Dej Siab Txhawb Zog

First topic message reminder :

Nyobzoo rau peb cov Moderator, cov Member, thiab cov Guest,

Zoosiab heev uas hnub no tuaj pom tus tswv Admin lub zos no zoonkauj dua yav tag los lawm. Nws mas yog ib leej txiv neej uas zoo tshaj li. Tsis hais nruab hnub los yog hmo ntuj, nws yeej siv zog tu nws lub zos, tej me tog vaj tog tsev, tej me qab vaj tsib taug no cheb du dais li xwb.

Tsis tag li xwb, nws tseem npaj tej me dej lajsiab, txiv hmab txiv ntoo, tswm ciab paj ntoos zoonkauj, nrog rau zaub mov ntxim qab heev li tos txais peb txhua tug huvsi li.

Kuv thov nej tuaj, peb tuaj hais lus zoo txhawb nws lub zog. Kom txij no mus kom nws muaj zog thiab tshajlij tshaj yav tag los. ua dabtsi los kom nce tes, tau raws nws lub hom phiaj, thiab lub siab ntshaw mog.

Admin, thov zamtxim, kuv tuaj hauv haujlwm tuaj xwb mus qheb tsis tau ib zaj nkauj zoo los pub rau koj mloog, tabsis muab Ntxheeyees zaj nkauj no pub koj mloog uantej mog.

Kuv tseem yuav khiav mus lawm qhovtwg thiab ma,
Vim twb muaj Ntsuj Plig tuaj ua kuv luag lawm na,
Kuv yuav tsis khiav mus qhov twg li lawm os,
Vim twb muaj NkaujNyiag thiab Ntsuj Plig txhawb kuv lub zog,

Kuv yuav nyob hauv lub ntuj no nrog nej txhua leej,
Vim peb twb zoo ib yam li ib tsev zoo neeg,
Kuv yuav nyob hauv lub ntuj no nrog nej txhua tug,
Vim peb twb tuaj tsim tau ib txoj kev zoo nyob sibhlub,

Yog li nej tsis txhob khiav mus tso kuv tseg,
Vim kuv xav kom nej tuaj peb sib tham uake,
Yog li nej tsis txhob khiav tso kuv nyob ntsiagto,
Vim yog nej khiav lawm ntshe kuv yuav kho siab os mog.