Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
December 2016
SunMonTueWedThuFriSat
    123
45678910
11121314151617
18192021222324
25262728293031
CalendarCalendar
Your Weather Huab Cua

Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Switch Page - Hloov Chaw
Top posting users this week
Latest topics
» Peb Hmoob Lub Xyoo Tshiab Yog Ntseeg Dab Tsi Xwb?
by Guest Yesterday at 10:06 pm

» Hmoob Tuav Cos
by Guest Sun Dec 04, 2016 10:12 pm

» Hlub Koj Nyob Deb
by PajTshiab Sun Dec 04, 2016 10:34 am

» DavDub Mus Blog Tebchaws
by 8tos8nco Sat Dec 03, 2016 5:47 pm

» Yuam Kev Nyob Hauv Koj Siab
by Yajceebtshiab Sat Dec 03, 2016 2:13 pm

» NkaujNagTshia LubChawMloogNkauj
by Yajceebtshiab Sat Dec 03, 2016 1:45 pm

» Tseem Nyob Tos
by Guest Fri Dec 02, 2016 3:51 pm

» Peb Hmoob Cov Xyoo Tshiab Yuav Noj Raws Sij Hawm
by 8tos8nco Thu Dec 01, 2016 8:07 pm

» HMONG TV: TALK ABOUT NONE PROFIT ORGANIZATION 501C3 AND 501C4
by 8tos8nco Thu Dec 01, 2016 7:43 pm

» Hmong Heritage Preservation Committee of MN
by 8tos8nco Thu Dec 01, 2016 6:34 pm

» Sawv Ntxov Tsees
by 8tos8nco Thu Dec 01, 2016 11:20 am

» Nyiam Nagtshia heev
by Nkaujnagtshia Wed Nov 30, 2016 10:27 am

» HMONG SOUTHEAST PUAVPHEEJ
by 8tos8nco Tue Nov 29, 2016 1:03 pm

» Hmoob 18 Xeem Yog 18 Ces Neej Tsa
by Yajceebtshiab Tue Nov 29, 2016 1:01 pm

» Kev hmov tshua ntxiv lub kuamuag
by Yajceebtshiab Mon Nov 28, 2016 4:30 pm

» Tus hlub hauv nruabsiab
by Yajceebtshiab Sat Nov 26, 2016 7:42 pm

» Hmoob Hom Dance Tshiab
by Nkaujnagtshia Thu Nov 24, 2016 6:44 pm

» Zoo Siab Thanksgiving Hnub
by Nkaujnagtshia Thu Nov 24, 2016 2:30 pm

» Nco kuv Lub Qub Zog
by Ntsuj_Plig Tue Nov 22, 2016 12:08 pm

» Nyob Zoo Me Darling
by Nkaujnagtshia Mon Nov 21, 2016 11:47 am

» Hmong News Xov Xwm Hmoob
by 8tos8nco Sun Nov 20, 2016 5:12 pm

» Bauj Baim Nrhiav Paj
by txivleejtub Thu Nov 17, 2016 9:27 pm

» Lo Lus "Qaug Zog"
by 8tos8nco Thu Nov 17, 2016 7:29 pm

» Cua Tuaj Ntxiag Cua Nplawm Ntws
by Guest Thu Nov 17, 2016 9:00 am

» Nraug Ntses Duab Teb Chaws Toj Siab
by 8tos8nco Sun Nov 13, 2016 2:19 pm

» NkaujNagTshia Lub Chaw Seev Lus
by Yajceebtshiab Thu Nov 10, 2016 11:23 pm

» Veterans Day Cov Qub Tub Rog Hnub
by Guest Thu Nov 10, 2016 9:54 pm

» Nyiag Hlub Koj Lawm
by Guest Tue Nov 08, 2016 3:02 pm

» Noj Ntses Kib Ntses Thee
by Guest Sun Nov 06, 2016 8:25 pm

» Qhib tos Nkauj Hmoob FaceBook
by 8tos8nco Sat Nov 05, 2016 4:57 pm

Keywords
liab Npaim txoj nrhiav lawm hmoob neej siab ntxhoo txhiaj Nyob hlub vang txiv nkauj baim ntsuab NkaujNyiag hmong niam muas bauj muaj Npauj duab neeg
Statistics
We have 67 registered users
The newest registered user is tubsiabzoo

Our users have posted a total of 22575 messages in 922 subjects
Who is online?
In total there are 10 users online :: 0 Registered, 0 Hidden and 10 Guests

None

Most users ever online was 90 on Mon Sep 09, 2013 1:10 pm
Chaw Nchuav Kub

Share | 
 

 Hais Dab Neeg.Sab Sij Huam

View previous topic View next topic Go down 
AuthorMessage
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Hais Dab Neeg.Sab Sij Huam   Tue Feb 23, 2016 9:42 am

Nagtshia xav mloog dab neeg neej neeg thiab dab tsov yog leej twg txawj thiab paub no los ho tuaj hais rau peb mloog tau os tsoom me phooj ywg sawv daws.

Back to top Go down
View user profile
8tos8nco
Moderator
Moderator


Posts : 2420
Points : 4582
Reputation : 17
Join date : 2009-02-08

PostSubject: Re: Hais Dab Neeg.Sab Sij Huam   Tue Feb 23, 2016 10:18 am

Nkaujnagtshia, hahahahahaha......yog koj yuav nyeem dab neeg Neej Neeg thiab Dab tsov ces kawg Ntsuj_Plig thiab li paub xwb vim nws yog tus paub txog Hmoob lub neej yav tag los.

Q: Neej Neeg thiab Dab Tsov yog dab tsi?
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Hais Dab Neeg.Sab Sij Huam   Tue Feb 23, 2016 11:29 am

Hahaaa.....8tos8nco thiab Nagtshia

Kuv ces tsuas paub cov dab neeg sib hlub xwb nawb, dab tsov mas txaus ntshai dhau tsis nyiam kiag li. Txawm li ntawd los cas tseem muaj neeg muaj peev xwm siv kuv lub phone rov hu tau rau kuv lub phone thiab nej sim xav seb ntshe tsuas yog dab xwb thiaj ua tau li ntawd pob?? haha
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: Hais Dab Neeg.Sab Sij Huam   Tue Feb 23, 2016 11:53 am

aib... Neb tsis hais no cia nagtshia lam piav 1 /2los pub peb nyeem soj.Tsis paub hais tias yog poj ntxoog los lau ntxoog los xyw tuag los yog neeg hem yus.Lub caij ntawv nagtshia muaj thaj tsam 5/6 xyoo ntawv tab sis tej laus yeej tsis ntshai tias tsam yus nyob tsev es yus ho lam ploj los sis raug mob.npaum li xyoo xwb lawv cia li tso nagtshia nyob tsev nrog txiv hlob 2 tug me ntxhais loj muaj li 11 /12 xyoo lawm .nkawv txawm tuav nagtshia tes hais nagtshia tias nagtshia peb mus nram kwj ha es peb mus tsa tog raj seb puas muaj ntses.

NaGtshia kuj cia li mus nrog nkawv.txoj kev tsheb mas hla hlo tus dej rau sab tim ub uas mus ua liaj ua teb.tab sis ntawm txoj kev hla ntawv ntiav txij hauv caug xwb cov laus.tab si nagtshia no ces yeej dhau plaws chaw ncau.peb sib tuav tes mus txog ntug dej sab tim no xwb tus kwj ha no mas nws ua roob xyoob thiab ntoo ntxhab 2 dua puag saum roob lawm sab ua zos nyob no ces yog sab tiaj thiab qe dua li sab tim ub.peb mus txog ntua ntawm kwj ha cov ntug dej kiag ua cas peb sawv daws pom nawb .Muaj 1 tug niam tais laus laus ev 1 tug me nyuam ntawm nraub qaum .yeej hnav khaub ncaws yog cov tuag hnav ntag .hnav daim tiab dawb.nce ntug dej nce roob mus dua saum roobtab si nws ke mus kev ke fus nplooj vov nws tus hneev taw.

2 tug hlob txawm qw tias niam tais koj yog leej twg os.?nws mus nyo hau nyes nkawv txawm hu ntxiv thiab qw ces nws tig loo tuaj.Tug plaub hau ua lauj vaub ntxhov nyho.nws ua kiag lub ntsej muag phem phem nws ua tau nws lub qhov ntsw ntxeev kiag rau peb.tus ntsej muag duab duab yeej tsis deb kiag li dej sab tim ub ces nej yeej pom tias tsis dav saib pom tseeb heevli.thaum no 2 tug hlob cia li quaj qw quaj qw tias dab os..dab os khiav.Kuv me aiv heev kuv quaj ntog quaj ntog thaum no nkawv tsis tuav kuv tes lawm .Nkawv tso sa ntws khiav tsis tos kuv li.Peb rov los txog tsev mam qhia cov laus thaum lawv los teb los.

cov laus hais tias yeej yog da xwb vim tom lawv sab zos av liab tab tom tha 1 tug me nyuam tub hnub ntawv yuav coj mus faus Ntshe yog poj ntxoog los ev tus me nyuam ntawv es nkawv mus khawb khauj khaum noj pes peb mus ceeb nws thiaj khiav nce roob no.Kuv kuj tsis nco ntshai tab si kuv mob 1 tawg yuav luag tuag.twb tom qab ys loj mam nco ntshai ces twb dhau los ntau xyoo lawm tiag kuv zaj dab neeg xaus li no xwb.NtsujPLig cia kuv khoom mam rov tuaj hais 1 zaj dab txawj teb foos rau peb mloog nawb.
Back to top Go down
View user profile
8tos8nco
Moderator
Moderator


Posts : 2420
Points : 4582
Reputation : 17
Join date : 2009-02-08

PostSubject: Re: Hais Dab Neeg.Sab Sij Huam   Tue Feb 23, 2016 3:06 pm

Hahahahahahaha......Nkaujnagtshia, koj zaj dab neeg me nyuam yaus ntshai dab mas xav kom los rau yus ev khiav los ntshe dab tseem yuav caum thiab ces kawg zog tag li lau.
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: Hais Dab Neeg.Sab Sij Huam   Wed Feb 24, 2016 10:49 am

8tos8nco.Lub sij hawm ntawv nagtshia twb tsis nco ntshai li os lawv qw tias dab os dab os.tab si nagtshia tseem ntsia 1 pliag rau tim niag poj ntxoog cas twb yog niag niam tais pog laus av cas ho tias dab ces lawv khiav yus khiav xwb .es tus tuaj puag tom kawg lawv qab twb yog nagtshia ntag nkawv twb khiav nrawm heev mus ploj 1 che kev lawm los nagtshia tseem khiav tuj toov lawv nkawv qab txog siav qhe xwb twb tsis paub rhiab li os lub zos no mas yeej hnov tej laus tham tias muaj muaj poj ntxoog kawg notwb muaj dab los hem thiab khawb kuv niam kaw tawg ntshav liab vog hos.Yog khoom mam tuaj tham peb mloog nawb .
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Hais Dab Neeg.Sab Sij Huam   Wed Feb 24, 2016 12:56 pm

Nagtshia......

Kav tsij pib ua ntej kuv khoom mam tuaj hais ib zaj dab neeg sib hlub rau koj mloog nawb. Tab sis txhob tso cov duab txaus txaus ntshai li no ua rau tsis tau luag tuaj qhib koj chav dab neeg na. Vim tias ua cas kuv lub phone pheej txawj txawj hu kuv na...

Kuv zaj dab neeg yuav tuaj hais rau koj mloog muaj npe tias " Ntsuj Plig tsis zoo li neeg ntiaj teb". os mloog nawb.
Back to top Go down
View user profile
Ntsuj_Plig
Moderator
Moderator


Posts : 1847
Points : 2101
Reputation : 3
Join date : 2010-07-06

PostSubject: Re: Hais Dab Neeg.Sab Sij Huam   Thu Feb 25, 2016 11:50 am

Ntsuj Plig Tsis Zoo Li Neeg Ntiaj Teb


Thaum ub Nuj Toog yug los rau ntiaj teb nws yog ib tug tub uas txawj qeej heev, hos Ntxawm los kuj yog ib tug ntxhais uas zoo nkauj thiab ntxim hlub heev li. Vim txoj kev txhawj thiab ntshai tsam lwm tus ho txeeb Nuj Toog thiab Ntxawm nkawd thiaj tau sib sau los ua neej.

Tom qab nkawd sib yuav tsis tau muaj pes tsawg hnub, muaj ib hmos Nuj Toog txawm npau suav tias cas muaj ob tug tub hluas tuaj thov nws mus txhuab  qeej. Thaum Nuj Toog hnov los thiaj muab zaj npau suav tham qhia rau Ntxawm tas, nyob hauv Ntxawm lub siab yeej tsis kaj lawm tab sis tsis paub yuav hais li cas Ntxawm thiaj teb tias Nuj Toog rub pam tsis vov qhov quav npau suav cuav xwb os, ces nkawd txawm cia li tsum thiab ob leeg txawm cia li sawv mus npaj tshais noj yuav mus ua teb. 

Lub sij hawm tab tom npaj ua tshais kaj ntuj pom kev txoog xwb txawm cia li muaj ib lub suab hu ntawm qhov rooj tuaj tias  "Hauv no puas yog Nuj Toog lub tsev?" Ua rau Ntxawm poob siab nthav thiab xav zoj tias txhob teb, tab sis Nuj Toog cia li teb ntua tias "Aws...., yog kawg los mas neb yog leej twg, los tsev ma." Ob tug tub hluas ntawd txawm teb tias "Wb yog txiv huab tais qaum ntuj ob tug tub txib" thiab nkawd txawm cia li nkag kiag los hauv tsev. Thaum nkawd los txog tsev lawm, ob tug tub hluas ntawd txawm los hais tias twb yog txiv huab tais qaum ntuj niam tuag nws xav kom wb tuaj thov koj mus ua txiv qeej. Thaum ntawd Ntxawm teb ntua tias tsis tau, tab sis Nuj Toog kuj hais rau Ntxawm tias txhob hais li koj nkawd twb tuaj deb deb tuaj lawm ces cia kuv mam mus pab. Thaum ntawd ua rau Ntxawm los kuj tsis paub yuav hais li cas ntxiv lawm, Nuj Toog txawm hais rau ob tug tub hluas ntawd tias neb ua ntej ib pliag noj tshais tas kuv mam li tuaj. Ces ob tug tub hluas ntawd txawm cia li tawm lawm.

Ua tshai noj tag Nuj Toog thiaj hais rau Ntxawm tias koj nyob saib kuv kom zoo zoo tsis txhob pub dab tsi los hla kuv lub cev, thiab txawm leej twg yuav hais lis cas los koj tsis txhob ntseeg zov kuv zoo zoo kuv mus 7 hnub xwb kuv rov qab los lawm. Ntxawm txawm teb tias ua li mas Nuj Toog, thaum ntawd Nuj Toog muab kiag rab qeej puag kiag ntawm hauv siab thiab pw kiag rau ntawm tus ncej tas. Ntxawm txawm cia li hnov lub suab qeej nrov kiag li tawg ob - peb ncig qeej ntawm tus ncej tas ces nrov nce raws tus ncej tas rau saum ru tsev lawm. Lub suab qeej nrov yau zuj zus zoo li nws mus lawm deb zuj zus thiab thaum kawg cia li tsis hnov suab sab dab tsi lawm. Ntxawm saib Nuj Toog pw tus ntsej muag tsiab khiv qi muag nti zoo yam li tsaug zog lawm xwb, Ntxawm txawm nqa tog los zaum zov tsis pub dab tsi los hla.

Ib tsam tsaus ntuj tej neeg zej zog ua liaj ua teb los zom zaws, lawv txawm hnov neeg tham tias Nuj Toog tsis nco qab lawm. Tej kwv tij thiaj tuaj saib, thaum lawv tuaj txog lawv hais rau Ntxawm tias "Nuj Toog yeej tsis rov los lawm kom cia li muab ua kev cai thiab muab faus  xwb" tab sis Ntxawm kuj tsis kam thiab" Tau 3 hnub tom qab tej kwv tij thiaj rov tuaj hais tias "Tuag tsis tuag twb tuag lawm tiag yeej yuav tsis rov los lawm cia li muab mus faus" Thaum kawg Ntxawm ib leeg cav tsis yeej cov kwv tij thiaj tau ua ib siab muab Nuj Toog lub cev mus faus lawm.

Tau 7 hnub raws li Nuj Toog tau hais tseg, hnub thib 7 cas Ntxawm txawm hnov Nuj Toog lub suab qeej nrov ploj loog ib pliag txawm hnov nrov li los ze zuj zus. Thaum kawg hnov lub suab qeej nrov kiag saum ru tsev los kiag rau ntawm tus ncej tas zoo li los tawg 2-3 ncig qeej tas cia li nrov nce zuj zus rau saum qaum tsev rov qab mus lawm. Vim tias thaum Nuj Toog rov qab los txog lawv muab nws lub cev hauv ntiaj teb faus tas lawm nws rov los ciaj tsis tau ua neeg nws thiaj ua ib siab rov qab mus dua qaum ntuj lawm. Hnub ntawd Ntxawm quaj pos muag nti ib hnub tsaus ntuj, tej kwv tij mus ua liaj ua teb rov los txog Ntxawm thiaj mus muab lawv cem tias "Kuv twb kom tsis txhob muab Nuj Toog lub cev faus nej tsis ntseeg zaum no Nuj Toog rov qab los tab sis muab nws lub cev faus tag lawm nws cia li rov mus lawm ntshe kuv yuav tsis ua neeg li." Tej kwv tij los kuj tsis pom qab yuav hais li cas.

Txij ntawd los Ntxawm niaj hnub quaj, muaj ib hnub Ntxawm thiaj tau mus ntsib ib tug poj saub thiab mus hais rau poj saub tias "Kuv nco Nuj Toog ua luaj no yuav ua li cas kuv thiaj yuav tau pom nws ib zaug?" Poj saub txawm hais rau Ntxawm tias "Tag kis koj ua tshais noj kom ntxov thiab tua ib tug poj qaib ntim su, koj nce lub roob siab siab ntawd kom nto plaws saum laj muaj 4 txoj kev los sib tshuam koj nyob ntawd tos koj thiaj yuav ntsib nws ib pliag vim tag kis yog hnub Nuj Toog lawv tuaj mus nqaum paj nqaum nruas". Poj saub hais ntxiv tias cov ua ntej tsis yog nawb koj yuav tsum tos tus lawv qab kawg uas caij tus nees lo lo quav mas thiaj yuav yog Nuj Toog.

Ntxawm txawm rov los tsev thiab tag kis tom qab sawv ntxov tsees Ntxawm muab kiag ib tug qaib tua hauv siav siav ntim kiag ib pob mov twb tsis tau kaj ntug Ntxawm twb mus lawm. Ntxawm nce nto plaws saum laj roob pom 4 txoj kev sib tshuam tiag, Ntxawm txawm nce kiag mus rau saum qaum kev nyob zoj ib pliag cas hnov tswb nees nrov ziag tuaj saib mas tej nkauj nraug sib tuav tes rawv tuaj lawm tsheej pab Ntxawm kuj nyob twj ywj saib xwb vim poj saub yeej tias cov ua ntej yuav tsis yog Nuj Toog. Thaum twb tuaj mus dhau coob heev lawm rov tuaj kiag ib pab Ntxawm thiaj nug tias " Leej yawm dab nej tuaj es Nuj Toog puas tau tuaj na? " Lawv teb tias "Peb tuaj lawm Nuj Toog lawv tseev nyuam qhuav sawv xwb os." Ntxawm kuj rov nyob tos dua, ib ntsis tuaj dhau lawm ob - peb pab muaj ib pab tuaj Ntxawm rov nug tias " Leej yawm dab nej tuaj es Nuj Toog puas tau tuaj ne? " Lawv teb tias " Thaum peb tuaj Nuj Toog lawv tseem tab tom noj tshai xwb ". Ntxawm kuj rov zaum tos dua, ib pliag neeg tuaj lawm tu qab tag tshuav ib pab lawv puag tom qab tuaj Ntxawm thiaj nug tias "Leej yawm dab nej tuaj es Nuj Toog puas tau tua ne?" Lawv teb tias aws Nuj Toog yog tus lawv qab tod os". Thaum ntawd Ntxawm npaj loo tos cas ib pliag zoj txawm hnov tswb nees nrov ziag tuaj Ntxawm saib tsis muaj neeg tsuas pom ib tug txiv neej caij ib tug me nyuam nees lo quav li tuaj xwb. Ntxawm xav zoj txog poj saub cov lus nws thiaj txav zog los rau ntawm qhov tsag kev thaum tus nees tuaj ncaj zog Ntxawm txawm cia li tib plhaw khawm nkaus Nuj Toog duav. Nuj Toog cem tawg ntho tias koj yog leej twg cas koj ua li koj rau kuv, Ntxawm quaj las tias "Nuj Toog koj tsis nco kuv lawm los koj puas paub tias koj muab kuv tso pov tseg rau ntiaj teb kuv ua hnub ua hmo quaj thiab nco koj ua luaj no kuv thiaj tuaj nrhiav koj los mas. Nuj Toog thiaj tig loo los saib cas yog Ntxawm, thaum ntawd Nuj Toog thiaj nres kiag los muab Ntxawm puag nkaus nkawd ob leeg quaj sib qawg sib nwg txaus. Nuj Toog hais rau Ntxawm tias "Ntxawm..., koj yuav tuaj ua dab tsi koj puas paub tias dab tso hlob hlob li os" Ntxawm los kuj teb tias " Zaum no koj ciaj kuv nrog koj ciaj koj tuag kuv nrog koj tuag xwb". Thaum kawg Nuj Toog thiaj hais rau Ntxawm tias yog li los saum nees no wb mus nqaum paj nqaum nruas ib tsam tso muaj dab tsi kuv mam hais rau koj.

Hnub ntawd Nuj Toog thiab Ntxawm nkawd kuj mus nqaum paj nqaum nruas ib hnub lom zem xauv npos, yuav tsaus ntuj txog caij los tsev tej neeg pib rov los tsev zom zaws. Nuj Toog thiaj hais rau Ntxawm tias "Ntxawm..., vim koj muab kuv lub cev ntiaj teb faus lawm kuv rov qab los tsis tau huab tais qaum ntuj twb muab nws ntxhais Nkauj Ntxawm rau kuv ua poj niam lawm, koj nrog kuv mus txog tsev yog Ntxawm qaum ntuj tsis nug los cia li yog Ntxawm qaum ntuj nug no koj tias koj yog kuv me muam Ntxawm xwb no nawb. Yog koj tseem hais tias koj yog kuv li tab zag no tsam huab tais muab koj ua ntxuag cawv ov" Ntxawm thiaj teb tias aws ua li mas Nuj Toog".

Nuj Toog thiab Ntxawm nkawd txawm cia li caij nees ntws rov los tsev lawm. Thaum los txog ntua Ntxawm qaum ntuj pom dheev Ntxawm qaum ntuj cem tias "Nuj Toog cas hnub no koj mus ib hnub es koj tseem mus coj tau koj niag sev rog los thiab na" Nuj Toog tsis tau teb, Ntxawm ntiaj teb thiaj teb ntua tias "Ab....Tis nyab mas cas nim yuav hais li os, kuv yog Nuj Toog me muam Ntxawm es kuv nco nco Nuj Toog es kuv tuaj saib neb xwb los hos". Ntxawm qaum ntuj thiaj teb tias " Oh....Yog li xwb los" ces txawm tso tseg thiab Ntxawm qaum ntuj txawm mus ua hmo tsuag tsuag rau kiag thiab hu tias "Nuj Toog thiab me muam Ntxawm los noj hmo peb yuav pw os" Ntxawm ntiaj teb txawm teb tias ua li mas tis nyab ces lawv sawv daws txawm mus noj hmo zom zaws. Tom qab noj hmo tas yuav mus pw Ntxawm ntiaj teb thiaj hais rau Nuj Toog tias es kuv yuav pw qhov twg. Nuj Toog hais rau Ntxawm ntiaj teb  tias koj yuav tsum hais rau Ntxawm qaum ntuj tias koj nco nco kuv li es koj xav nrog wb pw no koj thiaj tau nrog kuv pw nawb. Ntxawm teb tais " Aws...ua li mas". Ib pliag Ntxawm qaum ntuj mus kho chaw tsuag tsuag thiab los hais rau Ntxawm ntiaj teb tias me muam Ntxawm koj tuaj deb tuaj sab sab li es mus pw os. Ntxawm ntiaj teb txawm teb tias " Tis nyab kuv yuav pw qhov twg?" Ntxawm qaum ntuj coj mus qhia chaw tsuag tsuag tas. Ntxawm ntiaj teb txawm hais rau Ntxawm qaum ntuj tias "Tis nyab kuv twb nco nco Nuj Toog neb li es kam kuv nrog neb pw ua ke ib hmos" Ntxawm qaum ntuj teb tias "Ua tsis tau li ntawd pob" Nuj Toog teb ntua tias "Ntxawm, muam Ntxawm nco nco wb li ces cia nws nrog wb pw los tau mas" Ntxawm qaum ntuj thiaj teb tias ua li los tau ces lawv txawm mus pw lawm.

Lub sij hawm tsis tau tsaug zog Ntxawm ntiaj teb saib mas lawv tej vaj tej tsev zoo li zoo txaj chaw los me pam vov pam pua zoo heev yus twb tsis phim yuav mus pw nrog lawv li. Tab sis thaum Ntxawm ntiaj teb  tsaug ib tsig zog hnov los saib cas yog pw hauv lub qhov ntxa tib rab ti ruav xwb, ntsia Nuj Toog thiab Ntxawm qaum ntuj nkawd ces tsuas yog pob txha ua me tsaus tsiav ci dawb vog xwb. Tu tu Ntxawm ntiaj teb siab Ntxawm ntiaj teb quaj quaj ib hmos kaj ntug qaib qua lag rhe saib cas Ntxawm qaum ntuj tej pob txha sib dho nrij nrawj ces sawv tsees los mus ua tshai ntsia kuj yog neeg lawm thiab. Chim Ntxawm ntiaj teb siab heev thiaj khaws nkaus Nuj Toog ib yas pob txha ntiv tes ntsaws kiag hauv duav nws txawm sawv tsees los nrog Ntxawm qaum ntuj ua tshai lawm, Ntxawm nkawd ua tshais siav tsis pom Nuj Toog sawv. Txiv huab tais cem tias "Ntxawm mus tsa vauv sawv noj tshais yuav mus ua teb ma" Ntxawm ntiaj teb saib zoj tsis tau thiaj muab kiag Nuj Toog yas ntiv tes pov rhees rau pob txha sib dho nrij nrawj Nuj Toog sawv ncho cev tho los ntxuav muag thiab noj tshais ces lawv txawm npaj yuavmus ua teb.

Thaum noj tshais tas Nuj Toog txawm hais rau Ntxawm ntiaj teb  tias "Ntxawm..., koj nyob peb mus ua teb lawm ib tsam tav su koj xa su tuaj peb noj nawb thiab koj tuaj no coj tus me nyuam dev liab muag ntawd ua koj luag tuaj" Ntxawm ntiaj teb txawm teb tias " Aws... ua li mas". Noj tshais tas Ntxawm qaum ntuj thiab Nuj Toog nkawd txawm coj zog lawv mus ua teb tas lawm. Ntxawm ntiaj te nyob tav su nws ua tau su thiaj coj tus me nyuam aub liab muag nrog ces txawm xa su mus rau lawv noj. Ntxawm ntiaj mus tus me nyuam aub kuj tsem tsem mus thaum mus txog saib mas lawv ua tas tsheej ntsus teb tham qw ntsuag qees. Ntxawm ntiaj teb nqa mov mus rau tau thiab hu tias "Nuj Toog thiab tis nyab kuv twb nqa su tuaj lawm es coj neb cov zog los noj sus tso mam mus ua teb os" Ntxawm qaum ntuj thiab Nuj Toog nkawd teb tias "Ua li mas me muam Ntxawm" ces lawv sawv daws txawm los noj mov. Thaum noj mov tas Ntxawm ntiaj teb txawm sau tais sau diav thiab coj me nyuam aub liab muag ces cia li rov los tsev lawm. Ib ntsis yuav tsaus ntuj Nuj Toog thiab Ntxawm qaum ntuj lawv kuj tham ntsuag qees tim ncauj ke los. Thaum los ua hmo noj tag kuj rov qab mus pw dua li qub, ib chim tsaug ib tsig zog hnov los Ntxawm ntiaj teb saib los cas Nuj Toog thiab Ntxawm qaum ntuj nkawd pob txha dawb vog pw hauv lub qhov ntxa ti ti xwb. Ntxawm ntiaj teb rov quaj ib hmos kaj ntug qaib qua zom zaws Ntxawm qaum ntuj pob txha sib dho nrij nrawj ces sawv tsees rov los ua tshai lawm, chim Ntxawm ntiaj teb siab siab khaws nkaus tau Nuj Toog ib ya pob txha ntiv taw ntsaw nkaus hauv duav thiab sawv tsees los nrog Ntxawm qaum ntuj ua tshais. Cas ua tau tshais siav tsis pom Nuj Toog sawv los huab tais yws Ntxawm qaum ntuj tias " Twb lig ua luaj cas vauv tsis sawv mus tsa kom sawv ntxuav muag noj tshais yuav mus ua teb" Ntxawm ntiaj teb nco dheev txog thiaj muab Nuj Toog yas pob txha ntiv taw pov rhee rau Nuj Toog tej pob txha sib dho zom zaws thiab sawv tsees los ntxuav muag noj tshai yuav rov mus ua teb dua.

Thaum noj tshais tas Nuj Toog yuav mus txawm rov hais rau Ntxawm ntiaj teb tias koj nyob ib ntsis koj ua su xa tuaj peb noj thiab nco ntsoov coj me nyuam aub liab muag nrog koj tuaj nawb. Ntxawm ntiaj teb kuj teb tias "Aws...ua li mas". Hnub ntawd tav su Ntxawm ntiaj teb ua tau su nws txawm xav tias "Ab...., Cas Nuj Toog pheej yuav kom coj me nyuam aub liab muag no ne, nag hmo kuv twb mus kuv twb pom qab lawv daim teb lawm cia hnub no kuv tsis txhob coj me nyuam aub liab muag seb". Ntxawm ntiaj teb cia li nkaus kawm su es ces nws cia li mus tsis coj me nyuam aub, thaum mus txog nrau qhov chaw qub uas thawj hnub nws xa su mus cas tsis pom ib tug neeg nyob qhov twg li. Ntsia mas ib tiaj paj nroj quav dev tawg daj rhuv hos npauj npaim mas ya npauj ntws rau ub rau no xwb. Ntxawm ntiaj teb txawm muab kawm txo thiab hu tias "Nuj Toog kuv twb xa su tuaj lawm es nej los noj sus tso os" los ntuj teb ntsiag to tsis hnov suab sab dab tsi. Ntxawm ntiaj teb ua tej kua nqaij thiab mov txeej rau ntawm tej mas npauj npaim ya npauj ntws los ntsauv xwb. Ntxawm ntiaj teb hu los tsis hnov teb xam qhov twg tsis pom neeg Ntxawm ntiaj teb xav xav txawm cia li lov tau ib res nplooj los nplawm cov npauj npaim ntawd tej tus tu tis los muaj tu tw los muaj Ntxawm ntiaj teb pom ib tug npauj npaim dub loj dua cov ya tog log dua nram kwj ha lawm, ces Ntxawm txawm cia li nkaus kawm ev rov qab los tsev lawm.

Ib tsam yuav tsaus tsaus ntuj cas hnov suab quaj suab qw ntsuag qees tim ncauj ke los, Ntxawm ntiaj teb tawm mus saib mas tus tuav tes los muaj tus kwv los muaj. Nuj Toog thiab Ntxawm qaum ntuj los txog Nuj Toog thiaj cem Ntxawm ntiaj teb tias "Cas hnub no koj tuaj es koj muab peb cov zog ntau lov npab lov ceg tas li" Ntxawm ntiaj teb thiaj teb tias "Ab....Kuv nim pom nej cov zog na, kuv hu los tsis hnov nej teb xam qhov twg los tsis pom nej. Ua nqaij ua mov txeej qhov twg mas npauj npaim ya npoj ntws los ntsauv xwb ces kuv dam tau ib res nplooj los nplawm nplawm npauj npaim txaus ces kuv los tsev lawm xwb as." Nuj Toog thiaj teb tias "Ntxawm..., peb lub neej qaum ntuj ces zoo li no xwb los mas, koj tseem ntaus yuav luag raug kuv thiab kuv thiaj khiav nram kwj ha lawm ne" Thaum ntawd Ntxawm ntiaj teb mam paub tias Nuj Toog yog tus npauj npaim dub uas ya tog log dua nram kwj ha lawm ntag. Ua rau Ntxawm ntiaj teb haj yam tu siab hmo ntawd rov los pw ib hmos los zoo li qub dua thiab.

Tag kis sawv los ua tshai noj tag Nuj Toog thiab Ntxawm qaum ntuj yuav mus ua teb Nuj Toog thiaj hais rau Ntxawm ntiaj teb tias "Hnub no cia koj zov tsev xwb koj txhob xa su tuaj lawm tab sis koj nyob no txhob qhib daim txiag zeb pem hauv ncoo nawb". Ntxawm  teb tias "Aws". Hnub ntawd Nuj Toog thiab Ntxawm qaum ntuj lawv mus ua teb tas lawm, Ntxawm nyob nyob tav su nrig txawm xav tau tias "Ab...., Cas Nuj Toog ho kom kuv txhob qhib daim txiag zeb pem hauv ncoo no ne" nws txawm mus muab daim txiag zeb pem hauv ncoo qhib plho saib no cas pom kaj nrig mus rau ntiaj teb. Txog caij ua liaj ua teb los noj sus pom nws tej nyab tej nus mas nim los nthuav su noj muab ncej puab qaib dua sib faib ib leeg ib tug. Ua rau tu tu Ntxawm ntiaj teb siab Ntxawm ntiaj teb quaj ib pluag, ua rau los ib kob nag loj loj rau Nuj Toog thiab Ntxawm qaum ntuj lawv ntub tag. Nuj Toog paub lawm Nuj Toog txawm hais rau Ntxawm qaum ntuj tias koj coj zog ua teb tom tsev muaj xwm lawm kuv mus saib tsev ib pliag kuv mam tuaj, Ntxawm los kuj teb tias ua li ntawd mas Nuj Toog ces Nuj Toog thiaj khiav ceev ceev los tsev. Tab sis ua ke ntawd tu Ntxawm ntiaj teb siab heev Ntxawm ntiaj teb pom nws tej nyab tej nus nws xav tias dhia los ntshe yuav los ncaj rau nws tej nyab tej nus ces cia ua siab rov los nrog tej nyab tej nus nyob nws cia li tib plhaw los lawm. 

Thaum Nuj Toog los txog saib zoj cas rooj ntug qhib tsis pom Ntxawm ntiaj teb lawm, Nuj Toog thiaj ya plho lawv qab los. Thaum Ntxawm ntiaj teb poob los rau ntiaj teb hav zoov nuj txeeg me kab tsov kab dais du lug xwb tsis paub xyov nyab nus nyob qhov twg lawm. Ib pliag zoj xwb Nuj Toog los txog, Nuj Toog thiaj hais rau Ntxawm ntiaj teb tias "Ntxawm cas koj khiav los dab tsi no rov qab nrog kuv mus." Ntxawm teb tias yog nej lub neej qaum ntuj zoo li ntawd xwb ces kuv tsis mus lawm cia kuv mam ua ib siab rov mus nrog kuv tej nyab tej nus nyob". Nuj Toog hais npaum cas los Ntxawm tsis kam rov, thaum kawg Nuj Toog thiaj hais tias yog koj tsis kam rov lawm no kam muab koj txoj hlab si liab rau kuv los Ntxawm ntiaj teb tsis kam, Nuj Toog thiaj hais tias Ntxawm ua ib sim niam txiv xwb yog koj txoj hlab si koj tsis kam los tseg thov koj kam koj lub dab tshos rau kuv nqa rov qab mus saib dab muag. Ntxawm xav tias lub niag dab ntshos xwb yog Nuj Toog xav yuav los cia muab ra nws. Ntxawm thiaj teb tias lub dab tshos xwb yog koj xav tau los koj dua koj mus. Ua ke ntawd Nuj Toog tu nrho Ntxawm lub dab tshos ces twb yog nuj Toog tu Ntxawm ntiaj teb txoj sia lawm. Thaum ntawd nkawd ob leeg yog ntsuj plig ib yam lawm Nuj Toog thiaj li yuav coj tau Ntxawm ntiaj teb rov mus rau qaum ntuj. Ua ke ntawd Nuj Toog thiab Ntxawm ntiaj teb nkawd cia li yog ob tug npauj npaim ya sib tuav tw zawv rov mus dua qaum ntuj lawm. Zaum no rov mus txog ntua xwb txiv huab tais qaum ntuj thiaj cem Ntxawm qaum ntuj tias "Nev....nev..., thaum i kuv twb yeej hais tias yeej yog Nuj Toog niag sev rog xwb kom cia muab rau kuv ua ntxuag cawv no koj pheej hais tias yog Nuj Toog me muam Ntxawm xwb no, zaum no Nuj Toog coj tau Ntxawm ntiaj teb los lawm ces koj cia li nyoo nawb."

Ces txij ntawd los Nuj Toog, Ntxawm Ntiaj Teb, thiab Ntxawm Qaum Ntuj lawv thiaj tau mus ua ib lub neej niam hlob niam yau noj sib hlub hau sib ce nyob kaj siab nrig rau qaum ntuj lawm xwb tiag. 

(((Tas li no lawm )))

Tshab Txhais:

- Zaj dab neeg no qhia tau tias tib neeg uas tseem muaj lub cev thiab tus ntsuj plig lub neej yeej tsis zoo ib yam lawm. Ib qho ntxiv qhia tau tias thaum koj pom tej npauj npaim tsis txhob lam muab lawv ntaus, lawv yeej yog ib co ntsuj plig los yog txhais tias lawv yog neeg qaum ntuj.

- Thaum kuv tseem yau muaj li 5-6 uas yog ncaj rau xyoo 1968-69 peb nyob rau ib lub zos uas sab ntawm qaum zos nws yog ib lub tiaj hav zoov nuj txeeg. Muaj ib lub caij mas cov npauj npaim ya sib tuav tw zawv tuaj lawm 3 hnub 3 hmo thiaj tu qab cov laus yeej tsis pub peb ntaus li. Lawv hais tias yog lawv tej zoo neeg tuaj mus qaum paj nqaum nruas xwb. Txog lub caij rov qab los lawv yeej ya los lawm 3 hnub 3 hmos thiaj tu qab nws tsuas los tib txoj kab qub zoo yam li peb tsav tsheb raws ib ib txoj high way xwb.

- Vim li no kuv thiaj xav muab zaj dab neeg no sau tseg rau peb tau coj mus xav rau txoj kev ua neej, kuv ib txwm tsis nyiam dab neeg dab thiab movie dab tab sis yog tej yam dab neeg zoo thiab movie zoo oas muaj meaning no kuv nyiam khaws coj mus ua neej thiab hos..


Last edited by Ntsuj_Plig on Sun Feb 28, 2016 3:06 pm; edited 10 times in total
Back to top Go down
View user profile
Nkaujnagtshia
Moderator
Moderator


Posts : 1348
Points : 1351
Reputation : 1
Join date : 2012-10-19

PostSubject: Re: Hais Dab Neeg.Sab Sij Huam   Thu Feb 25, 2016 8:40 pm

NtsujPLig nagtshia nyiam ntsujplig zaj dab neeg no kawg li.Muaj 1 zaug lawv hais hauv xov tooj cua es hais tag lawv tshuab zaj qeej thiab lawv seev hais zaj nkauj qeeg mas cas yuav kho nagtshia siab ua luaj .Ua rau nagtshia cia li quaj.thiab poob kua muaglub sij hawm nagtshia hnov zaj dab neeg no.nagtshia tab tom xa me nyuam mus kawm ntawv es nagtshia kaw tsis tau mloog .NagTshia thiaj hu rov qab mus thaum nagtshia khoom.Thov kom lawv rov hais los tau tso los tau nagtshia yuav thov kaw zaj dab neeg no cia mloog tab si lawv tias cia lwm zaug xws li tag kis tab si tag kis ntawv nagtshia ho tsis nyob tsev lawm xyov lawv hais los tsis hais ua tsaug nawb ntsujplig txawj hais dab neeg kawg li nagtshia thov ua tsaug ntau ntau os ntsujplig,Zaj dab neeg no lub npe zoo nkaus li yog ntxawm mob txia sub nco tsis zoo lawm kav tsij tuaj hais kom kawg yuav tsis los bother kom zaj dab neeg xaus ,NagTshia mam los ua nws tsaug nawb mog


Back to top Go down
View user profile
Ncoibsim
Professional Level III
Professional Level III


Posts : 178
Points : 182
Reputation : 0
Join date : 2016-01-04

PostSubject: Re: Hais Dab Neeg.Sab Sij Huam   Fri Feb 26, 2016 1:44 am

Tij laug ntsuj_plig,
koj zaj dab neeg zoo thiab txaus tu siab heev li kuv nyiam thiab kuv thov qhuas koj os, txhua zaus ua ntej thaum kuv yuav pw tsaug zog kuv yeej yuav tsum tau mloog 1-2 zaj dab neeg tag mam li pw, kuv niaj hmo mloog " Hmong bedtime story" cov dab thiab neej neeg txhua hmo li hos es nej puas nyiam nws cov thiab vim nws lub suab zoo heev thiab tsi tas li los nws cov nqe lus muaj kuab heev yog thaum koj ua zoo cuab lub pob ntseg mloog nws muaj qee zaj yuav txaus ntshai heev thiab xav luag heev tab si qee zaj nws yuav raug rau koj lub me neej ntuj qub qab ces koj yuav poob lub kua muag hos
tab si kuv tsi paub tias nej sawv daws puas nyiam nws cov neej neeg thiab?
thanks!
Back to top Go down
View user profile
 
Hais Dab Neeg.Sab Sij Huam
View previous topic View next topic Back to top 
Page 1 of 1

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: Love & Relationship - HLub & Phooj Ywg-
Jump to: