas thiaj li nrog luag muaj tau Hmoob teb chaws vim peb Hmoob txawv teb chaws kiag uas yog cov me nyuam mam xeem tuaj yug dua tiam tshiab nyob rooj teb no kiag los peb tsuas paub txij li txuj ci Nplog dance los siv sib tw ua txuj ci Hmoob xwb vim peb Hmoob yeej ua tsis tau ib yam txuj ci tshiab uas yog peb Hmoob ntiag tug hlo li mas qhov Tiag tiag ces peb Hmoob yeej tseem yog Nplog lub noob li qub es txawm peb Hmoob yuav khiav lub teb chaws Los Tsuas mus nyob rau ces kaum ntuj twg lawm los sawv daws yeej nti tsis dim ntawm txoj kev tseem nco nco lub teb chaws Nplog ces sawv daws yuav tau xyaum Nplog tej txuj ci los qhia me tub me ntxhais kom paub hawm, paub qoj, thiab paub hlub Nplog ib yam li Hmoob hlub Hmoob vim qhov Hmoob tsis nrog luag muaj txuj ci txaus xyaum mas Hmoob yog neeg toj siab thiab neeg hav zoov xwb.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Mon Sep 12, 2016 7:37 am

Peb Hmoob teb chaws kev tu siab lub neej yav ntuj thaum ub lub zeem muag los txog rau niaj hnub nim nov zoo li cas xwb?

Peb Hmoob muab cais ua 3 lub zeem muag zoo li nov:

  1. lub zeem muag ib yog pab Hmoob nrog GVP tiv thaiv txoj kev ywj pheej rau Hmoob taug mas pab Hmoob no lawv raug tawm teb chaws mus nyob rau txawv teb chaws tom qab kob tsov rog Nyab Laj xaus.  Qhia tau hais tias tog ywj pheej tsuas yeej lub neej pem suab rau tiam tshiab xwb.
  2. lub zeem muag ob yog pab Hmoob tsis paub txiav sim siab rau lawv lub neej yuav taug txoj kev twg tom qab kob tsov rog Nyab Laj xaus lawm lawv tau tawm khiav mus nyob rau hav zoov hav tsuag thiab nyob ua sab ua sua cia li ploj tag hauv daim av Nplog lawm los muaj.  Qhia tau hais tias lub neej tag li ntawm.
  3. lub zeem muag peb yog pab Hmoob yeej ib txwm tuaj tog koom sam thiab lawv yog tog muaj yeej rau kob tsov rog Nyab Laj los txog rau niaj hnub no vim lawv tseem ua lub neej nyob zoo ib yam li tej laus ib txhis coj noj coj ua li Hmoob lub qub neej. Qhia tau hais tias tog koom sam yog tog muaj teb chaws.
Back to top Go down
nrhm
Guest



PostSubject: Re: Hmoob Teb Chaws Kev Tu Siab   Tue Sep 13, 2016 11:17 am

Lub npe Hmoob txawm yuav muaj ib daim av rau Hmoob nej hnub nyob ua noj ua haus ua Hmoob tug los Hmoob tsuas pom txij ib ib sab roob thiab ob txhais ko taw mus tsuj txog xwb ces txawm Hmoob twb nyob kiag hauv Hmoob daim av lawm los Hmoob tseem ua npau suav toog hais tias daim av Hmoob nyob tsis yog Hmoob daim thiab Hmoob tug li ces Hmoob thiaj li tsis nrog luag muaj teb chaws vim Hmoob tseem tsis tau muaj tus tswv yuav los coj Hmoob qhia Hmoob tsim Hmoob lub neej vim Hmoob yog ib co neeg tsis tij lim thiab tsis paub qab hau li ces kawg Hmoob yuav tsum tau ua lub neej puab luag ntug zos thiab qab ke es khwv tau li cas los yug txoj sia los lam nyob lam noj li ntawm mus seb lub neej yuav xaus li cas xwb.
Back to top Go down
 
Hmoob Teb Chaws Kev Tu Siab
View previous topic View next topic Back to top 
Page 6 of 7Go to page : Previous  1, 2, 3, 4, 5, 6, 7  Next

Permissions in this forum:You can reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Welcome Guests Zoo Siab Txais Tos Qhua-
Post new topic   Reply to topicJump to: