Yog Lwm Tiam Muaj Tiag

Subject: Yog Lwm Tiam Muaj Tiag Tue Aug 03, 2010 12:54 pm

First topic message reminder :

Yog lwm tiam muaj tiag, kuv mam nyob tos koj,
Hos tiam no ces koj tsis txhob tu siab lawm mog,

Subject: Re: Yog Lwm Tiam Muaj Tiag Mon Sep 27, 2010 4:02 pm

Ntsuj Plig...,

Xav kom muaj li koj hais tiag,
Me cev yiag txhob dag kuv seev,
Thaum tsim dheev hu koj lub npe,
Tias Ntsuj Plig...e..., kuv hlub koj,
Mam xav zoj yog ua npau ntub,
Txiv leej tub puas yog koj na,
Ntsuj Plig aj, koj dua twg lawm,
Tsis pom tawm nyob qhov twg li,
Me Ntsuj Plig, puas yog tus cuav,
Thiaj npau suav pom ib pliag xwb,
Lub paj hlwb thiaj cim ntsoov cia,
Kom tau qhia thaum ntsib koj nawd,
Kuv lub plawv nws yeej dhia tiag,
Vim kuv nyiag hlub Ntsuj Plig lawm nas...,

Subject: Re: Yog Lwm Tiam Muaj Tiag Mon Sep 27, 2010 5:49 pm

hahaaaa....Lubpajzoo

Hnub no koj sau paj huam tau zoo kawg li, kuv xav kom muaj
tseeb li koj zaj paj huam xwb tiag.

Lubpajzoo thaum hnov moo tias
pajzoo khiav mus rau hmongza
ntsuj plig tag kev cia siab lawm
thiaj tsis tawm thiab thiaj tsis tuaj
zaum tsaws quaj nco nws ib leeg
zoov nuj txeeg tsov quaj mlaws mlos
los tsis nco ntshai dab ntshai tsov
tsuas xav hnov pajzoo lub suab
thiab tus duab uas plhu sais zim
nws zoo phim tej paj tsw qab
mos mus ntab ya ntsauv tsheej npoj
kuv nco koj nyob rau nruab siab
npaum mos liab nco leej niam mis
tsheej tag kis tsis nco noj mov
twb vim koj xwb tiag...Lubpajzoo

Subject: Re: Yog Lwm Tiam Muaj Tiag Tue Sep 28, 2010 11:37 am

Hahahaaha, Ntsuj Plig aj...,

Lubpajzoo twb tsis mus hauv hmongza,
Vim koj ntag ua nws kho lub siab,
Thiaj tuaj nrhiav koj rau Hmongheaven,
Cheem tsis cheem los kuv yuav nyob,
Tos koj mog kuv me nplooj siab,
Puas paub thiab tias kuv nco koj,
Mov tsis noj vim nco koj dhau,
Thiaj li sau hais ua pajhuam cia,
Yeej muaj tiag thiaj li rov tuaj,
Nplooj siab quaj hu koj lub npe,
Me Ntsuj Plig...e..., tus neeg kuv nco,
Puas paub no tias kuv nco koj heev,
Thiaj tuaj seev rau hauv hmong zos,
Nyob nov tos me Ntsuj Plig seb thaum twg nws mam rovqab los xwb tiag.

Subject: Re: Yog Lwm Tiam Muaj Tiag Thu Sep 30, 2010 1:34 pm

Love by chance. Meet by faith. Knowing you by trusting you. Meeting you is my destine. I will never regret.

Subject: Re: Yog Lwm Tiam Muaj Tiag Thu Sep 30, 2010 3:16 pm

Wow, yeebtsim...
hais tau zoo ua luaj li ne. Xav kom yog kuv xwb mas yom os.
Yog kuv yog tus neeg ntawm mas yuav zoo siab heev li.