Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Latest topics
» Hmoob Tuav Cos
by Guest Yesterday at 10:12 pm

» Hmoob 18 Xeem Yog 18 Ces Neej Tsa
by 8tos8nco Yesterday at 10:09 pm

» Hlub Koj Nyob Deb
by PajTshiab Yesterday at 10:34 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» Tseem Nyob Tos
by Guest Fri Dec 02, 2016 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

» Tsum Hmov Ntxim Qab
by 8tos8nco Thu Nov 03, 2016 5:24 pm

Keywords
ntsuab lawm vang nrhiav neeg hmong hmoob txiv txoj ntxhoo hlub siab txhiaj liab bauj NkaujNyiag Npauj niam muas Npaim Nyob muaj baim neej duab nkauj
Statistics
We have 67 registered users
The newest registered user is tubsiabzoo

Our users have posted a total of 22575 messages in 921 subjects
Who is online?
In total there are 7 users online :: 0 Registered, 0 Hidden and 7 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 Npau Suav

View previous topic View next topic Go down 
Go to page : Previous  1, 2, 3, 4, 5, 6 ... 9 ... 14  Next
AuthorMessage
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Npau Suav   Sat Oct 10, 2015 6:48 pm

First topic message reminder :



Cov phooj ywg,

Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.

Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no. 

Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.

Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.

Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.


Koj sim muab coj mus xav seb koj ho yuav ntaus nqi li cas thiab no???


Last edited by Ntsuj_Plig on Thu Mar 31, 2016 11:31 am; edited 3 times in total
Back to top Go down
View user profile

AuthorMessage
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Npau Suav   Sun Jan 10, 2016 9:58 am



8tos8nco.....,

Qhov tseeb tiag ces kuv yug los ua ib tug tub ntsuag nws yeej tsis tsim nyog txoj kev ua hluas nraug tiam no li vim tias txawm yuav muaj tus puav hluas nkauj lawv pom yus tham lus luag ntxhi nrog lawv los tej zaum lawv kuj yuav nyiam yus tus yeeb yam thiab lub suab luag tab sis yus yeej tsis muaj peev xwm yuav hais rau leej twg tias koj puas kam yuav kuv vim yus yeej paub zoo tias yus yug los tiam no lub neej poob qis.
Back to top Go down
View user profile
8tos8nco
Moderator
Moderator


Posts : 2421
Points : 4583
Reputation : 17
Join date : 2009-02-08

PostSubject: Re: Npau Suav   Sun Jan 10, 2016 2:07 pm

Ntsuj_Plig, muaj ib nrab hluas nkauj mas lawv nyiam tub ntsuag ces lawv yeej hais lus luag ntxhi rau koj es seb koj puas yuav kaj siab thaum koj nyob ib leeg los muaj vim lub ntiaj teb no txawm koj yog tub ntsuag xwb los thaum hluas nkauj ntsia koj zoo li ib tug me nraug xwb uas lawv xav tawb xav hais lus rau seb koj puas yuav txawj chim thiab los yuav nyob tau tus me nros ntshis mluag mlob mas tseem ua rau hluas nkauj xav coj koj mus rau tej daim teb es kom muaj neb ob leeg nkaus xwb vim hluas nkauj yeej xav kom muaj tej tus txiv leej tub zoo li ntawm ua lawv luag taug kev, mus de zaub noj zaub npuas, thiab mus ua teb mas txhob tus siab vim qhov koj xav tau tias ntshe sim neej no yuav tsis nrog luag muaj tus hlub seb zoo li cas los koj twb muaj tus kam qhia koj hais tias kev hlub ntawm ib tug hluas nkauj nyiag nyiam koj es nws twb pub koj paub nws txoj kev nkauj kev nraug zoo li cas lawm ces hluas nkauj yeej ua kom koj feeb pem thiab siab dai huam lawm ntag ne.

Tab sis, yog koj tij laug thiab niam tij nkawv tus niam hluas tsuas qhia nws txoj kev hlub ib zaug rau koj xwb mas koj yuav tau huv es txhob nrog nws ua ke heev heev ces tsam koj tau poj niam los yog nkawv tus niam hluas yuav nco koj heev tuaj seb koj puas yuav ua txiv txhias los koj yuav tso tes dws xwb. Tab sis, koj yeej paub zoo lawm vim koj twb mus yuav kiag koj ib tug hluas nkauj lawm ces nyab koj tij hlaus thiab niam tij tus niam hluas yuav ua ib siab tsis nco koj lawm ces txawm nws lub siab zoo npaum li cas rau koj los tsuas yog hmo ntawm rau koj xwb hos nws yuav mus nrhiav nws neej ua lawm ces tej zaum koj yuav tsis ua npau suav pom nws ntxiv lawm hos qhov koj pheej lub siab ua npau suav dhuj dhi txog nws tag li xwb mas seb thaum neb pw ua ke nws coj tus yam ntxwv li cas ua rau koj lub siab thiaj li nco nws mus ib sim li cas xwb lau.
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Npau Suav   Mon Jan 11, 2016 10:41 am




8tos8nco...,

Kuv tij laug tus me niam hluas ces tsuas yog zoo tam li kob nag tshauv nag ntxaij ntxaum los ib vuag dua zoo tam li nthwv cua tshuab plooj qhua zeeg pes tshaws pem tej roob thaum nag tu lawm los tej me ceg khaub ceg ntoo thiab zoov nuj txeeg tseem ntsuab xwb xiab li qub ces nyaj yuav tsis ua cas os.

Qhov txaus ntshai tshaj plaws me ntsis mas yog ib tug ntawm kuv ob tug hluas nkauj uas kuv yuav ib tug lawm es kuv tseg ib tug nyob ces lub sij hawm ntawm thaum kuv coj tau ib tug mus ua kuv nplooj siab lawm hos ib tug ces nws txawm nyob kem li 2 block ntawm kuv tus hlub xwb ces thaum nws hnov dheev tias kuv yuav poj niam lawm ces nws cia li sawv tsees los zaum quaj vim kuv tus phooj ywg uas tab tom mus nrog nws tham lub sij hawm ntawd mam khiav ntsuj los qhia kuv tias koj tus hluas nkauj quaj heev li mas ua rau kuv kuj hlub nws heev li tiag.

Vim li ntawd zaj mas kuv zaj dab neeg no thiaj tau muab tis npe tias "ROOB CUAM KAU LUB NEEJ IB VUAG DUA" txhais tau tias lub zos Roob Cuam Kau yog Yim Laj, Paj Huab, thiab Nkauj Ntxoo lawv lub neej ib vuag dua, tab sis txoj kev tshua nyob hauv nruab siab mus ib txhis tsis ploj.

Cia muaj caij mam tuaj sau ntxiv nawb.
Back to top Go down
View user profile
8tos8nco
Moderator
Moderator


Posts : 2421
Points : 4583
Reputation : 17
Join date : 2009-02-08

PostSubject: Re: Npau Suav   Mon Jan 11, 2016 12:23 pm

Hahahahahaha...... Ntsuj_Plig, txawm hais tias koj tij laug thiab niam tij nkawv tus me niam hluas zoo li nthwv cua ib vuag dua rau koj xwb los ntshe vim koj zoo li lub hnub tawm tim npoo ntuj tuaj mus ncig lub ntiaj teb ib hnub ib zaug ces thaum lub hnub yuav poob qho yeej ua rau nws ntxhov siab nyho vim koj cov sab hnub tuaj ziab nws ib vuag tso cia lawm ces txawm nws lub ncauj tsis hais los lub siab yuav nco nco hmo lub hnub poob dho es koj tau hais ib co lus zoo npaum li twv huab dawb los hla toj roob hauv pes rau nws lub siab lawm ces nws yeej yuav nco koj ntsia ntsoov lub xub ke kom txog hnub nws tseg tau koj lawm mas nws thiaj li yuav ua ib siab os.

Hos ntawm koj ib tug hluas nkauj hnov tias koj yuav ib tug lawm tseg ib tug nyob dai siab dhuam mas seb koj puas tau hais cov lus nyob tsis qhia neej tuag tsis qhia dab rau nkawv ob leeg sib npaug ces thaum koj yuav ib tug lawm los ib tug thiaj li xav tau hais tias cas koj yuav ntxeev siab loj ua luaj rau ib tug vim koj twb cog lus rau av rau ntuj lawm hais tias tus twg los koj yuav hlub mus tag ib sim ces tsam no koj yuav ib tug lawm ces tus ntawm yuav nyob tau koj lub xub ntiag luag txhi hauv nws nruab siab hos tus tsis tau koj ces yuav chim chim nplooj siab xav ntaus tog hoov ncoo quaj pos muag nti ua me plaub hau ntxhov ntxoog los tsis xav tu li thiab thaum koj tus hluas nkauj sawv ntxov tsees los ua tshais noj los ntshe nws yuav tsis xav tshuab hluav taws kom cig ntsa iab ces nws yuav sawv los zaum tib tug me chim chim ntawm ntug cub tsis nco qab ua tshais noj tag nrho los muaj.

Peb cov tub hluas thiab ntxhais hluas txheej thaum yog thaum lawv chim tuaj lawm ces lawv yeej xav mus ua poj ntxoog lawm xwb vim ua poj ntxoog mas lawv thiaj tau hem neeg kom neeg ntshai.  Tab sis, yog cov sib sib hlub lawm ces txawm yog poj ntxoog xwb los lawv yeej sib qawg kiag es kom ob leeg cia li rais hlo rov los ua ob tug zoo zoo nkauj zoo nraug li qub xwb mas zoo tshaj li os.
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Npau Suav   Fri Jan 15, 2016 1:27 pm




Hahahaa....8tos8nco,

Koj los kuj txawj twv kawg li thiab laiv yom.  Hais txog ntawm tij laug tus me niam hluas ces tsuas yog zoo tam li lub ntuj los nag ib vuag dhau ua ob leeg npliag tag ces tom qab kaj ntug tshav ntuj nrig tawm tuaj ua me kab me noog quaj ntsuag qees tsis paub xyov nyob hauv nws nruab siab ho xav li cas lawm vim tsis paub txij thaum ob leeg zoo li nthwv cua thiab kob nag nrov tij tauj ib pliag zig ziag.


Hos ntawm ib tug hluas nkauj uas kuv tau muab nws tso cia ntawd ces thaum kawg nws cia li ua ib siab mus ciaj ua  poj ntxoog li koj hais lawm xwb tiag mas cas yuav ntxim hlub ua luaj li os........

Yim Laj thiab Paj Huab nkawd yog ib nkawm hluas nkauj hluas nraug uas twb sib paub los tau 2 xyoos lawm, tab sis xyoo ntawd Nkauj Ntxoo yog ib tug ntxhais uas nyuam qhuav tsiv lwm lub zos los nrog Paj Huab lawv nyob ke ces thaum Yim Laj ho paub Paj Huab thiab Nkauj Ntxoo nkawd 2 leeg li ntawm thiaj ua rau nws txiav txim siab nyuaj heev vim tias Paj Huab yog ib tug ntxhais nquag thiab nws niam nws txiv los kuj ua neej nto moo lug Yim Laj yeej tsis muaj lub peev xwm yuav hais tau rau Paj Huab tias ua Paj Huab puas kam yuav Yim Laj hos ntawm Nkauj Ntxoo mas nws yog ib tus ntxhais tsis loj tsis siab, lub cev teeb tim , hais lus luag ntxhi, thiab nws niam nws txiv los kuj ua neej noj nyog nyob nyog li lub teb lub chaws thiab ces Yim Laj thiaj xav tias cia pauv siab mus yuav Nkauj Ntxoo thiab Nkauj Ntxoo tau cog lus rau Yim Laj tias cia cim peb caug yuav los xyoo ntawd tso nkawd mam sib yuav vim Nkauj Ntxoo hnov tias Yim Laj yog ib tug tub hluas txawj kwv txhiaj heev li mas Nkauj Ntxoo tseem xav nrog Yim Laj pov ib cim pob hais kwv txhiaj ua ke thiab txawm tsis ntev los tsuav tau pov pob 3 hnub ua ke xwb Nkauj Ntxoo yeej txaus siab nrog Yim Laj mus lawm.

Mam sau ntxiv.....
Back to top Go down
View user profile
8tos8nco
Moderator
Moderator


Posts : 2421
Points : 4583
Reputation : 17
Join date : 2009-02-08

PostSubject: Re: Npau Suav   Fri Jan 15, 2016 3:25 pm




Ntsuj_Plig, hais txog ntawm koj tij laug tus niam hluas mas ntshe hmo ntawm yog neb hmo ntuj tsaus xwb ces ntshe nws txawm paub koj los tsuas zoo li nyaj poob ib theem tsua xwb ces ntshe nws tseem xav nrog koj ua ke los ntshe qaib qua zom zaws lawm ces neb cia li ua siab tso cia lawm xwb os.

Ntawm koj ob tug hluas nkauj mas kuv nyeem koj zaj dab neeg cim xeeb tsis tshua zoo ces kuv tsis paub tso duab lawm ces kuv sau lus teb koj tias nkawv ob leeg yeej nyiam koj ib yam tsuas yog tus koj hlub tiag tiag ces koj thiaj li cia nws rau hauv koj nruab siab xwb hos tus koj tham nws tso cia xwb ces ntshe nws yuav nco nco koj ua me kua muag teev yees thaum koj thiab nkauj Ntxoo neb tau ua ke ntxwj ntxiaj lawm os.

Yog li ntawm mas ntshe niaj hnub nim no Yim Laj thiab Nkauj Ntxoo nkawv me nyuam twb laus ib yam li nkawv yav ntuj thaum ub uas nkawv ob leeg tseem yog hluas nkauj hluas nraug lawm los yog ntshe Yim Laj thiab Nkauj Ntxoo nkawv twb muaj me xeeb leej xeeb ntxwv quaj ij aj ua me tau hau txhij vuv lawm los muaj thiab tsis tag li ntawm los vim Yim Laj zoo nraug heev ces ntshe nkawv txawm paub tias nkawv ob leeg tham Yim Laj los ntshe nkawv yuav tsis lam sib rub plaub hau li os.
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Npau Suav   Sat Jan 16, 2016 6:48 am



Ob lub hlis tom qab uas Yim Laj thiab Nkauj Ntxoo nkawd tau cog lus tas, tab sis tseem tshuav ib lub hlis mam txog peb caug. Yim Laj cov kwv tij kuj xav kom Yim Laj yuav poj niam lawm, yog li lawv thiaj tau mus coj Nkauj Ntxoo, tab sis thaum kawg Nkauj Ntxoo niam tsis pub Nkauj Ntxoo yuav Yim Laj vim Yim Laj yog ib tug tub ntsuag xwb. Nkauj Ntxoo niam kuj ntshai tsam nws tus me ntxhais mus tau lub neej txom nyem.

Vim li ntawd, Yim Laj thiaj txiav txim siab mus coj Paj Huab uas ib txwm yog Yim Laj tus hluas nkauj nkawd sib paub los tau 2 xyoos los ua nws tus niam tsev lawm. Txij ntawd los Yim Laj kuj ua ib siab tsis nug xov nug moo txog Nkauj Ntxoo. Qhov Yim Laj paub tsuas yog lub sij hawm thaum sawv ntxov uas Yim Laj lawv coj tau Paj Huab lawm, Yim Laj ib tug phooj ywg uas yog tus tseem tab tom nrog Nkauj Ntxoo tham thiaj los qhia rau Yim Laj tias koj tus hluas nkauj quaj heev li.

Dhau ntawd los tau ib lub hlis tom qab uas yog ncaj rau cim peb caug Yim Laj thiab Nkauj Ntxoo nkawd tau sib teem tseg. Nkauj Ntxoo niam thiaj xaiv tau ib tug tub hluas kom Nkauj Ntxoo mus yuav, Nkauj Ntxoo kuj cia siab tias nyaj lub neej yuav zoo raws niam txoj kev xav nws thiaj tau mus yuav tus tub hluas ntawd lawm. 3 xyoos tom qab uas twb yog lub caij Yim Laj, Paj Huab thiab Nkauj Ntxoo lawv khiav los txog rau Vib Nais lawm, muaj ib hnub Nkauj Ntxoo thiaj ua ib siab noj tshuaj ntxuav nyiaj ncaim lub ntiaj teb mus. Lub sij hawm ntawd Yim Laj kuj tau mus saib ib muag pom lawv tab tom muab Nkauj Ntxoo xyab rau ntawm tus ncej tas ntws ib kab ntshav ntawm sab kaum ncauj txog ntawm sab plhu. Dhau ntawd los tau 2 xyoos tom qab no Nkauj Ntxoo niam thiab txiv nrog rau Yim Laj thiab Paj Huab nkawd los kuj tau tuaj mus rau teb chaws Meskas lawm. Nkauj Ntxoo thiaj li ua ib siab mus ua ib tug me Nkauj Ntxoog zov zos Vib Nais lawm xwb tiag.

Tom qab twb tuaj txog rau Meskas teb tau 2 lub xyoo mam hnov tej neeg zej zog tham tias Nkauj Ntxoo niam tau tham rau coob leej ntau tus tias qhov nws tus me ntxhais Nkauj Ntxoo tau tas sim neej zaum no twb vim yog nws chim qhov nws tsis tau Yim Laj xwb. Tseem hnov ib tug txheeb ze hais ntxiv tias muaj ib hnub thaum tseem nyob Vib Nais Nkauj Ntxoo tau nrog Nkauj Ntxoo niam siv ceg txog qhov nws niam lub tswv yim uas kom nws mus yuav tus neeg nws tsis nyiam. Nkauj Ntxoo tau hais rau nws niam tias "TXAWM YUAV SAU TAS NRHO KUV TXIV NEB TEJ NYIAJ TEJ KUB LOS YEEJ TSIS NPAUM KUV TAU TUS NEEG KUV HLUB" Muaj ib hnub Nkauj Ntxoo tseem tau hais rau Paj Huab tias "Koj yog tus muaj hmoo uas tau tus neeg koj hlub lawm hos kuv li ces txawm hlua kub yuav luaj caj npab los yeej tsis pab hos nyiaj yuav luaj taub hau los pab tsis tau". Muaj ib hnub lub neej thaum twb tuaj nyob Meskas teb lawm Nkauj Ntxoo niam tau tuaj saib Yim Laj thiab Paj Huab nkawd. Nws thiaj tau hais rau Paj Huab tias " Yog kuv paub tias Nkauj Ntxoo yuav ua luaj li ntawd thaum ub kuv ua siab cia nws yuav Yim Laj ces ntshe niaj hnub no nws tseem nyob" Nkauj Ntxoo niam tseem muab tau ib qho nyiaj rau Paj Huab tias kuv muab qhov nyiaj no rau koj coj mus yuav ib ce khaub ncaws rau Yim Laj hnav.

Ib tsoom phooj ywg, tom qab thaum uas Yim Laj tau hnov txhua yam tej lus no tas ua rau nws mam paub txog tias qhov Nkauj Ntxoo tsis kam yuav nws vim yog Nkauj Ntxoo niam tsis pom zoo.

Vam thiab cia siab tias thaum koj tau nyeem zaj dab neeg no tas lawm yuav pab rau koj kom tsis txhob ua ib tug niam tais xaiv vauv rau ntxhais thiab txiv yawg xaiv nyab rau tub lawm.


Ua tsaug ntau.


Xaus li no.
Back to top Go down
View user profile
8tos8nco
Moderator
Moderator


Posts : 2421
Points : 4583
Reputation : 17
Join date : 2009-02-08

PostSubject: Re: Npau Suav   Sat Jan 16, 2016 5:19 pm



Ntsuj_Nplig, raws li kuv nyeem koj zaj dab neeg mas ntshe yuav yog Nkauj Ntxoo mus hlub yuam kev Yim Laj thaum nws tseem ua hluas nkauj nyob lawm ces thaum nws mus tau nws tus txiv lawm los nws thiaj li tsis sau siab ua nws lub neej ces nws thiaj li ib siab ua ncauj nrus tseem xav txog Yim Laj tej me lus mos lus muag thiab tej me chaw sib tawb tsis yaj hauv nruab siab ces thaum nws twb mus yuav txiv lawm los nws tseem pheej xav txog Yim Laj tag li xwb. Kuv xav tau lawm hais tias thaum Yim Laj ob tug hluas nkauj tseem ua nkauj qas yeev nyob yog nkawv sib qhia siab ces ib tug yeej txiav txim siab cia Yim Laj yuav tus Yim Laj hlub thiab txaus siab yuav ua me cav lwj nyob sib ib es cia tus Yim Laj tham ua lub chaw nco nws mus tsim nws lub neej raws nws txoj hmoo ces Nkauj Ntxoo Yeej tsis tau zov lub me zos thoj nam tawg rog Vinai li os.

Txawm li cas los raws li tej laus piav mas peb cov tub ntxhais hluas yav ntuj thaum ub tseem tsis tau nto nkauj nto nraug es sawv daws tawg rog thiab ua neeg thom nam tawg rog nyias yeej muaj nyias ntau zaj dab neeg piav tau ntxim hlub, tu siab, thiab nco kawg li os.
Back to top Go down
View user profile
Ncoibsim
Professional Level III
Professional Level III


Posts : 178
Points : 182
Reputation : 0
Join date : 2016-01-04

PostSubject: Re: Npau Suav   Sat Jan 16, 2016 6:29 pm

nyob zoo os ob tug me tij laug,
ntev kawg lawm uas tsis tau khoom tuaj nrog nej sib txuas lus li lawm,
nyob li ntawm neb zaj dab neeg nws zoo heev li thiab yog Ib qho kev kawm rau peb haiv hmoob tsis hais cov tub ntxhais los yog thov zam txim li ntawm cov niam thiab txiv sawv daws,
kuv xav tias zaj dab neeg no tus txhaum yog nkauj ntxoo ob tug niam thiab txiv xwb vim nkawv yeej paub zoo tias nkawv tus ntxhais yog nkawv tu loj thiab yeej paub zoo tias nws muaj pes tsawg tus hmoob yog ua cas yog nkawv tsi nyiam yim laj ua cas tsi txwv thaum kev hlub tsi tau loj thiab tom qab kev hlub tso tsi sib tau lawm ho txiav ua dab tsi vim sij hawm ntawv kev hlub tau npog nkauj ntxoo qhov muag lawm ces kawg xaus mus rau txoj kev tuag lawm xwb yog sim neej no tsi tau yim laj na,
 nyob li ntawm yim laj mas kuv xav tias kev nkauj nraug nws coj yog lawm vim nws nyiam raug nkauj ntxoo los nws yeej paub zoo lawm tias meej mom tsi sib luag xyov yuav tau luag tus ntxhais los nrog yus nyob los neej tsi sov siab vim tej laus twb tsi nyiam yus li thiaj tau mus yuav paj huab lawm,
 hais txog ntawm paj huab mas xyov nej xav li cas tab si kuv mas kev nkauj nraug yuav xaiv tsi tau vim nws yog ib tug ntxhais rau saum luag xwb yog leej twg nyiam yus lawm ces kawg tau yuav vim tsi muaj kev xaiv li peb cov tub,
Back to top Go down
View user profile
8tos8nco
Moderator
Moderator


Posts : 2421
Points : 4583
Reputation : 17
Join date : 2009-02-08

PostSubject: Re: Npau Suav   Sun Jan 17, 2016 6:45 pm


Mam Ua Dab Los Cab
Viyang, koj cov lus hais yog lus kawg li os.  Tab sis, tsis paub hais tias nyob hav ntuj qub qab cov laus coj li cas xwb vim hais tias ib tug khaub ntxhais yog nws mus raug leej twg tus dab hlub lawm ces yeej kawg nrhiav txiv yuav xwb ces txawm tus txiv neej twg kam los nws yeej mus ua luag nyab li los muaj hos ntawm Nkauj Ntxoo niam thiab txiv mas ntshe yog Nkauj Ntxoo mus qhia rau nkawv lawm ces nkawv yeej tsis kam li os.  Tab sis, nws tsis qhia nws niam thiab txiv es cia li mus caum Yim laj ntsia to xwb mas tau kawg.......hahahahahaha.

Nyob rau sab Meskas teb mas tub ntxhais lawv tsis xaiv qhov zoo nkauj zoo nraug lawm vim tus tub tus ntxhais twg los ncej qab yeej dawb tib yam nkaus li ces lawv tsuas sib xaiv lub siab thiab lub ntsws yog ob leeg meej mom sib luag thiab cuj pwm sib raug zoo lawm ces txawm tus niag phem dab tuag los ib leeg ntsia ib leeg mas yeej zoo npaum cuag li yog nraug Kom Lim ces lawv yeej txaus siab ua neeg vim thaum ob tug hluas nkauj thiab hluas nraug yuav mus chob nplhaib mas nkawv yeej los lees hais tias ib tug yuav hlub ib tug mus tag ib sim ces yog thaum ob leeg mus ua ntaub ntawv sib yuav thiab yug muaj me tub me ntxhais tag kom ntau lub qhov muag dub dub lawm ces yog nkawv tsis sib hlub ces tus txiv yeej kawg ua ciav qhev kom cov me nyuam loj tiav niam tiav txiv tag mas nws thiaj li yuav dim tes thiab tus txiv yuav tau yug tus niam kom cov me nyuaj loj tag thiab mas thiaj li dim tes.

Hais txog ntawm Paj Huab ces ntshe nws thiab Yim Laj nkawv yeej ib txwm sib sib paub lawm ces nws yeej paub zoo lawm hais tias Yim Laj yuav dhia tsis dhau nws txoj hlua maj vim tias txawm Yim Laj nplooj siab nyob tsis tus nrog nws es yuav tham coob tus hluas nkauj los Yij Laj yeej khiav tsis dhau Paj Huab txoj kev hlub vim thaum Yij Laj tuaj nrog Paj Huab ua ke xwb Paj Huab twb paub zoo lawm hais tias tus me tub hluas ntsuag no ntawm yeej yog nws tus lawm.
Back to top Go down
View user profile
 
Npau Suav
View previous topic View next topic Back to top 
Page 5 of 14Go to page : Previous  1, 2, 3, 4, 5, 6 ... 9 ... 14  Next

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: General Discussion - Txhua Yam Lus Sib Tham-
Jump to: