Hmongheaven Forum

Welcome Your Idea & Opinion - Zoo Siab Txais Tos Koj Lub Tswv Yim & Lus Tsom Kwm
 
HomeHome  CalendarCalendar  GalleryGallery  SearchSearch  RegisterRegister  Log in  
November 2017
SunMonTueWedThuFriSat
   1234
567891011
12131415161718
19202122232425
2627282930  
CalendarCalendar
Hmoob Chaw Txhais Lus
Search
 
 

Display results as :
 
Rechercher Advanced Search
Mus Youtube Search

Nrhiav Cov Videos Tawm Tshiab:
  1. sau koj cov lus rau hauv qhov blank search mus nrhiav koj cov videos.
  2. nias rau filter.
  3. nias rau qhov upload date.
Switch Page - Hloov Chaw
Nrhiav Topics & Posts
Ncaim Ntev Lawm Yog Koj Xav Rov Tuaj Nrhhiav Seb Koj Cov Topics Thiab Posts Puas Tseem Nyob Ces Ua Li Nov:
  1. nias rau koj lub npe.
  2. nias rau "Find all topics Started by Username" ces yog mus saib koj cov topics.
  3. nias rau, "topics" ces yog mus saib cov topics koj teb posts.
  4. nias rau, "posts" ces yog mus saib koj cov posts.
Latest topics
» Stockton New Year 2017-2018 Early Morning by HeuFamilyEnt LamSaib
by Guest Yesterday at 11:15 pm

» Bay Area Hmong New Year - Hill Tribe Fusion
by Guest Yesterday at 12:37 pm

» Hmong New Year Draws Hundreds in Celebration
by Guest Yesterday at 10:48 am

» Muab rau Nkauj Nag Tshia
by Ntsuj_Plig Yesterday at 7:47 am

» KHAWS TSEG UA DAB NEEG
by Ntsuj_Plig Yesterday at 7:45 am

» Txoj kev hlub ib vuag dua
by Ntsuj_Plig Yesterday at 7:41 am

» Hmong High School New Year 2017-18, MN
by Guest Fri Nov 17, 2017 9:18 pm

» 2017 - 2018 Madison Hmong New Year Promo
by Guest Fri Nov 17, 2017 6:12 pm

» Dance performed by Puav Pheej Txuj Ci at Hmong TV Show
by Guest Fri Nov 17, 2017 2:37 pm

» Nyob Zoo Me Darling
by 8tos8nco Fri Nov 17, 2017 11:50 am

» Qhia Koj Tso Video Saib
by 8tos8nco Fri Nov 17, 2017 11:41 am

» XAV PAUB XAV POM: With guest Laj Tsawb from China
by Guest Fri Nov 17, 2017 8:26 am

» Lo Lus Koj Hais
by Guest Thu Nov 16, 2017 10:20 pm

» Hmong American New Year 2017-18
by Guest Thu Nov 16, 2017 7:02 pm

» 3 HMONG NEWS: Mas Lis Tsab first song of the competition Txiv Cuam Tsis Rov Qab
by Guest Wed Nov 15, 2017 3:16 pm

» Ntuj No Tuaj Lawm
by Guest Tue Nov 14, 2017 9:00 am

» Hmong Vang New Year Celebration 2017-18
by Guest Tue Nov 14, 2017 8:03 am

» DavDub Mus Blog Tebchaws Part Two
by 8tos8nco Mon Nov 13, 2017 7:53 pm

» Hmong New Year Xyoo Tshiab Los Yog Noj Peb Caug 2017-18 (A-Z)
by 8tos8nco Mon Nov 13, 2017 4:52 pm

» Hmong Georgia New Year 2017-18
by Guest Mon Nov 13, 2017 4:24 pm

» Spoken Word "Being a Hmong American"
by Guest Mon Nov 13, 2017 3:51 pm

» SC Hmong New Year 2017-2018: Top two 3rd Round Ci-iab Vaj
by Guest Sat Nov 11, 2017 9:04 am

» SUAB HMONG NEWS: Kev sib tw xaiv yeej thiab swb ntawm Hmoob nrog rau meskas 11/07/2017
by Guest Fri Nov 10, 2017 12:12 pm

» 3 HMONG NEWS: Special coverage of Dai Thao for Mayor on Election Day
by Guest Thu Nov 09, 2017 7:51 am

» SUAB HMONG NEWS: 2018 Wausau Hmong New Year Celebration - 11/04/2017
by Guest Tue Nov 07, 2017 5:59 pm

» Hmong Report: Sacramento Hmong New Year 2018 Updates Oct 15 2017
by Guest Mon Nov 06, 2017 8:00 am

» Xy Lee - Ntuj e Me Leej Ntxhais ( Music Video Dancing ) 2017
by Guest Sat Nov 04, 2017 2:09 pm

» Hmong Southeast Puav Pheej Inc Official
by Guest Sat Nov 04, 2017 10:21 am

» LDHE: Xee Souk Vang son of Gen. Vang Pao
by 8tos8nco Fri Nov 03, 2017 5:14 pm

» 3 HMONG NEW: MN Hmong New Year 2017-2018 public announcement by United Hmong Family
by Guest Thu Nov 02, 2017 9:22 pm

Keywords
ntws paul 2017 year tsis tshaj tshais puav sacramento tshiab nkauj hmong chaw vang poob hmoob pluas lawm hlub pheej tsag dhau Keeb ntawm haiv dance
Statistics
We have 74 registered users
The newest registered user is nkaujhmoob36

Our users have posted a total of 22926 messages in 1019 subjects
Who is online?
In total there are 10 users online :: 0 Registered, 0 Hidden and 10 Guests

None

Most users ever online was 95 on Thu Apr 20, 2017 10:10 am
Chaw Nchuav Kub

Share | 
 

 Muab rau Nkauj Nag Tshia

View previous topic View next topic Go down 
AuthorMessage
Ntsuj_Plig
Moderator
Moderator
avatar

Posts : 1857
Points : 2121
Reputation : 3
Join date : 2010-07-06

PostSubject: Muab rau Nkauj Nag Tshia   Fri Oct 27, 2017 1:29 pm

(( TOS SAU KOM TAS MAM QHIA KOJ NAWB))


XA XOV RAU QUB PHOOJ YWG


Ib tsoom mi phooj ywg cas lub sij hawm yuav khiav ceev npaum noog muaj tis ya. Yog tsis saib ces zoo li ib pliag xwb hos yog ua zoo saib cas twb dhau los lawm 37 lub xyoo ntawm peb txoj mi kev hluas uas tau los ua ib lub neej nyob ib vuag rau hauv ib lub hav zoov nuj txeeg. Ntsia mus rau tom hauv ntej zoo li txoj kev twb yuav tws, tig saib rov tom qab cas twb los lawm ib ncua kev deb kawg nkaus uas tsia pom ploj loog hauv lub neej lawm xwb.

Koj puas tseem nco tau lub caij peb sawv daws los nyob ua ke ib vuag rau ib lub zoov nuj txeeg. Thaum los pib luaj teb hauv tej xub zoov nraj yij hos huam rheeb nplooj zeeg tshaws. Sawv ntxov tsees suab cuam kaus lawm pem tej roob ua hav zoo kaj nrig kho siab zim, ntawd yog peb lub neej los nyob ib vuag rau hauv ib lub plawv zoov nuj txeeg tiag dab tsov tej chaw nyob.

37 xyoo dhau mus lawm muaj ntau yam nyob hauv lub hlwb tseem tsis tau ploj. Kuv tseem nco tau cov mi nyuam tub thiab mi nyuam ntxhais lub caij ntawd ua zuj zoog rau nruab siab zoo tam li ua yog toog rau nruab dab ntub npau suav tas li. Lub caij ntawd koj tseem me kuv los kuj tseem hluas tus twg los cev yiag txias tawm rooj plaws suab kwv txhiaj ntas ntua. Cas ib sij huam koj laus tas tshuav nrig cwj kuv laus dua tshuav nrig pas lawm xwb tiag. Ob tug mi nyuam tub thiab mi nyuam ntxhais ntawd ho mus dua lawm lawm os.

Kuv tseem nco tau lub caij sawv daws tab tom xa khoom los mus rau nruab liaj nruab teb. Muaj ntau zaus tau ntsib thiab tau pom tej neeg tshiab uas yus ib txwm tsis tau pom dua tej tog kev tas li. Muaj ib zaug kuv thiab peb 2-3 tug phooj ywg tab tom xa nra tuaj rau ntawm teb thiaj tau ntsib ib nkawm niam txiv nrog rau ib tug mi nyuam ntxhais hnub nyoog muaj li 14 xyoos tab tom xa nra tuaj mus thiab. Peb sib caum tau ntawm ib ncua kev nyob hauv hav zoov ntsia tus mi nyuam ntxhais ntawd tib tug mi cev yiag txias soob xais ua rau kuv cia li muab nws nyiag nyiam ib pliag lawm ntag, tab sis thaum ntawd kuv cov phooj ywg peb lost seem hluas hos nws lost seem me kuj tsis tau nrog nws tham vim nws niam thiab nws txiv los kuj nrog nraim nws thiab.

Dhau los ntau hnub txoj kev rov mus rau nram qub zog kuj nphob zuj zus vim sawv daws twb xa khoom los tas zuj zus lawm. Tej mi vaj tse tau muab tso pov tseg rau poj ntxoog ua lub chaw seev lawm xwb tiag. Txij ntawd los peb txawm los luaj teb thiab npaj los ua zej ua zos nyob. Ib pliag ntshi muab zoov nuj txeeg ntov tag ua rau tej mi liab mi cuam yuav tsum tau tshais chaw khiav mus nyob rau lwm lub zoov, zoo tam ntua li peb txoj kev tsiv teb tsaws chaw ntag. Lub caij luaj teb hlawv tas pib muab tej noob qoob nrom nroos rau nruab teb, ib pliag ntshi mi nplej thiab pob kws ntsuab kaim zaj zees ntaus cua ntxiag mus puv toj. Thaum ntawd tig rov xav txog koj tus mi qub hluas nraug thiab kuv tus mi qub hluas nkauj uas muab tso tseg rau tom qub zog mas nco thiab kho siab tshaj li tiag.

Tsis ntev sawv daws los ua tau vaj tau tsev muaj zej muaj zos thaum ntawd yog peb cov mi tub hluas txoj kev mus yos. Tsaus ntuj zuag noj hmo tas nrho npaj teeb zoj zeeg thiab sib yaum daws mus saib hmoob tej ntxhais. Ntuj tsaus ntais dev tom tsij qees cuag dev pom dab hnov suab raj nplaim nrov laus ntxhawv tim tej ncauj ke tuaj, ntawd yog peb txog kev hluas ib vuag dua lawm xwb tiag. Ib pliag ntshis tej ntxhais noj hmo tas nrho ntxuav taw zoj zeeg m uab txhuv tsau kiag thiab maj nrawm nroos los pw. Thaum ntawd txawm pib hnov lub suab ncas thiab suab ntxhi sib txuam daws. Ntuj teb tag hmo hnub qub dawb vog ntsia rau tom tej ncauj ke qaim hli nrig ntxim tej tus mi nyuam poj ntxoog ua yuj yees taug kev los, tab sis hauv lub siab tseem nyob tau kaj nrig vim koj tseem tuav rawv kuv txhais tes cia.


Muaj ntau zaus lub caij ua liaj ua teb, peb ib tsoom phooj ywg kuj mus saib hmoob tej ntxhais ua teb. Ib txhia nrog tham ib txhia kuj pab ua teb lom zem xauv npos. Tom qab peb tau los nyob ua ke tsis ntev ua rau peb tsoom phooj ywg kuj tau paub tej mi hluas nkauj nyob deb nyob ze zuj zus. Muaj ntaus zaus peb tau mus tham hluas nkauj ntawm ib lub zos nyob ze rau ntawm peb zos. Nyob hauv lawv lub zos ntawd kuj muaj li 4 - 5 tug ntxhais tab sis muaj ib tug muaj hnub nyoog li 17 xyoo hos dua li cov yau lawv tsuas yog li 14 rau 15 xyoos xwb. Lub sij hawm ntawd kuv txawm mus tham tau tus loj uas muaj 17 xyoo ntawd nws kuj tsis loj tsis siab tab sis nws zoo tau xis neeg hais lus luag ntxhi. Txij ntawd los ua rau nws thiab kuv txawm tau los sib paub ua phooj ywg tau ib ncua sij hawm li 2 - 3 lub hlis.


Muaj ib hnub nyob ze rau ntawm peb zos txawm muaj ib lub ntees tuag, peb kuj sib yaum mus sib pab txua txiag muab tus neeg laus ntawm faus. Lub sij hawm ib txhia tab tom phua txiag thiab ib txhia kuj so nyob tos thaum ib co sab lawm los ib co mam ho hloov. Kuv tseem tab tom nyob saum ib ya cav ntsia lawv cov uas tseem tab tom phua ntoo ntawd. Txawm muaj ib lub suab hu tuav nkaus kuv npe, kuv tig hlo los saib cas yog ib tug tub hluas uas kuv tsis tau pom dua. Nws txawm hais ntxiv tias koj puas yog tus kuv paub thiab hais kiag kuv lub npe dua ib zaug ntxiv, kuv thiaj teb tias yog mas ua cas koj ho paub kuv. Nws txawm teb tias kuv paub koj thaum peb kawm ntawv ua ke nyob Moos Cab, kuv xav tag nrho kuv cov phooj ywg cas kuv ho tsis paub nws. Kuv thiaj hais rau nws tias cas kuv ho tsis tau paub koj dua ne. Nws thiaj teb tias, peb yog cov mi nyuam uas tuaj kawm ntawv nyob ntawm nej tog tsev. Thaum ntawd kuv mam nco tau pab tub hluas ntawd tias lub sij hawm kuv mus kawm ntawv ntawd kuv tau mus nrog ib yim kwv tij nyob xwb tab sis muaj ib pab tub hluas lawv tuaj yuav tau ib lub me nyuam tsev nyob rau ntawm peb tog tsev tiag. Tab sis lub caij ntawd lawv yeej loj dua kuv thiab tsis paub tias lawv kawm ntawv ntawm Moos Cab los xyov yog lawv kawm nyob rau Liaj Qhua.


Txij ntawd los nws txawm tuaj ua phooj ywg rau kuv thiab pheej tuaj saib kuv vim peb pab kwv tij ntawd peb yeej muaj li 4-5 tug tub hluas thiab. Hos ntawm nws ces nws cov tij laug twb khiav mus rau thaib teb tas lawm lawv lub zos kuj muaj 3-4 tug ntxhais zoo nkauj kawg tab sis cov tub ces tshuav nws lawm xwb. Nws tsis muaj khub, thaum nws paub kuv lawm nws yeej pheej tuaj nrog peb ua si. Thaum pib kuv xav tias tej zaum yog nws xav tuaj tham peb cov muam ntawm peb zos nws thiaj xav tuaj ua phooj ywg kom tau chaw pw xwb, vim ntawm peb zos mus rau tom lawv zos ncua kev deb li 1 xuab moos tawm. Tab sis thaum nws tuaj ntawu zaus kuv kom nws mus nrog peb cov muam ua si los nws kuj tsis mus thiab, muaj ib hmos kuv thiaj hais rau nws tias hmo no kuv coj koj peb mus tham hluas nkauj. Nws hais rau kuv tias yuav mus qhov twg, kuv teb tias muaj ib lub zos nyob tsis deb ntawm peb no muaj 3 - 4 tug me nyuam hluas nkauj thiab. Hmo ntawd kuv thiab peb 2-3 tug phooj ywg txawm coj nws mus ua si, thaum mus txog nram tus hluas nkauj kuv tham lawm kuv thiaj mus hu tau nws teb wb tham 2-3 los ces kuv txawm hais rau nws tias koj nrog kuv tus phooj ywg tham ib pliag. Thaum ntawd kuv cia nkawd sib tham kuv txawm mloog cas ib ntsis zoo li nkawd tham li nkawd yeej sib paub lawm. Thaum peb ua si txaus ib tag hmo lawm peb tig rov qab los, nws thiaj hais rau kuv tias npawg tus hluas nkauj ntawd yog kus tus. Wb ib txwm sib paub thaum me me nyob ua ke tim qub zog los lawm, tab sis sib ncaim los tsis paub tias lawv los nyob ntawm no.


Txij ntawd los, kuv thiaj ua siab muab tus hluas nkauj no tso tseg rov rau nws. Tsis ntev ntawd lub tsiab peb caug xyoo 1980 kuj tig los txog, hnub xiab peb toj xeem lawv kuj tau caw kom tag nrho peb cov zos mus koom nrog lawv pov pob ib hnub. Thaum ntawd peb tus thawj tswv zos kuj tau tso cai rau kuv kom kuv ua tus coj tag nrho cov tub ntxhais thiab cov kwv tij mus koom toj xeem lawv. Hnub ntawd ua rau kuv zoo siab hlo thiab xav tias tej zaum yog muaj hmoo kuv tus hluas nkauj uas wb sib paub xyoo tas los nram qub zog tsis tau yuav txiv no tej zaum kuv yuav tau rov ntsib nws dua, vim tias kuv tau muab tus hluas nkauj no tso rau kuv tus phooj ywg ces kuv cia li tsis muaj hluas nkauj lawm. 


Kuv tseem nco tau muaj ib hmos nyob hauv ib lub mi nyuam tsev pheeb suab nyob rau ib thaj qub teb pob kws. Thaum kuv tuaj txog ntua cas pom koj thiab ib tug tub hluas ib leeg zaum ntawm ib sab qhov cub sib tham nywb nyes rauv taws cig ntsaj thuav. Thaum koj pom dheev kuv tuaj koj txawm hu tias “ Koj tuaj lawm los, los zaum os” lub caij ntawd kuv los tseem hluas thiab kuj nyiam hais lus tso dag thiaj teb koj tias “ Aws, zoo li no yuav zaum qhov twg na?” Koj txawm sawv tsees mus dam kiag tau ib lub ntsis nplooj tsawb pua kiag ntawm koj ib sab thiab hais ntxiv tias “ Zaum ntawm kuv ib sab no mas, kuv yeej tsis lo koj li os.” Thaum ntawd kuv saib cas koj yuav ntxim hlub ua luaj hais lus tau luag nyav. Kuv los txawm tsis xav dab tsi txog koj tus mi hluas nraug li kuv cia li teb tias “ Zaum ces xav kom lo kiag hos” thiab kuv txawm zaum ntua ntawm koj ib sab.


Lub caij ntawd kuv saib koj lub mi ntsej muag luag nyav zoo tau ntxim hlub kawg li. Peb txawm pib sib tham ib leeg ob – peb los koj cia li pib taij kom kuv hais kwv txhiaj. Kuv teb koj tias nyob hauv hav zoov nuj txeeg hais tsis tau kwv txhiaj na no los koj tsis tseev li thaum kawg kuv thiaj tau hais tas ib txoj kwv txhiaj thiab koj los kuj hais ta sib txoj thiab. Kuv thiaj cheem koj tias cias peb tham lawm xwb txhob hais kwv txhiaj lawm tsaus ntuj nti li no tsis tau luag. Wb thiaj cia li tsum, thiab peb txawm sib tham tso daj tso luag ua si ib leeg ob – peb los. Koj txawm cia li muab tus tub hluas ntawd ntiab mus tsev, thaum pib nws kuj teb tias nkawd twb tseem nyob ces kuv nyob ib pliag kuv mam mus. Ib pliag ntxiv koj rov hais dua, kuv saib zoo li nws npau taw zog lawm nws teb koj tias cas koj kom kuv mus koj ho tsis hais kom nkawd mus ma. Thaum ntawd koj txawm cia li teb nws tias koj nyob ze thiab koj muaj phom koj tau luag ces koj mus hos nkawd nyob deb tuaj cia nkawd pw ntawm no ua peb luag. Kuv saib nws chim kiag lawm nws thiaj ua siab sawv mus lawm. Koj puas nco qab tias thaum koj hais li ntawd rau nws zoo ib yam nkaus li koj tab tom muab ib tug pos kaus ntsaj hno kiag nws nplooj siab mob tshab plaws nraum nruab qaum.

Thaum nws dhau lawm koj txawm hais rau kuv tias hmo no neb ua wb luag pw ntawm no nawb, kuv los txawm teb dag ntsuav tias yuav pw qhov twg no? Kuv saib koj mus muab koj tus mi nyuam niam hluas txav zog rau tim ntug thiab kho chaw tsuag tsuag koj txawm hais rau kuv tias “Koj pw ntawm kuv nruab qaum es koj tus phooj ywg pw tom koj nruab qaum xwb mas.” Cas thaum ntawd kuv saib koj yuav ntxim hlub thiab siab zoo ua luaj.

Ib sij huam lub caij nyoog dhau mus li 2 lub hlis tom qab kuv txawm hnov tias koj mus yuav tus tub hluas uas hmo ntawd koj muab nws ntiab mus tsev lawm. Ntuj nis mi nkauj hmoob cas koj lub siab yuav muag ua luaj. Tsis nco tias koj twb muab nws nplooj siab hno tshab plaws ua rau nws tuag tsis taus, zaum no nws thiaj ua zaj ua ntxeev ntxias dag kom tau koj rov mus pauj txoj kev chim xwb. Tom qab 3 lub hlis uas koj tau mus yuav nws lawm kuv hnov tias nws tau mus yuav nws tus qub hluas nkauj los ua neb tus niam yau thiab txij ntawd los nws cia li tsis hlub koj zuj zus. Tsis ntev ntawd nws txawm cia li muab koj coj khiav mus kom deb ntawm koj niam thiab koj txiv lawv lawm. Txij ntawd lost sis paub tias koj lub neej tshav ntuj los pos huab li lawm.


((will continue....))


Last edited by Ntsuj_Plig on Wed Nov 01, 2017 1:37 am; edited 1 time in total
Back to top Go down
View user profile
Nkaujnagtshia
Moderator
Moderator
avatar

Posts : 1508
Points : 1513
Reputation : 1
Join date : 2012-10-19

PostSubject: Re: Muab rau Nkauj Nag Tshia   Mon Oct 30, 2017 11:48 am

Nyob zoo os ntsujplig zoo siab rov tuaj pom thiab nyeem tej me dab neeg hlub kawg li os mog nkaujnatshia twb nyeem tag lawm es cia nagtshia npaj thau tiav thaum twg li qhia nws nawb mog koj zaj dab neeg no zoo kawg li os mog hais kiag koj tus hluas nkauj lub npe ma es qhia koj lub npe thaum ub yog nws hnov nws thiaj paub tias yog nws tus me dab poj ntxoog hluas ntxoog thaum ub thaum ntawv ma los haha aj JK mam li qhia koj ntxiv mog ntsujplig tus me dai siab ...
Back to top Go down
View user profile
Ntsuj_Plig
Moderator
Moderator
avatar

Posts : 1857
Points : 2121
Reputation : 3
Join date : 2010-07-06

PostSubject: Re: Muab rau Nkauj Nag Tshia   Tue Oct 31, 2017 1:50 am

Tos nawb, kuv tseem sau tsis tau tiav thiab tseem kho. Kuv busy heev ntshe yuav siv sij hawm ntev me ntsis. Ua siab ntev tos kuv sau tiav thaum twg mam qhia rau koj paub tias tiav lawm no nawb.

Ua tsaug.
Back to top Go down
View user profile
Nkaujnagtshia
Moderator
Moderator
avatar

Posts : 1508
Points : 1513
Reputation : 1
Join date : 2012-10-19

PostSubject: Re: Muab rau Nkauj Nag Tshia   Tue Oct 31, 2017 10:16 am

NtsujPlig, maj mam sau thiaj lom zem nawb vim kuj tsis paub xyov nagtshia puas yuav ua tau thiab lub siab xav tau lam hais xwb yog tsis tau mam hais kiag rau ntsujplig lub me pob ntseg xwb es sau kom ntev ntev ces nagtshia hais kom ntev ze ze ntsujplig ces ib pliag nws lub pob ntseg thiaj sov tuaj nawb hahaha ua tsaug mog

sib ntsib dua os ...,
Back to top Go down
View user profile
Ntsuj_Plig
Moderator
Moderator
avatar

Posts : 1857
Points : 2121
Reputation : 3
Join date : 2010-07-06

PostSubject: Re: Muab rau Nkauj Nag Tshia   Yesterday at 7:47 am

Thov txim os, cas muaj ntau yam cuam tshuam heev li tsis khoom tuaj sau kuv zaj dab neeg lawm. Ua siab ntev ov.
Back to top Go down
View user profile
 
Muab rau Nkauj Nag Tshia
View previous topic View next topic Back to top 
Page 1 of 1

Permissions in this forum:You cannot reply to topics in this forum
Hmongheaven Forum :: Hmongheaven Hmoob Saum Ntuj Ceeb Tsheej :: General Discussion - Txhua Yam Lus Sib Tham-
Jump to: